Monday, January 29, 2018

買入亨得利3389的幾個理由



偉哥投資手札
http://hkstockinvestment.blogspot.hk/search?q=%E4%BA%A8%E5%BE%97%E5%88%A9


一. 張金兵持受已經去到 9.67%, 成為第二大股東
二. 亨得利的NAV 大約值一蚊
三. 張金兵將奧立仕轉左俾何敬民
http://www.finet.hk/Newscenter/news_content/59f68d08e4b0d1966a2b05b8
四. 張金兵入主創建 1609, 大升
https://hk.finance.yahoo.com/news/1609-%E5%89%B5%E5%BB%BA75-%E8%82%A1%E6%AC%8A%E6%98%93%E6%89%8B-%E5%BE%A9%E7%89%8C%E6%9B%BE%E6%8F%92%E4%B8%89%E6%88%90-022200833.html
五. 股價長期低迷
六. 中再保也脫離了股東行列
七. 一月份突然有大成交

如果要易主, 剩下的只有LVMH和SWATCH 了。一齊都係靠估,只易小注怡情。



主要股東
股東名稱 持股量 總股本 日期
張瑜平 1,581,340,501 33.08% 31/12/2016
張金兵 452,968,000 9.67% 19/12/2017
The Swatch Group 437,800,000 9.16% 31/12/2016
LVMH Moet Hennessy Louis Vuitton SE 283,636,400 6.05% 31/07/2017

Thursday, January 25, 2018

1132 橙天嘉禾派發特別息後的估值

二當家太懶了, 係時候幫自己既持估重新估值一下. 以下計算係非常粗疏, 計算方法是參考偉哥的文章, 當然用PE10 去做 VALUATION 其實真係好低, 爛橙用 10億買入每年約6000萬額外的收益 (P/E 約 17倍), 而且拎到全數100% 的持股, 可以想像到如果全數賣盤個價應該會更加好。

不過呢D 都係靠個估字, 對早入市的投資者黎講, 收左兩次特別息 0.6 (0.351 + 0.253) 已經非常和味, 就算坐貨都應該坐我非常安樂。

P.S. 今日 1132 咁O岩又係 0.6................


已發行股
               2,743,369
/1000
現金
                   152,320
2016 年報
賣出中國業務
               3,500,000
償還銀行債務
                 (585,001)
派出特別息 (2017-08)
              (1,000,000)
收購嘉年華影業有50%
              (1,006,000)
特別息 (2018-01)
                 (708,316)

                  353,003
每股估計剩現金價值
                         0.13
分部報告 - 綜合
報告分部收益
               2,188,580
2016 年報
報告分部溢利(虧損)
                     56,588
中國內地部份收益
               1,066,476
已賣出
中國內地部份溢利(虧損)
                   (46,188)
已賣出
減去中國部份收益
               1,122,104
減去中國部份溢利(虧損)
                   102,776
稅後溢利(虧損)
                     82,221
20% TAX作參考
收購嘉年華影業 50% 後另外收益
                     60,029
2016 除稅後純利 120,057
溢利(虧損)
                   162,805
稅後溢利(虧損)
                   130,244
20% TAX作參考
剩餘業務價值
                         0.47
PE 10 去作估價
剩餘業務價值 + 現金價值
                         0.60


偉哥 - 橙天 RELATED
http://hkstockinvestment.blogspot.hk/search?q=%E6%A9%99%E5%A4%A9

Wednesday, January 24, 2018

牛三來臨了 (標題黨)


二當家早前放了一星期假期外遊, 盡量嘗試放鬆自己及不看各 BLOGGER 的文章及股市。回港後才慢慢追回各人的文章, 誰不知個市已經升到 3萬3 / +8%。二當家的組合仍然大幅落後, 始終佔左一半都係 REIT, 上升動力非常有限, 還望後半年可以追回一點。

二當家本身不相信什麼牛一牛二牛三, 或者應該說我不懂怎樣區分, 標題說牛三來臨了只是覺得牛市差不多到尾聲, 為什麼會這樣覺得呢? 原因有二



  1. 話說二當家係升市中無斬獲, 所以以小注買入未升既板塊, 即俗稱既「追落後」, 我買入既板塊係卷商, 而由於係投機性質, 非常小注, 所以只買入市值最大果隻海通 (6837), 點知今日收入果陣睇番, 6837 已經升左10%, 而第二大既中信 6030 更加單日 10%, 連盲選都升到咁.....
  2. 今日二當家竟然被家人教訓, 話唔好剩係靠打工, 要學下買入「衍生工具同趨勢股」, 2 日搵到既錢等於你一個月人工啦。 如果講搵快錢, 的確二當家無呢個本事, 呢個係同二當家本身既性格膽量有關, 但今日既好景可以維持幾耐呢? 


落雨收傘, 呢個將會係二當家黎緊幾星期既大問題. 究竟有咩收傘既策略呢?  公用股, 債.........

"Be Fearful When Others Are Greedy and Greedy When Others Are Fearful"



Monday, January 8, 2018

Most Important Return Attribute!


聽完黃元山的訪問, 又學到野, keep reminding myself. 期待下一集

以下三個 return attributes, 那一個最重要?
1. Asset Allocation
2. Market Timing
3. Securities Selection

一般散戶都會揀 market timing, 其事實上最重要的 return attributes 是 asset allocation

asset allocation 建議是 30% Properties, 30% Stock, 30% Bond, 5~10% Gold / Bitcoin / Others


如何克服人性, 強制 ASSET REBALANCING, 買ETF, 分斷買入賣出等...


從買禮物看新中產的消息模式

話說二當家係公司幫手搞個 EVENT, 老闆批左 BUDGET 要買D禮物同同事開心一下, 幫公司駛錢我梗係無任歡迎, 而係買禮物既過程入面亦 FEEL 到成個社會真係富足左好多, 多左好多以「中產」為目標既家電。

DYSON 風筒 <- 以前既風筒只係摩打發熱線, 近千既型號已經係專業髮型師用, 主要係風壓強D方便造型。前幾年樂聲出左部納米離子風筒係日本大賣, 要成千幾蚊二當家已經覺得貴, 點知上年 (定前年?) DYSON 出埋風筒, 一個風筒要成三千幾蚊除左無言都唔知可以講咩好。
留意一下同年紀既新舊家庭, 差不多8成都有 DYSON 既吸塵機, 我唔知係唔係真係咁好用(反正我分不出), 但係要用幾千蚊買個吸塵機我由真係唔捨得。(有姐姐果D通常都唔會買, 話姐姐用野好粗)


SWITCH <- 越黎越多人有, 任天堂出既 WII, NDS, 3DS, SWITCH 等都好成功, 而最緊出果部 SWITCH 亦都引左好多平時唔打機既人黎買, 主要都係話朋友黎果陣可以一齊玩, 可以拎出街玩, 等. 到最後有好多都係一個月開機兩三次。 其實有番咁上下年紀既朋友 (尤其有小朋友), 有幾多真係有時間打機呀。 (二當家仲打緊巫師, 打左2年了....)


咖啡機 <- 由STARBUCKS 開始引入既咖啡品味, 一杯咖啡等於一個飯既價錢。而呢股品味仲開始引入家居之中。前果陣子有好多人投入呢個文化品味活動, 學下沖咖啡, 學下拉花咁, 懶既人宜家買部機就可以每日都飲到香濃既咖啡。


按摩噐 <- 幫公司買左小型按摩器送俾D 同事, 但其實越黎越多人屋企已經有張天王椅。5, 6萬一張按摩椅依然大把人買, 屋企得果幾百尺但係都要買張「老連」咁「掗訂」既按摩椅, 夏天坐落去仲要熱到痴肺。乜香港人真係咁攰咩?


Thursday, January 4, 2018

向一個老闆請教成功之路


二當家近日同個客食飯, 個客係幾間公司既老闆, 暫稱A, 二當家當然不恥下問其成功之路

A君一開始出黎做野果陣係做一間細公司, 老闆加伙記加埋至得4個人, A就係其中一間既伙記。間公司係做工程既, 你可以當做係大判。A君係呢間公司打工打左十幾年, 4個人既公司做到過百人, 得到老闆既信任同賞識, 基本上成間公司都係被佢打骰, 而老闆都怕A君走, 所以俾佢入股公司股份。A君話果陣時80~90年代, 佢記得間公司如乜都唔做, 每個月都要搵300萬黎找數, 包括人工, 鋪租, 水電等。到後期老闆想將成盤生意賣走, 佢自己都將手上既股份賣埋, 而自己就同朋友夾份搞第二劏野。

反思: 今時今日係大公司做, 大部份打工仔既上司都係打工作者,大家都係怕咩鑊所有野都議而不決, 決而不行。你表現得再好公司都會限制你人工既升幅。 當然, 大公司既好處係相對穩定, 出雙糧包醫療等, 正所「咸魚白菜, 各有所愛」。

公司賣盤後, A君同友人夾份做建材生意, A君就係大陸買地起廠買機器, 由於之前在相關公司打滾了十多年, 累積的經驗幫助了他不少, 包括人脈, 產品知識, 銷售渠道等。A君不單止把建材銷到香, 更開拓了海外市場, 哪幾年公司的業績非常好, A君手上的物業, 及其他資產等差不多足夠他退休, 直至金融風暴。

反思: 在大公司做, 好多時大家只係負公司一小小部份既工作, 二當家曾經做過一份工作只是做定價, 這份工作全TEAM人已經有10多個人。現今社會中我認識有很多人係連公司既產品, 公司既市場定位都不清楚。

A君說人生遇過最大的挑戰就是在金融風暴, 由於他開拓市場後, 海外客戶已經佔公司一定比例, 而當中以美國為主要客戶。金融風暴後有很多客戶破產找唔到數, CHAPTER11(破產保護)令到債權人追唔到數, 資金鏈斷裂。當時佢可以有兩個決定, 咬緊下關頂落去或者申請破產, 而佢決左變賣自既資去先付給供應商。二當家問A君為什麼不申請破產, 有限公司破產應該不用上身, A君說如果選, 不單止他公的員工有問, 而他的供應商及其員工等也會受影, 牽連甚廣。況假若你選的話就再難係呢行到再立足。

最後二當家向他請教一下投資/買樓心得, A君表示同意誠哥, 自住樓幾時買都得, 最緊要係負擔得起。而最理想的收入供款比例是<40%收入, 而供款年期以 10~15年為最佳 (今日全香都係供緊30)。他說現在的年輕人未試過供樓供15, 未試過無野撈 (或者已經忘記左), 未來最大的危機係來自加按買樓 (一開二), 或者用呼吸PLAN既人, 今日大家都覺得樓會繼續升值, 但係歷史上面無一樣資產係可以長升不跌。






























10年期美債升穿 2.4厘, 股災必然到?


港澳版>財經 上一則 下一則 返回 美10年期債息再度升穿2.4厘 為何要關注?

//回顧兩位「債王」曾警告,投資者必須要留意美國10年期債息走勢。其中「債王」格羅斯指出,隨着時間過去,一旦10年期債息確認升穿2.4厘,就是金融市場災難,股市難逃調整,因這是美國10年期債息30年下降軌關鍵阻力,一旦確認升穿,代表債券「牛市」結束。//


二當家留意多左債既消息, 但又唔係明點解美10年債升到2.4厘就有股災, 最後搵到以下連結有詳盡解釋。

簡單來說是債與股市是對等關係, 當美債 YTM 上升, 代表債被拋售 (債價跌, YTM升), 而資金會由債轉向股市, 當股市被資金追捧達至一個不理性的價格, 股災有可能正在醞釀中。當然這個並非必然會發生的事, 純粹為學習及分享。


美國公債與股市的關連分析











Tuesday, January 2, 2018

記錄一下稅貸2017


二當家今年繼續借稅貸, 主要買 REIT, 定息收入產品, 由於工作穩定, 每月還款額低過收入50%, 無其他欠款,  加上戶口長期有至少 3個月流動資金, 所以風險應該不大。

今年去左中信借, 平息佢寫 0.026%, 但小心要收$2000 手績費, 就咁睇佢平息真係俾佢嚇Q死, 實際 APR 2.12%, 但係呢度係有少少古惑, 因為佢將一個月免息期計埋落去 (左圖), 如果唔計果一個月免息 APR 就大約係 2.46% (右圖), 當IB 借美金都要 2.92% (US$ 0-100,000), 暫時借錢都仲係好平。

上年借東亞, 上年全期利息都要 $2880, 平息 0.12%, APR 大慨 係 0.12% x 12 x 1.9 (係止凡兄到學) = 2.736%, 換句話說今年借仲平過舊年。

來年 P 仔應該要加啦, 今日 1M HIBOR 差不多 1.2%, H +1.4% 已經過左封頂既2.15%, 加息係時間問題姐, 來年唔知仲有冇平錢借 😔。