Tuesday, May 4, 2021

投資日誌 2021/04/30

 

YTD 6.7%

  • 匯君兄個 LIVE 真係好正, 好有 Insight
  • 短炒好過投資, 不過我真係無乜時間睇市
  • 上年都唔覺好多人走, 呢期真係聽到多左人plan 緊走, 當搞到教育, 好多人都覺得無得再忍
  • 走還走, 要走, 首先你要有錢, 除非真係可以容許自己從零開始
  • 香港人走, expat 又走, 有新聞話係宜家係租客市場, 你覺得呢?
  • 中原指數 183, 繼續係高高位
  • 一個月同業拆息... 0.08..........
  • HSI PE 17..........都係高位 wo
  • 匯君兄有講到香港樓市係落後緊, 樓市會否又追落後呢? 落後, 總有原因既
  • 回想上年3~5月時, 最慘係成手都係貨無錢買野, 最多都係低位轉倉
  • 個市創新高既同時, 要keep 番一定既cash, 一錯不能再錯

  •  有危有機, 一堆菁英走既同時, 至有我呢d 非菁英既機會, 這又算否人棄我取呢?
  • 走與不走, 真係個人決定, 有d 人去台灣為完夢, 有人d去英國為教育
  • 有d人去新加坡...為自由? 友人說會考慮資訊流通性及資金流通性, 但大家都知面個套同底果套係兩回事黎
  • 工作開始忙, 根本無時間睇市
  • 有得做, 無得分, 老闆對我唔差, 但絕對唔係好
  • 四月份都係悶市, 少做少錯


Trade:

  • 賣出 148 @ 46.5, 上個月買, 今個月走, 執差不多20%
  • 減持 697 @ 1.75, 財報出左後股價一直向下尋, 減持控制特險
  • 賣出 ASX @ 8.4, 跟飛兄鳥買, 又係執 20% 就走人
  • 賣出 ERIC @ 14, 11蚊買入, 執夠兩成多就走人, 增加 CASH
  • 買入 9988 @ 232, 希望壞消息出盡, 補回少少貨
  • 買入 ARKF @ 54.2, 買入少少未來股


Top 10 Holdings

Symbol

Description

Gain/Loss

% of Portfolio

TSM

TAIWAN SEMICONDUCTOR-SP ADR

2%

9%

9988

ALIBABA GROUP HOLDING LTD

-6%

6%

MCHI

ISHARES MSCI CHINA ETF

-5%

4%

ARKF

ARK FINTECH INNOVATION ETF

-6%

3%

1883

CITIC TELECOM INTERNATIONAL

10%

3%

MDT

MEDTRONIC PLC

12%

3%

535

GEMDALE PROPERTIES AND INVES

-8%

3%

FFC

FLAHERTY & CRUMRINE PREFERRE

-1%

3%

PDI

PIMCO DYNAMIC INCOME FUND

9%

3%

697

SHOUCHENG HOLDINGS LTD

-23%

3%

Top 10

41%

Cash

17%


Monday, April 19, 2021

做領導, 能講真說話嗎?

 

以前二當家做打工仔, 見到班老闆成日講願景, 頭果幾年我都仲信, 但到近來幾年越來越唔信。

二當家宜家由打工仔升呢做中層, 亦都開始學習做領導。讀過business 既人都應該會聽過, 好多人會講 Manager 同 Leader 既分別, 現實中好多人都做緊 Manager 而唔係 leader。 簡單黎講 Manager 既工作既管理, 執行, 減低風險, 例如係工廠內, 你要管工人, 要用好多規例同限制去控制生產, 亦要求工人們跟從 SOP。


但由於商業環境唔同左,部份公司曼主要資產就係人才, 例如科技公司入面既程式員, 又或者不客易被取代既職位, 要留住呢班人, 再用以前既方法已經唔 work, 所以Leader 變得重要。Leader 其實唔係咩新野, 有打開波既都知一隊波入面有個好既隊長好緊要, 好既隊長可以凝聚共識, 鼓舞士氣, 令團體氣氛加強, 增加歸屬感等等。 要做到以上既野, 當然唔係咁容易, 最緊要一樣野係你D teammate 信唔信你。


在學領導的過程, 有兩樣東西對我來講是非常深刻, 第一是 「坦率」, 第二是  「傳遞積極信息 」。呢兩樣野其實有時會有衝突, 例如上年疫情下, 二當家已知道公司會受到非常大既撞擊,  如何可以又「坦率」咁「傳遞積極信息 」呢? 公司 lay 唔 lay 人都唔到我話事, 我只可以盡力地去保住佢地份工。


二當家覺得做領導最重要既係 vision, 二當家好多時都係睇緊 2~3年既轉變, 相比起大環境, 公司內部既轉變比較係可預查。 CEO 成日都講, 我地對今年既情況係非常樂觀, 又打緊疫苗, 但事實上有睇國際新聞既都知現實未必係咁, 再重新開關可能至少仲要多一年時間。而且在兩岸三地既奇怪政策下, 台灣其實係被邊緣化得非常厲害, 我望住班同事, 總希望佢地俾多D心機增值自己, 否則時候一到我都保佢地唔住。


到最後, 做領導, 能講真說話嗎? 二當家的答案係 Yes & No。 

點樣傳達資訊係大學問, 二當家相信寧願唔講, 都唔講假話。好多人都聽過 「It's not what you say it, it's how you say it」, 做到呢點為小成, 再高一級就係預計埋聽眾既感受同反應。

真說話要講, 但不能全講, 要講能幫助到團隊的話。而二當家最討厭就係話中有話既領導, 擺明就係要你猜忌, 對間公司又唔健康。最近睇緊套大陸劇, 當中一段就將呢種「話中有話」發揮到淋漓盡致。

郭将军帮圣人传话,名为训斥,实为教育_腾讯视频 (qq.com)

劇情係咁, 主角係太子黨既一員, 有日皇上身邊一個公公傳話俾主角, 主角聽完果陣以為係皇上嘉許, 公公解釋後才知話中有話。

皇上原本既說話係咁:

聖人言:「李必忠心辦事, 一心護大唐子民平安, 今日受了委屈, 我已經知道了」 


而公公既解釋係:

「李必忠心辦事,  (忠心為誰辦事, 皇上? 還是太子?)

一心護大唐子民平安,  (你置皇上既安危于何地?)

今日受了委屈, (誰委屈你了? 是不是主角辦事別人便干涉不得)

我已經知道了 (有些事, 不管你上不止奏, 皇上也知道)」 


Thursday, April 8, 2021

談「優勢」



信報 英眼狙擊 輸得起才落注 以耐性博回報
Bill Hwang Had $20 Billion, Then Lost It All in Two Days

最近黃國英又被訪問,  雖然黃國英係串串貢, 但二當家覺得佢講野都老實, 至少感覺到佢係由心出發。今次個訪問到, 二當家又係個訪問到學到野。

黃國英將 Bill Hwang 同漫畫/動畫/電視劇 <狂賭之淵> 拉埋一齊黎講, 談到「優勢」呢件事。就 Bill Hwang 黎講, 他絕對有資金上優勢, 根本唔駛槓到咁盡 , 令到自己無得翻身。同樣, 有D 人係有時間優勢, 即係可以坐股票或者挨價。知道自己既優勢再配合上對認既行動才是投資既上策。

有資金優勢既, 可以控制注碼拉長戰線。作為老散, 優勢當然係轉身快, 無跑業續既負擔。但係老散既劣勢亦非常多, 例如資訊既不對稱, 未必個個都係全職睇市, 資金限制, 心理質素等。所有老散(即二當家)係市場上輸多贏少。 當然, 有不少散戶係可以贏到市場, 例如幾位 Blogger 本身都係從事會計及分析等行業, 算得上半個行內人, 又或者醉心股票, 可以日睇夜睇股票及新聞, 再加上自身既投資經驗, 轉變成對市場上既感覺 (即盤感)。

黃國英亦講有D人就係鐘意賭運, 賭運唔係問題, 但係要知道自己做緊乜, 要控制注碼及風險。唔好以為有人可以一世好運。他自己都笑說, 好多人成日問佢 Bill Hwang 爆煲後會點, 佢都話自己又唔係先知, 點會知咁多, 今日既金融市場複雜到一個點, 相信無任何一個人可以準備預測到每個事件後, 會發生D 咩既後果, 如果有人可以準確預測, 佢都唔會講俾你聽。

黃國英將投資比喻為籃球賽, 籃球賽每次都係大比數, 可以係險贏, 亦可以係大勝, 但要完封對手就無乜可能。


二當家只係一般既老散, 有份正職, 收入尚可, 亦知道自己興趣並非投資, 所以要找尋一個合適自己既投資方法, 先要搞清楚自己既優勢, 劣勢, 才可搵出致勝之道。


Spotify 加價


 

一直以來, 二當家都係 Spotify 既忠實客仔, 用緊 $88 Family Plan 同屋企人一齊用。

有日幫香港張信用咭交咭數, 發現 Spotify 悄悄地已經加左價, 由 $88 加到 $98。翻查下, 竟然發現台灣個 Family Plan 只係賣緊 NT$240 ~ HK$66, 仲平過未加價之前 😨

要享受台灣價, 只要上番 Spotify 官網, 係付費方法到改地點及信用咭資料, 綁番張台灣信用咭就搞掂, 唔知D 歌單有幾多唔同呢...




Monday, April 5, 2021

打工仔記事: 敗走台灣之後...

 


不知不覺, 二當家來台灣已經快兩年。三年既合約去到最後一年, 兩個老闆都開始問下我未來想點。自己都算幸運, 兩個出名麻煩既老闆都算對我好好, 在我任內亦無大事發生, 算是在自己的profile 上寫下一個不錯的記錄。


二當家的下一步, 其實選擇不多, 選項有以下 4個。

留在台灣發展

如果從錢看, 留係台灣打工唔係一個好選擇, 雖然二當家在台灣叫高人工, 但係比係香港既薪資水平都只係算一般, 要再加薪, 就要再上一級, 而二當家係台灣再上就要去到 C Suit (唔係二當家高級, 只係呢到 Market 太細, Layer 簡單好多). 學做一個 General Manager 固然好玩好多野學, 但壓力都唔細, 尤其台灣近年被邊緣化得好緊要, 在工作上唔算係一個好既選擇。

就個人黎講, 台灣生活舒適, 只係二當家未到退休之齡, 又有排都未搵夠退休。又再再者, 就算二當家打多幾多年工, 係台灣都拎唔到 PR, 投資移民呢條路宜家又唔多清晰, 不如去闖多兩轉。台灣對二當家黎講已經係 comfort zone, 留係到梗係無問題, 但要再上就要自己再搵野搞。


去新加坡

去新加坡可以算係咁多個選項中二當家最 prefer 既一項, 但亦係最多人爭既一項。首先, 新加坡係一個以英語為主既多元文化地方, 如果係果邊做野在自己既履歷上算係一個很不錯的 record。就人工來說, 香港人工比起新加坡多少少, 但係新加坡既租金就相對平一截。 如果由台灣過去, 人工再調整洗費又無大增的話, 儲到既錢會更多。

就個人來說, 如果以政治環境黎講真係無野好講, 個個都知道, 新加坡談不上一個自由既角度, 但人民生活尚算不錯。天氣一年四季都熱, 平均溫度成30度, 新加坡地方極細, 平地一塊, 搵個山爬下都無。而食物方面, 新加報有大量華人, 馬拉, 印度等, 所以我完全唔擔心。打工仔如果拎住 Employment Pass (EP), 好似半年後就可以申請 PR, 但係多數人都建議至少 stay 兩年先, 不然好易 reject. 二當家其實最怕新加坡悶, 地方細細又無乜文化活動, 日日都熱到 hihi, 但如果以生活計確實係不錯。


回香港發展

其實香港本身個地方真係好特別, 面向世界, 背靠祖國, 又無天災, 二當家既家人朋友都係香港, 最緊要係唔駛重新適應, 大當家都可以搵番自己既 social life. 就錢而言, 二當家雖然在海外拎唔到 Expat Package, 但都有 compensation, 如果番香港, 會否又減番果部份? Let say 加我人工 15%但要我番香港, 其實真係一D 都唔吸引, 因為香港既生活指數真係好 X 高。

就政治而言, 二當家反而唔太擔心, 因為無下一代, 我地呢代人既思想已經構成左, 要改變真係好難, 身邊D 朋友走, 好多時都係為左小朋友。但因為社運, 加上社會氣氛問題, 越黎越多人出走, 越黎越少外國人想黎香港打工, 所以呢D咁重要既位至輪到到我。

老闆當然想我番香港, 一黎我非常熟悉班同事, 二黎分分鐘最後得我一條友睇晒香港/台灣。二當家自己就唔太想番香港, 因為已經出走左, 就想睇多幾眼外面既世界, 昨日離開香港既原因, 今日都唔見得有改變。但番香港呢個選項可能係最有機會實現既選項。


回大陸發展

大陸呢個 market 係我公司黎講係發展得最大同最快既 Market, Market Size 已經超過左 APAC 既一半, 呢個亦都係全公司高層都會昅住既地方。而人數方面, 大陸條team係香港既一倍有多, 台灣既十倍。所以應該有排都未論到我, 又或者只可以做過 City function head, 做唔到 country function head。 講錢, 大陸既 Budget 應該絕不成問題, 完全唔擔心。至於生活, 大當家會比較擔心, 始終會對國內有種種戒心, 例如安全, 食安, 網絡等, 而二當家就唔多擔心, 又或者咁講, 唔擔心得咁多, 對二當家黎講, 番大陸又唔係安老, 純粹搵食。



Thursday, April 1, 2021

投資日誌 2021/03/31

 

簡單回顧一下, YTD +5.1%

  • 首程出左業績, 其實個 result 同預期差不多, 等緊年報可以睇多d details
  • 之前講個債息修正估價好似完左咁, 中間走左 ARKG, ARKF, IGV, 現時 10年債 1.72%, 30年債 2.38%
  • 最新既風向係, 如果美長債息口高企, 引致資金追捧美元, 小心新興國家債務危機
  • 拜登既加稅時間表無料到, 繼續升升升
REIT
  • K2LU Q1派息 0.0082, Last Q 0.0210,  Last Y 0.0137, TTM Yield 7.15%
  • SV3U Q1派息 0.119, last Q 0.110, Last Y 0.0093, TTM Yield 7.33%
  • O5RU Q1派息 0.0205, Last Q 0.020, Last Y 0.025, TTM Yield 6.24%
  • P40U 年初派息 0.0188, Last 1/2Y 0.007, Last Y 0.0113, TTM Yield 4.61%
  • BTOU 年初派息0.0259, Last 1/2Y 0.0305, Last Y 0.01 , TTM Yield 7.73%
  • Morningstar | Empowering Investor Success
CEF
  • 收到 DHCNL 派息 (定息)
  • MMU, Discount -6.68%, Rate 3.93%, lv 28.77%, Fee 1.76%, No ROC
  • PDI, Premium 14.34%, Rate 9.4%, lv 43.39%, Fee 3.72%, No ROC
  • FFC, Premium 13.46%, Rate 6.61%, lv 32.76%, Fee 1.66%, No ROC


Trade:
  • GEO 5 7/8 01/15/22 - Full call, 得番隻 GEO 5 1/8 04/01/23 
  • 減持 1238, 終算守得雲開, 剩下既 1238 放紙鳶
  • 買入 148 建滔集團, 我係跟風 Billy 哥. 末期息 2蚊, 全年派 2.28, 買入價 38.75, 短線
  • 買入 1883 @ 2.64, 高息防守, 想繼續增持
  • 買入 3033 - 南方恒生科技 @ 8.33, 唔識買科技股, 買下 ETF 平衡下風險
  • 買入 ARKF - Fintech, 55蚊跌到52蚊斬, 51蚊再入
  • 買入 MCHI, 中國國運股
  • 買入 TSM @ 119, 護國神山


Symbol

Description

Gain/Loss

% of Portfolio

TSM

TAIWAN SEMICONDUCTOR-SP ADR

4.29%

9.42%

697

SHOUCHENG HOLDINGS LTD

-10.58%

4.85%

9988

ALIBABA GROUP HOLDING LTD

-8.71%

4.51%

MCHI

ISHARES MSCI CHINA ETF

-4.57%

4.34%

535

GEMDALE PROPERTIES AND INVES

0.82%

3.54%

1883

CITIC TELECOM INTERNATIONAL

7.66%

3.29%

ERIC

ERICSSON (LM) TEL-SP ADR

10.68%

3.15%

FFC

FLAHERTY & CRUMRINE PREFERRE

0.28%

3.11%

PDI

PIMCO DYNAMIC INCOME FUND

6.80%

2.99%

MDT

MEDTRONIC PLC

1.12%

2.95%

Top 10 Holdings

42.14%

Cash

9.20%



Sunday, March 14, 2021

達哥! RIP


 

大當家跟我也是看周星馳的電影長大的, 記得小學便看<整蠱專家>, 到現在還記得中段的歌曲怎樣唱 ...「我要努力向上,不枉諸君期望...」

「沒有周星馳, 就沒有吳孟達? 還是沒有吳孟達, 就沒有周星馳?」其實現在都不緊要, 達哥在我這一輩中絕對有相當的地位, 他演活過的角色多不勝數, 包括曹達華、包有為、三叔...當然還有二當家。他的作品帶給了香港人很多歡樂, 希望他可以安息! 

再見了達哥!