2026 第三季季結

 投資

除咗月供之外，手上仲有兩三隻作為 speculation 嘅投資物， 包括咗半年結嗰陣寫嘅 DUOL 及後來買入嘅1299. 自己嘅 DCA 月供指數，目的係為帶來穩定性，及慢速增值。雖然都有賺，但遠離我嘅目標都仲有一段距離。 暫時希望輔以 speculation 去達到每年的目標。 當然，speculation 一定有風險， YTD 最高峰達到 +10%, 但呢一刻只係 +6.4%. 

樓

終於收咗樓，最近幾個月都係搞申請按揭，同文件嘅嘢。香港買樓真係好方便，只係需要用WhatsApp, 搵律師，搵經紀，搵按揭轉介，搵銀行。。。大部份工作都可以網上搞掂，除咗有幾份文件要真係親身去 簽名外，大部份嘢都可以遙控完成。

下一步就係搞裝修，相信係我人生結婚之外，最大嘅一個「個人項目」。當年結婚，目標好簡單「慳住做」，成件事都要控制成本。 今次裝修就為自己同屋企人，盡量滿足我哋嘅生活需求。雖然唔可以話不計成本，但自用嘅嘢就以適合自己為優先。

啱啱拎咗報價，拼埋幾間嘅價錢，可以爭 >20%. 用啲咩物料，用啲咩品牌，已經有極大差距。可以喺淘寶貨，亦可以喺大廠貨。一般人唔係行內人，就真係只可以靠個信字。仲有手工，裝修嘅sense, 等等都唔喺價錢內反映得到。好彩有熟人介紹，我都唔使好似隻盲頭烏蠅咁樣自己撞嚟撞去。

健康

話咁快又到第三季，又係時候做body check. 身形暫時保持適中，體重亦沒有繼續下落。 今次我脂肪肝數值會好影響我以後嘅生活。 或者，可能，有機會。。。我要減少我酒精嘅吸收量。。。。

育兒

小當家返咗新學校之後，因為要變咗做早起身。成日一起身就話唔想返學，搞到我都有少少驚，怕佢抗拒上學。 但問佢返學開唔開心，佢又話好開心。 小當家都係慢熱，暫時第一個月都係觀察為主，學校進度亦冇我想像中咁進取，反而有陣時聽同事講，佢哋仲緊張過學校，例如覺得佢哋教得唔夠深。。。我暫時都係希望以興趣為先

工作與AI

工作上其實都穩定，但要處理自己嘅情緒問題。用左 AI 做 coach 後，其實認識多咗自己，知道自己嘅一啲想法或者偏好。 AI 亦都會提醒我一啲我睇唔通透嘅位。 AI作為工具，其實最重要就係設定一個方向及目標，你可以要求佢安慰你，你可以要求佢帶領你進步，你亦都可以要求佢鞭策你，甚至乎帶來更負面的想法。 正如「刀」一樣，可以用來分割東西，亦可以用來傷害別人。所以最恐怖的是用他的人，工具本身應該是 neutral. 

暫時我設定了三個Agent, 一個負責我的財務及投資，一個負責 coaching, 另一個就是我日常的秘書。

AI 帶來了方便，但亦因為方便，有陣時會輕視了作出決定後帶來的影響。到最後，決定的是我，負責任的也是我。 當AGENT 準備了proposal ABC給我選擇，而我也樂於在三個當中選擇一個，而不再花多些腦袋去選擇第四個方案，有時我真的會再想一下這個真的是進步嗎？

2026 半年總結

 

Symbol	Description	Gain/Loss	% of Portfolio
TLT	ISHARES 20+ YEAR TREASURY BD	1%	20%
DUOL	DUOLINGO	-1%	19%
SPY	SS SPDR S&P 500 ETF TRUST-US	9%	16%
IEI	ISHARES 3-7 YEAR TREASURY BO	-1%	8%
QQQ	INVESCO QQQ TRUST SERIES 1	21%	7%
2800	TRACKER FUND OF HONG KONG-B	-9%	6%
GLD	SPDR GOLD SHARES	-7%	4%
DBC	INVESCO DB COMMODITY INDEX T	18%	3%
DISH 7 3/4 07/01/26 XAY1	DISH 7 3/4 07/01/26	2%	2%
ETHA	ISHARES ETHEREUM TRUST ETF	-36%	2%
Top 10			86%
Others			3%
Cash			11%

又懶左半年無寫BLOG，係時候更新一下

AI, LLM, Openclaw

要講上半年對二當家黎講最大的改變, 一定係 AI agent 對我生活既影響。

係勁人谷, 有陣時大家既價值觀真係好唔同, 二當家係計死數d人。但係谷內有其他人對錢既 concept 好唔同, 佢地覺得有用就用, 唔係點睇價錢。有個谷友一直分享佢用 openclaw 既心得, 搞到二當家心思思, 所以二當家就係新年前後買左 mac mini 及 setup左 openclaw - AI agent. 

自此之後, 二當家就花左d 時間去理解不同的 llm, openclaw 的運作原理及其限制。Opus, Sonnet, GPT, Grok, Minimax, Deepseek, etc.......我個人覺得一個個人化既 AGENT 真係有唔少好處, 除左安全性, 最主要係佢理解你既現況, 例如我其中一個應用既地方係 COACH, 二當家打緊工既公司以往都有安排過 COACH 俾我, 但都係5~6個 SESSION, 單單係講個問題/人事架構, 可以都已經用左 1~2個 SESSION. 但宜家有 AI, 佢可以先理解左我個公司架構, 我遇到既問題, 再根據佢對我既認識幫我分析策略, 又或者好簡單咁聽我訴下苦, 單單呢方面已經慳唔少錢。 同埋AI AGENT 係 7X24, 你真係想幾時搵佢就幾時搵佢。 

但用 AI 唔係萬能, 試過無數次佢答左一D 垃圾出黎, 又或者係憑空作D 野出黎, 所以如果真係要用, 最理想既係已經有相關既知識, 又或者識反問問題, 如果全盤接受, 有陣時真係可以好危險。

投資

YTD+1.64% 

* Withdraw 左舊錢俾首期

最高果陣 +4%, 但呢幾日市場回落, 得番丁點兒既升幅。大方向無變, DCA + ETF, 但係我都要誠實咁面對自己,我係有 TIME THE MARKET, 例如之前加倉TLT 及以下兩隻 DUOL, ETHA。 

DUOL - 突然成為第二大倉, 買入價 @ 11X。呢隻係谷內有人提起, 用埋 ai 分析, 覺得係 undervalue。 講真, 呢個係 crazy blind bet, 個 report 話 under valuelation, 就算係 worst case scenario, 個價應該高過 11x。 upside 既機會大過 downside, 所以我至下注。

而 ETHA 就係更早前買入, 注碼不大, 純粹係對新技術 (雖然都唔新) 投下一票。

工作

工作壓力大, 大到我周圍同人呻。雖然有  AI 聽我呻, 但都唔夠, 有時要約米兄出黎傾多兩嘴至得。而其中最大既原因係 JOB SECURITY 既問題, 身邊有幾位同事都「被」提早退休, 對我黎講係一個 alarm, 令到自己既 panic mode 出現。

關於工作, 要講真係好多野講, 但D 負能量都係留番俾我既朋友。

肓兒

小當家快3歲, 佢個 n 班都就快完, 已經開始幫佢搵暑期既興趣班。 因為怕得佢同姐姐日日係屋企, 悶都悶到佢傻。 至少迫姐姐帶佢去外出, 學一樣新既野, 見下人。 n班個老師話小當家樣樣都好 (我估個個都係咁講), 但就係好痴大人, 痴父母, 痴老師, 反而少主動同小朋友玩, 希望興趣班可以幫到下佢。

9月就入 k 班, 又係另一個新挑戰。

健康

繼續進行 ABOUT HEALTH 既建議, 我並唔係GOOD STUDENT, 只係跟住個 core principle 做, 體重其實高位已經減左 15lbs, 但bmi 又好 (23 now), 內臟脂肪又好, 都仲係偏高。所以就想係6~8月份, 黎多次嚴謹執行, 希望係9月份果陣再做 body check 既時候有見到明顯改善。

買樓

講買樓講左好耐, 由年頭等盤等到年中, 睇中個屋苑有盤又唔O岩價, 最後左諗右諗, 轉番去睇市區盤, 係6月份終於決定去馬。 但係由年頭至年中,已經升左一大截, 同米兄傾開, 佢既思維真係好清晰, 「沒有完美的決定, 只有最好的決定」。二當家有陣時就係會卡左係 optimal 呢隻字到, 又想低位買入, 又想O岩自己, 又想容易賣出, 好多野想。但如果拎晒D criteria 出黎比, 有d 乜野係最緊要? 時間, 家人, 心情, 定係 social class或 別人既想法等重要。 最後我揀左個方便好番工, 方便我個囡番學, 方便我地所有人, 雖然唔係完美, 但可接受。個價係貴, 但我地又有要求, 太細唔得, 隻積唔好又唔得, 低層又唔得, 所以睇得上眼既其實真係唔多, 暫時叫左完成左個 TASK (搵樓), 接下來係按揭, 收樓, 裝修等。 既緊張又興奮, 終於有自己個屋企啦!

Others

New Fed - 新官上任, 搞下D 新花臣, 係鷹定鴿都未知, 但油價已經去番 70蚊左右。

Worldcup / GTA6 -千呼萬喚, 可惜與我無緣, 我既時間都俾晒小當家，送番首歌俾自已 （世界盃與我無關）

生活

其實生活就係綜合以上各點, 日常都係番工放工, 多左小當家後生活重心 SHIFT 左, 少左自己時間。 工作上仍然煩忙, 尤其係人事問題, 但我走既係非專業性路線, 所以一係就管人, 唔管人人工就好難去到呢個位。 因為工作壓力問題, 加入左一個 Therapy Group, 好得意既係個谷入面有 2個 AI AGENT, 第一次用呢個形式去接受輔導。

有空再分享我的AI 及買樓經驗

2025 年回顧 - 選校之年

 

收入

• 主動收入：按年增加16%，二當家已經到左打工仔既樽頸位。呢個世界上雖然有上千萬年薪既打工仔。但作為平常人，我諗己經到左頂，就算有機會再上，都要身體上、心理上、時間上、抗壓能力等READY至再上。倒如做人肉錄音機，你估易架，要俾人日小夜小，要令到自己完全無晒感覺，都要有咁上下修為至得。
  
  
• 投資收入按年增加5%，詳情請看投資成績

支出

• 總支出按年增加31%
  
  
• 一般洗費：按年增加58%，當中最主要係多左N班既學費，計埋雜費一個月多 7K 左右。仲有搬屋後停車場又貴左。唔想做窮中產，下年要做 COST CONTROL 減少洗費。
  
  
• 信用咭按年增加左9%
  
  
• 家用：按年增加30%，因為上年請左姐姐，今年有FULL YEAR COST IMPACT, 但總額仍低於係台灣果幾年
  
  
• 租金： 按年增加34%，為左近阿囡番學，由新界區搬左入九龍區。人生第一次住九龍區，方便真係方便，番工30MINS，每程慳左15MINS。最緊要係面試期間D時間方便左好多，例如係九龍區 IN 9點鐘，我可以8點半至坐的士去，如果係新界就可能要預個半鐘前出門口。當初租呢度，其中一個諗法係都係校巴都要2千幾，不如住近少少學校，因為K1 都預咗係九龍區讀，最終都無乜後悔。
  
  
• 非經常性開支：按年增加31%，當中包括
  
  
• 交稅增加17%，寫文時已經知道下年要交既稅額，仲有多無少 😔
• 其他非經常開支增加59%，年初有買 LUXURY GOOD，有部份係大當家既藥錢，另外就去左4次旅行，年初去滑雪，年中去沖繩，台灣及年尾去越南。藥錢可以CLAIM，但每年墊低費都要40K，公司保險CLAIM 藥費只係千幾多蚊，即係自己都要俾3萬多。來年已經決定停買LUXURY GOOD，因為小當家已經足 2歲，再去旅行就要買多張機票。

利潤

總收入-總開支 = 利潤按年增加 5%

如果只計算「主動收入」, 主動收入-總開支 = 利潤按年增加4%

利潤率由51%下降為45%, 係租樓, 暫時都維持到二當家既目標 45%以上，但已經去到臨界點。

NAV 按年增加28%，仍然係高速增長中 （上年係41%） 

投資表現

YTD ＋8.32%

我知道大把師兄姐都雙位數增長，但係過半空倉同極端保守既情況下，表現係合乎自己既期望。悶悶的 DCA ＋ETF 既STRATEGY好啱我，工作上已經忙到令我無時間望住個市，再加上小當家，我只能用月結既方式去管理自己既投資。

來年計劃

小當家拎到 K1 OFFER 後，暫時可以休息一下，講左買樓N 咁多年，係時候SETTLE DOWN，會再度去睇樓，已經有心水屋苑，只係等啱價同O岩既單位。另外就係 COST CONTROL，小朋友一讀書，開支倒水咁黎，食野又多半份，機票又多一張。暫時所有野都係跟住我個PLAN 去，年尾小當家拎OFFER，年頭睇樓盤，新年前換車 （待定，一換一優惠結束前）。投資上大方向唔會變，只係加多左小小小 CRYPTOC CURRENCY 作為PORTFOLIO 既一部份。

投資日誌 - 2025-10-31 (小當家面試月)

Symbol	Description	Gain/Loss	% of Portfolio
B 11/12/25	B 11/12/25	0%	32%
B 01/15/26	B 01/15/26	0%	17%
TLT	ISHARES 20+ YEAR TREASURY BD	3%	7%
T 0 3/8 12/31/25	United States Treasury T 0 3/8 12/31/25	0%	7%
SPY	SPDR S&P 500 ETF TRUST	15%	6%
2800	TRACKER FUND OF HONG KONG-B	29%	3%
IEI	ISHARES 3-7 YEAR TREASURY BO	3%	3%
GLD	SPDR GOLD SHARES	47%	2%
DBC	INVESCO DB COMMODITY INDEX T	6%	1%
QQQ	INVESCO QQQ TRUST SERIES 1	30%	1%
Top 10			80%
Others			2%
Cash			18%

 YTD +7.1%

• 成個10月實在太忙, 跳左10月既UPDATE
• 首先講自己, 9月底同屋企人去左台灣, 帶埋小當家, 諗左好多唔好既地方, 始終台灣係最 safe 同 family friendly 既選擇
• 10月份仲有 2個 bz trip, 飛左一轉好耐無飛既長途機, 講真, 一d 都唔 enjoy, 咩 class 都係咁話
• 個心勁掛住個囡, 見到佢日日成長, 完全唔想 miss 任何一個 moment
• 10月另一個最忙既就係準備 k1 面試, 二市市當家報左 over 10 間幼稚園
• 以前二當家都係覺得讀書求其就得, 但可能我間公司太多虎爸虎媽, 我宜家都對「教育」有另一個體會
• 最簡單係分別就係朋輩影響, 但係呢個 topic 可以有排講, 等有 offer 再算
• 
  
• 投資繼續嚴守紀念, 記得年頭自己有講金價新高, 自己都高位怕大跌
• 但怕還怕, 最後都係繼續升, 升到你驚...
• 如果無每月投入, 以二當家既個性, 一定會miss 左今次既升勢
• 美國減息已經係大方向, 問題係減到咩位, bond rolling 下年應該無乜肉食
• 二當家宜家個 plan 就係等 k1 offer > 確定住邊區 > 買樓 > 裝修
• 錢就 ready 既, 過埋年尾應該更加鬆動
  
  
• 雖然宜家收入好好, 但工作壓力都好大
• 二當家既工作要對人, 要有 tough conversation, 有陣時d target 都係上面放落黎, 我地要 execute
• 但係又要過到自己良心, 唔想放工俾人打
• 心態要努力調整, 同時工作上有太多既爾虞我詐要非常小心咁去處理