Thursday, May 19, 2022

把凱利公式用在人生規劃

 


記得自己畢業沒耐, 就成日聽到人地到我講要 develop 我個 career, 初出茅蘆既小伙子, 點會知咩係 career 呀, 但二當家好早就決定將事業同興趣完全分開。

現今世代, 乜都可以成為職業, 電競選手, KOL, PT, 每個人都對成功既定義有不同解釋, 對我黎講有個單位正常收入就夠, 但有些朋友可能要大富大貴, 想做到大劉咁, 又有D人出身已經有層樓, 成為人生勝利組。


二當家成立這個「理財」日誌, 原為糾正自己投資上既錯誤, 但慢慢也將自己的人生規劃寫左起個BLOG到。近日朋友問我, 美股港股大跌, 有冇走貨, 二當家直答話「無」, 基本上今年我連股市年報乜都無睇, 友人又說「咁點得架, portfolio 係要 manage 架」, 二當家又輕輕問佢「咁你賺定蝕?」朋友一臉無奈「蝕少少囉」, 如果朋友說的manage portfolio 係指 time the market, 我諗我係極度失敗, 但如果為了儲資產, 可能宜家係一個合理既時機, 但最終還要認識資產本身的價值, 所以二當家近來都佛系左, 如果二當家的3大 (TSM, 9988, 700) 都係買錯既話, 我只係望佢唔好執笠, 只要唔執笠就仲要番身之日, 至於幾時, 真係木宰羊。但如果呢3隻都唔掂既話, 其它中資就梗加唔駛掂, 前陣子一堆人轉戰美股, 最後又係碰到一鼻子灰。

在概率論中,凱利公式(英語:Kelly criterion、Kelly strategy或Kelly bet),也稱凱利方程式,是一種根據賭博贏或輸的概率,計算出每次下注的資金佔所有賭本的最佳比例的公式

每個人對 Career 既解讀都唔同, 有人想成為投資達人, 有人想創業, 但更大部份既人都係打工仔, 為兩餐挨騾仔。二當家都係打工仔, 3年前離開香港, 原因之一為改善生活, 原因之二就係對事業有幫助。對二當家黎講, 去台灣既獲勝率, 賠率都係無得輸 (有人工加, 但唔高), 而且有不錯既潛在回報 (移民, CV靚仔, 再上既機會)。 當然凡事有得失, 壓力大左, 少左大當家既收入, 最後 household income 少左, 但大當家換來3年時間做自己想做既野。

而今次番香港, 對比起我離台時既收入係 double up, 絕對係蝕頭賺尾既一次。正如我之前所講, 理財有好多面向, 但不外乎「儲蓄>增值>資產配置」 , 我見過好多人講買股票制造被動收入, 但最後做到既人又真係唔多。而流動性最差既樓則成為大部份人最成功既投資。「大道至簡 繁在人心」, 禁幾個制就可以幾百萬上落, 可能至係我地既敵人。

最後回到 career, 勁既人覺得佢可以同時間投放落唔同地方, 正職一份, 創業一份, 讀埋書, 生埋仔, 所有野同時進行, 我深信真係有人做得到, 二當家亦識人做得到。但雙修真係唔係人人得, 最好先評估下自己既能力, 二當家天性愛休閒, 每次只能做一件事, 但要把一件事做好, 卻也可以花自己很多時間。有限既時間, 有限既資源, 只能投放係自己覺得回報最豐厚既地方。


Thursday, May 12, 2022

近況 (11) - 放寬從事專業工作港人可申請定居?



移民

近來台灣政府有一項修例「放寬從事專業工作港人可申請定居」原本在5/1上台, 二當家與一眾友人其實都「食住花生」等睇戲, 香港的朋友不斷分享信息問我跟大當家有無機會, 我只能笑而不語。基本上二當家對「疑似放寬」無晒感覺, 每幾個月就一次, 今次講到5/1上台, 連咨詢同審議都無? 最後…….一如所料, 未出台先倒台, 宜家話「短期內重新上路」, 但有四大關卡, 包括「居留審查」、「5年觀察期」、「專案認定」、「國安審查」, 而且係由政府開始受理起計算5年。其實要滲透, 用投資移民都滲透晒啦, 不過我明既, 始終人地有人地既規矩, 群組內有D人好大反應, 但其實我地都係寄人籬下, 唔俾你係道理, 俾你係人情。

疫情


今日 5/12, 台灣報導疫情本土個案每天已達 65,385宗, 再創下新高。台灣政府應該是向著「走向共存」的方向, 只是不能說白。記得香港都係在疫情最嚴重既時候在4月縮減入境隔離天數 (14天 ➔減至7天)。而台灣的隔離政策也一直放鬆, 入境及確診由 10+7 變 7+7 (7天隔離, 7天自我健康管理), 密切接觸者的定義也一直再改, 以不影響經濟運作為優先。


二當家每天都跟不同部門開防診對策, 其實可以做既不多, 因為外面仲係歌舞昇平, 我們只能用排班的方式盡量維持企業運作, 不少小店因為人手不夠而要停業, 好多企業都係見步行步。二當家其實都預左中, 因為香港不少朋友已經中過, 又或者中完又中, 以這個變種的傳染力來說, 除非你住LAB, 否則點防都係防唔到, 只能盡做。

上海走得較前, 跟同事聊了一下, 已經封城了一個多月, 真正的足不出戶, 北京也在今個星期區域性地封, 動態清零定動態封城? Who knows? 但正如前面所說, trade off 黎, 有人覺得封城40多天換來身體健康很值得, 有人覺得自由梗重要, 這個是價值觀的問題。



工作

二當家回港再回台後, 終於收到 offer, 為左確保今次 transfer 合理, 二當家仲上網學下 HR 條數點計, 咩 host approach, home approach, Local Plus, COLI (cost of living index), 做埋 U calculation, 心中有個數目。個 offer 等左 2~3個星期, 中間都有D 緊張, 怕期望過高, 又怕失望, 有希望 out of my expectation. 最後得出黎既結果, 合理, 同我計既數字非常接近, 所以其實HR都係照 formula 輸入數字推結果, 唔好期望佢會考自己考慮太多。職位同人工, 都已經到達二當家人生中既目標, 要我再上我都唔係咁想, 係時候學做個老屎忽。



生活

回台後收到 offer, 又要開始 plan next move. 同大當家傾過, 大家都有不同考慮, 二當家雖然係家庭收入來源, 但我都想大當家可以走自己的路, 有所成就。二當家跟大當家的思想完全不一樣, 我是走理性路線, 認清目標之後, 便衝去做目標, 所有的解釋都係自我安慰 (例如想減肥, 咪食少D野, 做運動, 又話凍又話早又話番工忙, all bull shit)。但這種想法帶來的壓力也很大。而大當家則係感性派, 行動力無咁強。大家互補不足, 希望大當家早日達成自己的目標。


Tuesday, May 3, 2022

投資日誌 - 2022-04-30

 

YTD -9.4%


Symbol

Description

Gain/Loss

% of Portfolio

TSM

TAIWAN SEMICONDUCTOR-SP ADR

-10%

14.2%

9988

ALIBABA GROUP HOLDING LTD

-16%

10.1%

700

TENCENT HOLDINGS LTD

-18%

9.8%

823

LINK REIT

1%

7.4%

1883

CITIC TELECOM INTERNATIONAL

6%

7.3%

659

NWS HOLDINGS LTD

-3%

7.1%

2318

PING AN INSURANCE GROUP CO-H

-8%

5.3%

P40U

STARHILL GLOBAL REIT

-11%

4.4%

697

SHOUCHENG HOLDINGS LTD

-30%

4.2%

MDT

MEDTRONIC PLC

0%

4.0%

Others

31.1%

Cash

-4.80%


廢話不多說, Top 3 holding 都跌到仆直, 中慨股受到封城影響? 定受到中美夾擊? 定係老外資金退潮? 可能以上原因都係。台積電又受到加息影響? 定係停水停電? 定係需求減少? 

今次連芒格都要認輸, 阿里跌破招股價。 二當家近呢個幾月一份年報都無睇過, 所以係無任何話語權, 究竟係價格下跌, 定係價值都下跌呢?