Thursday, March 30, 2017

入左少量太古B 0087, 味丹 2317



尋日入左太古, 我以為會冇乜人吼, 我冇好仔細咁睇國泰年報, 買太古係基於以下原因:
1. 拆讓, 歷史上P/B 應該約0.6, 宜家約 0.5 左右, 以現價13.4, 潛左升幅約30%
2. A股 B 股既折讓, 差不多有5%
3. 國泰對衝應該是一次性影響, 長期黎講應該都係正面
4. 穩定

當然, 味王既分析詳細好多


另外, 入左少量味丹2317 收息, 詳情可以睇偉哥既介紹


[收息股]太古業績 - 味皇
巴黎的價值投資
圖解味丹國際(02317)業績 - 偉哥


Tuesday, March 28, 2017

投資組合 2017/03/29




  • 減持左1848 同 939, 增加左現金比例到 22%
  • 1848 出左業績, 但係我自己覺得麻麻, 之後再 post
  • 搞緊 IB account, 重整一下個 portfolio, 增加 bond 同 REIT 既比例, 希望係4月份內完成
  • 工作上得到老闆賞識, 今年既 BONUS 同 薪金應該都會有調整, 但係公司有人事變動, 未來既日子都唔知, 但係要諗下果筆 BONUS 可以點樣更有效去運用
  • 2 月底果陣去左行神山, 呢個係其中一個自己既 break through, 之前上網預備果陣睇左好多人既blog, 但最有用既竟然係另一個投資blogger - 80後東昇兄!
  • 搵個幾個理財 app 去 manage portfolio, 但係想有埋入帳記錄, 最後發覺最好用既都係 google finance, 但係好似冇 mobile app, 同埋佢個組合新聞都唔多準
  • 另外發現 google finance 係用 FIFO 去計算成本, 例如:
    • 1月1日 買左股票A -  10股@10蚊 = 累計總成本 $100, 平均每股成本 $10
    • 2月1 日買左股票A -  10股@20蚊 = 累計總成本 $300, 平均每股成本 $15
    • 3月1 日賣左股票A - 10股@20蚊 = 累計總成本 $100, 平均每股成本 $10
    • 由於GOOGLE係用 FIFO 計, 佢會顯示我拎貨成本係 20蚊 而非 10蚊 (平均成本)
    • 呢個都算小發現, 因為我自己覺得用平均成本去計算好似比較合理

Thursday, March 23, 2017

寫在 1848 (中國飛機租賃) 出業績前

寫在 1848 (中國飛機租) 出業績前

近呢一星期北水突襲, 1848 升破左10, 1848 好快就出業績, 2016年我估計每股盈利約0.9, 估計每股派息約0.31, 以今日收市價10.48黎計, P/E 大約 11.6, 一般既租賃公司都係得 6~7 PE, 1848 仲係快速增長中所以我會用10~13PE 去估值, 由於已經到目標價, 今日先行放小量鎖定利潤

另外, 由於年初借左200,000, 每個月要還HK$16,906, 總利息HK$2880, 年利率約 2.68%, 雖然自己有足夠現金, 但為左平衡風險, 估先行估出5000 0939, 目標將現金提升到10%左右, 資金可能用黎換馬或另作用途。



1848 - 4000@10.25
0939 - 5000@6.41

Monday, March 20, 2017

窮得只有「錢」 - 副題太古 0087 短評


近來二當家心情麻麻, 無他, 有陣時當個腦係咁浮現同錢, 股票, 樓等好現實既話題就會覺得自己滿身銅臭,但係現實就係咁, 正所謂「琴棋書畫詩酒花,當年件件不離它; 而今七事都變更,柴米油鹽醬醋茶」。

二當家讀書果陣都係有半個藝術家,但係自己屋企唔係有錢家庭,所以出黎做野果陣已經要考慮要唔要將自己既興趣變做自己既工作。要將自己既興趣變做自己既工作其實唔易,因為當你日日都要做同一樣野既時候,好有可能會將你既興趣變做惡夢。以前識得個朋友, 佢好鐘意養貓同影相, 之後機緣巧合下佢幫一本日本既寵物雜誌做攝影師。架仔出左名要求極高, 做左幾年之後佢終於頂唔順, 最後搵左份同影相完全無關既工, 到宜家佢剩係去旅行果陣至影下相。

要日日咁練習一樣野其實一D都唔易, 再加自問自己真係唔算有天份果班, 最後二當家甘心去搵份工, 自己既興趣就得閒至玩下。社會上有D人話年青人買唔到樓係佢地自己問題, 唔夠努力, 唔夠慳, 追夢不切實際。我反而覺得衣食住行係必須品, 而必須品某程度上係要有政府介入去平衡社會需要。你唔可以因為自己既成功而否定別人既努力,有好多人係唔同既範疇上努力, 文學, 音樂, 美術,玩影甚至乎打機, 而「錢」只係其中一個衡量既標準。如果大家都只係用「錢」去衡量一齊, 我相信世界只會收變得更差。

P.S. 太古個業績真係差到呢, 國泰做對沖就好多新聞有講, 但係海洋服務果邊至係重災, 減值減到傻。而最唔明既係每股盈利表年減28%, 但係派息差不多減一半, 莫非真係棄股價於不顧? 宜家最大既投資價值就係大折讓, P/B 差不多去到 0.48 (現價13.58), 呢個又係唔係機會買多少少呢?



Tuesday, March 14, 2017

海外工作? 留港工作?


小弟近來為了自己的工作事宜煩惱, 本身自己係一間跨國公司到做, 宜家個 ROLE REGIONAL ROLE, 但其實唔多OPERATION 野近。我個鬼佬上司同我講要再上, LOCAL OPERATION EXPERIENCE 係好重要, 本身我已經REJECT 左一次, 但係近來因為幾樣野又再考慮番呢樣野。

如果早幾年有咁既機會, 我可能孑然一身就走左去。但係宜家已經有自己個家庭, 雖然未有小朋友, 但都打算會有。加上要考慮大當家既感受, 去到一個陌生既地方, 如果言語不通都幾慘。另一方面要考慮既就係家人, 唔知係唔係香港人既特質,都係特別鐘意痴住屋企, 好似我同阿大當家講話第時買樓會考慮邊區,其實好多時都係盡量靠近父母, 30MINS內到就最好, 宜家你叫阿大當家離鄉背井,近極都要2,3個鐘飛機,遠既分分鐘108個鐘頭機程。

另外就係如果有小朋友, 你想俾一個咩既生活環境佢,我自己都諗左好耐香港係唔係一個好既地方呢? 如果我地住係另外一個既地方會否更好呢?

而小弟點解會咁認真去考慮呢個問題, 有好多大部份既原因係近來香港的氛圍真係麻麻, 又雨傘運動開始,D人既諗法越黎越激進, 樓價又越黎越高, 最慘係法治變差。而公司又有個咁既機會俾到我, 對我既CAREER PATH 亦都有正面既影響, 所以今次至會再認真考慮。

係一個新環境到生活, 唔代表會更好, 尤其係你未真正係果到生活過, 我當初都有考慮過去台灣, 但係對於咩都講效率既香港人黎講係唔係真係適應到?

考慮過既國家/城市

1. 上海, 新加坡, 台灣
2. 瑞士, 法國, 澳洲, 日本, 韓國

唔知大家又會唔會考慮到海外工作呢?


Thursday, March 2, 2017

咸魚番生? - 0869 彩星玩具


話說早果幾日睇報紙, 見到阿孫生個標題咁鬼JUICY 就諗住睇下講咩。原來講既係一間老牌既玩具商- 彩星玩具, 本身係諗住睇完就算, 但我記得應該有幾個BLOGGER 包括市場先生都有寫過彩星集團既文章, 加上彩星玩具O岩O岩發盈警, 所以就諗住STUDY 呢間公司。


老實過, 對呢間公司既興趣真係不大, 加上我對玩具又唔熟, 所以我先由早幾年既年報入手。

間公司係2013~2015果幾年靠忍者龜搵到錢, 股價仲差不多點到4蚊, 每年純利平均有成4億。雖然公司都有派息, 但係仍然揸住大部份既現金, 根據2016中期報告, 公司現金有成10億。




但熱潮過後, 公司D生意又開始走樣, 係2017/2/21發出既盈警中, 收入由15億跌到10億, 純利由2億7千萬跌到得番1億, 個股價由1.3 跌到 1.2 左右。雖然發出盈警, 但係股價相對黎講其實唔算跌好多, 可能本身公司有一定數量既現金再加上公司係呢段時夠裡面做左多次回購, 股價好快就靠穩又上番 1.4。而係2月份既月結表到, 最新既股數係 1,210,000,000, 亦即同 2015 年底相同, 我覺得公司只係想維持個發行量不變而唔係諗住瘋狂回購。

今日既收市價: 1.4 (3月2日)
每股剩現金: 0.73
現金減去負債後每股剩現金: 0.52
每股資產 1.14
預計2016年度每股盈利: 0.08 ~ 0.09
[今日收市價 /  預計2016年度每股盈利] PE: 14 ~ 16

 Year  Avg. Price  EPS  P/E
2012 0.46 0.039 11.98
2013 1.78 0.457 3.89
2014 2.77 0.414 6.69
2015 1.66 0.228 7.25
2016 1.54 0.083 18.62
2017 1.40 0.080 17.50



至於套 Voltron又係乜東東, 原來即係百獸王, 而彩星拎左呢套野既玩具全球既特許權。呢套野有幾HIT? 我只能夠係FB, IMDB, 同 NETFIX 既評分去比一下。

如果以一套翻拍左一季既卡通黎講其實反應算唔錯, 但係個熱潮會勁成點, 我又冇水晶球又點會知。況且就算套卡通片 HIT, 其實又未必代表D玩具都會HIT。不過根據WIKI講, 套卡通第二季係1月份播, 第三季會係9月份播, 睇黎套野至少有一兩年貨仔玩, 玩具賣得最好既時間應該THANKS GIVING 同聖誕, 以彩星過往既 GROSS MARGIN, 加上公司持有既現金, 聽日開市後我都應該會入少少貨, 靜待下年既回報。








金手指:瘋狂撈彩星玩具
http://hk.apple.nextmedia.com/financeestate/art/20170228/19942137
金手指:彩星玩具隨時落鑊
http://hk.apple.nextmedia.com/financeestate/art/20161206/19856055
http://news.toyark.com/2016/10/13/playmates-toys-voltron-legendary-defender-figures-226887
https://en.wikipedia.org/wiki/Voltron
https://en.wikipedia.org/wiki/Voltron:_Legendary_Defender