Thursday, December 26, 2019

2019 我的回顧 (下)





Line = Active Income
Bar = various Spending

以下全為港元

Income Statement

主動收入 growth: +15.3% (加人工)
如果以 GROSS SALARY 計, 新 package 應該係加 18% (after tax +11%), 不過由於係台灣首 183 日內, 出糧要先預扣18%稅, 所以實際所得會少於 18%。另外離港前可預先收到今年的雙糧(1~5月)及年假變現, 最後實際所得人工是 +15.3%。台灣呢邊來年加薪係約 3~4%, 加上外圍環境轉淡, 公司開始要 cut budget, 要再有兩位增幅就要靠其他渠道, 希望生意果陣接到單啦。

被動收入(Div / Interest) growth: +144%
由於今年年中有額外資金流入, 6月左右至開始買貨, 所製造到既現金流不到整個 PORTFOLIO 的3%, 但金額同上年比, 仍然是有增加。最理想既情況係被動收入可以夠出糧俾大當家。

總收入 growth: +22% (不計 MPF 提早提取)




總支出 growth: +50%

支出大幅增加, 主要原因為大當家無工番, 要支一份家用俾佢, 及以前租係平均分擔, 現在要一力承擔, 加埋每月已經要額外多增 HK$15K。
個人支出上年全年 -30%, 黎左台灣後使費的確係少左, 加上無朋友係呢邊, 出街食飯飲酒既次數亦都大幅減少。
一次性洗費亦大幅增加 226%, 當中最主要為 IVF 既駛費及回港既機票酒店。
宜家一出糧, 俾家用, 租金等, 已經無左一半, 而且我仲未開始還樓按本金。😖





Balance Sheet
NAV growth: +69% (上年30%)
睇落好似好勁, 因為有一部份係來自預先取回的 MPF。如果不計 MPF, NAV 增加22%。

Debt / Asset:  1.9 (上年是~1)
看<前人種樹> 系列, 稅貸已經全清, 宜家借既都係樓按, 相對安全。IB 未開始用槓桿。
本金先用放在 mortgage link 內既錢去還, 其餘部份放係 IB 內製造現金流。




Profit Margin (net profit / total income): 23% (上年 44%)
每搵100蚊, 可以儲到23蚊, 入息還是高於支出, 但儲蓄能力減低。
下年希望可以收入, 並維持到儲蓄率 35% 以上。

ROE: 13% (上年21.6%)
ROA: 6.8% (上年20.8%)


財自
被動收入/總收入: 10%
被動收入/總支出: 14%

希望雪球能一天一天滾大, 第一個目標係被動收入可以達到總收入既50%, 不過估計要以年計。另外, 因為未開始還本金, 未來如果 deleverage 的話支出亦會增加。

Tuesday, December 17, 2019

2019 我的回顧 (上)


寫 BLOG 的一個好處是, 可以係茫茫既人生到留低D 腳毛, 俾自己有空果陣回看一下。

2019 年對二當家來說是一個充實的一年, 有很多新的嘗試 - 新的工作, 新的生活, 也突破了自己的一些限制。


生活及工作

上年開始 plan relocate, 今年終於係5月份落實計劃。幸運的是完全擺脫了香港在6月開始發生的事件。當然, 最終的 package 沒有想像中的好, 人工是有加, 但完全不能 offset 大當家沒有收入的影響,  最後剩下來的錢是少了。但錢換來的生活質素是沒辦法去計算, 之前亦已經提及過。

至於未來的打算? 暫時還是太早去談這個話題, 要申請 PR (長期居留証) 的話要在台灣工作5年, 先完成首3年的任期再作打算吧。在工作上再上一層樓還是有機會的, 如果願意去中國的話, 但要留在台灣的話, 機會就不大了。

大當家首6個月的生活也不錯, 沒有工作的她閒時學一些興趣班, 晚上有空便煮兩味, 平凡是福。比較難習慣的生活圈子的問題, 要認識新朋友真的不易, 幸運的是來台灣玩的朋友很多, 基本上每個月都有朋友過黎台灣, 可以食個飯聚一聚。


學業

花了一年時間終於把 PMP 弄到手,  正常來說不用那麼久, 但中間辦理去台灣的申請時把學業放下一段時間, 到年中再 pick up, 最終在年底前考獲 PMP。

剩下來的便是 Master 了, Master 是我給我自己在學業上的一個終點, 但現在還是未能下定決心讀還是不讀, 十分討厭自己這種優柔寡斷的性格。


人生大事

可以做的, 都做了, 還未跟大當家討論下年會否再做 IVF 。現在是希望我們兩個都做多點運動, 多點休息, 把心情放鬆, 再作打算。如果沒有小孩的話, 有想過會否養隻小狗陪一下大當家, 反正大家當之前也有養過小狗, 聽聞台灣領養的話可以領養到「柴犬」, 不過「柴犬」好動的性格也不是每個人受到了, 如果養狗的話, 下年便要找個更大的地方搬了。也可能要買輛車子代步。

樓 & 錢

前人種樹系列最終落實執行, 家人最終買了之房子, 而原本打算full pay, 最終在大當家離開香港前承做了按揭, 以現在的低息環境下, 這個決定是正確的 (暫時😝), 我們因此得到了一筆額外的資金。層樓個名非在大當家名下, 即我跟大當家還有在香港首置的權利, 這個安排暫時還不錯。

而得到既資金一半放置了在 mortgage link 的戶口, 另一半放了在 IB 的帳戶, 再加上我們兩個人取回的 MPF, 開始了我們的現金流組合。


興趣

來台灣後便沒碰過樂器, 要知道「一日不練十日空」, 不能再給自己籍口, 2020 年要在台灣找個好的師父再繼續學習!!!


生意

公司已經開了, 公司戶口就進行中, 開戶口比想像中更麻煩。 至於有冇生意就係未知知數。
二當家其中一個 2020 年的重點是希望生意搞得成, 至少多份收入。



2020-01-06: 自己差點忘記了, 2019年挑戰了富士山並成功攻頂!!!

Tuesday, December 3, 2019

近來我看過的作品 - 不負責任影評



近呢幾年上網成日都有人推神劇, 但好多都係名過其實, 二當家數一下近來睇過又被推為神劇既作品。

台劇 <我們與惡的距離> 10/10

呢套台劇真係非常之神, 不論劇本, 演員, 拍攝等都非常之強勁, 打破左我對台劇既「膠劇」形象, 甚至可以話係近幾年最好睇既電視劇 (美劇都不能比美)。

故事既中心係講一次無差別殺人事件後, 從受害者家屬, 兇手既家屬, 傳媒甚至一般既群眾既角度同對事件既反應去做一次全面既反思, 劇情推進得非常快, 人物刻劃得非常好, 基本上第一集就已經對主要角色有一定程度既認識而且好快就有火花。



雖然唔係每個演員都演得非常好, 但大部份都有中上既水平 (演技方面, 美劇真係好強), 當中演得最好就係一個賈靜雯 - 她扮演一個喪子又同丈夫關係不好既女強人, 演得非常之咁好。另外此劇既劇本非常之扎實, 一環扣一環, 每集都有高潮 (不是夾埋寫出來的硬高潮)。 但此劇既題作非常之嚴肅, 如果抱住娛樂既心態去睇未必會很適合。我跟大當家看的時候, 基本上不能一次過看兩集, 甚至看完一集後要休息一星期才可繼續看下去, 大大力的推介給大家!!!



日劇 <3年A班> 5/10

二當家其實對日劇既印象非常之一般, 最主要日劇的問題是「有明星, 無演員」。即係睇劉華做戲, 套套都差唔多, 要睇演技的話會非常之咁失望。但因為大當家比較鐘意睇懸疑片, 所以就揀左兩套懸疑日劇同大當家睇。

<3年A班> 個故事非常之咁簡單, 有間學校有個學生死左, 之後有個老師困左班學生, 要佢地搵出個兇手。演員方面由 菅田將暉 擔正, 成套戲由頭帶到尾, 其他演學生既我唔太知係邊個, 亦都無邊個演得特別出色。所以整套戲好唔好睇就落晒去 菅田將暉 到, 而他的演出算是不過不失, 雖然劇本每集都有夾硬寫一D 位俾佢爆 SEED, 口水鼻涕都出晒黎, 但睇戲既野, 無 FEEL 就無 FEEL。

至於劇本, 我覺得非常大路同一般, 每集講一個學生背後既故事, 驚喜欠奉。日劇另一個特色就係低成本, 差不多全部集數既場景都係學校課室內進行, 最多加插一兩段 flash back, 實在不知道神在那裡。




日劇 <輪到你了> 第一季 7/10
第二季 4/10

而另一套被喻為神劇既就係<輪到你了>, 主要演員為田中圭 (大叔的愛) 及 原田知世。呢套野好似係第一套一開始就預左拍兩季既日劇。先講演員, 兩位主角扮演一對姐弟戀既未婚夫婦, 好抱歉, 完全唔 WORK 囉, 無火花, D 比較親熱既鏡頭好夾硬。由第一集同最後果集, 二當家都對大部份主要角色係無好感。田中圭既角色既作用應該係用黎吸引一眾女姓觀眾, 至於原田知世, 好老實講佢個角色超級的弱, 對劇情既推進係零幫助, 除左第一季最後果集。



幸好的是一眾綠葉救番套戲不少,  當中最好戲係演坐輪椅既老人家 (大方斐紗子), 真係睇到心都寒埋。劇本方面, 第一季開個頭係開得不錯, 但開左太多伏線, 如果D伏線到最後穿得埋既就係神劇, 穿唔埋既話就係爛片, 風險非常大。而<輪到你了>既結局算中下等, 有部份係自圓其說, 二當家睇第二季果陣, 睇到一半就已經放棄去估邊個係兇手, 因為基本上係無漬可尋, 觀眾基本上不能用片中提供既資訊去搵到個兇手。



Thursday, November 28, 2019

敗走台灣 - 我可否買香港樓, 買台灣樓?



此文為個人分享, 內容皆為個人經歷及所知, 如要最真顧既資料, 請自行向相關部門查詢!

買香港樓

在港府新樓按政策出台後, 二當家就搵「星星」問下如果海內收入做樓按既問題, 唔買都要知下!

首先, 星星問既第一個問題係出糧既係新台幣定港紙, 因為出台幣就要提供台灣政府既稅單, 出港紙既就要提供香港既稅單做參考。 如果無稅單, 基本上係做唔到按保。二家當係由 2019 年5月過去台灣做野, 係香港已經「完」左稅, 所以要係香港買樓, 要提供O係台灣既稅單做收入証明。

而台灣既課稅年度係由 1/1 ~ 12/31, 而我係課稅年度中間過台灣, 所以暫時未有稅單, 如果係無稅單既情況下O係香港買樓, 只可以做到6成按揭 (無按保)。假設下年, 二當家已經有稅單,  並且能夠提供在香港有「緊密連繫」, 理論上係做到8成, 但要諗定解釋點解要買樓, 而且屋企人要無物業係身, 相信審核過程會非常嚴謹。至於能否做到9成, 根據按保公司既資料, 要做到9成首先要係香港無持有任何物業, 另外所有申請人須為固定受薪人士, 就咁睇二當家好似都可以申請到 9 成。 不過星星話可以試, 但多數都係8成, 二當家未試過, 最好請專業人士解答一下。

//#按揭保險計劃下,如申請人於海外工作及其收入佔申請個案中所有申請人總收入 50%以上,除非該申請人(下稱『海外收入申請人』)能夠証明與香港有緊密連繫,否則其申請將不被接納。有關與香港有緊密連繫之定義為:
1. 『海外收入申請人』提交獲香港按證保險有限公司接受之有效證明
文件,顯示其受聘於本地僱主; 或
2. 『海外收入申請人』書面聲明有直系親屬(只限於父母、配偶及子女)
現於本港定居。//
//九成按揭
*只適用於(i)所有抵押人於申請時並未持有任 何香港住宅物業 及 (ii)所有申請人須為固定 受薪人士// 

星之谷 - 非本地收入或大陸人按揭指南(成數、壓測、入息證明文件)
80%按揭成數的住宅物業按揭貸款(物業價格1,000 萬港元或以下) ( 2019-10更新)

買台灣樓

有日經過林口, 見到有個檔口專做非本地人士買樓既咨詢, 八掛既我又多口去問下, 不過老實講, 回答既人一D 都唔專業!!!

首先, 如果黎台灣買樓加做按揭, 一般係要求有「長期居留証」, 現在二當家持有既係三年期既工作居留証, 而要申請長期居留, 以暫時既條例黎睇係需要在台5年才可以申請。

除左居留証, 其他既要求為在台工作一年以上 (在職中或有薪轉), 有本國人擔保 (夫婦為佳), 一般情況下可以借到 5 ~ 6 成。

如果要借更多, 就要提供更多既資料, 例如有使用信用卡及有定時繳納, 中文聽說能力可以, 如果合以上資格, 有機會做到 7~8成既按揭。

如果唔做按揭, 其實就簡單好多, 只需要香港身份證, 護照同居留証。要注意的是買樓並不可以當作投資移民。上網有睇過大貓銀行, 如果係PREMIER 客戶, 在台灣是可以不用長期居留證就可以申請按揭, 詳情我無問過, 除非大當家真係想買啦 😝。

HSBC TW 按揭 FAQ

所以在海外工作, 有機會兩邊不是人。






Sunday, November 24, 2019

投票,投票




今早的區議會選舉結果令人振奮, 香港人用手上一票表態, 雖然改變唔到d咩,但至少希望能令一眾建制派反思. 特別鳴謝石禮謙發開口夢助攻!


Wednesday, November 20, 2019

打工仔記事 - Prepare for the changes


以下為二當家有日番工之前, 突然想同條 TEAM 分享既TOPIC。

雞湯文, 無興趣可以 SKIP


Why? 



其實對打工仔黎講, 最唔鐘意就係改變 (尤其改變佢地既工作模式), 要改變一定要足夠誘因, 例如份工好地地, 轉工通常都係因為有不滿或有更好既發展既機會, 否則大部份人都唔會轉工 (機會成本問題)。二當家條TEAM SENIORITY 好高, 年紀又比我, 好多已經有小朋友, 追求非常穩定既工環境, 要令到佢地再改變同進步係非常之不容易。

第一步要令佢地知道「改變」必須, 正如上面張圖, Nokia, Sony Ericsson, HTC, IPHONE… 現今用緊 IPHONE 既人多過一半, 日既大廠有好多都唔知去左邊。全球化令到競爭大左, Winner take all, 你唔進步, 好快就比人踢走。HTC 曾經係台灣人既驕傲, 希望佢地明白到今日既競爭有幾大。


How? 怎樣準備?




  • Life long Learning 終生學
    明白到好多有家既人都已經將囝女視為第一優先既事情, 而放棄學習其他新既事物。 但事實上新事物係每日都發生緊, 有一部份是強迫你去改變, 有一部份係要自己主動去學習。例如手機上網, 我阿爸阿媽都已經要學上網, 因為唔學就會被邊緣化。 但學左上網後, 並唔係每個人都會再進一步既學習, 例如我阿媽, 只會睇 WHATSAPP, FB, 但唔識打中文。而我老豆就學識左中文輸入, 閒時可約朋友行下山, 仲可以同我用 WHATSAPP 溝通。

  • Motivation à Fun / Curious同小朋友一樣, 學習動機係非常之咁緊要, 無動機即推牛上樹。如何找出學習動機, 其實不外乎趣味及好奇心。二當家建議找出自己喜歡的東西去研究, 例如你愛買股票, 不要停留於買賣股票, 可以將呢股動力引渡自己去學估值, 學用IB, OPTION, 你學習得越多, 你的工具便越多。 又例如你愛寵物, 你都可以學習修毛, 一些寵物既資訊, 如何訓練自己的寵物等等。
    不要只沉淪於享受/放空既過程, 把握自既好奇心推動自去學習。有好奇心
    , 即係有動機去學習, 而滿足到好奇心便會帶來趣味, 推動你繼續去學習。 
  • Active Learning vs Passive Learning香港係有名既填鴨式教育, 讀書果陣都被習慣「受教」。但新時代下已經不在適用, 因為所有野都在加速進行中, 學院中既好多時已經 OUTDATE, 你仲講緊 STARBUCKS 既行銷策略, 又或者 APPLE 既成功? 習大大已經講緊 BITCOIN, AI, CLOUD, etc. 
    所以在新時代下
    , 更應該主動去動習, 例如 TED, GOOGLE TALK, YOUTUBE就算上 WIKI, GOOGLE 好多時大部份問題已經有答案, 我講緊既係簡單如家居維修, 深到寫 PROGRAM 都有教, 所以唔好再話「唔識呀, 都無人教」。
  • Desire your goal 想像你的目呢個係書到抄出黎, 意思係俾一個短期/長期目標自己, 要明, 可行, 具體。 例如「我要瘦」係一個好含糊既慨念, 將呢個慨念用比較具體既方去呈現, 例如「3個月減3KG」。而且不單止要諗你自己未來想達到D, 仲要幻想達到後既感受, 有未來至有希望, 呢個就係你動力既來源, 而且越具體既目標則動力越大。
  • Setup your action plan 制定你的改善計都係書到抄出黎, 定立目標後, 你既去達成。例如「每日運動30分鐘」又或者「減少碳水化合物」等。要合理及可行, 否則好容易係中途放棄。「」不一定能達到「目標」, 只是提供一個方向去住目出發。
  • Create your asset (Be the best as you can)  創建您的資產 (成為最好的你這裡的資產是指個人資產, 包括你的知識 / 聲譽/ 技能/ 人際網絡, 這些一旦你擁有, 別人係O係你身上拎唔走, 他日轉工都有用。記住
    You don't work for the company, you work for yourself
  • Opportunities & Risks / 這裡指的是 Think Positive. 凡事有兩面, 不要只向壞處向想, 也要向好處去想。唔好成日話「我唔得」「我做唔到」「無時間」, 呢D理由好多時只係籍口, 只要把你花係睇 YOUTUBE / FB 既時間用黎學習, 我相信你既得著會更多。
  • Work as a team 團隊合作個人能力係有限既, 如果你可以找身邊既同事幫忙/合作, 你改變及進步既動力一定會更大。




Sunday, November 17, 2019

阿媽...我得左啦 - PMP




係邊到跌低, 好彩唔係O係果度再跌低....阿媽, 我得左啦😀 !!!

二當家由9月肥左佬開始, 意志低沉左一排, 因為考 PMP 真係一個煎熬, 或者真係二當家天生不是一個讀書既料子, 就算睇多兩次本書都係無用。先講一下二當家第一次考試既失敗歷程。

首先, 我估考PMP 既人都會去一個叫 Edward Chung 既人既blog, 因為呢個哥哥仔真係好有心咁集合晒有用既資料, 最難得既 keep 住仲有 update, 有用既資料包括 free exam 既 resource (重點), flashcard, 同埋一d 好易混淆既 terms。

其實做完晒佢提供既免費 mock exam, 大慨都要做一千條 mc 左右, 正如我上次所講, 都係60分~75分左右, 所以去考果陣 50/50, 根本唔知自己 ready 未。 除左做 mock 同睇pmp 本書, 另一樣二當家有用到既就係人稱 pmp天書 -  Rita。Rita 最有用既地方二當家覺得係 Rita Chart, 如果你唔想買本書, 剩係上網搵個 RITA CHART 黎睇, 再玩佢個 GAME (免費的) , 幫助已經非常咁大。當然, 本書仲有提到好多考試既 tricks 同 exam, 所以二當家還是覺得本書是有一定價值, 但非必須。

但...點解第一次會肥佬呢? 原因係, 大部份既 mock exam 同真正既考試差太遠, 可以話係 not even close..... 每個 mock 其實個重點都唔同, 有d mock 專登問你一d 書入面出面過 1~2 次既 terms, 睇完都唔會記得。有d 著重計數, 但真正考試要計數既應該唔到 10條。而 Rita 或者另一個好出名既網上免費 mock - Oliver Lehmann 既題目, 就鐘意玩有咁複雜得咁複雜, 睇題目都要睇 2 分鐘, 但其實真正考試既時候, 要係 240 分鐘內回答 200條 MC, 每題平均只可以花 1.2 分鐘。所以我覺得做 MOCK 係必須既, 但唔好以為做完 MOCK 就一定 OK。

另一個原因會「肥」係集中力問題, 連續做 4個鐘頭卷其實真係會頭昏腦漲, 有時個腦實到根本轉唔到, 所以第一次考試時試過多次對住條題目發呆數分鐘。另外二當家第一次考試時仲有個小插曲, 上網睇到之前D 考生建議選用「中文」做 2nd language, 因為如果考試時有d 咩英文字唔識都可以睇到個翻譯, 同埋聽埋個 question bank 係有d 唔同。二當家就聽從建議考之前 reg 左「中文」做 language aid, 點知考試時, 成份卷係用中文對問, 每題題目中有個小按鈕, 打開就可以睇原本英文版既題目, 我見到果下真係粗口都講埋, 因為個英文翻譯係要每題都要 click 一下至會出現, 即係每題我可能要花 0.5 秒係 click 題目中既英文翻譯, 而最慘既係對一個香港人黎講, 根本唔會嘗試去睇佢中文題目, 因為我地讀既 text book 係英文..........

就係咁...二當家就肥左第一次考試...

Tuesday, November 12, 2019

記事: IB HK > IB LLC 轉倉記

看到今日香港, 有千言萬語想講, 但既然這個 BLOG 的定位是講理財, 我盡量唔離題。

話說見到風中追風兄轉倉去 LLC 成功, 在9月份的時候二當家想跟風, 最主原因係當時估計國慶前後會係香港會有大事發生 (最後國慶後, 蒙面法出爐), 希望可以在國慶前把資料轉移到 LLC。

首先IB 已經講左, 如果你係香港居民, 你開既係IB HK, 亞洲地區除了印度, 香港, 日本, 其他國家既 IB ACCOUNT 都係 IBLLC, 而IB LLC 既保障範圍風兄已有提及, 不贅。

二當家係台灣係拎三年工作簽證, 非永久居留。根據 IB 既 FAQ, 開邊個戶口係根據你既合法居住國家, 所以二當家就試用我在台灣既身分證去開 (非 PASSPORT)。 如果我三年後要回流香港, 唔知 IB 會否趕番我去 IB HK 呢? 😱

至於點解要開, 無它, 既然有這個資格, 開個海外 account 又無壞 (寫文時香港有好多外資銀行已經降低左離岸帳戶既要求)。我在台灣的銀行戶口跟香港的戶口可以亙通, 隨時可以過錢。 另外 IB 的每月免費 withdraw 對我黎講亦非常夠用, 在二當家個人來說,  這個是 no harm 的行動。

New Account Opening Information
If you are a resident of Asia, except India, Hong Kong and Japan, and continue with the account opening process, your account will be opened with Interactive Brokers LLC in the US.
Interactive Brokers LLC is a member of NYSEFINRA, and SIPC and regulated by the US Securities and Exchange Commission and the US Commodity Futures Trading Commission.

Can I open an IB LLC account if I am a resident in Hong Kong?
The IBKR legal entity under which clients can open an account is determined by their Country of legal residence. Clients who are residents of Hong Kong can open their IBKR account with Interactive Brokers Hong Kong Limited.



Tuesday, November 5, 2019

打工仔記事 (一)



簡單說一下二當家在台灣的工作近況。二當家在台灣的工作算是非常順利, 因為二當家已經在同一間公司工作了5年, 在香港時已經對現在的這間公司各方面有相當的認識, 算是有點「手到拿來」。

打工, 老闆不外乎睇幾樣野, KPI, 錢, 有冇鑊氣, 有冇得罪人, 同你有冇影衰佢。呢幾樣都無事的話基本老闆都唔會同過唔去。 KPI 都係做靚條數, 相信好多人都明白到, 其實 KPI 好多時候都係非常之 ON9, 例如 HR 請個人, KPI 係一年內果個人唔會離開公司。又例如 FINANCE 做 BUDGET, KPI 可能係要誤差10%內。一間公司其實同好多一般人一樣, stick with the plan, no surprise 就係最好。

二當家所在的 DEPT 也是一樣, 有D 好鬼無聊既 KPI, 只要學懂個玩法, 其實也條數靚仔又有何難。但事實上, 二當家就真係遇過好多人都係不求甚解, 你話 KPI 係咩就咩, 有點「隨遇而安」既味道, 呢種人當然唔會得老闆歡心。

在新的位置上, 責任大了, 工作性質也改了不少。最大既改變應該係由落手落腳做, 變成 「管人」同「管錢」。簡單黎講, 以前同老闆 work 得好 close, 有D 咩事都要同老闆講, 聽老闆決定。 而宜家老闆只會講一句, 唔好爆 BUDGET, 其它野, 你自己搞掂佢。




「管人」- 其實「管人」真係一門學問, 做左咁多年野, 聽身邊同事/朋友讚自己老闆既, 真係屈指可數。亦代表做得呢個位, 預左唔會同下屬做到朋友, 終於明白以前點解皇帝自稱「寡人」。打工仔可以好簡單咁用以下個 Matrix 去分類 (呢期讀 PMP 讀上腦, 鐘意整 MATRIX)。



有能
無能
上進/野心 ambition
得力助
小心管理
過日晨 Hea 
找推動
密密做唔做錯就 OK



就二當家既個人經驗, 其實大部人都係落係「密密做」呢個範疇, 因為香港人實在太富裕, 唔駛俾租金/家用, 份糧其實好夠洗。無需求就自然無動力去進步, 大家都係想朝9晚6, 有小朋友番工就想早d 番屋企陪小朋友, 日日密密做, 唔識或唔想拎 credit, 只係想做一d 佢地熟悉既野, 你叫佢做多d 都會 say no.

而「有能力又無動力」既, 最難就係推動佢地做野, 因為佢地已經無所求, 但自己又想搵到個幫手。明知下屬可以做多D, 但係就拉牛上樹, 推極都唔郁。要同呢類人 WORK, 一係就打關係牌, 一係就俾高帽佢載, 佢條氣順, 自然就易D 合作。

「上進又無能力者」, 亦都比比皆是, 而且好多時候都身居要職。皆因在一間公司入面, 上進或有野心既人通常都會更加勇於表達自己, 亦即會更勇於「擦鞋」。呢一點從 HR 或者老闆既角度黎講係非常地受落。正所謂「千穿萬穿,馬屁不穿」。

最後梗係有能力, 又有野心既「叻仔」, 呢類人通常2年就轉一轉工, 因為知道間公司無伯樂, 亦無上升空間, 唯有靠轉工轉環境。公司當然想留低呢樣員工, 但因為公司架構, 利益關係, 及太多長期服務既員工關係 (老屎忽), 通常都好難留得住呢類員工。

正所謂「竹門對竹門 木門對木門」, 一個有料有野心既上司, 當然要求D 馬仔一樣咁 FIT。如果個老闆唔想再上, 佢地都會想條 team 穩穩定定, 唔好搞咁多野。所以不論你打工好, 管人好, 認清你自己及你上司/下屬係必須既。



至於「管錢」則比較簡單, 二當家做緊間公司每年都要做 budget, 而老闆最緊張既係唔好爆 budget (除非果年公司好好數)。作為 「管錢」既人, 學問就係點樣洗到o岩o岩好。例如我今年 plan 左 100k 去 training, 去到年中就收收風今年駛唔駛 cut budget, 如果要 cut 就預定個 buffer 先, 如果唔駛 cut, 就要諗點樣可以用盡呢100k。 如果到最後只係用左 50k, 咁下年個 budget 就會根據今年黎 adjust, 亦即下年只係得番 50K 黎做 TRAINING。

聽落好 ON9, 但呢個係大大少少公司每日都做緊既野, plan 左要洗既錢就要洗盡佢, 唔駛就會無, 為左霸定D 資源, 所以每年都要強迫地洗錢。例如二當家做緊間公司, 要幫同事安排 TRAINING, 又要買下機械, 又要做下機械維修, 每年BUDGET 都唔同, 有時 10個煲得9個蓋, 有時5個煲但係有 10個蓋, 點樣拉上補下, 點樣駛得 SMART D, 最緊要係識同老闆解釋, 做到以上幾點既話, 其實「管錢」唔算太難。暫時二當家都仲係學習中。




這幾天有很多想說時的東西, 但奈何時間不夠, 在此先定下幾個想講既 TOPICS

1. 海外收入, 買台灣樓, 買香港樓
2. 覺悟人生 - 你為什麼不快樂
3. IB  HK > LLC 轉倉記事
4. 打工仔記事 - Prepare for the changes



Wednesday, October 16, 2019

記事: 首置9成升至800萬 - 動物大遷徙


今日最 HIT 既新聞一家係施政報告, 將9成按推至800萬樓下既樓, 第一個反應梗係 「嘩屌, D 樓又升到爆 SEED la」, 其後腦內浮現既就係上述畫面。

再細心諗, 呢招真高, 繼續挾持一把已經有樓既人 (樓價升, 有樓既人梗開心), 拉攏一班想買樓又唔夠首期既 「窮中產」入局, 30年供唔完, 供到35年啦。最勁既都係用你既錢黎迫你上車, 銀行佬開心, 地產商開心, 業主開心, 買唔到樓既又有少少錢既都開心, 做生意既又可以按樓換時間, 將最大既勢力都包括了, 貧富懸殊繼續加劇, 我即刻諗起無產階級起來抗議既畫面, 果然充滿中國特色。

大當家前幾日至問我會否番香港買樓? 我反問, 今日既香港你都接受唔到, 咁番去買樓做咩?  期待成立獨立委委員會或回應全部五大訴求? 心水清既都知成立左都唔會有用, 當所有既「信任」都被消耗完後, 到最後做咩都只會係錯。

我都係非黃非藍, 勿對號入座。

Tuesday, October 15, 2019

敗走台灣 - 台灣大不同 (下)

繼續談談台灣的大不同。


紅綠燈 - 二當家初到台灣時, 最不習慣是這裡的紅綠燈。香港人是出了名的急性子 (心急), 在香港等 20多秒的紅綠燈, 如無車經過時很多人也會橫過馬路, 但在台灣, 有很多紅綠燈是要等 40 秒以上。我見過要等最耐既係 90 多秒, 而且很少會在紅燈時橫過馬路。舉個例子, 公司附近有一條五米長的班馬線, 下班時候等 90多秒, 如果沒車經過, 我想在大部份香港人應該也會無視紅燈直接過馬路, 但在台灣大部份人是會等到燈號轉了才過馬路, 這點我真的佩服他們的耐心。

在台灣, 守規矩也不是必然, 在高雄台南等地方, 聽過很多很恐怖的交通意外也是因為駕駛者不守規矩而引致的。

香港是出了名步伐快的地方。來到台灣後, 在很多方面也要作一個心態調整, 放慢自己的步伐, 要一直提醒自己勿以為快是必然的, 應該學習一下如何慢活。


吃到飽 / 自助餐 - 我想應該有不少人知道在台灣, 自助餐的意思是「自助」拿菜, 再按「重量」去計算價錢, 而不是香港人的 BUFFET - 限時任食的意思。在台灣, 想「限時任食」要留意他們會叫作「吃到飽」, 這個才是香港人最喜歡的 buffet。「吃到飽」這個字, 不單單可以用作食物上, 例如手機無限上網, 他們也會稱為「吃到飽」。所以如果來台灣, 記得這兩個 terms 的分別。


銀行 - 台灣有很多不同的銀行, 隨便也能說出10多間。但最出奇的地方, 是台灣的銀行時間很短。一般銀行的營業時間是星期一至五 09:00 ~ 15:30, 星期六更不用營業, 雖然在不同地區及分店可能會有點不同, 但大部份也是三點半, 亦即食完個 TEA 就工?

非也, 聽我的台灣朋友說, 銀行關門後要結帳 (正常程序), 一般要到 6~7 點至會收工, 但香港不是一樣嗎?  為何香港可以 17:00 點至關門? 我想其中一個原因是香港人的效率是非常之咁高所以開到咁夜, 另一個原因是香港人收工既時間比起台灣人更晚。另外, 在香港 24小時買賣外匯是常識吧!? 但有一次我在台灣的 HSBC 在網上買賣外匯, 才發現網上外匯也是只可在 09:00 ~ 15:30 內做交易, 所以要匯錢, 真的要先準備好, 不然很容易就會錯過。 😰


醫療系統 - 台灣每個人都有張健保卡, 健保卡簡單而言就係政府包你睇醫生。所以一般民眾睇醫生其實都真係非常之咁平, 但太過便宜又會引發另一個問題, 就係濫睇。台灣睇專科醫生跟香港有點不一樣, 香港一般要經普通科醫生轉介, 而台灣是你覺得自己有咩問題就係睇果科,  所以會有睇錯科既問題。二當家有幸同兩個醫生朋友談個台灣的醫療系統, 他們一般認為有轉介制度是好的, 就像醫院分流一樣, 減少睇錯科及濫用的情況。而二當家就覺得轉介有好多時候都係可有可無, 因為有相當數量既醫生係 HEA 做, 例如「望聞問切」, 主力就係係問診, 即係問你「有咩唔舒服呀? 有冇頭暈 / 頭痛 / 鼻水, 等等等等等? 」最後如果要轉介專科要主動提出, 因為一般醫生未必會主動給你建議, 尤其係你用緊公司醫療卡去睇醫生果陣。


不時不食 - 在香港時, 買甚麼食物也很容易。 有錢, 你可以買美國的牛油果, 日本的士多啤利, 馬拉的貓山王, 等等等等。 在台灣, 由於本土有農業, 進口的食物市場其實不大 (尤其是新鮮的食品) 。有次與大當家在街市逛, 想買幾個蕃茄做個蕃茄炒蛋, 在香港街市應該在每一間菜檔也可以買到, 但在台灣可不是這麼容易。我與大當家在街市走了兩趟, 竟然一顆蕃茄也看不見。心裡一直在想, 為什麼一顆蕃茄也找不到, 回到辦公室後問問同事, 才知道南部早前大雨, 把蕃茄都浸死了。

不時不食, 在水果方面尤其容易發現, 例如早前在八月時, 隨便也找到香甜美味的芒果, 但10月份就已經很難找到。在近期我也在水果店買了一個西瓜, 但味道真的差很遠。不時不食, 雖然有點不方便, 但有時候也是一種樂趣。

台灣 - 四季水果
https://ezgo.coa.gov.tw/Fruit/TW/Season_Fruits_All



Friday, October 4, 2019

簡易季結 & 敗走台灣 - 生活洗費


原本有想過做季結, 但成個倉近乎全部見紅, 實在沒什麼好回顧 (可以參考上月結), 不如鴕鳥一下, 眼不見為乾淨。全倉槓桿緊 1.8 (資金來源可以睇番<前人種樹>系列), 無係IB到做槓桿, 新資金同提早索取既 MPF 於7月到步, 目的係希望增加現金流, 由於資金無斬倉風險, 加上有大當家後備資金 BACK UP, 暫時應該非常安全。

如果我的目標回報率為6%
槓桿後(7~12月) (6%-2.375%)/2 = 1.81%
全年希望達到 7.8%

到9月份為止, 收到的股息/利息為本金 3.24% , 原因有二. 第一個原因係因為部份資金(例如MPF) 7月才收到, 以上簡化既計算並沒有調整 Time Weight 的部份 (懶)。

另一個原因是港股既中期息通常較少, 而末期息又要等到下年至收到, 所以到最後應該都係收唔足7.8%。另外香港環境問題, 下年末期息大有可能減派, 甚至取消派息等, 要做好心理準備。

Tuesday, October 1, 2019

殤... 不單單是在香港發生的事


殤... 也在我倆口子中發生, 兩星期前因為 IVF 的結果而喜, 今日因 IVF 而悲...


二當家從來都嚴格控制自己的「期望管理」, 便是不想太激動, "whatever can happen, will happen"

但當真的發生時, 還是難免去掩飾自己的悲傷與失落

因為二當家要上班的關係, 她要獨自一人承受這個消息。

謝謝我的太太。


Friday, September 20, 2019

跟風....跟風中追風...


首先恭起風兄新書出版, 祝「一紙行」!!!
(風兄, 我很懶, 直接偷圖了 )


二當家又跟風了, 跟什麼風? 就是風兄最新的一篇「IB資產轉移」。



以下涉及個人對政治既睇法, 不喜請直接退出。




Monday, September 16, 2019

只差一點點.... PMP



上個星期好充實, 首先係過 3 關

第一關係 8000萬 六合彩, 遙控家人買左張電腦飛, 結果, 當然係無料到.............

第二關係 PMP 考試, 其實我大大話話都做左過千條 MOCK, 成績大慨係 60~75% 左右, 上網睇人講最好係可以達到 85% 以上至去考。但我已經溫左一段時間, 所以諗住都有6成把握。真實考試同想像中好唔到, 問題好多時都係得三句既情境題, 例如「舊PM走左, 你宜家係新既PM , 個 PROJECT OVER BUDGET, 咁你應該做咩先」。呢類題目最煩既係你有10幾樣野可以做, 但係佢要求你係4個答案入面選出「最優先做既行動」, 而「優先」次序亦會因為情境唔同會有不同答案。由於問題好短同無乜資料, 所以好多時都要 make assumption, 如果 assumption 錯, 你既答案都會錯。 而二當家既考試結果.............只差一點點。😭

考完果下真係好失落 (因為即刻知 RESULT), 花左4個鐘, 換黎一句 FAIL, 最慘係唔知錯乜, 宜家諗住買個 Question Bank 再報多次考試, 襯仲係會員果陣報考平D, 成為盛惠 $275..........USD (非會員 USD$375)。

第三關係大當家既 IVF 既結果, 其實我地己經調整左個心態, 有無都好, 生活都係要咁過。

要知中唔中, 並非用驗孕棒, 而係做完 IVF 2星期後要做一個抽血檢查, 最主要係睇一個叫做 HCG既指數 (human chorionic gonadotropin 人絨毛膜促性腺激素), 如果中左, 身體會自然分泌HCG出黎, 第一次檢查果陣如果指數高過100 就代表「好有可能」中, 而呢個指數會隨住胚胎既形成而增加, 如果之後既檢查HCG 無升, 就代表「可能」胚胎停止成長。但呢樣野只係 reference, 要詳細知多d 既話都係問醫生啦 (上網有好多人初時 HCG 指數低過100, 但到最後 BB 都出到世無問題)。

至於結果............😇 初步睇黎係成功既, 兩個星期後要再番去 check......未來仲有好多關要過, cross the finger!!!




Thursday, September 5, 2019

投資日誌 2019/08/31 - 左一巴, 右一巴


由五月開始, 二當家陸續收到 MPF 及 按揭既資金後, 就開始入市, 因為既然目標係以息養息, 閑置既資金都係成本黎 ,如果八月先入市, 入市個價會靚更多。但呢個世界, 邊有咁多如果, 如果香港無呢單咁既, 個市升到30000點又手上無貨, 咁咪仲慘, 宜家最多叫挨下價。

因為二當家驚死, 所以將D資金分散投資, 仲要好散呀, 但有句說話叫「趟著也會中槍」, 你以為好安全咩, 點知又中好多槍。

先講環球市況:


  1. 貿易戰 - 出口股嚴重受壓, 汽車股無運行
  2. 港股 - 香港政治事件由6月搞到8月仲係未有改善, 零售死晒, REIT 等收租股都受到影響。二當家覺得仲有 after effect, 睇下後續如何
  3. 美國減息停QT - 聯儲局已經被用來作為政治工具, 息率再次倒掛, 減息停QT顯示聯儲局對息率正常化既方向又改變, 如果美國再印銀紙, 資產價格會否再次暴升?
  4. 人民幣貶值 - 人仔同港紙就快去到 1:1, 用人仔結算既大陸企業或多或少都會收到影響
  5. 日韓貿易戰 - 唔知香港有冇報導, 但係台灣就有提及, 兩邊既情況都係火紅火綠, 美國老大哥又好似無乜點出聲
  6. 英國脫歐 - 10月限期就到, 究竟會點脫呢? 宜家方向係硬脫, 但硬脫又會有D 咩影響呢?
  7. 亞馬遜大火 - 真係無野講, 可以直接睇下下面譚新強篇文, 就算文中所講「亞馬遜供給全球20%的氧氣」是假的, 也不代表我們不用正視呢個問題。


譚新強:如亞馬遜大火都喚不醒人類團結 期望快點找到ET
綠色和平 - 2019巴西亞馬遜大火10問 - fact check


二當家個倉, 未計收到既息, 跌緊 -6.4% 😢

先講分佈
港股 47%
SG REIT 17%
美國優先股/ETD 29%
美債 7%


  • 港股 - 165 光大, 2238 廣汽, 1398 工商, 1336 新華, 966 太平 等等等, 都輸緊 10% 以上
  • SG REIT - SV3U - On 3 July 2019, the manager announced that NK Ingredients Pte Ltd (NKI) had defaulted on its July 2019 rent.
  • 美國優先股/ETD/CEF - 呢邊反而無事
  • 美債 - 中左隻 MNK
Code
Name
Gain / Loss
Distribution
165
中國光大控
-24.0%
4.8%
1109
華潤置
-7.4%
5.0%
2238
廣汽集
-12.8%
2.9%
405
越秀房產信託基金 
-4.1%
3.1%
1398
工商銀行(H
-17.4%
2.5%
1928
金沙中國有限公
-4.5%
2.8%
1918
融創中
-9.5%
2.5%
700
1.2%
2.6%
87
太古B
-7.0%
2.4%
1336
新華保
-16.8%
2.1%
966
中國太
-15.8%
2.1%
939
建設銀行(H
-6.6%
2.3%
5
滙豐控
-12.2%
1.8%
255
-29.7%
1.3%
303
VTECH
-16.0%
1.5%
1
-12.2%
1.3%
1052
越秀交通基
-0.2%
1.5%
281
-25.4%
0.9%
1113
長實地
-8.8%
1.0%
1132
橙天嘉
-16.3%
0.5%
296
英皇娛樂酒
-0.7%
0.6%
1848
中國飛機租
0.8%
0.3%
3389
亨得
15.9%
0.3%
AW9U
First Reit
-0.1%
4.5%
K2LU
Cache Log Trust
-8.6%
2.0%
ND8U
Frasers Com Tr
5.8%
2.4%
O5RU
AIMS APAC Reit
-2.1%
2.3%
P40U
StarhillGbl Reit
-3.6%
4.2%
SV3U
SoilbuildBizReit
-12.9%
1.1%


BTOU
ManulifeReit USD
4.0%
3.2%
C PRN
Citigroup Inc | 7.875% Fixed Rate/Floating Rate Trust Preferred Securities
0.1%
1.7%
DKT
Deutsche Bank Conting Cp-8 05 PC Tr Pfd Secs 08-Without Fixed Maturity Pfd
1.6%
2.0%
DOG
DOW Reverse ETF
-2.4%
2.7%
FFC
Flah&crum Pref Securities Income
4.6%
3.1%
GLD
Gold ETF
8.2%
4.5%
MMU
Western Asset Managed Muni
1.7%
1.6%
SNHNL
SENIOR HOUSING PROPERTS 6.25 SNR NTS
6.6%
2.4%
SSW PRH
Seaspan Corp | 7.875% Series H Cumulative Redeemable Perpetual Preferred Shares (SSW.PRH)
11.7%
2.3%
SSW PRI
Seaspan Corp., 8.00% Series I Fixed/Float Cumul Redeem Perp Preferred Shares
2.2%
1.6%
SSWA
Seaspan Corp., 7.125% Senior Notes due 10/30/2027 SSWA
0.5%
2.0%
TGP PRA
 Teekay LNG Partners LP | 9.00% Series A Cumulative Redeemable Perpetual Preferred Units (TGP.PRA)
0.8%
2.0%

FET 6 1/4 10/01/21 VAB6
Forum Energy Technologies Inc
-8.7%
1.8%
GEO 5 1/8 04/01/23 RAG8
The Geo Group Inc
-1.0%
1.4%
GEO 5 7/8 01/15/22 RAK9

-1.0%
1.5%
GNW 7.7 06/15/20
Genworth Financial Inc
1.7%
1.6%
MNK 5 3/4 08/01/22 LAA4
Mallinckrodt Plc
-48.5%
0.7%