理性與任性之間 - 俄烏戰爭 + 香港疫情爆發

近日世界有點動盪, 但二當家又唔想太嚴肅, 借 AGA 首歌「理性與任性之間」開個題舒發一下感受。 

先說說俄烏局勢, 由普丁派兵去烏克蘭附近既邊境, 到2月底真係開打之間, 相信無乜人相信場仗真係會打得成。首先大家都對俄烏局勢唔熟識, 包括歷史背景, 當地既政治局勢, 大家都係知普丁係強人 (or 狂人) 政治家, 但腦內諗D 乜, who knows? 一堆網上 KOL 開始品評局勢, 一日未開打, 梗係唔會賭佢開打, 始終我地呢代人都未經歷過熱戰, 戰爭對我地黎講仲係好遠的事, 但今次真係超過好多人既預期。

開打可能是普丁的任性, 但他需要一個理性的理由合理化自己出兵的出兵, 所以聲稱烏東兩個地方的獨立地位, 之後派兵去維和。 不到數日, 烏東已經躺平, 接下來普丁便進攻烏克蘭首都基輔, 理由是烏克蘭要去「軍事化」? 

烏克蘭局勢：北約東擴為何如此敏感？俄羅斯為何不惜一戰？ - BBC News 中文

至於普丁點解想打烏克蘭, 大部份文章都係講因為烏克蘭想申請加入 NATO。而二當家及一眾友人, 更著眼於睇 Sleepy Joe 及其他歐洲各國的反應, 始終烏克蘭非 NATO, 出師無名, 最多贈送武器及強烈譴責。直至近日, 制裁行動才有所升級, 包括將俄國某些銀行踼出 SWIFT, 及德國對北溪2 號停止批准程序, 才算係暫時歐美作出最大的反應。

打仗最慘既點都係人民, 而對非當地人民都有影響, 都唔知有幾耐無見過油價已經破百, 天然氣價格都可能急升。世界大亂, 市場當然跟住亂, 老土D都要講, 希望戰爭早日平息! 

另一邊廂跟香港人更有密切關係既梗係香港疫情, 由每天幾百, 到現在每天幾萬人確診, 疫情急速擴散, 由「青0政策」變作「動態青0」, 每天都看到香港既朋友要強檢, 甚至確診, 中左無病癥既都係回家休養, 加上香港人口密度極高, 一時間醫療體系負擔急升, 情況確實令人憂心。

政府的政策就唔多講, 但香港人現在最需要既係一個遠景, 今日全民檢查, 假設 lock down 一兩個月 (星加坡之前做法), 之後呢? 係香港做生意既都愁眉苦臉, 晚上禁堂食, 員工中左又要特別工作安排, 人流減少等, 做生意既如何自救? 越黎越多餐廳倒閉/關門, 寧願封左蝕本之門, 雖然香港人底子很厚, 但真係唔知可以再頂多久。疫情已經兩年, 人命/ 經濟呢個係兩難既問題, 未來又該何去何從呢? 希望港人自強, 天佑香港 💪!

股票研究 - 0697 首程控股 - 特別息與回購

 

股票回購計劃

2022021500502_c.pdf (hkexnews.hk)

特別息

[LOGO] (hkexnews.hk)

「本公司董事會（「董事會」）謹此宣佈，其已批准一項計劃，從公開市場以「市場回購」 的方式，按每股不超過 2.75 港元的價格回購不超過價值 3 億港元的本公司股份（「股份」）， 自 2022 年 2 月 15 日至 2024 年 2 月 14 日為期兩年（「股份回購計劃」）。股份回購計劃 將視乎市況而定，並由董事會全權酌情決定。」

「董事會欣然宣佈，於2022年2月15日舉行之董事會會議上，經考 慮 本公司及 其附屬公司 之業務、財務及現金流狀況，以及近 期 完成 經修 訂 建議 重 組（ 定 義見本公司 日期為 2022年1月27日的公告）所收到的現金 所得款項後，董事 會 決 議 宣派特別股息 合共港幣 2億 元 ， 其 中 第一期特別股息 為 港 幣 1億 元 及 第二期特別股息為 港幣 1億 元（「特別股息 」）。按 本公司已發行之普通股 股份總數7,291,017,194股，上 述特別股息將 合 共為 每 股普 通股 2.74港 仙，其 中第一期 特別股息 為 每 股 普 通 股 1.37港 仙 及 第 二 期 特別股息 為 每 股 普 通 股 1.37港 仙」

二當家的理財日誌: 股票研究 - 0697 首程控股 - 資產 (聯營公司) (vicemaster2nd.blogspot.com)

"係2月份既通告入面, 修改為「Excel Bond將間接持有600,000,000股首鋼資源股份，佔首鋼資源全部已發行股份約11.88%」而非全數28.98%, 其他不變, 金額14億。"

非常重大出售及關連交易 完成經修訂建議重組 - 20220127

2022012700230_c.pdf (hkexnews.hk)

「董事會謹此通知股東及公眾投資者，有關（其中包括）經修訂建議重組已獲得北京市人民政府 國有資產監督管理委員會的批准，因此，所有條件均已達成且經修訂建議重組已於 2022 年 1 月 27 日完成」

 小薯兄係群組內已經分享了他的想法, 相信他不日也會出文。二當家在此提出了我的解讀。

特別息與回購

前文中有講到首程賣首鋼得到14億, 並於 1月27日完成, 但轉個頭就分派特別息同公報回購計劃, 合共5億。 之前賣首鋼時都有講明 20%~40% 既資金用來作營運資金, 所以都算係計劃之內既事。至於呢個兩個計劃能否刺激股價就要再分析下。

先睇被賣走既 639, 全年派 17仙 / 8.6億, 697全年約收2.5億 (28.98%), 賣出後未來只能收到1億(11.88%), 未來697能否維持派息呢? (過去3年, 總數派出 21億, 平均每年7億) 如果未能維持股息, 要靠特別股息頂住回報率, 有能否持久呢?

另一個回購計劃, 2.75元下回購3億港元, 感覺上好似有個包底價 2.75 (現價唔到 1.5, 市值100億), 3億話多唔多, 話少唔少, 每日 turnover 約 1千5百萬, 差不多 20日個交易日既量, 就呢方面黎睇, 其實對股價係正面既, 至少管理層都覺得宜家個股價太低。 

買定唔買?

首先買唔買係個人決定, 唔同人買同一隻股票都有唔同既原因, 如果你為特別息, 建議睇埋全年業績先, 雖然估計今年派息唔會受到影響, 但未來要將賣走 639 呢個影響因素納入考慮因素之內。就二當家而言, 更想知道的係未來 697 有咩新計劃, 因為係新增車位既數目, 及每年15萬個新增車位既目標😷(每年都吹多5萬目標)。老實講, 從自願性公告既情況黎睇, 今年達標都係凍過水, 但管理層算係對股價做左D野, 但假若新增車位遜於預期, 二當家不排除等股價少上賣出就算(如果炒得上的話)。

近況 (九) - 虎年快樂! 身體健康! 心想事成! 生活愉快!

生活

在台灣, 今年的年假特別長, 前後總共9天。因為疫情的影響, 今年決定暫不回港。番香港要酒店隔離, 番台灣又要隔離, 一來一回3~4萬港紙走唔甩, 而且困係精神時間屋內, 想唔癲都幾難。

朋友問我新一年的計劃, 老實說乜計劃都無, 講好聽一點叫做「隨遇而安」。唔單止新一年, 連過年我地都無計劃, 原本想在假期做多D運動, 出去行下山, 點知9日假期落早8日雨, 原本諗住兩丁友係屋企煲劇打機, 點知最後又日日都有聚會, 再多既安排都係無用, 有時讓自己空閒一點, 新事情突然會出現。

O岩O岩睇到新聞, 香港疫情又創新高, 六百多單確診, 疫情的終點仍是否遙遙無期, 估計開關更難。在台灣, 新年前二當家都係每日睇實新聞, 因為怕隨時升至第三級, 最終台灣政府維持在第二級警戒, 大家才可以開心過年。未來疫情會否在台灣大規模爆發, 二當家相信會有很大既機會, 但願二當家是錯的。

投資

投資方面, 美市來個下殺, FB (META) 一日跌左 2X%, 現價好吸引, 其他美股都非常敏感, 一個唔覺意又 -1X%。 雖然係咁, 但二當家煩緊還按揭, <前人種樹>, 新年又同親戚傾左電話, 真係越傾越氣, 親戚果種好似幾百萬未開頭既想法真係好奇怪, 未夠3年已經想放盤, 提佢又好似阻仍發達咁, 實情係佢手上既錢根本唔夠買到佢既心頭好, 再者, 買樓每次都有開銷, 搬屋, 律師費, 厘印一定走唔甩。當初已經係親戚最後一層樓, 估唔到話咁快又話換樓。

二當家再三想想, 自己怕麻煩, 所以想盡快係3年期滿前解決左按揭既事, 到時親戚想點賣, 點買, 俾DSD, BSD 都係別人的事。



工作

工作上都係咁, 來台快第3年, 有機會回港, 有機會升職, 但呢個有機會都令二當家諗多好多野, 因為習慣了台灣的生活質素, 點港又要重新面對以前的問題, 但始終家人全都在香港, 新年期間, 已經有不同既家人問我地今年既去向, 好明顯佢地都 count 住我地係台灣既時間。亦有親戚在香港入院, 二當家真係覺得非常無奈, 明明香港同台灣只係 1.5HR 既飛機, 宜家搞到這麼近, 那麼遠。而且, 離港的朋友越黎越多, 有時真係反問自己番香港是否一個合適既決定, 但都唔敢諗咁多, 因為家家有本難念的經, 去到外國不一定好, 番香港不一定差, 所以二當家還是「隨遇而安」。



身體

將近4字頭, 身邊的朋友越來越多出現身體既問題, 輕則影響升遷機會, 重則影響生理表現。託賴, 二當家仲行得走得, 身體並沒大礙, 但見到身邊既朋友一個一個咁大病小病咁, 都唔到我唔擔心。未來Keep 住至少一個星期打一次波, 可以的話就每日做下 plank, 拉下筋。每年做一次 body check, 飲食都要開始注意下。

思想

二當家成世人都靠自己, 所以思想上有自己偏執既地方。前陣子遇上一個 Life Coach, 二當家既個性既先懷疑, 所以對好多想法都係先拒絕。二當家對Life Coach既認知等於心理輔導, 但隨住自己有好多好多負面想法, 有時 Life Coach 又真係幫到你。Life Coach 其實並不會幫助到我解決問題, 只會提醒我唔好咁固執, 唔好咁執著, 先從一兩件小事做起, 再慢慢由小事改做大事。我並非 100% 相信我個 Coach 既想法, 但有外力去推自己放下某D 事情都係好既。可能到最後會發現, 放過既唔係別人, 而係自己。