Friday, July 30, 2021

用DDM評估1883 中信國際電訊的內在價值

 Happy Friday! 唔好做 d 太 hardcore 既 study, 諗住做個好學生, 跟鍾記學用 DDM model 幫1883 把把脈!


All the credit to 鍾SIR!!!

股壇老兵鍾記 長勝之道: 用DDM評估恆生銀行的內在價值 (bennychungwai.blogspot.com)


//

DDM計算公式:P0 = D1 ÷ (r – g)

P0 = 內在價值

D0 = 現在的股息

D1 = 第一年的股息 = D0 x(1+g)

g = 股息增長率

r = 必要報酬率

= 無風險回報 + 股票啤打系數(Beta) x (市場實際回報率)

//

首先講點解用 DDM, 其實我都想用 DCF 幫 1883 把脈, 但係用 DDM 去計會快好多。
1883 過去由 2013 開始, 收入都派息都非常穩定, 到2020年派息都有增長, 派息比率為75%。






1) 先找 g 值
首先先去 aastock 到搵過去派息記錄 (無用到鍾 SIR ROE果個方法)
之後用 Excel 計舍 CAGR, 得出 g = 11.18%


2) 找 r 值
直接抄鍾sir 既部份 assumption😊
無風險利率 = 1.12% 
市場回報 = 8%
Beta = 0.77 Reuters / 0.66 Morning Star


r = 無風險回報 + 股票啤打系數(Beta) x (市)
r = 1.12% + 0.77 x (8%-1.12%) = 6.42%
or 
r = 1.12% + 0.66 x (8%-1.12%)= 5.66%

平均左個數, 得出 r 值
r = (6.42%+5.66%) / 2 = 6.04%

3) 計算 P0

D0 = 2020 年派息 0.21 港元

D1 = D0 * (1+g) = 0.21 * (1+11.18%)

D1 = 0.2335

DDM計算公式:P0 = D1 ÷ (r – g)

P0 = 0.2335 / (6.04% - 11.18%)

= - 4.54 😝


無理由個內在價值係負架wo, 即刻上網問功課

各位師兄既答案都一樣, r 不能大過 g, 咁即係點? 個 dividend growth 唔可以超過必要報酬率?😲

今日無功而還, 下次再試過用 DCF 去計 1883 值幾錢



後續

見到「睇你數簿」之前都有用 DDM 去計內在價值, 二當家又學下野先

睇佢數簿;做佢老闆: DDM (lookitsmathbook.blogspot.com)



要知道估值既含意, 要先理解每個數值的意義

r = 必要報酬率

= 無風險回報 + 股票啤打系數(Beta) x (市)

無風險回報 = 1.12% [低要求回報, 如銀行定存 或 美國國庫債券]

市場實際回報率 = [市場回報率 (恆指過往回報為 8%) - 無風險回報] 得出市場實際回報率

= 8% - 1.12% 

= 6.88%

Beta 值 = 0.715 (0.77+0.66 / 2) 股票與市場既關聯值  

必要報酬率 = 1.12% + (0.715 * 6.88%)

= 6.04% (市場實際回報率6.88%, 但係1883 唔會跟足個市升, 所以打左個7折, 再加回無風險利率)


但假設無風險利率改變, 又或者市場回報率改變, 都會影響 r 值

所以將不同既 scenario 做左上面個表, 得出必要回報率 r 為 6 ~ 9.15% 區間, 平均值7.6%

avg r = 7.6%



再將不同既 r 值 及 g 值列出黎, 代入 DDM 公式

DDM計算公式:P0 = D1 ÷ (r – g)

二當家在上圖中直接用2020年派息 0.21 (保守d) 搵內在價值

假設股息增長率為 1%, 必要回報率係8% (avg r 為 7.6%), 內在價值為 hk$3 

為左保守D, 再打多個8折為自己包底, HK$3 * 80% = 2.4 (VS 現價為 2.5)

現價與打折後既內在價值相近


但在用 DDM 時最大最大最大 (重要的事講3次) 既 assumption 為 股息永續增加

亦即如果派息不能維持的話, 所有的 assumption 都係廢既

要知道可否維持派息, 可以睇幾樣野

  1. 公司既派息政策, 例如 REIT, 係有規定既派息政策, 一般公司就要靠個信字 😜(寫出黎都未必真)








  2. 派息比率, 賺1蚊派1毫子, 同賺1蚊派9毫子, 你覺得邊個安全D?
    1883 派息比率按年上黎, 已經上到 75%, 但你覺得維唔維持到 1% growth rate?


  3. 現金存備 (cash / pay out dividend ), 錢越多, 可以維持派息既機率越大
    Cash 1518M / 733M

  4. Free Cash Flow, 有錢進來至係最重要
    懶, 唔計住

Thursday, July 29, 2021

股票研究 - 0697 首程控股 - 業務/總結/估值


業務及總結

停車場業務 - 暫時不能完全理解這方面的業務, 上網查看了公司的合作模式, 如 BOT (Build Operate Tranfer), PPP (Public-Private Partnership), 應該都是要先投入資金而獲得經營權。但能否帶來現金流則是另一個問題。如果是年租/月租車位, 現金流是相對穩定 (看出租率), 但如果是時租車位, 則很難定義為穩定現金流項目。

发改委鼓励市政基础设施REITs试点 首程控股或成首批发起人_新浪财经_新浪网 (sina.com.cn)

由2018年開始, 說的用 REIT 方式實現基金投資人的退出, 暫時還未能實現, 雖然成功率算是大, 但對股東來說可以創造多少收益? 再用基金來說, 年來的理想汽車, 八億時空, 雖然年報中有講到「股權投資基金的全基金收益率分別」, 但在基金收益中也是年化42%、132%、21%,現金回流率分別是45%、442%、105%。」 但事實上當中的回報是指對基金投資者, 還是對股東? 這方面二當家還是沒辦法去搞清楚。

  • 2017年基金規模 180億 / 216億港元
  • 2019年基金規模 430億人仔/ 516億港元, Profit~1.95億, 0.37%
  • 2020年基金規模 估計450~500億人仔/ 540~600億港元, Profit~1.8億, 0.33%



在疫情下, 首程的車位收入估計都好唔到去邊, 因為主力都係機場, 高鐵站, 但長遠黎睇係有D睇頭。隠憂係呢類 project 好睇唔好食, 唔似823, 加租政府都唔會阻, 以國內既潛規則, 呢類基建要提升租金應該非常困難, 但提升使用率的確係有可能既, 上面既 youtube 直接跌到2:59, 就可以睇到大興機場將停車場做成好似 Amazon 既全自動倉庫。


估值

老實說估值非常困難, 一來營運數據不足, 二來業務上好多不明確既地方。加上未來脫離639後所帶來的影響 (收入減少, 收到的股息減少, 一次性的虧損), 二當家覺得比較安全的做法是用 PB 去睇, 現在 697的 NAV 是1.663, 自己加上一個安全邊際, 假設是 80%, 比較安全的入手價應該是1.33左右。又或者可以用配股既價錢去作參考, 例如最大宗的 CB 是用0.3 (5合1後 = 1.5) 換普通股, 就以1.5 以下為目標, 買得平過大股東。

最後二當家將主席報告書中的一些點放係下面, 方便跟進。另外呢篇係做資料搜集時的睇到既文章, 都非常值得一讀。

新世界对首程控股的理解_SH600628_乌龟量化 (wglh.com)


Wednesday, July 28, 2021

股票研究 - 0697 首程控股 - 現金流

 聲明: 二當家都係自學會計,非專業人士, 亦非投資建議

首程控股 2020年報 2021042300460_c.pdf (hkexnews.hk)



現金流係二當家最弱果一部份, 暫時又未睇到老唐<手把手>現金流的部份, 所以只可以非常粗疏咁去理解。




最簡單既方法就係睇晒3個由「經營, 投資及融資」現金流向, 唔難發現由經營帶來的現金流向係非常之低, 只有6千萬 (Profit 6,3億), 而且仲未計入融資現金流入面既「租賃負債」 - 2.7億。換向話說, 宜家收埋 D 錢都係唔夠交租。 (可以參考 睇佢數簿;做佢老闆: IFRS 16 (使用權資產) 嘅影響, 配有數字例子 (lookitsmathbook.blogspot.com)




投資部份包括左收到聯營公司既股息 - 2.3億, 假設賣出639後得番6成, 換來14億資金, 未來每年大約只收到1.38億股息。 況且, 公司發左普通股同咁多CB, 代表未來一定會有更多既投資需要, 現金流向應該唔會太好睇。


最後二當家關心既當然係股息, 每年派發的金額約 8~9 億, 現金上係足夠派到3~4年, 但如果未來既現金流無改善, 又或者未來加大投資金額, 都會令到現金流快速減少, 咁又是否代表好有可能會有額外的融資需求? 這些都是小投資者要關心的地方。


股票研究 - 0697 首程控股 - 收益表

聲明: 二當家都係自學會計,非專業人士, 亦非投資建議

首程控股 2020年報 2021042300460_c.pdf (hkexnews.hk)




首程既收益表亦相對簡單, 二當家對收益表既內容成日都抱有懷疑, 原因並唔係因為是否做假數, 而係收益表上好多野會 distract 左個投資者, 例如公允值。以前二當家睇收益表, 都係計計 Growth, 計計 Gross Margin, Net Margin, Earning Ratio. 

但其實重點應該係理解附註既內容, 例如收入由何而來, 錢又洗左去邊到, 如果就咁睇首程 D growth rate

Revenue 705/396 = +78%
COGS 531/193 = +175%
Gross Margin 174/202 = -13%
Net Margin 635/442  = +43%

可能好直覺咁覺得首程都係靠合營新公司果3.44億至有 Profit growth, 自己公司 Revenue 升左但係 Gross Margin 低左, 即係 cost control 做得唔好。  這個直覺可能是對的, 也可能是錯的。


在附註5, 可以看到停車場收入增加 1.2倍, 新增加的收入為服務特許經營, 基金收入上升 12%, 其他收入如租賃收入也有提升。 






至於開支部份, 其實二當家睇唔明, 係2020年的開支總數係5.31億, 但在附註8的「按性質劃分之支出」當中, 竟然只包埋 4.7億既開支, 咁另外D 錢去左邊??? 2019年數又唔對, 點解好似咁鬼既, 定係二當家睇錯左? 呢部份好多 concern wo. 大扣分!😡

開支當中最大為員工開支, Manage 既資產多左但人手上開支穩定係好事。另外新增左建造成本, 估計係起新既停車場 (BOT 項目?)。使用權折舊就預左會大增, 因為理論上係新增既「使用權資產」成正比關係。




附註6 的其他收入, 看到新增的其他收入為政府補助, 減去這部份的話比上年微跌。




附註10中, 利息收入增加, 租賃負責利息增加, 這個也是增加「使用權資產」下的 side effect. 

合營, 聯營公司之前都討論過, 不贅。


總結: 二當家人不會把合營公司的業績視作穩定收入, 而聯營公司也已經申請轉售, 假設完成轉售除了一次性的虧損, 未來聯營公司的收入也要打 6折 (準備賣出的639股權為11.88%/ 總股權28.98% = 40%)。公司開支大增, 但未有詳細透露。

如果好保守咁去睇, 假設收入一樣, 撇取合營公司收入, 減去40%聯營公司收入, 

Profit - joint ventures - (Associates * (1-40%))
= 6.35億 - 3.44億 - (3.43億 * 60%)
= 0.91億 / Earning (0.012) (已發行普通股 7,291,017,194)

股票研究 - 0697 首程控股 - 資產 (合營公司及現金)

 聲明: 二當家都係自學會計,非專業人士, 亦非投資建議

首程控股 2020年報 2021042300460_c.pdf (hkexnews.hk)


 

2019-11-13_公告及通告 - [須予披露的交易] 須予披露交易 - 成立合夥企業及由合夥企業收購停車位收益權

二當家根據「差不多的20/80」理論, 將合營5%+聯營37%+使用權資產12%+現金26% = 資產類別的80%, 睇埋「合營企業」就大致上完成資產類別。 (其他並非不重要, 只係我懶😋)

697 既合營公司- 「廣州首中萬物」係可以係披露易到搵到, 主要合營公司為 2019年年底成立的首中萬物, 當時集資5億人仔去收購 7727個係廣州市既車位。

停車位包括賣方擁有的 7,727 個停車位,位於賣方在中國廣州市開發的各類物 業,包括花都區、白雲區、海珠區和番 禺區各有一個停車場,以及黃埔區有三 個停車場。

要知道既係, 合作伙伴為「深圳萬物」。而「深圳萬物」是萬科物業發展股份有限公司的附屬公司。萬物係房地產方面, 係僅次於恆大同碧桂園。咁算唔算泊到個好碼頭呢? 未來仲有冇其他發展機會?


呢間合營企業, 係2019年既賬面值係 3.8億, 而係2020年到產生既收入高達2.44億, 溢利2.69億, 2020年既賬面值升到 6.97億, 勁過火箭。而係2020年3月份既通告入面, 見到下面呢幾間公司, 簽左 5 份協議。


  • 「廣州萬物」 指 廣州首中萬物企業管理合夥企業(有限合夥),於中國成立之有限合夥企業,驛停車持有其70%權益,深圳萬物持有其29.9%權益,廣州停車管理公司持有其0.1%權益;
  • 「佛山萬物」 指 佛山首中萬物企業管理合夥企業(有限合夥),於中國成立之有限合夥企業,驛停車持有其70%權益,深圳萬物持有其29.9%權益,廣州停車管理公司持有其0.1%權益;
  • 「廣州停車管理公司」 指 廣州首中萬物停車場管理有限公司,一家於中國成立之有限責任公司,驛停車持有其69%權益,深圳萬物持有其31%權益;
而協議內容包括銷售管理, 所以收入是否賣車位而來, 定係收租金都收到2億, 營利又是否能持續呢? 暫時呢D 問題都答唔到, 但小股東可以留意未來幾年呢間合營企業既發展。

現金及銀行結餘部份無乜好講, 37億就係到, 正如前文所說, 37億放係到唔用係咩一回事? 點解仲要集資, 點解要賣639, 呢幾點都係要留意未來公司既發展。如果用健檢黎講, 每股697, NAV 1.63, 現金37億, 總負債至 22億, 借貸部份仲要極低, 健康到一個點。


Tuesday, July 27, 2021

股票研究 - 0697 首程控股 - 負債

聲明: 二當家都係自學會計,非專業人士, 亦非投資建議

首程控股 2020年報 2021042300460_c.pdf (hkexnews.hk)


來到負債部份, 項目相對少。如果有看之前「使用權資產」, 就會知道租賃負債(流動及非流動)跟使用權資產係一個對應項目。




總借款只有4.8億, 而且主要為非流動負債。超過5年期既有3.8億, 而且全數為無抵押。金額對比2019年也沒有大幅增加。


應付賬款及其他應付項目雖然增加到4億 (204+216), 但以首程的現金儲備, 應該沒大風險。

大致上完成了整份資產負債表, 健檢成績非常好, 雖然未來賣出左639會影響到收入, 但如果為轉型及發展新業務的話都無可口非。況且, 首程簽既新停車位全為標致性既地標, 要假都假不來。

Monday, July 26, 2021

股票研究 - 0697 首程控股 - 資產 (使用權資產)

  聲明: 二當家都係自學會計,非專業人士, 亦非投資建議

首程控股 2020年報 2021042300460_c.pdf (hkexnews.hk)

睇佢數簿;做佢老闆: IFRS 16 (使用權資產) 嘅影響, 配有數字例子 (lookitsmathbook.blogspot.com)





係697既非流動資產類別, 第二大項就係 「使用權資產」, 強烈地建議先睇左睇佢數簿既大作 (已附連結), 理解一下背後既 logic。 最簡單黎講, 就係原本我租樓住係一個 expense, 宜家要根據我既租約係 balance sheet 到創造出「使用權資產」及「租賃負債」, 原本每月租金o係 income statement 會由 expense 變做折舊 (@Fixed rate)+利息開支(variable)。簡單來說, 年期合約越長, 使用「使用權資產」既金額就越大。

而係 697 既例子入面, 年報並沒有詳述其管理停車場既資料, 例如制定合約既年期等, 只有偶然會係主席報告書內有所提及。例如2020年報中, 「年內又一舉獲得了北京和成都三座高鐵站的全部停車位運營權」, 但在整份年報內沒有提及運營權的年期。但在2019年報的主席報告書, 文中提及 「公司又獲取了河北省保定市全部主城區約13,000餘個路側停車位30年的運營權。」。二當家作為小股東, 最關心係其管理的停車場, 車位數量, 及年期, 希望未來可以有一個列表方便估值。


本集團之租賃活動及其入賬方式

本集團租用多項寫字樓物業及停車資產。租賃合約通常按為期120訂立,惟如下文第(v)項所述可選擇予以期。租賃條款乃按個別基準協商且包含多種不同條款及條件。租賃協議並無施加任何契諾。

可變租賃付款

部分停車資產租約包含與停車資產產生之收入相關聯之可變付款條款。並無計入租賃負債計量的短期租賃及可變租賃付款相關開支並不重大。可變付款條款的使用有多種原因,包括盡量減少新建停車場之固定成本基礎。取決於收入之可變租賃付款在觸發這些付款的條件發生之期間確認為損益。

延期權及終止權

本集團中的多項租賃均包含延期權及終止權。該等條款之設立是為在管理本集團營運所用資產上發揮最大營運活性。所持大部分延期權及終止權只可由本集團行使,相關出租人不可行使。

在年報的附註中, 可以看到租賃期的資料, 例如通常年期, 可變租賃付款, 及延期權及終止權等。而根據主席報告書內的偶有提出的資料, 新簽的停車位運營權都以> 10年 (二當家保守一點), 由於年報中沒有詳細車位的列表, 小股東不容易知道車位數量等資料, 但小股東能否參考「使用權資產」的增加, 而去估算新簽的停車位呢?

使用權資產 增加 (HK$000)

2019 1,066,195

2020 1,015,655


根據年報, 2020年使用權增加為10億港元, 跟2019年相約。但請注意呢個只可作參考, 因為唔同地方既車位及租金都會非常唔同, 例如明明市場租金係20000, 為左谷大個ASSET我俾90000租金, 呢個都係 Starman 係恆大收購入面谷租值既做法。由於首程既房東多為地方政府或基建項目既停車場, 所以二當家會 ASSUME 租金係 fair deal. 至於如果提升回報率, 為股東產生營利, 就要係 income statement 同 cash flow 到再 check。

股票研究 - 0697 首程控股 - 資產 (聯營公司)

 聲明: 二當家都係自學會計,非專業人士, 亦非投資建議

首程控股 2020年報 2021042300460_c.pdf (hkexnews.hk)




會計101, Asset = Liabilities + Equity, 一圖勝千語, 什麼 quick ratio, current ratio 都係由呢張圖到黎, 而且Current Asset 48億入面有37億係 CASH。

先理解一下每一項資產代表D 乜野




由金額最大果份去睇

於聯營公司之投資 - 佔總資產37%


聯營公司年報到列出左4間, 均用權益法入賬, 而首鋼資源列為重大聯營公司, 其他均為不重大聯營公司。小股東亦可以係ETNET到查到 697 既企業架構, 例如首鋼資源為上市公司 639, 有興趣既都可以睇埋 639 既年報進一步了解。



上網搵到既解釋

於聯營公司的投資是按權益法記入綜合財務報表,並且先以成本入賬,然後就集團佔該聯營公司資產淨值在收購後的變動作出調整。綜合損益賬反映年內集團所佔聯營公司的收購後及除稅後業績,包括年內已確認與聯營公司投資有關的任何商譽減值。

- 此重大影響力是指有權參與實體的 營運及財務決策,但沒有決策權一般情況下,持有(直接或透過附屬公司)實體20% 或以上的投票權,會被視為擁有重大影響力,反之亦 然。其他因素,如加入董事會或參與決策過程等,亦 可被視為擁有重大影響力。 聯營與合營企業的會計方法相似,投資者以權益法列 賬。

首程本身係轉變緊, 前身「首長國際企業有限公司」 是中國中央企業首都鋼鐵集團(首鋼集團)旗下的香港上市子公司,主要經營鋼鐵製造及貿易、航運、發電及其他管理服務業務。但宜家發展緊停車場同基金既業務。

咁點轉型呢, 唔係單單靠改個名, 如果有留意首程, 會發現 2021 年1 月份既重大出售及關連交易公告, 原意係將全數639既股權以2.4作價作, 總金額35億作內部轉讓, 1月份既18頁公告入面, 其實有好多有用既資訊, 老土D 用 5W+1H 去問呢個DEAL


2021011501150_c.pdf (hkexnews.hk)

2021021800048_c.pdf (hkexnews.hk)

2021043000800_c.pdf (hkexnews.hk)

Who - 對象是誰? 賣俾邊個?
    京西 - 京西控股有限公司,一家在香港註冊成立之有限公司,是首鋼基金之全資附屬公司和首鋼集團之間接全資附屬公司,於本公告日期亦為本公司之主要股東

Why - 點解要賣, 有乜好處, 有乜需要?

    「儘管本公司是持有首鋼資源約28.98%股權的大股東,但本公司無法向首鋼資源提供資金和資源支持,以進一步發揮協同效應。由於本集團對首鋼資源發展的貢獻將十分有限,長期來看,繼續持有該筆投資難以使本公司股東充分受益。

此外,截至2020年6月30日,本集團對首鋼資源的股權投資約佔本集團總資產的35%。繼續持有首鋼資源股權嚴重限制了本集團優化資產結構的能力。如果資產結構無法反映本集團主營業務的屬性,則本公司在資本市場中的定位將面臨挑戰,這可能會對本公司的估值和市場認知產生不利影響。」

What - 出價是否公道, 對公司既財務表有乜 impact

639 - NAV 3.135, Earning , 0.2062, 作價2.4, 即PE11, 250天平均線1.837

「預計本公司在處置待售股份時實現未經審核的損失約 137,433萬港元(在重新分類匯兌儲備前),將記入損益,該損失為處置待售股 份所得的現金約351,351萬港元與截至2020年9月30日止未經審核的待售股份賬 面價值之間的差額。」

When - 幾時成 DEAL, 點解係呢個時間賣

正如之前咁講, 公司並非缺錢, 但由上年不斷集資緊, 估計係有大 project / 重大資本需求

Where - 賣完之後, D 錢會用係邊

30%~40% - 本集團計劃將部分現金淨額用於支付停車場改造支出、系統研發支出、租金和新建停車樓的運營建設支出。部分現金淨額用於設立停車資產投資基金的投資支出,使本集團繼續把握行業機遇,擴大在停車領域的領先優勢

30%~40% - 本集團計劃將部分現金淨額用於城市更新業務,包括首鋼園區的開發計劃和持續設立以城市更新為導向的私募基金;城市更新REITs基金是從本集團主營業務整合中產生的戰略性投資產品。本集團預期前述基金將有效提升基金管理規模和資產管理規模

20%~40% - 隨著本集團業務規模和經營規模的擴張,部分現金淨額將用於合理補充本集團的日常營運資金,包括行政支出、業務拓展支出和支付股息等事

How - 有咩其他方法

公司唔等錢洗, 又唔係要還債, 所以賣定唔賣似乎可以相信真係轉型上既需要


係2月份既通告入面, 修改為「Excel Bond將間接持有600,000,000股首鋼資源股份,佔首鋼資源全部已發行股份約11.88%」而非全數28.98%, 其他不變, 金額14億。

係4 月份既通告入面, 有更加 DETAILS 既分析 (過百頁), 亦有講到過點解唔到。二當家自己覺得, even過到, 股價可能仲會有波動, 因為會產生一次性虧損, 而且聯營公司既收入既佔697一個相當大既比重 (profit 6.3億, 有3.4億係來自聯營公司)。唔比697全數賣出, 又或者分幾年賣, 可以減少波動, 但呢個係長痛定短痛既問題。最理想既係, 697 既停車場同基金收入已經有相當既規模, 可以取代639既收入, 再將639 脫離集團。

「經修訂建議重組(即儘管不能將本公司於首鋼資源的間接股權全部出售,但仍將出 售部分) 誠如該等公告所披露,京富及首鋼控股已向執行人員(香港證券及期貨事務監察委員會企業融資部執行董事或其任何代表)申請豁免。在2021年1月 15日刊發公告後,本公司接獲通知,京富和首鋼控股未能成功獲得執行人員授出豁免。換言之,日期為2021年1月15日的該公告「條件」一節所載列的條件(iii)將不會於最 後截止日期前達成。」


下篇再續




股票研究 - 0697 首程控股 - 股本與股東

 

睇住唐朝本書, 心入面果團火又出番黎, 決定真心去研究一隻股票, 首程係小弟係其中一隻持股, 小薯兄都有介紹過, 但二當家決定由零重新去認識呢隻股票, 暫時打算出一個系列, 一步步咁理解呢隻股票。

聲明: 二當家都係自學會計,非專業人士, 亦非投資建議


首程控股 2020年報 2021042300460_c.pdf (hkexnews.hk)



唐朝本書有講到, 新手睇年報, 先睇income statement, 但係老手通常都係先以 balance sheet 為主, 而係首程2020年既balance sheet入面, 其中有個位係非常 eye catching 既, 就係股權變動非常多。

上圖表示, 係2019年12月31日, 股本為 101億, 而到2020年12月31日, 股本為 121億 , 增加左成20%。第一個諗法就係首程係唔係缺水, 睇番首程既現金水平, 係2019年底係有30億現金😲, 總負債為11億, 就咁睇比例, 財務健康到一個點.........

股市/股票原本最重要既一個功能就係集資 (雖然世人都忘記左), 如果唔等錢洗又要集資, 二當家諗到既可能性有幾個, 一係 GAP 平水(息低環境), 一係真係有集資需求, 未來有投資計劃, 當然, 仲有好多可能性, 不過我未諗到。

講到 GAP水, 都要睇下對象係邊個, 所以二當家將上面既CB, 同發行新股做左小小整理。




所有 CB 既資料都可以係年報附註25, 26到搵到, 又或者可以係董事會報告書到有提到, 但因為好多時候都係用附屬公司去 OWN, 好難搞清楚所有關係, 所以最簡單既方法係用公司名查下, 例如當中的最大一筆CB係11億, 發行日期係2019年11月29日, 年報中寫到

發行和轉換港幣12億元可轉換債券(2019年11月)
於2019年11月29日,本公司與歐力士亞洲資本有限公司(「歐力士亞洲」)、Matrix PartnersChina V, L.P.(「Matrix PartnersV 」)及Matrix Partners ChinaV-A, L.P.(「Matrix PartnersV-A」)(統稱為「可轉換債券認購人」)訂立可轉換債券認購協議(「可轉換債券認購協議」)。
但當轉換為股份時, 股權係轉換俾一間叫 Mountain Tai Peak 既公司

於2020年2 月4 日,本公司向歐力士亞洲於相關可轉換債券認購協議項下之指定人士Mountain Tai Peak I InvestmentLimited(「Mountain Tai Peak 」)發出強制轉換通知,以兌換本金額為港幣1,115,000,000元之可轉換債券
呢間 Mountain Tai Peak 係咩公司黎? 二當家再係年報到 seach 就發現左, 原來呢間 Mountain Tai Peak 都係歐力士係一部份 

歐力士股份有限公司於其直接全資附屬公司歐力士亞洲資本有限公司及間接全資附屬公司Mountain Tai Peak I Investment Limited分別持有之全部300,748,346股股份及743,333,333股股份中擁有權益。

換句話說, 到頭來首程都係問原本既股東拎錢, 而且各股東都非常配合, 2019年出既 CB, 2020年2月就換晒做股票, 而且大家都可以留意兌換價, 兌換價為5合1前既 0.3 (即現價1.5), 作為小股東, 心裡有個底, 呢隻野大股東用1.5 既價錢入左11億, 並非一個小數目。二當家睇埋其它 CB 既交易方, 其實大部分都係原本既股東, 係披露易到下載最新大股東名冊, 所有野都一目了然。





睇完以上, 心中既疑問就解決得7788,。 作為小股東, 如果未來再發行新股, 又或者繼續發行 CB, 都要繼續留意, 但如果用以上資料去睇, 首程係向原本既股東要緊加大公司資本, 而3個大股東 (首程, ORIX, 新創建) 都有科水落去, 令到股本於一年內增加了20億。而發行新股本或CB既行使價,  大約係1.5~2.0蚊左右, 如果想買得平過大股東, 可以係 1.5下至入貨😝 。
 
至於未來仲有冇集資需要, 二當家覺得仍然是有這個需要, 主要係因為同首程個 business model 有關, 遲D再講。


Thursday, July 22, 2021

投資反思 - 信仰就是選擇


二當家最近訂了內地投資者 - 唐朝 的四本作品, 包括<手把手教你讀財報 1&2>, <價值投資實戰手冊>, 及<巴芒演義>。一開始打開<巴芒演義>, 望了兩望, 內容主要是講兩老的生平, 沒有太大的興趣, 暫放一邊。繼而打開<價值投資實戰手冊>, 一天已經看了前半部, 晚上在床上一直在回味, 最後竟然久久不能入睡。

先說一下二當家自己過去的投資過程, 書看了不少, 但睇完有冇用番出黎, 又係另一回事。有人比如投資作武功, 門派甚多, 單單價投都仲不分不同門派, 煙蒂派, 巴老派, 成長股, 另外又有一段時間學現金流學派, 槓桿的使用, Starman 又介紹過自己的 REIT+BOND, 宜家又學緊點用期權, 啞鈴式投資等等........

學左咁多, 再睇番自己既投資成績, 未到最差, 但應該只能算是「中下」吧。記得自己上過市場先生的課, 當時以一隻 190 香港建設去分析, 2017年的價格是4.16元, 二當家一直沒有跟這隻股票, 剛剛找回來看, 原來這隻股票剛剛在2021私有化了, 作價8元, 另外派息0.13, 而股票前90日的平均成交價也是 4元左右。由於已經私有化, 很多地方的資訊也已經找不到, 假設2017年用4.16元買入, 2021年用8.13賣出, 2018-2020 每年收到 0.26 利息, 簡化咁計年回報率是 16.5 % = (8.13 + (0.26 * 3)/4.16)^(1/5)-1, 其實這是一宗不錯的投資, 但要如何忍到佢5年, 呢個就係我想講既「信仰」。


5年期間, 股價可升可跌, 可能股價跌到4蚊以下, 以有可能曾經上到5蚊, 要如何跟理解市場先生的報價, 其實說到尾就是你有幾信自己的分析。最大的問題是「貪念」, 看到周圍的股票升到飛天, 自己手上的股票最多都是平平, 怎辦? 是否要換馬? 是否因為外圍環境改變? 還是內地政策改變? 研究一隻股票, 怎樣才算深入, 投入多少時間才算夠, 這些都是只能靠自己感受的。

上面各種投資方法, 某程度上都可以令你賺到錢, 但樣樣都學, 學而不精, 最終都係得個桔, 還不如簡簡單用月供買指數。諗起以前打<金庸群俠傳>, 10級野球拳都可以好勁, 但樣樣只升到一兩級, 一碰到十大好/惡人, 兩野就被打死。

有寫投資 BLOG 的, 算起來有很多都是行內人, 像是市場先生, 匯君兄, 鍾記, 小薯, 就算不是做投資, 也可能是做保險, 又或是真係對投資/股票市場很有興趣, 像是 Billy, 偉哥, 飛鳥兄等。在長時間的分析及投資過程中, 他們已經不斷把自己的技能反覆練習, 優化, 再養成自己的信仰。左學兩招, 右學兩招, 有時仲危險, 還不如一招打天下, 這個就是二當家說的 「信仰就是選擇」, 即然信的是價投, 就不要一時看走勢, 信的是看圖派, 就不要用估值說服自己, 否則, 最後好有可能一事沒成。

說回<價值投資實戰手冊>, 書中分三部, 第一部是心法 - 如何面對股價波動, 第二部是工具 - 如何計算內在價值, 第三部是實戰, 多以唐朝的愛股茅台為例。三部之中, 最重要為第一部, 基本上是整本書重心所在, 第二部的估值的重要性不到10%, 唐朝自己也說, 小學生程度已夠, 加減乘除, 計計回報率, 並沒有什麼秘密。 最後是實戰, 由於唐朝多用國內白酒股為例, 我都係飛住黎睇。講到尾, 投資可以好簡單, 不明白的不買, 條數唔好既不買, 有懷疑的不買, 睇中既, 就等到O岩價至買, 大道至簡, 但絕不簡單。



Wednesday, July 14, 2021

期權初體驗 (二) - 心魔

 


番工番到悶, 又上黎寫文自娛一下。


話說做左第一張 SP 700@540後, 唔夠兩日就穿者, 之後二當家又貪心地開多張 SP 700@520, 咁做當然係有風險, 再插的話要接晒2張既貨, 雖然錢係有, 但心態上都係緊張。反問自己, 接左貨怕唔怕, 定係最後又同自己講, 睇定D, close 晒 D SP 佢先再接。心魔既野每個人都有, 因為大家唔知咩係平, 咩係貴, 除非自己非常咁確信自己既估值能力及結果。即係阿里咁, 個個都話平, 值300蚊以上, 但係個價就係唔升, 一年唔升, 兩年唔升, 十年後阿里可能又變左做第二隻 941 又或者005。

呢兩日700又反彈, 上番 550以上, 又係到諗, 如果自己接左貨就好啦, 記得傻貓之前都有篇文, 講述到價後但又無得行駛, 睇住個價彈上去。的確, 二當家都有呢個感覺, 但做 SP 就係咁, 坐下坐下又一日, 開始明白點解D 人話期權, 有時係俾你係悶市中搵下野做, 打發下時間。



股票期權 (hkex.com.hk)

另外, 二當家係勁人谷到睇到各人討論 9988 期權, 至知道原來唔係隻隻股票期權都係一張一手, 例如 9988 咁就係一張 5手, 以後買賣既時候要更加小心, 因為 IB 既 preview 好多時都係只係睇到 margin impact , 但margin impact個 amount 唔係 full covered, 睇 Max loss 至係真正 full back up 需要既錢。二當家估 Margin 係預你唔接貨, 但如果接貨就要預足夠既錢。


例如: 一張 700@540 既 SP

Initial Impact  -  HK$11000

Maintenance Margin - HK$8800

Max Loss - HK$53400


Thursday, July 8, 2021

期權初體驗 (一)

 


二當家其實學期權都有好幾年, 由皮老闆講開始聽, 坊間最多人推既係歐陽一心, 後來巴黎兄請左 CODY 兄又講左幾集, AC 兄亦有寫文分享, 但令二當家有行動既, 係傻貓同細胞師姐既分享。可能因為係同路人, 見到人地都勇敢去試, 加上手上有幾個錢, 就膽粗粗就去做左2 張 SP。

先謂自己對期權既認識, 其實讀大學果陣已經有學, 果時第一個諗法係, 邊個傻仔會咁ON9 做 SHORT SIDE, 賺有限而蝕無限。但聽過眾人分享之後, 至發覺 SHORT SIDE 是新手入門必經的階段。期權三式皮老闆已經講過無限次

 

有貨short call, 有錢short put, 唔好貪心 (要有 cover)


聽落好易, 但最難做到既就係「唔好貪心」, 因為違反人性。睇過好多不同既人既期權, 先唔好理複雜既期權策略, 最簡單既做 SC, 好多師兄亦建議新手先做 SC (假設全部都係 covered, 即係唔係賭白頭片), worst case 都係手上既股票升而你交出你手既貨, 就算睇錯市都係  Happy Mistake (賺少左)。

做 SP 就有兩種諗法, 第一種只係諗住收期權金, 唔諗住接貨, 第二種係真心唔介意接貨。二當家一開始係第二種諗法, 因為一直無 700 呢隻股, 所以想係低位接 700, 但今日既低位係明日既高位, 除非接得很安心, 否則唔好太老定, 因為低位可以更低。

第一張開既 SP 係 行駛價 @540, 點知中央收緊下, 話咁快就穿晒個行駛價。今日開第二張 @520, 收市價係 528 。暫時二當家都係學習中, 會睇定D 先, 但落場真係好唔同, 同之前剩係觀戰係完全兩樣野黎。

例如, 做完第一張期權後, 第一時間問自己點解唔做內銀, 因為接左貨又可以收息都幾爽 YY, 點知打開一睇, 期權D 回報低過700好多, 因為波幅低好多。如果唔貪心, 個個月收 0.7%, 一年都有 7 ~8%, 接左貨又可以當收息股咁坐。

暫時二當家既諗法就係咁, 新手上路, 邊學邊做, 各方高手歡迎指導一下。



Friday, July 2, 2021

投資日誌 - 2021-06-30

YTD +7.3%


  • 半年結, 暫時繼續跑輸 S&P, DOW (+~14%), 好過 HSI 少少 (+~3.5%) 
  • 6月份最偉大的事, 係零 trade, WFH 期間掛住打機, 享受生活😋
  • 睇住兩位師姐 (細胞+傻貓)既 record, 不得不佩服佢地既行動力, 二當家自覺很廢
  • 係同路人激發下, 好, 我7月份開一張期權合約, 踏出第一步

  • HSI PE17, Div Rate 2.26
  • Dow Jones PE 29
  • HIBOR 1Month 0.098
  • 中原指數 188 (+1.6%)

  • FED 開完會, 吹緊 2023加息, 2023 既事, 邊個知?
  • 反而加 IOER 同 ORRP 我對市場既反應更感興趣
  • 我既理解係 FED RATE (貸款利息) 係借貸成本, IOER (Fed的存款利息)同RRP(隔夜回購)係最安全風險回報既參考值, 用黎吸引閒置資金

  • 7/1 國慶, 預左歌舞昇平, 繼無左蘋果後, 連 RTHK 節目都要下台, 大家以後齊齊睇國民教育
  • 簡單黎講香港已經玩爛左, 全面赤化, 睇死你班鬼佬唔會走資, 反正你退我進
  • 抽左 3 手IBOND, 大當家無抽, 問佢點解唔抽, 佢話D 錢放係 Mortage link account 到唔郁
  • ML 個 rate 好似係 H+1.23% / P-2.75% (H=0.098😵), 不過女人既錢唔好管太多, 最緊要佢開心
  • 多謝 Calvin 既<加密貨幣101>, 又學多左好多野。止凡個LIVE 好勁, 請到百樂, Calvin同亂博, 不過今次內容都係新手向
  • 台灣疫情緩和落黎, 由單日400幾單去到單日50單左右, 希望快D 可以 back to normal



Stock 38%
Cash Flow (BOND, CEF, P.STOCK, SG REIT, REIT) 38%
ETF 5%
Cash 19%


BOND




手上仲有7隻 BOND ,最緊張既係 AMC 同 MNK, AMC 5月份股價已經反彈, 所以唔太擔心。而MNK 就選擇破產, 前日收到 IB 既 EMAIL 要做 VOTE, 個 PDF 過800 頁😨 ,我飛住黎睇, 我既理解為隻 BOND 既償還計劃無辦法 100% recovery, 只係 recover 番 57% ~ 86% (高機率57%) of face value, 所以股價都係60蚊左右。作為小小投資者, 基本上係無得揀。

Except to the extent that a Holder of an Allowed Guaranteed Unsecured Notes Claim agrees to less favorable treatment, in exchange for full and final satisfaction, settlement, release, and discharge of each Allowed Guaranteed Unsecured Notes Claim, on the Effective Date (or as soon as practicable thereafter), each Holder of an Allowed Guaranteed Unsecured Notes Claim shall receive its Pro Rata Share of 
(i) the Takeback Second Lien Notes and 
(ii) 100% of New Mallinckrodt Ordinary Shares, subject to dilution on account of the New Opioid Warrants, the Management Incentive Plan, and any General Unsecured Claims Distribution in the form of New Mallinckrodt Ordinary Share

Projected Recovery Under the Plan: 57~86% *

 Assumes First Lien Notes Makewhole Claims and Second Lien Notes Makewhole Claims are not Allowed. To the extent such Claims are Allowed, the Cram-Down First Lien Notes and Cram-Down Second Lien Notes would be issued in a face amount, or cash would be paid in an amount, of up to approximately 121% of the principal amounts shown, or an incremental face amount of up to $170 million. As a result, the Guaranteed Unsecured Notes projected recovery would be approximately 47% to 76%


CEF

手上 3隻 CEF, 包括 PDI, FFC, MMU. 
PDI 同 MMU 派息無變, FFC派息由 0.129 > 0.1265 (-1.9%)。 

Preferred Stock




SG REIT



Top 10