Wednesday, January 29, 2020

多事之「冬」


二當家一月份基本上係 HEA 番工, 一黎歐洲果邊未番工, 二黎自己亦係一月份請左一個禮拜假去旅行, 去完番黎又到新年, 原本一齊都好美好, 點知....


去旅行期間, Day 1 大當家就跌倒, 手臂骨裂及移位, 係海外花左半日時間排醫院, 及做左最緊急既復位 (即係用外力整番正), 由於整親既係大當家既慣用手, 二當家就堅負起照顧大當家既起居飲食既重任, 可以想像到成個 TRIP 唔會太 ENJOY。同時間, 武漢肺炎在中國及世界各地急速傳播, 果時我同大當家都未意識到, 沒係海外買定D 口罩。

同期, 大當家同二當家仲係海外果陣, 輪住感冒, 二當家個鼻出名麻煩, 每年去旅行都係打乞次打到癲, 其中一個原因係暖氣, 溫差太大令到個鼻好容易敏感, 加上大塵既酒店, 及極乾既環境, 原本帶去既防身藥, 到最後竟然食晒。

番到台灣後, 拿拿臨去台灣醫院睇醫生, 由於就到年假, 好多醫生都停左診, 最後多得朋友幫手介紹。醫生睇完大當家隻手後, 話呢類型骨裂要係三星期內做手術 (因為D 位仲係唔O岩), 否則D 骨生埋左再做就好麻煩, 新年流流, 又要住醫院。

最後大當家係醫院住左兩晚, 年三十可以出院過年, 原本去台南個 TRIP 就取消左, 其實已經過免費取消期, 但去信酒店後, 只要提供到做手術既証明酒店方面都接受免費取消。

新年有咩做? 兩條友仔係台北, 睇下NETFLIX, 食下 M 記咁囉, 初三果陣好好彩咁買到一盒口罩, 之後新聞已經話台灣果邊已經禁止出口口罩。大當家同二當家亦收到不同朋友既 whatsapp 問可否代購口罩, 但暫時台灣市面上已經不容易買到口罩, 根據藥房老闆講, 要 2 月初D 廠開番至會再番貨。

立春快到, 希望唔好既事快D 走, 同時間亦希望大家唔好再散播仇恨!

投資方面, 港股一開市就跌700幾點, 走左金沙, 因為疫情應該無咁快可以解決, 轉左入美團及華潤。



Thursday, January 2, 2020

小生意: 2020...開竅


踏入2020, 工作...依然無聊, 可能我太熟悉公司運作, 基本上上任後老闆唔駛擔心, KPI 自動執靚仔, P&L 控制到, 未來既挑戰係 Appraisal Successor Planning. 另外, 我又主動同台灣老闆講可以 take D 其他野, 不過我另一位香港老闆唔 like 點解有個咁主動既員工去take 多D野做咁都唔 like? d 係諗野遠過頭, 你諗緊下一步點走, 佢已經諗緊50步後既事, 所以佢好適合玩公司既政治遊BTW, 你唔 say yes 我都無所謂, 反正我樂得清閒😛。

OO岩跨完年, 外國D 同事又未番工, 另一邊亞太區又等緊新年, 正是閒得發慌果陣, 又係時諗下自己壇生意。其實開公司係上年9月份已經開始, 開間公司一D都唔複雜, 不過我身在台, 所有野都網上外判。最麻煩既係開公司戶口, 一搞就搞左2~3個月都未完成, 可能又撞正香港既社會事件, 銀行既審批更嚴謹。

其實我單小生意, 暫時只係想接一單生意, 而呢單生意就係我公司外判既JOB。搞咁大壇大龍鳳, 開間公司接一單JOB?      咁當然係見到有水位至想接啦。而單JOB當然唔係簡單野, 牽涉既野都好多, 包括硬件, 軟件, 設計等。在乜人力都無既情況下, 開間無員工既公司, 最主要係想靠自己既 networking 將不同專長既人合作, 令到成件事可以完成, 用最少既成本達到最大既收益。

但事實上邊會有咁「順」既事, 公司一直 source supplier, 一間新開又無經既公司佢地唔太有信心, 好在單 JOB 係惡哽野所出面無乜人肯接, 其實我真係好想單 DEAL 可以做得成, 錢係其一個原因, 更重要既係想挑, 所以近日番工突然有個想法

所以投資都要付出, risk free 既投資, 在低息環下只有可有可無既回報, 較為低風險既合理既回報約係 5%~6%。咁O岩公司出左 DOUBLE PAY, 我係咪應該主動D, 用呢舊 DOUBLE PAY 整個 DEMO/Dummy 去吸引呢個客呢? 當然, 風險係錢就俾左, 單就接唔到, 但就算 total loss, 風險都唔算大, 輸份雙糧都仲輸得起。但假若接到張單, 回報可能有十倍, 二十倍。

一份雙糧, 可以用黎去旅行, 可以食幾餐 fine dining, 可以買自己鐘意既野, 亦都可以用黎投資。如只投資金融, 上年好景大家回報可能有30%~40%, 如果年年都係咁好景, 係可滾大個波, 但雙糧變三糧又如何, 生活也不會突然變好。如果筆錢可以做D 更意義既事, 我是否應該要去「狗衝」一下?