記事: 首置9成升至800萬 - 動物大遷徙

今日最 HIT 既新聞一家係施政報告, 將9成按推至800萬樓下既樓, 第一個反應梗係 「嘩屌, D 樓又升到爆 SEED la」, 其後腦內浮現既就係上述畫面。

再細心諗, 呢招真高, 繼續挾持一把已經有樓既人 (樓價升, 有樓既人梗開心), 拉攏一班想買樓又唔夠首期既 「窮中產」入局, 30年供唔完, 供到35年啦。最勁既都係用你既錢黎迫你上車, 銀行佬開心, 地產商開心, 業主開心, 買唔到樓既又有少少錢既都開心, 做生意既又可以按樓換時間, 將最大既勢力都包括了, 貧富懸殊繼續加劇, 我即刻諗起無產階級起來抗議既畫面, 果然充滿中國特色。

大當家前幾日至問我會否番香港買樓? 我反問, 今日既香港你都接受唔到, 咁番去買樓做咩?  期待成立獨立委委員會或回應全部五大訴求? 心水清既都知成立左都唔會有用, 當所有既「信任」都被消耗完後, 到最後做咩都只會係錯。

我都係非黃非藍, 勿對號入座。

新居屋家庭入息上限增至 $57,000

新一期居屋設在長沙灣, 啟德, 東涌, 身邊朋友即刻起哄仲熱衷過新年金多寶, 個個都問對方「你抽唔抽? / 一定狗衝啦 」可惜二當家計計數, 資產唔過, 不同入息加埋大當家果份就過左了。由於我地兩個都係做大公司, 根本上無辦法做到數, 可以話基本完全無希望!

睇番D 文件至知, 原來白表基本上一般都可以做到 9 成按, 就算500萬樓上既樓都可以。呢個係咩玩法呢??? 即刻話你合資格的話, 可以用少D 首期, 同埋分分鐘免壓測咁幫你上會....政府唔係話怕有信貸風險架咩?

有時人生真係好撚灰, 我有個 FD 係隱青, 無做野無收入上樓既機會仲大過我, 至少仍然可以申請綠表, 又可以加埋父母用白表申請核心家庭, 甚至排到長者條優先隊伍。你問我「向上流」既動力仲有幾多, 我呢一刻真係寧願「向下流」, 至少可以買個機會。

1. 如果買層 480萬既樓, 2成首期都講緊96萬, 加埋印花稅3% 14萬, 仲要計埋按保, 計埋佣金球幾野一定無走雞。
2. 用白表買新居屋, 480萬既樓 48萬, 加埋印花稅3% 14萬, 我拎住一球都仲有幾廿萬裝修, 我覺得合理好多囉。

政府黎緊會唔會放寬樓按? GOD KNOWS...........放都未必係好事, 分分鐘D 樓仲爆升。 望自己中六合彩好過。

黎緊一年, 二當家都想自己有多D 「正能量」, 可惜夾著係夾心階層, 今時今日真係兩頭唔到岸。

至於 $57000 既家庭入息上限同埋 $1.96M 既資產上限係點黎, 可以睇下上年既計算方式.........

房屋政策與管制 2017 - 2

//2013年第一輪臨時計劃5000個配額已於2015年4月結束，共有約2400名白表申請者透過臨時計劃自置居所。~48%

新一輪臨時計劃2500個配額於2015年8月推行，該計劃亦已於2017年5月結束，共有約1620名白表申請者透過臨時計劃自置居所。房委會現正進行全面檢討，以確定該計劃的未來路向。~64.8%//

二當家用左幾個鐘頭睇左網上不同既評論, 對於以「置業」為大前題的政策先不論是否合適, 但普遍香港人的對置業的確是有一定訴求。綠置居作為新公屋富戶政策的逃生門我還是明白的, 雖然坊間有同意也有反對的意見, 但至少我覺得方向也算是正確的(說穿了就是"租者有其屋")。

但白居二的目的是什麼呢? 以第一次的白居二的成效而言不算理想, 而居屋同私樓的價錢的距離也遂步收窄。白居二恆常化只會釋放更多購買力, 止凡兄之前也有談過白居二的政策, 未補地價的居屋只會把價錢提到接近已補地價居屋, 而捐失的是政府及已補地價的居屋。可能最大的好處就是把未被有效利用的居屋再次投放在二手市場 (例如空置, 渡假屋等)。

而市場價格是政府不敢/想去碰的一個問題, 作為最自由的經濟體系, 沒有資本的你等於叫去食屎, 可惜二當家好似知道得太遲。

P.S. 睇完以下既 YOUTUBE, 有時真係令人好氣憤, 有部份論點係非常之 ON9, 有部份就一出口就以陰謀論去推測而非討論政策的成效等, 二當家覺得比較恰當的討論只有正反論壇那個。

白居二政策的啟示 - 取之有道

綠置居:
原意: 助公屋富戶「向上流」騰出單位
定價: 市價六折
數目: 4800 / 綠置居
時間: 2018 出售, 2020 入伙
討論:
將原本作為公屋的房屋轉為綠置居, 轉租為賣, 未來公屋的成建量未達標
綠置居取代公屋?
綠置居能否減輕公屋輪侯人數及年期?
綠置居應該同市價掛勾, 或是同負擔能力呢?
綠置居是否可以減輕房委負擔
可否考慮購買現時居住的公屋

白居二恆常化:
原意: 助白表資格人市於居屋二手市場買入免補地價居屋 / 加速居屋輪轉
定價: 市價
數目: N/A
時間: N/A
討論:
推高居屋樓價
增加白表人市的置業機會
加速居屋二手流動

首置上車盤:
原意: 助不合資格白表人士增加置業階梯 (2人家庭以上介乎52,001至68,000元)
定價: 居屋之上
數目: N/A
時間: N/A
討論:

房屋政策與管制 2017

港人首置上車盤暫推千單位 唐榮：公屋住戶今次發達了
特區十年史 - 負資產一族
GoHome.com - 政府房策一覽

今日重溫負資產及八萬五的歷史, 當日放寬二按托市而入市者, 亦不幸成為負資產一員。而今日政府所擬的房屋政策目的是想提供向上流的動力及幫助未能上車的市民購買第一個物業, 至於會否重現當日光景.......真係鬼知。



-----------------------------------------------------------------------------------------------------------
房屋政策與管制 2017
以下內容未經審核

		資格限制
	對象	個人	家庭 (2人)	資產 (2人)	Remarks
公屋	綠表	11,250	17,350	245,000
綠置居	綠表				單位提供的折扣率較居屋為高
居屋	白表/綠表	26,000	52,000	1,700,000	綠表白表比例近年改變至50/50
白居二	白表	26,000	52,000	1,700,000
首置		34,000	68,000		從未在香港置業

額外印花稅(SSD) 

買家印花稅(BSD) - 非香港居民或 以公司名義購入適用

雙倍印花稅(DSD) - 非首次置業買家 (包括住宅、工商舖及 車位) 適用

修改按揭成數 - 700萬以下 70% -> 60%

透過按揭保險計劃，最高按揭成數為：

- 450萬元以下物業可高達8成(或高達90%*)，按揭金額上限360萬元；

- 450萬元或以上至600萬元物業可高達8成

*(首次置業、固定收入及供款佔入息比率不超越45%的人士仍可申請高達90%按揭，以銀行審批為準)

收緊壓力測試

按揭成數