Tuesday, December 1, 2020

愛 回家

 

超過一年沒有回家, 說實在的, 我很習慣在台灣的生活, 回到香港反而會有不慣。

但大當家和自己的家人跟朋友都在香港, 回鄉探親是必須的, 早幾個月前便決定了跟大當家回香港一趟, 機票早訂了, 酒店一直沒訂, 因為一心諗住居家隔離。

直至11月初香港政府改例 - 對曾到訪指明地區人士的指明條件(第599H章)

曾到訪任何中國以外國家的人士(不包括以上已指明的極高風險地區)

到港人士如在登上指明飛機的當日,或在該日之前的14日內,曾在中國*以外的國家(不包括已指明的極高風險地區)停留,相關由各地到港人士必須提供在香港酒店預訂房間的中文或英文確認書,其租住期為該人士抵達香港當日起計的不少於14日。有關指明於2020年11月13日起生效,並維持有效直至另行通知。

*中國指內地、香港、澳門及台灣

因為兩岸三地既模糊政策, 所以個新政策初出道既時候, 只有寫適用於「中國以外國家」, 並沒有列明中國包含那些地方 。二當家隨即在想, 從台灣回港要酒店隔離嗎? 如果全世界既旅客進入香港都要酒店隔離既時候, 而香港既酒店只有 20多間酒店是在政府的名單當中, 酒店會否爆滿? 一系列的問題出來後, 第一時間先訂酒店, 反正可以免費取消。因為剛好是weekend, 唯有等到星期一至再打去香港衛生防疫中心求證。

最後終於問到答案, 從台灣番去香港並不需要酒店隔離, 可以接受「居家隔離」, 這個消息實在太好了。錢都係其次, 最重要係可以係屋企自己煮飯仔, 不然 14天在酒店餐餐都要叫外賣。接下來便要解決居家問題, 因為我倆不想跟四大長老住在一起, 而我們在香港又無有自己的地方, 所以便打算問問周圍的朋友看看有沒有人肯收留我倆。 說實在的, 非常時期, 很多家庭都十分小心, 就算是獨居的也不一定願意接收我倆, 最後終於找到一個朋友不介意收留我倆, 真的十分感欣。

早一兩星期, 香港的疫情又爆發第四/五波, 當香港爆發時, 有很多人便讚揚台灣的防疫做得很好。 的而且確, 在疫情初期台灣不論在封關及供應口罩方面都做得非常好, 不單確保本地口罩的供應, 還利用科技去幫助去分派口罩。但近來二當家感覺到台灣人在防疫上開始鬆懈, 尤其在個人衛生上。先說說我自己的經歷, 在過去幾個月, 二當家去過不同地方, 例如台北地下街, 基隆夜市, 烏來老街等地, 在人滿為患的街道上, 配載口罩的人不到一半, 甚至一些夜市檔主也沒有配載口載, 如果疫情在台灣本土爆發, 傳遞速度將會非常恐怖。

一講台灣的不是, 便觸及了大當家的神經。因為對政府的偏見及個人喜愛混在一起後, 很容易便得出「台灣防疫做得比香港好」來作結論。但其實二當家只是想表達, 一日疫情未有解決方案, 在防疫上也不能鬆懈, 不然就前功盡廢。

究竟什麼是因, 什麼是果? 

是因為防疫做得好, 所以台灣人唔駛載口罩? 

定係因為載左口罩, 所以台灣防疫至做得好? 

希望大家不要倒果為因。

Tuesday, November 10, 2020

<雙11> 別人有票, 你有金錢, 請用你的金錢去支持一些與你有相近信念的企業

 


蘋果遭對手檢舉? 和碩「違規」被祭旗

https://www.mirrormedia.mg/story/20201110fin008/


如題, 

大型企業可以咁做, 消費者都可以咁做。 香港人應該善用自己的金錢去支持和你有相近信念的企業, 善用自己手上剩下不多的資源及選擇。


Thursday, November 5, 2020

中年. 危機? 不惑之年


子曰:「吾十有五而志于學,三十而立,四十而不惑,五十而知天命,六十而耳順,七十而從心所欲,不踰矩。」


二當家不知不覺地步入中年, 快了到不惑之年。過去一兩年雖然投資成績平平, 但明白到很多市場邏輯, 亦明白到很多人生道理, 我挑幾個點說說




需要的東西其實真的很少

很多時候都是別人告訴自己你的生活方式應該怎樣怎樣, 例如「30歲前結婚」「盡快買一層樓」「到呢個位手上點都要載著勞」「有小朋友就買部車」「生日要食餐好既」, 這些別人告訴你的事可能是前人的經驗, 也可能是別人的想法。朋輩/社交壓力等每個人都會遇到的事, 尤其係社交媒體發達, 將人既嫉妒心發揮到極致。

二當家買東西時常常在想自己是「想要, 還是需要」, 例如 新出的PS5, 幾千蚊買部遊戲機其實可以話買就買, 食埋炒價又如何? 但二當家心裡明白打機既時間不多, 自己 PS4 都仲有數隻遊戲未完成, 有排都仲未退役, 又再者, 屋企又無 8K 電視, 連4K 都無, 配套未齊, 買部 PS5 都係得物無所用, 不如等部 PS4退役時再入手, 到時可能已經出左 PS5 SLIM VERSION。

衣食住行, 唔買牌子, 唔追新款, 衣服根本不會是問題。食就更加不用說了, 食一餐駛得幾多錢, 平既幾廿蚊, 貴幾幾舊水, 你要餐餐魚翅漱口或者高級西餐廳就難D姐。行, 有巴士, 有鐵路, 豪D 既就的士 UBER。 最大問題都係住, 但如果你接受到自己租樓, 二當家都覺得問題不會很大, 就二當家來說, worst case 咪番去同四大長老住, 最緊要係調整心態, 好多既野其實都係慾望, 如果能打破這個關口, 人生會得更自在。


真正重要的東西是什麼

在台灣, 二當家重新審視自己對「生活品質」的認知, 二當家認為「生活品質」不等如「物質」, 更多的是「生活, 家庭, 工作, 健康, 金錢, 朋友」等的一個適量平衡。 香港向來金錢主導, 金錢來自工作, 工作帶來的問題可能是工時過長, 壓力過大, 身邊不乏有朋友因壓力關係生病。最嚴重二當家聽過的, 是一位朋友食了10多年的精神藥物去控制壓力對身體帶來的副作用。二當家明白到朋友對事業的看重程度, 老闆交下的東西會想辦法去「死掂」去, 但對老闆不合理的要求, 並用自己的生命去完成工作, 二當家完全不能同意。

每個人心中都對「生活, 家庭, 工作, 健康, 金錢, 朋友」有不同的優先次序, 亦會因為環境改變而令到個優先次序不同, 但重要的是要盡量的去平衡每一點, 不要因為工作而影響生活, 不要因為金錢而影響友情, 如何找到一個最適合自己的一個平衡點, 是人生中一們很重要的學問。

 



中年危機

如果中年危機是代表著「事業穩定, 但向上突破無力」, 那二當家還好, 還未到那個時候。近來看了幾本教管理的書, 內容都是教你要用「正道」去看事情, 例如「相信每一位員工都有其價值, 只是你未懂使用」「永遠用兩贏的想法去尋求解決方案」等, 二當家明白到這些都是好的想法, 但能否用在現代社會裡面, 二當家卻又很多疑問。看看社會上的所謂領導者, 更多的是用厚黑學/帝王學, 甚至下三流的手段去「領導」企業/公眾。

在這種社會氛圍下, 更多的人崇尚用厚黑學/帝王學的方法去希望晉升, 二當家當然不讚同, 甚至不齒, 但要改變又無能為力。 為什麼半澤直樹咁紅, 係因為大家都知道現實中沒法做到, 「不畏強權, 完美嬌妻, 巧遇貴人, 挑戰成功」這些完美的情節只會在電視節目中發生。所以現在二當家的目標是由小做起, 把自己學習到的應用到自己的團隊身上, 改變雖然小, 總比沒有的好。希望能把自己相信的價值推廣出去。



英雄主義 / 倒果為因

如果今天你問一些公司的同事他們最欣賞的管理層是誰, 我想十之八九都答你 Tim Cook, Elon Musk, Bill Gate, Warren Buffett, 中國的馬雲, 馬化騰, 又或者香港既誠哥。那世界500強公司的其他400多位 CEO 就沒有學習的地方嗎? 非也, 只是人們喜歡英雄, 需要英雄, 所以市場創造英雄。

這些有名氣的老闆們通常都會出書分享他們的「成功之道」及生活習慣, 例如誠哥日日5點起身打下 GOLF, 處理公務, 熱愛閱讀, Bill Gate 就大學都唔讀出黎創業, Elon Musk 就訓係工廠趕出貨。這些故事及生活習慣令到仰慕這些大人物的讀者津津樂道, 甚至想仿傚其英雄做法。要知道, 這些生活習慣有可能只是個人習慣, 並非一定跟其「成功」有所關聯 (亦即沒有 correlation)。是什麼造就了他們的成功, 這些習慣可能只佔不到 1% 的重要性, 更大部份的, 可能是他作出了某些 Life Change decision, 包括收購, 科技研發, 市場策略等, 而這些當然不是一個人就可改變所有, 其背後既團隊, 合適時機及正確的決定才造就了今天的他們。就二當家而言, 其實我可以在失敗者中學到更多的東西, 因為他們犯過的錯, 你可以學習如何去避免, 雖然這些故事未必好吸引, 但卻有用。




政治黑白灰

從社運開始, 香港二元對立越黎越嚴重, 除左黃藍對立, 仲有鬥黃, 鬥藍。有人想走中間派, 但中間派最後只會淪落到做牆頭草。其實大多數的人本身都係中間派, 因為每件事都可以有唔同角度, 唔同看法, 立場先行令到人喪失自我。半杯水既道理每個人都明, 但去到某D 位大家就會關閉自己個腦, 唔聽另一方既輪點。二當家自己就不習慣把自己的政治取向放係面上, 因為通常到最後都係不歡而散。不過學 Yan 兄話齋, 個個都咁 Claim 就唔會有球迷衝突la 。


自然法則

到最後想講一樣二當家都唔太熟既野 - 「自然法則」。今次疫情, 我個朋友同我講佢相信「自然法則」, 簡單來說就係「萬物皆有序」。以前我地同家人既相處時間少, 成日坐飛機去其他地方, 忘記左生活既本質, 朋友同我講佢相信呢個世界有自我調節既機制。因為疫情, 同屋企既相處多左, 因為疫情, 好多人都重投平凡既生活, 煮下飯整下蛋。但都因為疫情, 好多人無左份工, 之後要諗以後既生活如何。無輪點都好, 今日個社會唔會餓得死人, 山不轉人轉, 好多人又開似拍下片, 睇下搵唔搵到自己既第二人生。二當家雖然唔係好信呢套, 但總比怨天怨地怨社會好。





Tuesday, November 3, 2020

美國大選 + 螞蟻中伏

 


時光飛逝, 二當家仲記得4年前係公司到睇美國大選, 希拉莉大戰侵侵。今年Trump Trump 大戰拜登, 感覺上有更多既香港人同台灣人關注呢次選舉, 因為大家都認為邊個做總統會對國際既關係大有不同。二當家對今次選舉反而沒乜興趣, 大當家覺得我政治冷感, 但講真, 我又無票, 咁緊張做乜? 二當家既喜好又影響唔到個選舉, 提前部署及等待結果才是最應該做的事 (但我無做到), 係到打下口水戰有乜意思?

另一邊廂, 螞蟻被煞停上市, 一隻世紀 IPO 都可以急煞, 是因為放數放得太高調? 還是 有其他 Hidden Agenda?




Wednesday, October 21, 2020

國泰/港龍 - 兩邊不是人

 


國泰/港龍終於做左個了結, 其實傳聞已經傳左好耐, 但真係睇到公告果陣都仲覺得有D唔真實。


二當家去台灣前都要出下 Trip, 雖然公司指定左幾間 appointed airline, 但係 agent 報價時通常都會報埋d 最平既 airline, 之前俾上頭審批果陣上面就問點解唔坐最平果間, 呢D咁既公司內部潛規則真係好煩。

先說說二當家對國泰/港龍既看法, 一直以來我都分唔到兩條 airline 既定位, 我既感覺係國泰走國際路線, 港龍走國內路線, 以二當家自己出 trip 為例

  • 歐洲(英, 法, 德):  國泰quote 個價錢永遠都貴人地一倍以上, 完全無競爭力。二當家去英國坐英航, 德國坐漢沙, 法國坐法航, 仲未計瑞航等, 基本上去歐洲係完全揀唔落國泰。
  • 美國只係飛過一次, 坐American Airline. 
  • 亞洲二當家飛得最多, 去韓國會坐國泰, 去內地就坐港龍, 去台灣坐EVA/港龍, 去SG 坐星航。

以我自己既經驗黎睇, 國泰/港龍既優勢係邊呢? 講服務, 香港既服務態度, 你懂的, 算係比上不足比下有如。論價錢, 一飛出亞洲永遠貴人地一倍, 完全唔明個價係點訂。食物, 我只係記得飛台灣果陣有舊好難食既批。國泰/港龍最優勝既地方係可以有香港既電視節目或者港產片, 但二當家通常自備自己想睇既野 (e.g. netflix 先 download), 所以對我黎講係無感。

坐飛機黎講, 產品既差異性真係好細, 除非好似馬航等有安全性問題, 永不錄用。 否則通常選擇既次序就係先睇安全性, 之後就價錢, 再來係睇班次。以前上一代人可能唔係個個英文好好, 所以有識講廣東話既空姐感到份外親切。但現今社會好多香港人已經有基本英語能力, 性價比既重要性一直增加。國泰個價一直企到咁硬, 但係坐果陣又唔覺得真係可以帶來一段既 superior experience, 咁樣點捧你場?

再者, 社運期間國泰被標籤左, 亦令好多人對國泰既形象感到負面。二當家曾經係太古既FANS, 手上第一大持股, 當NAV 3X蚊, 87 個股價得 15蚊, 買下買下買到 11蚊, 宜家太古得番 6 蚊, 好彩二當家已經斬左纜, 否則真係輸緊一半。近來阿爺手腳多多, 英資一定無運行, 既然時不如我, 千萬不可逆勢而行。


Thursday, October 15, 2020

破產 - 第7章 及 第11章

 

最近二當家手上的兩家債券公司 (MNK, AMC) 都傳出可能破產的消息, 疫影響下相信越來越多公司會走這條路, 籍著這個機會又學習一下破產後手上的債券會怎樣.

簡單來說, 美國公司破產分兩種, 第7章就係真破, 公司會倒, 第11章就係破產保護, 公司要被重組。

  • 根據第7章,在聯邦法院裁定不值得進行重組後,該公司將被清算。 法院指定的受託人將清算公司的所有資產,並分配收益以償還索償。 索賠將按優先級順序考慮。
  • 根據第11章,公司將嘗試重組並繼續運營。 管理層繼續進行日常運營,但是破產法院必須批准所有重大業務決策。

假設公司申請第11章, 被重組後的債券持有人(bond holders), 債券可能會繼續交易,但係債券持有人將停止收取本金和利息,從而導致違約發生,而且證券的價值可能會急劇下降。此外,作為法院批准的重組計劃的一部分,債券持有人可能會收到新股票,新債券,或者新股票和債券的組合來換取他們的債券,新證券的價值也可能低於舊證券。簡單來說, 輸就一定, 只係睇下有冇人敢接火棒, 如果唔賣出就等重組結果。


而二當家手上的兩條債券, MNK 已經開始左第11章既申請, 而 AMC 就放話資金只可以挨到年底, 之後唔知會發生咩事...暫時呢兩間公司既債券價格已經有跌, 今日睇 AMC 5.75% 15jun2025 既 bid price 係 8.1 😱, 二當家應該唔會賣住, 極有可能「木查」到尾, 睇埋故事既結局。

  • Mallinckrodt (NYSE:MNK) has voluntarily initiated Chapter 11 proceedings in the U.S. Bankruptcy Court to modify its capital structure, including restructuring portions of its debt and resolve legal liabilities.

  • AMC Entertainment Holdings Inc.’s chief executive officer says the cinema chain is doing everything it can to raise fresh cash to weather the Covid-19 pandemic and isn’t considering bankruptcy at the moment. The shares fell more than 20% in New York trading.

Wednesday, September 30, 2020

心如明鏡台

身如菩提樹,心如明鏡台。

時時勤拂拭,勿使惹塵埃。

自二當家去了台灣後, 多了時間思考人生, 二當家本身就對哲學等有興趣, 尤其對人生中的種種煩惱感到興趣, 希望得到解答/解脫, 在不斷思考, 提問, 討論後, 人生突然有頓悟, 雖然並非甚麼大澈大悟, 但腦內卻湧上一種「心如明鏡台」的感覺, 以下是我的分享。


宗教/道德: 

宗教最大的好處就是導人向善, 制限住我們的行為, 令我們有道德規範, 不至於離經叛道。「道德」本為「法律」之上(情理法), 為人定立更高的標準, 而「道德」是來自於我們的宗教影響(價值觀), 亦是每個地方運作的基礎及文化的底蘊。 人, 信自己是比動物的地位高, 所以才不同意動物的某一些行為, 例如弱肉強食等。而這套標準是來自大家所認同, 沒有執法單位, 例如在日本, 小孩子在JR哭鬧在日本是一個不禮貌的行為, 孩子的父母搞不定的時侯父母就要下車。當然, 有些人覺得小孩哭鬧也是沒法子的事, 日本人最多報以一個白眼, 因為這個不是「法」所能管的事。但當人把自己看得很大, 只管自己而把別人的「道德」也不以為意時, 這套系統便會被破壞, 大家可以看看「破窗效應」。所以道德其實是很碎弱, 很靠每個人的自我管制。


金錢是萬惡/利益

現在很多人都很在意數字表現, 例如公司的財務報表, 個人的績效評核等。連總統的表現也能用股市升跌去表達, 你說怪不怪。大在意數字上的表現, 其實我們失去的會更多, 例如科技的出現令到很多盜版出現。 用電影來做個例子, 因為收支沒法平衡, 電影公司唯有減低出產量, 也減低每部戲的預算, 到最後看電影的人是可以免費去收看電影, 但電影的質素及選擇慢慢減少。又例如在環保的議題下, 很多都是只能投入沒有回報的, 只著眼於數字上的跳動, 其實令到很多更有意義/或有長遠利益的事沒法達成。免費的東西, 很多時也是最貴的。


自由很好, 但沒後果的自由很可怕。

自由的確很重要, 但我們以往學的自由, 是「以不妨害他人的自由」為前題, 這個或許已經太不合時而。在網絡上, 我們可以做酸民, 可以做假新聞, 可以把自己覺得不滿的事件放在網上讓人審判, 這些過程都沒有「權威」的介入, 所以網上言論是近乎不帶有任何後果, 也不妨害他人的自由。但這些言論往往會影響到其他人的想法, 甚至傷害別人, 在科技沒有這麼發達的時候也有造謠生事, 而造謠是帶有法律後果, 但今時今日好像只要是我想分享的, 基本上是沒有界限, 而且網上的世界也沒有「道德」的規範。沒有後果, 沒有道德規範下的世界很可怕, 就像是潘朵拉的盒子一樣, 把人最醜惡的一面都表露無為。


信任

「人無信而不立」 我們的生活就是建位在信任當中, 例如手上的紙幣, 甚至商業合約等, 也是基於信任原則。建立信任很難, 但破壞它很容易, 以前的新聞是求真, 求準確, 求客觀, 今日的新聞是求快, 錯了, 也是小事情。很多有心人便用單一事件, 或數個單一事件去破壞整個信用系統。 例如有宗教人員犯案, 是否代表整個宗教的人員都是罪犯? 這種以偏慨全, 以人性的弱點去攻擊, 有人認為這是「戰略」的一種, 是必要的, 太理想主義 (左)就會膠。但二當家則認為貫徹自己所信的, 比達成目標更重要。


這只是一些思想上的分享, 因為投資上真的沒什麼可分享, 11月選擇前後都係大風大浪之時, 大家坐穩。


祝各位中秋節快樂! 

Monday, September 21, 2020

小生意: 又暫緩了........談談我在台灣遇到的經歷

 

二當家已經半個月沒有更新, 說實在的是沒有什麼好寫, 中美關係天天在變化, 台海局勢也變得緊張。友人的圈子裡已經在談台灣會否被武統, never say never, 作為蟻民最多都係儲下糧食, 仲可以做D乜。但二當家心裡覺得台灣至少還有台積電, 對老美來說還有被利用的價值, 雖然台積電被邀去美國開廠, 但另一邊廂已經在計劃 2納米的生產。老美要打擊華為, 總不能讓製造芯片落入別人手中, 這個是二當家的想法。

說回小生意, 對, 小生意又暫緩了, 二當家原本的想法是把台灣的產品送回香港賣, 利用自己在台灣的便利做 sourcing, 但前陣子看到了二百個警員衝進壹傳媒的辦公室便完全對香港失去信心, 沒記錯搜捕時間點是在林鄭被老美制裁之後。二當家也不喜歡毒果, 但這樣高調地大搜捕, 並以「勾結外國或者境外勢力危害國家安全罪」等罪名拘捕黎智英, 危害國家安全都可以保釋? 是證據確鑿還是擺擺姿態, 大家可以自行思考。

說回主題, 二當家在台灣一直想做小生意, 並聯絡了數個供應商, 甚至面談, 在一個陌生既國度去做生意其實真係唔易, 因為摸唔熟台灣人既習性。例如我要找一些 freelancer 作外包, 二當家按照要求篩選了5, 6 家要求報價, 自知預算少, 所以已經在不同方面作恊調, 以下是我得到的回覆。

Freelancer A: 軟硬體開發的整組方案, 預算最便宜的超過二百萬台幣

Freelancer B: 目前工程師的案件較多, 而您的案子預算不多, 可能要延後, 請見諒

Freelancer C: 您的要求已經收到, 我們討論後再回覆.......................沒有再回覆了

Freelancer D: 您的要求是 XXX 跟 YYY 嗎? 回答: 是.......................沒有再回覆了

Freelancer E:  可以安排個視訊嗎?


對二當家來說, Freelancer A 的對答是最有價值的, 因為不單只是拒絕, 而且他也提高了一些資訊, 但作為 Freelancer 接二百萬台幣既 job? 個價會否高左少少? Freelancer B 是婉拒, 即不直接地拒絕, 唔知如果我話我個 project 唔趕時間佢地又會否接我單 JOB, 我估應該唔會。Freelancer C 同 D 都係沒回覆型, 作為做生意, 其實收到 RFQ 沒回覆個感覺好差, 不過我都明好多台灣人都係唔憂做, 香港人我覺得始終都係愛錢, 接到既 job 都會盡量接, 唔接都會報個天價。Freelancer E 就最台灣人, 要有聯繫至開始合作, 而呢個聯繫係要用交談去開始, 單單電郵等聯絡方式並不足夠。

而大當家都有聯絡過不同的廠商, 她看的主要是飾物配件類型, 記得有一次大當家看到一間老店, 幾十年都只賣一樣產品, 大當家覺得個產品都幾得意, 想引入香港又或者放上網賣, 但原本既設計有點老土, 便聯絡廠商問問能否客制化, 回答當然是 - 不能。 有時候我們也會想, 是真的不能客制化, 還是要大批生產才可客制化? 如果是要達到一定數量, 也可先提出來, 而不是封門落閘。

究竟是二當家做生意既經驗少? 定係真係未適應台灣既文化?

 


Friday, August 28, 2020

投資日誌 2020/08/28 - 炒炒賣賣


外圍環境: 

HSI 恆指25000 橫行,  3月前指數位 28000 左右 (恒指成份股檢討結果出爐 小米、藥明⽣物、阿里巴巴 加入, 神華, 信和, 旺旺被換出)

NDX  接近12000, 3月大跌前才10000, 一直破今年新高 

SPX 接近3500, 已經超越左3月大跌前, 今年以黎既新高 

HIBOR - 8/28 有微升, 先觀察
https://www.analystz.hk/indicators/hibor.php

VIX - 在 24點橫行

GLD - 高位193, 跌番落去 181 左右

TLT (20年債ETF) - 升上170後又回軟, 去到 161


中美交惡已成定局, 宜家個問題係會發展到一個點既地步, 二當家不論政見, 兩方面既論點都有聽, 希望自己能有更客觀既分析。其實同一件事, 聽雙方既解讀會完全不一樣, 簡單如美國一架U2 偵查機飛過黃海軍演上空, 一邊會說是挑釁, 一邊會說是展現軍力, 結論其實並不重要, 因為個空域係邊基本上得兩個國家既軍官知, 作為市民每個人都可以有不同結論, 但二當家認為推論既過程及他們說的論點是否成立才是最重要。

如果唔睇政治只睇經濟, 中國的經濟復甦數據的確強勁, 但內循環是否可以抵抗列強圍攻? 最多人講都係 11月大選, 如果民主黨拜登當選, 對華政策會否改變? 大家都係吹吹水, 國家大事唔到我地理, 小市民可以自私小小, 保命及保本才有未來, 否則一切都係空談。

從上面既數據來看, 不同指數同黃金及新科技股都創新高, 恆指因為有 HSBC 等大笨象被拖住橫行, HIBOR 仲係低位, 無資金問題, VIX 橫向都係正面指標, 2020年出現了一個最奇特的大牛市。

要理解背後邏輯其實不難, 今次要破產既企業都係中小企, 上得市既企業都十分穩健, 唔穩都可以經由政府資助及向銀行借貸等方法去解決問題, 宜家全球都係鬥命長, 希望可以等到經濟復甦既一刻。

上網有講到今次既 「K 型復甦」, 簡單來說就是有產者及無產者既貧富懸殊差距會加大, 呢個並唔係咩新鮮事, 過去10年樓價都以倍數咁升, 宜家D 樓升到咁上下, 無乜水位, 就炒股票, 炒前景, 炒科技 , 最慘既都係剛入社會既一群年輕人, 在高失業, 無資產既情況下, 如果未來出現高通脤就更慘。

在這個情況下, 二當家既投資策略係炒炒賣賣, 中短線為主, 因為有太多既資金在市場, 買D 有「夢想」既增長股分分鐘有倍數升幅, 正如好多師兄所講, 呢個係「音樂椅」既遊戲, 無人知個遊戲幾時會完, 但唔參加呢個遊戲就會好易受到銀紙購買力下跌既影響。


YTD Performance : - 2.9%

2個月內由 -13~4% 追到上 -3%, 連二當家自己都覺得驚訝。

BOND: 手上既 BOND 有部份竟然有迴光返照既情況, 不過呢D BOND 交投量也不大, 今日升可能聽日就跌番, 下面就係其中三隻。而另外最危險既都係 AMC 同 MNK。 AMC 背後係萬達, 希望唔好走數, 而 MNK 其實過去一年 NET CAST, FREE CASH FLOW 都有增加, 唔理佢是否新債換舊債, 希望挨到到期日 (2022)。

  • FET 6 1/4 10/01/21 由 43蚊升到 95蚊
  • LB 6.694 01/15/27 由 86蚊 升到 102蚊
  • TUP 4 3/4 06/01/21 由 61蚊 升到 83蚊


CEF: 得3隻, FFC, MMU, PDI, 月月派息系列, 無 ROC

  • FFC, 已經升番去 22蚊, 10% Premium, 派息 由0.112 加到0.118, 再加到0.129, 約 7% 回報
  • MMU, 現價 12.2, discount 10%, 年頭減派息, 每月 0.045, 約 4% 回報
  • PDI, 玩價24.29, 3% Premium, 每月派0.2205, 現價約10%回報



ETF:  手上持有 2800, 及 高追了 CLOU, 未來想入 ARKK, ARKW

Preferred Stock: 手上有 ATCO - H&I, CPRN, DHCNL, SSWA, TGP-A (SSWA 等回收)。唔升唔跌, 如果用初心咁去諗, 我都係想收下息姐, 只要佢地照派息, 面價其實無乜影響。

REIT: 87001 及 405 已經慘, 放棄了823, SG REIT 部份都係差唔多, 成個新加坡關閉左兩個幾月, 今次真係唔好諗有咩好成績。

Stock: 表現最好, 但還是負數, 被幾隻舊經濟股拖緊後腿。


Row Labels

Performance

Distribution

BOND

-6.1%

18.79%

CEF

-8.0%

5.74%

ETF

8.9%

3.00%

Preferred Stock

-10.7%

10.07%

SG REIT

-27.5%

13.49%

Stock

11.2%

38.21%

REIT

-34.1%

2.62%

Cash

0.0%

8.07%


7 ~ 8 月份的 Transaction

買入 - 內房仲係低水, 買內房最大既好處係可以係披露易到搵到每月銷量去估算今年既成績, 嫌麻煩自己去雪球打個圈, 好多大V 已經整理晒D 數據。 自問分析唔深入, 好多都係抄市場先生功課。至於物管, 主力 hold 住 濱江, 偉哥都有提過呢隻物管。新經濟就最激動, 隻移卡日日都5~10%咁上上落落, 微盟同有贊, 兩隻我都想 hold 住先。北控都係先生推介, 自己完全無分析, 純炒作, 見好就收。再次買入金沙, 其實我更想買入銀娛/澳博, 但已經追唔到。最後是 ERIC/ TSM 及 CLOU, 應該會 long hold. 短時炒作部份會俾 3~5% 空間睇錯市, 破頂既睇住倉位減持, 由於倉位太細, 好多時都係10上10落, 做唔到其他 BLOG 主既零成本持股法。


  • 817 中國金茂 @ 5.33
  • 1813 合景泰富@ 14.3
  • 1918 融創@ 37蚊, 35蚊放
  • 1238 寶龍 @ 5.27

  • 2168 佳兆業@ 32買入, 31.7 放
  • 2606 藍光嘉寶@ 52蚊入, 53蚊走
  • 3316 濱江@ 17.3

  • 2013 微盟@ 11.5 買入, 10.5 放
  • 8083 有贊@ 1.55 入
  • 9923 移卡@ 41.7

  • 1928 金沙 @ 31.75
  • 3718 北控@ 1.28 入, 1.97走

  • CLOU ETF @ 22.45
  • ERIC / Ericsson @11.33
  • TSM / 台積電 @ 78.71

賣出 - 賣出比較簡單, 大部份都係舊經濟股, 換來更多既資金快速出入個市, 以快打慢。Realized loss 最大係 恆基 同 領展, Realized Gain 就有吉利, 光大, 銀城, 北控, 寶龍商業。

  • 12 恆基@29
  • 165 光大 @ 13.33
  • 175 吉利 @ 17.3
  • 823 領展 @ 60.2
  • 1922 銀城@ 分斷賣 6.3~7.3
  • 2238 廣汽@ 7.29
  • 2318 中國平安@ 83.1
  • 2588 中銀飛 @ 45.9
  • 2800 恆指 ETF@ 25 蚊 減持
  • 9909 寶龍商業@ 18.4
  • TLT 20Y BOND@ 164



Top 10 Holding

Symbol

Description

1238

POWERLONG REAL ESTATE HOLDIN

9988

ALIBABA GROUP HOLDING LTD

CC 6 5/8 05/15/23 1AB4

CC 6 5/8 05/15/23

FFC

FLAHERTY & CRUMRINE PREFERRE

ERIC

ERICSSON (LM) TEL-SP ADR

3316

BINJIANG SERVICE GROUP CO LT

1109

CHINA RESOURCES LAND LTD

9923

YEAHKA LIMITED

BTOU

MANULIFE US REAL ESTATE INV

AW9U

FIRST REAL ESTATE INVT TRUST


Thursday, August 20, 2020

貧窮限制了我的想像力

 


「貧窮限制了我的想像力」是近日我在不同渠道聽到的一句說話。

如果問你二億元人仔要佔幾多位置, 我想要猜中也不容易。上圖就係華融董事長賴小民既辦公室搵到既現金, 大據有二億人仔。據報賴小民外稱有「三個100」 - 100多套房、100多個關係人、100多個情人。「二億人仔」二當家估計只係散紙, 走佬時用, 後面一堆的資產不會浮面。

另外, 早前既明日系及海航系都被接管, 前幾日新聞又話中國鐵建陳奮健跳樓身亡, 這些老大們後面的瓜葛到底是什麼, 新聞當然不會談及, 但網上有很多推測, 大多與政治權力有關。


解密“明天系”,中国最大民营金控被肢解

https://zhuanlan.zhihu.com/p/55011660

说说海航系

https://zhuanlan.zhihu.com/p/31891299

中国铁建董事长突然“坠楼”,庙堂之死,疑点重重!

https://house.focus.cn/zixun/a35ef86e01733906.html

另一邊廂三峽大壩11孔全開去排洪, 網上看到重慶由山城變成水城, 二當家又稍為學下地理, 理解一下為何要建三峽大壩, 安徽點解要被「被長江的流向等。無可否認自己對中國既認識不深, 未來要加緊學下。就算中國的科技如何進步, 在天災下都是非常的無力。




Tuesday, August 18, 2020

敗走台灣 - 專業移民? 就業金卡? (下集)


「外國專業人才延攬及僱用法」施行滿2週年, 正式啟用新版就業金卡


原本沒有打算寫下集, 但看到有留言問, 所以簡單的講一下二當家最後的結果吧。 

首先, 原本打算用「勞動部」的身份申請 HF160, 最終既結果係, 唔得既。該項只係用來申請 HF171, 並沒有永居權利。 對二當家來說, 原本已經擁有 HF147 的居留証, 換HF171 的證也沒有任何好處, 最後當然如自己所計劃一樣, 轉去「就業金卡 / HF198」呢個方向。  

如前文所說, 「就業金卡」最好既地方係有3年既居留權, 就算二當家係換証, 二當家既居留權亦都係重新計算, 所以二當家暫時個身份可以留到 2023 年。另一個好處當然係可以隨便轉工。簡單來說, 原本二當家的居留權利是依附公司幫我辦的工作簽証, 但「就業金卡」就是個人身份, 在限期內所以在台隨意工作及居身留。就算我番香港打工, 係限時內都可隨時居留在台灣。  

由於二當家張証係公司幫我辦, 詳情我都唔知, 簡單來說要附合「外國特定專業人才」資格, 而該資格細分為為八大專業領堿。入面有不同 criteria, 最易達到的條件應該是月薪達新臺幣十六萬元 (4萬港紙, 相對容易), 其他條件有興趣可以在網上看看資料。「就業金卡」也提供稅務優惠, 但對二當家來說這個不太重要, 所以略過。  

當二當家拿到金卡, 才發覺新的金卡已經改了玫瑰金, 老實說二當家是無感, 只是換個身份, 反正費用是公司付。奇怪的是我太太仍然是拿 HF148 的身份, 公司及政府也沒要求我太太換証, 正在問 HR 我的太太是否要轉 HF199 嗎, 不然很奇怪吧? 

香港近來的局勢加劇, 相信考慮離開台灣的人越來越多, 但二當家必須說, 台灣的移民政策只會是一直往上拉高門檻,  因為以香港人的資產規模, 如果帶來台灣的話必然引起很多民生問題。 暫時最簡單的拿台灣 passport 仍然是投資移民, 160萬港紙, 但審批申請的速度已經減慢。另一邊廂英國又話開放俾香港人, 聰明的香港人很多都更偏愛英國吧, 因為台灣是中美必然的第二戰場, 欲知後事如何,且待美國大選後分解。 



八大專業領堿
一、科技領域(科技部)。 
二、經濟領域(經濟部)。 
三、教育領域(教育部)。 
四、文化、藝術領域(文化部)。 
五、體育領域(教育部)。 
六、金融領域(金融監督管理委員會)。 
七、法律領域(法務部)。 
八、建築設計領域(內政部)。

 https://www.immigration.gov.tw/5382/5385/7244/7250/7296/%E5%B1%85%E7%95%99/148063/ 

十八、(身分代碼HF171) 經中央勞工主管機關或目的事業主管機關許可在臺灣地區從事就業服務法第四十六條第一項第一款至第七款或第十一款工作者,或依取得華僑身分香港澳門居民聘僱 及管理辦法許可工作者。 
三十七、(身分代碼HF198)依外國專業人才延攬及僱用法第二十條準用同法第八條規定申請就業金卡者。(網路申請)。 
三十八、(身分代碼HF199)依外國專業人才延攬及僱用法第二十條準用同法第八條規定申請就業金卡者,申請人之配偶、未成年子女及滿二十歲以上,因身心障礙無法自理生活之子女申請。

Thursday, August 6, 2020

Time for Thinking....想一下<未來>好了...






看到Howard Marks 的新 memo – <Time for thinking>, 二當家就借個題想像一下「未來」好了。

現在最火熱的幾個課題, 我想每個人也懂, AI, 雲計算, 大數據, 5G, 區塊鏈等等。



二當家心中有一個問題, 「我們未來有需要上班嗎? 」

要回答這個問題, 首先我們要了解上班的目的是什麼? 是賺錢? 是社交需要? 是打發時間?
假設退休年齡提前到 40歲, 人生還有至少40年的生活, 我們應該怎樣過?


未來人工智能可以取代很多工作, 司機不用開車, 農夫不用下田, 虛擬貨幣令到銀行及會計等工作消失, 網店代替實體店, sales 失業, chatbot 代替客服, 美團由機械人送餐, 假設這一切一切實現, 大量工作機會消失, 人們沒辦法有足夠的工作機會去賺取生活費, 到時候要由政府派錢, 就如今天的美國, 失業的人可以拿到一定失業救濟金, 失業比上班的人多, 那未來會怎麼樣?


未來5G, AI, 更快的運算令到虛擬環境更加的真實, 人們載上 VR 眼鏡後分不清真假, 如外國已經有牛隻載上VR眼鏡, 令牛隻感受到身在大草原並增加產量, 如果這是人的話又如何, 假如食物的味道可以用虛擬方法再呈現, 體感可以由電子訊號所取代, 真的假的已經不再重要, 那我們最後又會變如何?


再想下去很恐怖, 基本上就是電影 Matrix 的故事, 而我們也一步一步的向著這個方向進發。如果未來人就跟農場的豬雞一樣, 只係食飽訓屙, 人的勞力不再被需要, 人的價值就難被體現出來。幻想我們好像植物人一樣, 只需要營養液便可「生存」, 我們的精神活在虛擬的世界, 不需工作, 更不需金錢, 剩下來的時間怎麼用好呢? 只好用無盡的娛樂去虛渡。


我沒記錯的話應該是譚新強說過, 我們近10年的科技發展不是為了提高產量, 而是提供娛樂。不論是 FANNG (Facebook, apple, amazon, Netflix, google) 又或是 ATMX, 到最後的提升的是我們「享受」方面的感受。


以前科技帶來的是便利, 提升效率, 令我們有更多時間做其他的事。但現在我們已經不出門能知天下事, 雖然疫情的關係我們被困在家, 但我們有Zoom, 有 facetime, 只是還不能完全替代碰面的感覺 (如聲音還是有 LAG, 會搶mic 等)。相信未來香港的高樓價問題能輕易解決, 因為未來連studio flat都唔駛, 每個人只需要住係膠囊內便可以了。 

或許今天的我們覺得這個未來很遠, 回想二當家10多歲是才剛有 56K, 今天已經去到5G了, 我們看似很遠的事, 其實很快便能實現。

Tuesday, August 4, 2020

小生意: 斜槓/開網店教學




在網上為自己增值, 係 youtube 到見到呢位玻璃陳講網上開店既片, 雖然內容係用國語, 但估計係一名香港人。對於一個對網店零慨念既人黎講, 每條片既貪金量都極高, 而且詳細介紹不同既工具, 二當家好快就已經睇左佢一半既片。

好野要同人分享, 如果你有興趣做斜槓/開網店/做生意, 都建議你睇下!!!


Sunday, August 2, 2020

小生意: 炒股好過做生意


二當家的小生意有兩項, 第一項已經進行中,  等開發完成後再做測試。第二項是新既生意念頭, 考慮將一D係台灣既產品寄番香港賣。

其實第二項做生意至係「真.生意」, 第一項只能算是小項目, 投資金額也差很遠。為何會搞多樣, 其實我自己都問過自己呢個問題, 先講二當家既性格, 一直都係 risk free 類型, 好多時有好多念頭但也唔肯去馬, 不斷咁去用唔好同既原因去打擊自己, 諗好晒所有 worst scenario, 其實呢類性格既人做生意係好難, 因為未走第一步已經諗緊第十步既困難, 最後都係覺得不如一步都唔走。

既然係咁, 點解仲會諗生意? 是中年危機嗎?

其實二當家都諗唔明, 在事業上, 二當家可以覺得再上, 在家庭上, 二當家又唔算有負擔, 做生意呢個決定其實係一個自我挑戰, 如之前所說, 每年給自己的一個 breakthrough。萬事起頭難, 之前皮老闆都講過, 做生意最好做自己有興趣既野, 可惜二當家鐘意既野都無乜「錢途」, 係呢個情況下, 最好既生意方向就係用自身既優勢去做生意。

要做一般生意, 由念頭>資金>見供應商>營運等關關都有好多考慮, 例如是否集資, 定自己一個人 take 晒所有 risk, 做咩生意, 點做, 有否競爭對手, 供應商肯唔肯賣貨俾我地, 點寄番香港等。由商人既視角到望香港, 香港真係一個經商既好地方, 首先進出口簡單, 管制不大, 稅低/簡單, 最緊要係消費力強 ( compare to TW), 唔好既地方大家都知 - 地方/人工貴。

此外, 香港既法例/牌照係比較完善, 例如做食要拎牌, 地方又要俾消防批, 但從從商既角度黎睇並唔係一件好事, 因為有限制, 即代表要投入更多既成本。網上賣野無管制, 更容易做到百花盛放。
二當家既小生意, 目前只行左半步, 好多野都未 confirm, 只能見步行步。

同友人傾開, 佢擘頭就一句「仲搞生意, 炒股好過啦」。的確, 在電話禁幾個制就可以搵到錢, 何苦走去做苦力, 況且今日香港既經濟情況真係烏雲密佈, 逆境創業真係不是易事, 腦海中數千萬個理由俾自己打退堂鼓, 好在大當家從旁拎住 carrot and stick, 因為佢知我性格唔推就唔郁。

另一友人2019年開了餐廳, 2020年便結業, 詳情我也不敢問, 做老闆鋪頭開張果陣梗係鋪天蓋地, 執果陣就無聲無色, 不知他有否怨「時不我與」。






Wednesday, July 22, 2020

近況 (七)



投資
最近沒什麼想寫東西的衝勁, 不是沒有在市場上嬴到錢, 而是二當家個心力又投入左去另一個喜好到, 有空再分享一下。

相信近日大家都有賺到錢, 區別只是賺多賺少, 近日突然想起幾年坊間的一句「問君能有幾多愁 沒買騰訊沒買樓」, 當年騰訊升破400幾, 宜家已經係550。科技股被吹棒, 港股成立恆指科技指數, 你估下有冇春江鴨? 阿里爸爸又入指數成份股, 又有螞蟻金服上市, 點解大股東都賣貨? 以前自己好信大股東既動作, 但現在想回來, 很多事情都係難以解釋, 例如李氏父子回購, 823 主席減持等等。大股東一買一賣都受人注目, 但並不代表一買就升, 一賣就跌。宜家音樂椅既遊戲估計仲未完, 還可以再等一會。

如果3~4月能把握到今次機會, 身家升一倍也不為過, 前提係係3月份時輸錢。由於有2/3部份資金壓左落去 REIT 同 BOND 到, 二當家目標年底前埋單唔輸錢已經當嬴。在股災間扔撈到既股, 表現較好既有 9988, 2318, 物管等, 而失敗既有 823同 12, 又一次學懂市場定律, 無論幾有信心都好, 要學識止蝕, 除非你真係諗住長線投資 (3年以上)。

又再引伸去諗, NAV 其實有沒有意義? 如果我D BOND 挨到盡頭可以上得留 PAR value, 果部份既 unrealized loss 就唔會發生, 不過呢個已經係會計制度既問題, 等同公司應否重新幫資產重新估值是同一道理。如果不重估, P/B 又有何參考價值?

生活
生活非常平淡, 但其實又好充實。看到香港第三波疫情爆發, 真係衰到貼地。原本以為自己有機會年底前回香港, 探探朋友親人, 咁樣搞一搞又要拖幾個月。有諗過同老闆講點都番一番香港, 但要隔離 28 天 (來回), 真係唔係講笑, 老闆點頭二當家都要慎重考慮。

台灣在疫情上暫時沒有反彈的情況, 前陣子在街上其實已經有很多人沒載口罩, 但在交通工具內大家還是會配載。今次香港疫情反彈, 又引起了台灣人既警惕, 天祐香港台灣, 希望可以快點挨過去。


工作
工作上沒什麼特別, 原因是全世界都還在半停頓狀態, 沒有 travel, 得 zoom meeting, 很多時都係吹水多。很多同事為了表示存在感跟存在價值, 日日開D 無用既 meeting。不過大家都係打份工, 明既, 無謂說破。 二當家曾經都坐過佢地個位, 美其言係幫助operation 運作, 提升效率, 但實情係做下 reporting, 指指點點, 行外人管行內人, 晒 gas.

未來會否有更多人 work from home? 我自己是覺得人還是要碰面才好, 這個不是工作效率的問題, 而是人係有 social needs, but never say never, cybersex 都有可能, 二當家的想法可能已經非常 old school.



挑戰/創業
小 project 已經開左波, 一直在等。
另一邊又密謀搞多單小生意, 由0到1 真係唔容易, 行每一步都想退回自己的 comfort zone , 不過幸好我們沒有負擔, 的起心肝慢慢行。幫自己打打氣!






Thursday, July 9, 2020

免費的東西最貴



人類的慣性思維有時候是很糟糕的。雖然人們知道肥皂泡裡面有空氣,但因為眼睛看不見,就常常忘記了它的存在,這樣一來,我們生命中很多東西就被忽略了。
--東野圭吾 《偵探伽利略》



下午說的是時間成本, 但其實除了時間, 我們失去的還有很多....





https://zhuanlan.zhihu.com/p/36836693

免費,這兩個字對人們來說有著巨大的吸引力。其實,免費不過是以另一種方式付費罷了。

為了看免費視頻,你不得不去忍受一波接一波的廣告;為了領免費氣球,你不得不出賣你的身份信息和電話;你甚至會排隊半個小時,只為領一個免費的便簽本。從經濟學角度來看,免費的東西其實是最貴的!

首先,不用你花錢,並不意味著你沒付出,相反,你付出了最寶貴的時間成本。每個人每天所擁有的時間都是相同的,每個人每天都是24小時。之所以造成人和人之間階級和地位的不同,很大程度上源於人們對待時間的不同態度。普通人願意排隊半小時去領免費的紀念品,而富人願意把這半小時花在提升自己上。普通人願意在手機上花費大把的時間來娛樂,富人則把大把時間花在思考如何才能從手機上賺取更多的錢。時間是最公平的,你把時間花在哪裡,對應的回報就會體現在哪裡。

其次,各種掃碼送東西,你以為占到便宜,其實你出賣了你的個人信息。之後就會有各種廣告電話打過來輪番進攻,不勝其煩,嚴重影響工作和生活。

再次,天上不會掉餡餅。羊毛出在羊身上。在市場經濟中,付費是常態,免費才是不正常的。即便那些供你免費使用的APP,也往往充斥著許多廣告,而這些“免費用戶”為APP帶來了流量,廣告商則藉勢推廣產品。

最後,買二送一,你以為送給你的是免費的,其實送的東西成本早已經包含在買的東西當中。雖然平均下來看似賣家“吃虧”了,但是“買的沒有賣的精”,商家只不過是在使用薄利多銷的策略而已。所以,你並沒有得到什麼所謂的贈品,事實上你已經為贈品付費了。你的購買行為成功為商家實現了去庫存。

當你開始考慮時間成本,你就會深切感受到”免費的才是最貴的“。當你感覺你的時間開始值錢了,你會發現免費或者省錢的東西非常貴,因為你的時間成本越來越高。與時間成本對應的就是機會成本。你為了某種東西而放棄另一些東西的最大價值就是你的“機會成本”。比如有一隻股票你虧損了,就一直放著不賣。你損失的不僅是差價虧損,還有這些本金投資其他股票的潛在收益。

綜上所述,當你付出的成本大於你所獲得的收益時,免費的東西就成為最貴的東西。
時間、隱私、自由這些看似無形的東西,才是我們最最寶貴的財富,不該為了毫無價值的蠅頭小利,放棄我們最寶貴的東西。

即便我們做不到經濟學中的絕對理性,至少要做個相對理性的人!格局放大,你才會得到最物有所值的東西。

Monday, July 6, 2020

Take a break! 台南台中精華遊 (Day2)

前文提到: 公司有放假政策希望員工可以在這兩個月內放多點假, 二當家本來打算在六月底回香港與家人聚聚, 所以一早已經請左假, 但一日未開放隔離措施, 回港既時間表仲係遙遙無期, 所以最後決定去台南台中逛逛。

Day 2

起身後, 一早就去搵食, 由於昨天已經食過牛肉湯, 今日想找點不一樣的早餐。台南其中一樣名產就係「蝨目魚」。係台北果陣, 好多人都已經同我講過台南既「蝨目魚」, 味道上跟台北的不一樣。係台北食到既「蝨目魚」好多時都有一陣臭青味 ,今次黎到台南, 決定搵間食「蝨目魚粥」。

"在香港街市是很難看到虱目魚的。虱目魚,又名牛奶魚(英文:Milk Fish),有著流線型對稱的銀色魚身,尾部有明顯分叉,最大可長成約1.8公尺,以水藻為主食。虱目魚在水中活動得非常靈敏,不過一旦離開水即全身僵硬,頭部及尾部翹起,呈獨特體態"



在網上搵到呢間「阿憨鹹粥」, 由酒店慢步走去大約要 15分鐘。二當家跟大當家都無乜的士癮, 平常都係靠對腳周圍行當做運動。當天天氣仍是 35度左右, 走了好幾分鐘已經汗流浹背, 再加上台南的路比起台北更難走。在台灣, 店前面的騎樓是屬於店舖的, 他們可以停車, 放機車, 放貨, 做熟食, 總之就不是給行人走路的。行人很多時候要走到馬路上暫停線 (讓汽車暫時停靠的位置), 加上機車穿插等, 對行人係極不友善, 加上一直吸廢氣。邊流汗, 邊走, 夢想餐廳有一陣冷氣可以讓我們舒服地用餐, 點知...

原來餐廳只係一座好大既鐵皮屋, 入面好似焗爐咁, 我們點了一碗鹹粥, 一碗蝨目魚魚肚粥, 一份油條。「鹹粥」主要的食材是虱目魚、蚵仔加上用虱目魚骨熬煮所成的高湯、加進煮熟的飯, 有D 似香港食到既潮州粥, 但更具風味。蝨目魚魚肚粥即鹹粥之上再加蝨目魚魚肚, 魚肚非常清甜, 好好食。

食過早餐後便行去火車站, 準備坐一個站既火車去保安火車站, 去「奇美博物館」。其實當我知道台南有間博物館果陣, 我心入面已經有個好大既疑問, 間博物館會否好流? 由保安車站走路去奇美博物館約10多分鐘, 當走入去奇美博物館範圍內既時間, 發現環起比二當家想像之中好很多, 非常新及非常乾淨, 環境非常之好, 館內的展覽分兩部份, 一部份為常設展覽, 一部份為特別展覽, 兩部份都非常好睇。就算唔入去參觀, 係園區範圍內走走亦十分寫意, 推薦俾大家!!! 👍 (後來再知道奇美博物館是奇美實業創辦人 - 許文龍先生創立)

走完博物館後, 坐火車點到台南市內, 由於未食午飯, 趕緊搵個地方醫肚, 最後決定去 「矮仔成蝦仁飯」。在台灣, 很多食市2點後就休息不營業, 而這間「矮仔成蝦仁飯」係主打旅客生意, 所以無午休時間。 我跟大當家叫了有名的蝦仁飯, 涼拌豬肝, 梅漬蕃茄及 鴨蛋。這間「矮仔成蝦仁飯」明顯地係由年青人打理, 已經做左好多 Branding 既野, 間鋪又新, 連下單等既程序都有考慮過。先說蝦仁飯, 飯係用高湯煮既, 好濕身, 其實我同大當家都覺得普通, 不過我地無食過第二間 (對面間集品蝦仁飯都好出名), 難以比較。而其他三樣食物我都覺得好好食, 梅漬蕃茄酸酸甜甜好開胃, 涼拌豬肝真係O岩O岩熟, 好嫩, 鴨蛋好香口, 餸飯一流。

我同大當家都唔敢食咁飽, 因為下站就係去搵「秘氏咖啡」。「秘氏咖啡」係國華街永樂市場內, 我地由係由「矮仔成蝦仁飯」往國華街慢慢行去, 沿途又食左芭樂, 紅豆餅等, 最後終於搵到永樂市場。永樂市場係一座好舊好舊好舊既 building (舊式街市, 感覺有D似以前既牛頭角下村), 一般人應該唔會走入座 building 內搵 cafe, 座building 係兩層, 但係感覺太沒人氣所以一直唔敢走入去, 點知樓下間整電單車既老闆見到我地望下望下, 就我地講「秘氏咖啡」係呢度上去就係。

去呢間「秘氏咖啡」主要因為大當家係台北識呢間 cafe 既老闆, 知道老闆係台南都有另一間店, 台北果間是以老上海係主題, 而台南店則以老香港為主題。店非常非常的小, 但咖啡價位不便宜, 二當家只可以分辨好唔好味, 再多既 details 就講唔出, 值唔值就見仁見智。當天咖啡廳都 full house, 可見後生果輩都有D 消費力。

去完 cafe 又回酒店稍作休息, 每日不停出汗, 回酒店沖個涼真係人生一大樂事。當天既晚飯沒有先想, 本來想去食牛肉鍋, 但最出名果幾間牛肉鍋都有D路程, 無機車就係有呢度唔方便。上網左看右看, 最終選了「焼肉ショジョ Yakiniku SHOJO 」。在香港, 真正炭燒應該好少見, 但係O係台灣都仲有不少店係用炭爐作招徠, 燒肉既野無乜好講, 睇肉既質量同淹肉既醬汁。係台灣食燒肉好少會碰釘, 但呢間鋪既價位同台北相差不遠, 好食但唔特別推。

飯後因為太飽, 係火車站附近行左個圈, 見到「阿億牛肉湯」, 最後又忍唔住買左碗件肉湯外賣做消夜, 可惜番到酒店後, D 件肉已經全熟, 無左即食果種嫩嫩既口感。


第二日完


Wednesday, July 1, 2020

投資日誌 2020/06/30 - 強大自己


五月六月市況算是大好, 資金都在追逐股市, 在4月份時二當家想做空Dow Jones 所以買了SDS, 買了才想 dow jones 是最強企業組成的, 在經濟時候不好又資金泛濫的情況下, 最強的企業便是升值潛力最強的資產, 二當家算是學到一課, 所以立斬了 SDS。

推論是正確的, 但又唔肯割肉, 所以只買了MSFT, 之後看到很多一線科網股都升到飛天, Tesla 更升破千, 700 升破500, 錯失了大時代。

唔知各位師兄有否係大時代到個 portfolio 可以由跌轉升, 二當家既 portfolio 就俾 REIT 嚴重拖後腿, SG 重新上路, 但疫情其實未完全解決, 每天也還有200多人確診, 後疫情時代我們可以跟疫情共存嗎?

在台灣, 市民尚算自制, 公共交通工具內還是有95% 的人有佩帶口罩, 但上星期 37度高溫下, 街上載口罩的人就少了很多。二當家自己也試過高溫下載口罩, 2分鐘後嘴上已經有水珠, 載口罩下個人的感覺會熱上更熱, 真係很難忍受。不單單政府在開放經濟<>疫情控制上在兩難局面, 就算個人, 在個人感覺及公共衛生上也走上兩難。



"人生不是嬴在起跑線上, 而是要嬴在終點!"

二當家同 Trainer 既一次對話中, Trainer 分享了很多她的想法, 雖然我不是完全贊同, 但她上面的這一句說話又點醒左我, 我給我自己的終點在那裡? 二當家其實給自己的 track point, 很多地方上已經可以算是達成, 見識過外面世界 (雖然唔係腳踏七大洋五大洲), 試過海外生活, 工作上算有小成, 自己的小項目開始左, 雖然遠遠未到有錢既境界, 但可以照顧自己及大當家, 婚姻美滿, 無樓無車無番狗是自己的選擇, 未來是希望自己能更「強大」, 可以影響別人, 帶的是正能量, 在各個方面增加自己的知識, 令自己未來有更多選擇。沒有目標便沒有方向, 二當家又係時候思考自己人生的下一步。

大當家問我, 咩叫「強大自已」? 我答她, 就好似開車/開機車咁, 如果你樣樣都唔識, 你去旅行就只能因自己既能力去選擇旅行地點, 要就公共交通時間及路線, 去唔到D 偏僻既仙景, 看到既只係市區地方。如果你識開車, 以後你去旅行時既選擇就多好多, 可以自己決定幾時起身, 幾時開車及去邊度。

「強大自己」就是要增加自己的知識及技能, 增加自己的選項, 把握住自己既命運。




BOND: 最危既5條債如下, LB 仲有86蚊, 但係其下 victoria secret 在香港既銅鑼灣店玩左2年就執, 但聽聞租約係10年, 如果要賠足8年都幾金。另外英國分公司都申請破產。其餘4隻就不提了, 2021 年係第一關, 希望過到。

AMC 5 3/4 06/15/25
FET 6 1/4 10/01/21
MNK 5 3/4 08/01/22
TUP 4 3/4 06/01/21
LB 6.694 01/15/27

CEF: 得3隻, FFC, MMU, PDI, 無停息

ETF: 放棄主動選股, 開始建立 ETF, 暫時買左 2800

Preferred Stock / Reit: 無乜點升番

Stock: 表現最好, 但還是負數, 被幾隻舊經濟股拖緊後腿。


Performance
Distribution
BOND
-17.1%
18.63%
CEF
-12.1%
6.15%
ETF
0.8%
4.09%
Preferred Stock
-15.9%
10.63%
SG REIT
-26.4%
15.37%
Stock
-4.9%
35.37%
REIT
-25.3%
6.85%
Cash
0.0%
2.91%
Grand Total
-14.0%
100.00%

5月份的 Transaction

買入
2800 @24.7 - 放棄主動選股, 慢慢增加被動 ETF比重
2588 中銀飛租@50.9 - 預左長坐, 中銀做後盾, 今年唔興買重資產股, 航空業預左過寒冬, 收租佬會否有運行?
1922 銀城 @3.13 - 買入時是為了追落後, 物管內比較平既一隻, 現價 5.35

賣出
3690 美團 @130 - 失敗但唔後悔, 但唔識估值, 已經升到 170蚊
2606 藍光 @45 - 失敗, 原因係見到母公司藍光發展既股價一沉不起, 但藍光嘉寶已經升到 55


Top 10 Holding

Symbol
Description
1238
POWERLONG REAL ESTATE HOLDIN
2800
TRACKER FUND OF HONG KONG
823
LINK REIT
165
CHINA EVERBRIGHT LIMITED
CC 6 5/8 05/15/23
CC 6 5/8 05/15/23
9988
ALIBABA GROUP HOLDING LTD
FFC
FLAHERTY & CRUMRINE PREFERRE
2318
PING AN INSURANCE GROUP CO-H
AW9U
FIRST REAL ESTATE INVT TRUST
P40U
STARHILL GLOBAL REIT

Monday, June 29, 2020

Take a break! 台南台中精華遊 (Day1)

前文提到: 公司有放假政策希望員工可以在這兩個月內放多點假, 二當家本來打算在六月底回香港與家人聚聚, 所以一早已經請左假, 但一日未開放隔離措施, 回港既時間表仲係遙遙無期, 所以最後決定去台南台中逛逛。


很久之前二當家已經想幫自己做一個社交排毒, 遠離社交平台好好地咁放個假。剛好公司要員工放假, 所以在月底前跟大當家安排了一個台南台中精華遊。

上一次去南部已經是很久很久之前, 但那時候高鐵已經建成了, 去的是墾丁, 當年海角七號還未上演, 陸客也未到台灣。對南部的印象是, 有點像大陸, 說發展, 真係差國內一線城市十萬八千里, 很少看到高樓大廈。 今次去南部後, 印象其實沒多變, 友人說, 台灣就是以「慢.生活」, 10多年前的老店, 你會看到一樣的店員, 一樣的裝潢, 一樣的產品, 是好是壞?

來台南的目標非常明確, 為食而來, 台南有名的美食, 連台灣人都讚好。 由台北去台南, 二當家選的是高鐵, 台北到台南大約2小時的車程便到, 但由於台南站不在市中心, 下火車後便坐「小黃」(taxi) 去飯店。香港人來台灣非常頻繁, 很多香港人都當台灣/日本係第二個家, 不得不提來台灣, 最好先安裝「台灣大車隊」這個 app, 因為台灣很多偏遠地方打車都不方便, 有個 call 車 app 真係方便好多。


二當家第一餐既目標是牛肉湯, 不知道大家有沒有看 KC賞味隨筆 - 一個寫食評既 blog, 二當家都係跟住 KC 去搵食。當中 KC 有介紹到台南好幾間牛肉湯, 二當家就試左「阿棠牛肉湯」, 食評二當家就唔識寫, 但係湯頭真係好湯, 牛肉都好食啦。另外仲點左高麗菜少牛肉同肉燥飯。台南好多賣牛肉湯既鋪都係賣完就收鋪, 每日可能開幾個鐘頭就算, 要食好野要睇時間。

食完第一餐後, 就行去台南國華街二段~三段, 食鼎鼎大名既「邱家小卷米粉」, 未見到鋪頭名已經見到長長既人龍, 當天仲鬼死咁熱, 一路流汗一路等入座。成間鋪只賣兩樣野, 「小卷湯」同「小卷米粉」。老實講真係好普通, 二當家覺得小卷米粉既米粉有D似香港既粉仔, 又無乜味, 真係可以唔駛試, 試下個湯就算。而個湯係清甜既, 但無甚驚喜, 食過便算了。二當家到訪的當天是星期日, 國華街二段及三段正好封閉讓行人慢步, 兩傍也有很多不多小店賣小食, 邊走邊食不亦樂乎。


其實在臺南市美術館2館周還有很多美食, 在府前路一段的「福記肉圓」, 「檨仔林阿全碗粿」, 「莉莉水果店」等,  無耐天氣炎熱, 加上眼闊肚窄, 行下行下, 最後走左去林百貨嘆下冷氣。 坐住部唔知有幾多年歷史既電梯去到頂樓, 一眼望到林百貨內竟然有冰凍既豆花食, NT$40 一碗, 唔算太貴WO, 剩係可以係冷氣環境下用餐呢一點已經覺得超值 (注: 當天台南應該有 33度以上), 二當家其實係台灣食過好多次豆花都覺得都麻麻地, 香港既豆腐花好食好多, 但林百貨賣既豆花, 不論味道, 質感等都非常不錯, 貴得有道理 (😜荃灣豆腐花之戰, 我走果陣賣緊 HK$7 一碗, 宜家台南食一下碗要HK$10)。

行完林百貨後, 坐的士去左「安平定情碼頭德陽艦園區」睇日落, 上左隻小型軍艦到睇下, 興趣真係不大, 但係可以影下相開心一下都算不錯啦, 影完相後就回酒店沖個涼休息一下, 等開飯。


晚飯訂了「村料理」, 這間餐廳是餐廳+民宿合營, 主打無菜單既海鮮料理, 食既係台灣古早味。我們訂了 NT$800 既海鮮餐, 我知係貴, 但這個是大當家下旨要食既餐廳, 偶爾豪少少都唔算過份😋。當中連甜品+飲料總共8個菜, 有鮑魚沙拉, 元貝咸蛋米糕, 蒜香蛤蜊蒸蝦, XO醬炒小卷, 烏雞湯, 及八寶福袋 (入面個餡料似獅子球), 甜品係鳳梨椰汁糕, 飲品係烏梅汁。大當家同我都覺得度度菜都好食, 仲食到鬼死咁飽, 老闆仲好好人咁送左兩隻自己包既台南糭俾我地做手信。


第一天完