Thursday, January 31, 2019

投資日誌 2019/01/31

Stock
Name
Ratio
Buy Price
Market
Delta%
0087
太古B
12%
         12.82
         14.00
9%
0165
光大控股
10%
         13.70
         14.74
8%
0005
HSBC
9%
         63.75
         66.70
5%
0255
龍記
8%
           3.43
           3.41
-1%
2238
廣汽集團
6%
           7.80
           8.48
9%
87001
匯賢
5%
           3.10
           3.33
7%
1113
長實集團
6%
         56.75
         65.75
16%
0939
建行
4%
           6.36
           7.01
10%
1398
工商銀行
3%
           5.46
           6.06
11%
0296
英皇娛樂酒店
3%
           1.43
           1.68
17%
1132
橙天嘉禾
2%
           0.30
           0.30
0%
3389
亨得利
1%
           0.32
           0.34
8%


32%




新一年, 二當家把所有 buy price 從設到 12/30 的收市價, 一切由零開始

股票面值 (Face value) +7.6%
整個組合(連已收股息) +5.11%

一月份二當家基本上無做買賣, 直到今日, 個市已經爆到上去接近 28000。由於美國一月無加息, 市場又興奮起來, REIT 又好, 內房又好, 5G慨念又好, 香港地產都好, 基本上乜都升。市場就係咁喜怒無常, 唔知今次升市, 又有幾多人無貨只能眼白白咁睇住個市升。

想贏HSI/2800, 談何容易? 一月份 HSI 同 2800 已經升 8%, 只要有閒置資金, 就會拖累表現。不過散戶勝在可以出出入入, 靈活轉下身, 核心持股外可以炒下少少短線, 再唔係用期權等工具增加收入。

關於持股, 手上龍記發出盈警, 其實係預料之內, 一次性收益是小, 但成個中美貿易戰既前景唔明朗下, 出口受影響, 2019 年表現都唔會好。二當家希望佢跌番咁上下補番之前賣左既貨。

2019年沒有什麼前瞻性的預示, 都係見步行步。人在台灣, 番埋今日工就收爐直到2月中, 一年一度期待已久既旅行終於來到, 係到先恭祝各位

新年快樂, 豬年越搵越有!!! ✌

//  《經濟通通訊社30日專訊》龍記集團(00255)發出盈警,預期截至2018年12
月底止年度溢利金額預期較2017年溢利錄得減少約40%。溢利金額減少乃主要由於欠缺
2017年錄得之約5600萬元之一次性收益;及中國與美國的貿易戰加劇,令經濟放緩及國
內眾多行業市場蕭條,中國客戶對投資決定非常謹慎,因此,公司的收入及毛利率於2018年
下半年受到嚴重影響。(ky)//

Tuesday, January 29, 2019

莫讓媒體控制了你


網上圖片


小心提防 ViuTV 假人騷

上網看到以上文章有感。

我並不偏幫 CCTVB 或 VIU TV, 但大家立場越黎越偏頗, 作為一個公眾媒體, 每日都影響緊我地既思想, 大家為了下一代著想, 大家真係要非常非常非常小心。

一邊廂CCTVB 日日都播睇樓節目, 又唱好大灣區, <安樂窩><日日有樓睇><樓市速遞><樓市點睇><家居.築則> 等等等等等.............

一邊廂 VIU TV 就以 <人住公屋. 我住公屋> < 買樓狂想曲> 等還擊直指政府的不是。

除此之外, 一眾網媒如 HK01, 852郵報等等政治立場都非常鮮明, 今時今日仲有冇媒體講公信力咁傻? 識玩既都一定係靠邊站。作為市民, 日日咁洗腦法, 再加上大量 fake news, 懶係好笑但又政治隱喻既 POST, FB / GOOGLE 等亦會根據你的瀏覽紀錄再推一D 適合你既POST, 迴聲室效應超級容易就形成。

要破解, 只可以靠自己, 盡量唔好懶, 睇下大公報, 睇下毒蘋果, 睇下 VIU TV, 又睇下 CCTVB。 好多時都要保持懷疑態度, 切勿簡簡單單就深信傳媒既報導。或者好多人都覺得咁樣做人好煩, 二當家只可以問一句, 你想做豬, 定想做人? 做豬好簡單, 人地餵乜你就你乜。

其實... 我發覺好多人都鐘意做豬....😵



Sunday, January 27, 2019

閒聊


一月份都係飛飛飛, 雖然全部飛短期, 但係連續兩星期都要飛, 大當家都開始「詐型」。 二當家飛完第二轉番香港果陣, 仲同佢講飛完架啦, 新年後至要再飛。點知, 老闆突然又要我飛, 由於事關調職去台灣, 所以二當家都係無 SAY, 新年前應該真係飛埋呢次...

至於調職去台灣, 原則上兩方同意, 宜家係等個 Package Review。老實講, 就算用宜家自己份人工調過去, 都已經算人上人, 但由於要考慮埋大當家去到未必有野做, 所以點都唔會考慮平手過去, 就以下網頁所提供既資料, 30~39歲, 大學以上學歷, 差不多 90% 以下既人士係年薪 105萬以下(約港紙月薪 2.2 萬), 加上生活指數低, 所以無論個 PACKAGE 係點, 係果邊應該可以生活無憂。 不過人望高處, 所以都希望個 PACKAGE 靚仔啦, 我上有高堂, 下有妻房!

行政院主計處「薪情平台」
https://earnings.dgbas.gov.tw/experience.aspx




以下係一月份既隨筆

天鑽 (中國海外), 凱匯 (信置,華置,市建局) -  當個價落少少, 又成班人走去入市, 香港既樓市真係神話。凱匯總數 2千個單位, 要六球起跳, 所以我成日都話, 中左九龍灣站(原牛頭角下村) 果班公屋戶真係要還神, 呢D應該係三代積落黎既福, 入住去住仲點會走。 向上流? 我寧願做下流人😛。天鑽(1,620伙)其實我覺得幾好, 開價尚算合理 (平均尺價約13000)不過睇個 TOP VIEW, 如果住最入果座, 行番去最出果個 GATE, 應該都要十幾分鐘。

凱匯11天套現147億



佳源 菁雋 - 佳源大跌8成多, 都不及原來菁雋只賣出2伙吸睛, 証明香港人係傻唔晒, 呢D 咁既西盤真係浪費土地資源, 未來係唔係會有空置稅? 好想睇佢地 PK 呀.......

旗下劏房盤菁雋只售兩伙




新鴻基 - 天價地皮 - 一邊廂麵包價至萬零蚊, 新鴻基就麵粉價都要萬七, 未來賣出睇怕要三萬蚊至得, 咁係咪代表睇好後市呢?

新地逾112億奪啟德維港景住宅地



煥然懿居 / DOWNTOWN 38 - 煥然懿居又禁售又入息審查, 以約市價20000尺黎訂價, 轉個頭 DOWNTOWN38 首輪開價17000, 雖然隨後個價都升番上去20000尺左右, 但煥然懿居講明可調整折扣率, 到6月揀樓果陣唔知會唔會又無人買呢?

新地趕賣樓 Downtown 38呎價1.7萬 土瓜灣新盤一年平10%
新盤睇樓指南:Downtown 38次輪66伙揀樓



政府4000 - 唔想講都要講, 呢單野真係擾民, 阿茂整餅—沒哪樣就做哪樣, 唔派仲好, 派親一定會有人話唔公平 (請參考黃子華魚蛋論), HK$4000, 多又唔係多, 政府不如剩係派俾老人家, 傷殘等人士仲好, 反正個個都喜歡站在道德高地。




羅致光: 「平均年齡120歲,60歲都只能算中年」 - 別相信傳媒, 當日其實二當家有聽果日既訪問, 人地講緊, 根據世衛既建議, 應該以人口結構黎定義老年/中年等 TERMS, 因為每個地方既人口結構都唔同, 假約香港人口「平均年齡120歲,60歲都只能算中年」。其實聽完個訪問我完全唔覺有問題, 不過D 新舊傳媒就只係抽住呢點黎講。

上網見到既笑話:
台灣媒體的報導特色:
【第一天】
唐僧回台北才剛下飛機… 
記者問:你對陪酒小姐有何看法?
唐僧很吃驚:台北有陪酒小姐?
記者隔日登報 「唐僧飛抵台北,開口便問有沒有陪酒小姐」
【第二天】… 
記者問唐僧:你對陪酒小姐的問題有何看法?
唐僧:不感興趣!
隔日登報「“唐僧夜間娛樂要求高,對本地陪酒小姐沒興趣」

Age Standardization of Rates: A new WHO Standard



停加息, 停縮表, QE4!? - 美國果邊放風, 香港呢邊就多左人轉口風, 吹吹下仲話分分鐘要 QE4。我唔係話無可能, 但如果真係 QE 4, 我想信留係香港會更痛苦...




Thursday, January 10, 2019

前人種樹,後人乘涼 (三)




話說二當家同大當家講左大計後, 大家有左共識 (至少佢知我唔係借錢黎賭), 之後就同近親傾呢個計畫。

一如所料, 近親當然唔太願意, 之後就同我地無端端做乜借錢, 又話一但失業又點點點點, 又話留左筆錢幫我地兩公婆上會等等。二當家有求於人, 當然照單全收, 反正結果一早預左。上一代人既思想都係最好唔好借人錢, 我好明白, 因為我父母都係咁, 要同佢地講今時唔同往日, 我諗講半日都未講得明, 反正對二當家黎講, 呢個係一個機會, 而唔係必須。

過左幾個星期, 近親又同大當家講, 話佢地已經開始睇樓啦, 因為租約就快完, 佢地唔想再租多年, 所以呢期密密出動。

講返呢個近親, 其實佢地本身住緊村屋頂樓, 間屋風水又好, 前面仲有風水樹, 個 VIEW 好正, 又有天台燒野食, 種下野咁, 我同大當家都好鐘意。但因為年紀漸大, 唔想行幾層樓梯, 所以上年果陣無同我地商量就賣左間屋, 激到大當家扎扎跳。不過始終係人地既財物, 我地係無 SAY既, 如果佢地一早同我地講, 可能我地會接手左間屋, 大家各取所需。

今次佢地再買樓, 好有可能住一世,  大當家亦再三叮囑要同佢商量左先, 近親亦好坦白咁同大當家講, 手上只有 430萬, 仲有係大陸有塊地等收, 預計有150萬~200萬。二當家第一個想法係, 430萬宜家可以買D乜.........? 😱    一於所料, 佢地宜家睇既單位, 無論地點, 環境都好, 都不及以前所住個單位, 所以換言而知, 佢地今次完全係「落錯車」😓。

「落錯車」係過往十年好普遍, 但問題係近親係退休人士, 已經無能力再上會, 租左一年發覺D 樓只有越黎越貴, 手上既錢越黎越少, 既然不能再等, 只有焗住買次一線既單位。

當二當家收到呢個消息, 隨即寫低左幾個重點同大當家傾

1. 借層樓黎套現係小事, 可套可不套, 對佢地買樓係無任何影響既
2. 大當家/二當家, 有機會移居台灣幾年, 佢地買樓前要考慮呢點
3. 大陸收樓係有不確定性,  幾時收, 收幾多錢, 呢D 都係風險, 唔好成日預左有呢筆錢
4. 買樓要睇買唔買得起, 因為佢地無能力做按揭, 唔好成日當大陸塊地一定會收就買貴野

下回分解..............






Wednesday, January 2, 2019

2019年第一擊 - PMP


2019 第一擊係就收到 PMI 既信, 要準備俾錢考試了, 希望唔好肥佬!


1. Fulfill Eligibility Criteria
2. Complete Application
3. Application Review
4. Payment <-----俾錢, 準備考試
5. Schedule Test Appointment