感恩的2017, 多謝各位 BLOGGER 的分享

到左年尾, 工作閒了不少, 二當家又開始去各大 BLOGGER 到偷師, 當中風兄的BLOG 我去得最多, 要重覆又重覆咁睇 (含金量極高), 還有 RX兄的, 天路兄, 春花妹(姐), 魔術師兄, 70後兄, STARMAN兄等等, 謝謝你們無私的分享, 令我的眼界大開, 把自己的眼光由香港擴展到世界各地。 雖然今年沒有投資在海外市場, 但估計在2018 會開始投資一些 ETD / BABY BOND 等有固定收益的項目。

2017 年市場先生封筆了, 有幸上了他最後的一課, 有很多他的知識並不能在他的 BLOG 文內交代清楚, 比如他只會在 BLOG 內列出該公司的物業, NAV, P/B 等, 但公司的背景, 領導人及營運態度等他也能如數家珍, 令我明白到一個投資者不能只靠看報表, 更要認真地去關心公司任何的消息。

亦謝謝巴黎兄引出市場先生, 不然我也沒幸上這個班。

在中小型股票方面, 偉哥的文章也是含金量極高, 其中如何用CCASS去推斷老板的手影及部處, 對我來說是偵探才會做的是。而我最記得他的一篇文章是 <如何成為一個精明的投資者之 每天要做的事>, 令我知道我永遠做不了一個精明的投資者。

還有一眾新舊 BLOGGER, 有些文章很有啟發性, 有些人每天做紀錄。感覺上好似越來越多人開班援徒, 對我來說不是一件好事, 因為市場越來越熾熱, 亦可能代表著音樂快停了。

最後二當家祝各位在新一年身體健康, 來年搵多D。

假如我是一間公司 + 2017 Review

簡單回顧一下2017年的成績, 今年仍然以最主要的收入仍然來自打工, 由於加薪所以年收入增加 9.5%, 係薪金上仍然有上調空間, 但係點樣同老闆 flight 加人工仍然係最大挑戰。

第一年正式紀錄投資成績, 上年由於隻8字頭既股賬面上蝕好多, 其中一隻今年斬纜輸97%, 好彩銀碼唔大, 而年初見個市唔貴借左200K稅貸黎投資, 單單一隻405 其實已經 cover 左個利息, 所以算係不錯既成績。

年初既第一大持股 1848 跌到 PK, 由 11 蚊跌到 7.8, 好彩在年中已分段減持先行獲利, 前景雖然唔明朗 (加息 / 開始拆飛機), 但其實我對呢隻股都有信心, 8蚊下又開始吸納。

太古由年頭差到年尾, HSI 隻隻升但太古跌, 希望未來幾年業績會改善。

REIT (87001, 405, 2778): 405 今年大升, 為第2大持股, 2778 跟車太貼。朗豪坊大樓又未有消息, 食住息先。87001 可能會繼續增持, 始終8厘收息既投資產品市面上唔多。

舊經濟 (龍記, 亙太, 彩星): 得龍記較佳, 但年尾都跌番落黎。 而亙太轉大股東無走到, 越南果邊好似解決錯間廠既問題, 派息跌左少少期望下年業績會好番D。彩星要等下年, 好彩佔既比例唔大。

而上年最大既盈利貢獻係, 光大, 中飛 1848, 中巴, 建行。投資回報為 +13.5% (已包股息), 雖然同市場無得比, 但有正回報都已經好開心。而回報中大部份為已實現盈利 (收息, 已賣出)。

2018 會再借稅貸, 對我黎講好似迫自己儲錢咁, 係資本增加後就算回報率一樣, 但額度會不一樣。 短期內應該都唔會買樓住, 始終首期要求太高。希望於2020前每月有5位數的被動收入, 以每年收息 120,000 咁黎計, 假若以 5% 資本化率去計即係要 2.4M, 用槓桿其實唔難達到, 但自己始終係初哥, 希望自己可以係一個非常保守情況下達到。

vs 2016
主動收入 - +9.5%
被動收入 - na
支出 - +3%
EQUITY - +45%

2018 年 TARGET
Over 10% RETURN

新股潮流過後

唔係想討論個股質素，反而想講香港人炒炒賣賣既心態。

當初招股超標百幾二百倍, 凍資幾千億, 今日隻隻都跌破招股價, 當中一定有人賺錢, 有人蝕錢, 睇你轉身有幾快。

自問年紀大, 轉身慢, IPO 抽唔中就唔好高位入貨, 高風險既野都係玩唔過。

散水！？

記錄一下

投資組合 2017/12/04

Stock	Name	Buy Price	Market	Ratio	Delta%
0087	太古B	13.74	12.96	24%	-6%
0405	越秀	4.23	5.21	16%	23%
2778	冠君	6.11	5.68	11%	-7%
87001	匯賢	3.11	3.09	7%	-1%
0255	龍記	3.67	3.55	8%	-3%
1382	亙太	8.87	8.11	6%	-9%
0194	廖創興企業	12.16	13.68	5%	12%
1132	橙天嘉禾	1.02	0.77	3%	-25%
0868	信義玻璃	7.74	9.30	3%	20%
0869	彩星玩具	1.41	1.11	2%	-21%
0088	大昌	9.43	8.85	2%	-6%
1270	朗 廷 — Ｓ Ｓ	3.34	3.41	2%	2%
1848	中國飛機租賃	2.06	8.32	2%	304%
8147	匯思太平洋	0.65	0.16	2%	-75%
	Cash			9%

11月份
買入大昌 (0088): 其實想買好耐, 見到個價係咁上最後忍唔住係高位入左, 之後個價係公報業績後隨隨落埋到8.9, 再一次引證自己明燈既能力。買入原因其實係看好其淺水灣道項目, 而根據最新中期報告這個項目已獲發入伙紙，現正為申請批出滿意紙作準備, 如無意外2018年發售。

買入太古B(0087): $12.9 再加一注, 應該唔會再加

------------------------------------------------------------------------------------------------------------

其實今年已經可以做結算, 除非12月份太古升番三五七個巴仙, 否則回報都唔會差好遠, 總括黎講係大輸俾個市, 尤其係HSI隻隻都升, 但19/87唔升既情況下令自己更處於劣勢。

幸好, 年初買入的越秀, 中國飛機租賃, 光大, 中華汽車都有獲利, 否則今年升市時沾不到丁點兒仲慘過輸錢。

而於上個月買入既信義又無端端爆升 20%, 我朋友話我買我少, 我話有早知, 無乞兒, 個市再升又唔會對我有影響, 但係跌就應該會一齊跌, 暫時仲未諗到有咩防守策略, 應該入公用股/REIT?