Wednesday, August 31, 2022

回港新挑戰

 

放低左個 BLOG 都一段時間, 係過去個幾月其實二當家做左好多野。


第一樣就係搬家, 將台灣既家當運番香港, 離開台灣時要準備好清稅, 又要同條 TEAM 交低晒D野。當時回港仲係要求緊7日隔離, 番香港前仲要去左個短 TRIP, 放埋假至番香港。番到香港, 首先新職位有十九幾萬樣野等緊我, in between 仲要搵樓, 安排傢俬電器等, 公私兩忙, 基本上放工只係想休息。

新工作非常有挑戰性, 人工當然可觀, 但伴隨住既壓力亦非常大。雖然二當家有信心克服, 但都要 suffer 一段時間至可以穩定下來。要講香港宜家最大既問題, 二當家最大既感覺係人才流失, 首先大量外籍人士離開, 其次就係香港人, 一家大細咁走, 走得既都係有能力, 至於語言上係處理得到, 仲有一班係有專業人仕。 留低既, 未必係差, 但市場上少左人才係事實。如果港府再將打針由12歲下降至5歲, 到時又有另一班家長會離開。從公司既角度睇, 咁既情況緊係唔理想, 走完一個又一個, 請一個人快則1~2個月, 慢則 6個月以上, 同時間有咁多人走, 對 operation 其實既影響好大。最後係揀人方面唯有將就一下, 整體水平固然就會下滑。

消息指港府擬下調疫苗通行證涵蓋年齡 由現時12歲降至5歲|即時新聞|港澳|on.cc東網 


關於投資, 其實近呢個幾月望都無望過, 有人問我點解咁戇居, 窮爸爸富爸爸都有教要創造被動收入, 宜家二當家既精力用晒黎打工, 股票望都唔望。其實二當家有時都諗, 放好多時間精力去投資, 投資成績又是否非常驕人? 就算係二當家既朋友, 都有部份人唔想在工作上再努力, 希望用投資一朝致富。至於方法, 可能係用槓桿, 用衍生工具, 用新既金融產品。 二當家之前都有講「凱利公式」, 去買鋪大細, 都有接近50%既機率可以將投資金額翻倍, 如果我付出更多既時間可以令到呢接近50%既成功率增加, 我當然願意做, 但如果花再多既時間都未必一定能將成功率提升, 又或者要花既時間同回報並不成正比, 那我寧可找另一條路。但係咁唔代表二當家會放棄投資, 只係減少投入既時間。


至於打工, 基本上100% 得到回報, 除非公司走你數, 至於投出既時間同金錢回報是否合理, 在二當家現時既收入黎講我係滿意既, 而且呢條路至少比二當家所想走快左5~10年, 提高左收入, 未來既選擇亦會變多。再加上大當家回港後都會打工, 整個家庭收入比例增加, 從收入這個角度看的而且確回港係一個最好既選擇。



Tuesday, August 23, 2022

近況 (12) - 2022年非投資半年結

 此文寫於 7/12/2022.............


疫情

疫情話咁快又2年, 世界變得太快, 中西方兩大陣型要走不一樣的道路, 在沒有明確答案的議題下, 勝率一定高於50%, 因為答案觀點都任我吹。台灣由高峰期每天8~9萬確診人數降至3萬多, 加上夏天到來, 36度既高溫低下載住口罩低下真係人都癲。西方世界由 BA.2 到 BA.3 BA.4....唔講以為係維他命, 疫苗又準備第四第五劑, 最大既問題都係 when will this over?


工作

找到新工作後, 準備回港開始新生活。對二當家來說, 這個 MOVE 當然是 GOOD MOVE, 人工飛躍性咁增加, 應該可以頂到下通膨。但回港後身邊的朋友至少有 1/3 人已經移左民, 未走既都諗緊, plan 緊, 搞緊, 50年不變........得個名係真係沒變。

新工作, 新人工, 新既壓力, 唔好以為抖新人工就好爽, 壓力超大, 大到有好幾晚都睡不著。二當家本身是一個多慮, 怕影響別人的人, 所以很多時候都在心中都會模擬各種可能性, 把不同的答案準備好, 萬無一失至去馬。而呢種性格, 面對住新既不確定性就好大獲, 因為永遠都無最好既答案, 要說服自己接受不完美的表現。


身體

五十肩又開始嚴重, 始終工作都是長時間對電腦。9個多月前開始打球, 後來又買了 dumbbell 在家練習, 暫時瘦身是見到成效, 亦開始輕微見到少少線條。但啤酒肚仲係到, 減肥最快既方法都係控制食量, 減低 crabs 吸收, 運動都係配合。已經同大當家約法三章, 回港後一星期要打一日波, 再搵一日請個 PT 做增肌運動。 踏入四字頭, 係時候學養生之道。