Tuesday, August 31, 2021

股票研究 - 0697 首程控股 - 2021 中期業績


 


先睇 697 的資產負債表內主要變動, 最大變動係將「聯營公司」既投資轉左去「持有待售資產內」, 如果有跟開 697 既都預左
 
本集團出售持有的首鋼資源全部權益的整體業務計劃並無變化
期內首鋼資源的股權於重分類為持有待售的資產時是按賬面值或公允價值減銷售成本中的較低者 計量,並於各期末重新計量。於2021年1月15日從於聯營公司之投資重新分類為持有待售的資產, 並以公允價值減去銷售成本計量。隨後在2021年6月30日以其公允價值減銷售成本重新計量。截至 2021年6月30日止六個月內確認的減值虧損總額為港幣1,776,215,000元。首鋼資源股權的公允價值 分別參考首鋼資源於2021年1月15日及2021年6月30日的市場價格釐定

在應收賬中, 當中一筆已確定為管理費收入的數收唔到, 要 write off. 
最搞笑係打開 2019年既公告中, 合夥人係邊個.......好似係社保基金會wo....


另外現金少左 9 億, 都係要尋根究底搵出原因, 可看下文。
負債方面主要變動為「應付股息」, 先從略。


//截至本公告日期,其中約港幣9.62億元已經用於投資本集團之基礎設施不動產基 金管理業務之境內市場公募REITs。本公司尚未動用剩餘集資活動所得,本公司擬 將所得款項於2023年前按以下更改後的方式應用:所得款項悉數用於(i)約港幣2.5 億元(即剩餘所得款項淨額之85%)將用於投資本集團之停車出行業務,其中部分 將用於支付現有承諾出資,租賃按金及建設開支,而餘下部分將用於新停車場資 產的拓展,特別是在交通樞紐領域,本集團期望能進一步擴大在此細分領域的領 先優勢;及 (ii)約港幣0.44億元(即剩餘所得款項淨額之15%)將用於一般營運資金 及把握商業機會//

二當家 high 左 3 點
  • 收入增加 - 但要知點解
  • write off 左筆應收賬
  • 減值部份



停車場收入增加, good! 但主要收入增加係所謂既超額回報。超額回報係一次性定永久性? 

//上半年,得益於其中一隻基金於本期啟動收益分配事宜,本集團獲得首批超額收益約港幣2.58億元。//


業務回顧 - 重點

停車出行
  • 在大灣區已合作佈局的產權車位類項目在本期依舊貢獻了較大規模的投資收益,但因新項目將在下半年陸續完成產權確認,故上半年確認投資收益較去年同期有所下降。
  • 京津冀區域既是本集團停車出行業務的發源地,也是停車資產規模最大的核心區 域。2021年上半年,北京的順義後沙峪項目、北京動物園項目、北京海澱臥虎橋立 體車庫項目、北京西城宣外大街立體車庫項目等多個項目進入實質運營階段,不 僅緩解局部地區的「停車難」問題,還得到了所在地區政府的認可,進一步增強本 集團在區域的業務競爭力。 
  • 東南區域重點推動與南京市秦淮區的政府和社會資本合作(「PPP」)項目落地,重 點推進與南京市建鄴區的政府合作基金的停車資產投資,已有多個項目處於規劃 建設中,並逐步投入運營。此外,在上海亦收穫多個商業廣場區域的承包經營權項 目
  • 成渝區域,在重慶市大渡口萬達廣場配套立體車庫項目已投入正式運營,亦有其 他項目陸續落地。本集團結合當地人文特色,在建設外觀、運營方式上都充分融合 當地充滿活力的文化特點,多個停車場都成為了區域地標。
  • 機場條線上,本集團繼續積極尋求拓展機遇。截至本公告日期,新增中標河南鄭州 機場、浙江寧波機場、雲南昭通機場的機場業態停車項目,進一步夯實機場停車管 理規模的龍頭地位。
基礎設施不動產基金管理業務

2021年上半年,得益於所管理的基金陸續啟動收益分配事宜,獲得營業額港幣3.57億 元,較去年同期增長248%;實現稅前利潤港幣2.80億元,較去年同期增長264%。
  • 與著名的房地產開發運營公司鐵獅門合作的首奧產業園區項目-北京西長安街「六工匯」項目,建設和招商階段已經進入關鍵階段。該項目預計將成為首鋼園區服務2022年北京-張家口冬季奧林匹克運動會及周邊市民的首個大型商業綜合體
  • 首鋼園區東南區多宗地塊,項目地上建築面積約達24萬平方米,位於長安金軸上,國內5A甲級寫字樓,服務科技企業總部辦公及中央企業(「央企」)擴展需求。該項目正在開展産品深化設計及工程手續辦理,預計年底開工。與此同時,根據市場定位及競爭態勢,開展市場營銷前期工作,重點客戶儲備情况良好。
  • 本集團管理的國際人才社區項目已獲得建築面積約20萬平方米的首鋼園區36號地塊,定位於聚焦數字娛樂產業、京西城市流量新地標,已經初步完成前期準備工作,於8月開工建設
  • 2021年上半年,本集團新增投資項目主要涉及汽 車智能駕駛解決方案及人工智能芯片等相關領域。😡
  • 2021年6月29 日,國家發展和改革委員會發布了《關於進一步做好基礎設施領域不動產投資信托基金 (REITs)試點工作的通知》,進一步擴大了公募REITs試點行業範圍,停車場項目被納 入範圍內。後續本集團將借公募REITs試點的機會,為自持優質基礎設施資產尋求新的 退出路徑
  • 上半年,在首批9項公募REITs戰略配售中,本集團作為唯一參與了其中的6項戰略配售 的港股上市公司,包括中金普洛斯倉儲物流REIT、博時招商蛇口産業園REIT、華安張江 光大園REIT、東吳蘇州工業園區産業園REIT、紅土創新鹽田港倉儲物流REIT,以及浙 商證券滬杭甬高速REIT,目前已經實現了首批公募REITs產業園區及倉儲物流等產權類 REITs的全覆蓋。通過對首批公募REITs的戰略配售投資,本集團有望在公募REITs市場 起步階段確立先發地位。此外,本集團將通過與公募REITs原始權益人合作,深耕基礎 設施不動產領域

Monday, August 30, 2021

股票研究: 學習保險業的營運數據 [2318 中國平安]

 


幫中國平安做了估值之後, 中國平安出左 2021 年的數據, 保險業的年報雖然是惡夢, 但作為小投資者, 至少要拿起中國平安的業績 PPT 學習一下其營業數據。

中國平安的一間綜合性金額服務機構, 以下只集中討論「壽險健康險」的營業數據部份。


大慨了解一下重點, 保險業最重視的兩個數據為「內含價值」及「新業務價值」

簡單理解「內含價值」及「新業務價值」就是已經把保單的未來現金流向, 投資收益, 風險, 陪償等, 通過折現值去換算現值 (PV)。理論上「內含價值」有點像一般公司的 book value, 因為保險是一份長期合約, 合約保障了公司未來的收入及要付的責任。 而「新業務價值」的原理是跟「內含價值」一樣, 只是把新簽的保單的現值獨立表達出來。

ROEV 也是一個重要指標, 後面會解釋 ROEV 的計算方法。



營運利潤 = 淨利潤 + 「短期投資波動」+ 「折現率變動影響」 + 「一次性重大項目」

  • 短期投資波動 = 實際投資回報與內含價值假設投資回報(5%)的差異
這一頁的「營運利潤」是指整個集團的營運利潤 (81,836), 當中壽險及健康險供獻了 (49,495), 約集團營運利潤的60%。 



期初剩餘邊際 + 新業務剩餘邊際 + 預期利息增長 + 肥退差異及其他 + 剩餘邊際攤銷 = 期末剩餘邊際


上圖解釋壽險及健康險的利潤供獻是來自於四個部份, 當中最大的部份就是「剩餘邊際」。

剩餘邊際  = 剩餘邊際是公司「未來利潤」的現值, 二當家的理解是「剩餘邊際」有得像一般公司的 reserve , 在要求準備金上再加上「風險邊際」及「剩餘邊際」兩個安全網, 當精算假設調整時 (例如死亡率?), 可以減少波動, 如果波幅不大, 可能能用「風險邊際」抵銷。但如果數值大到「風險邊際」都不能抵銷, 便影響到剩餘邊際」, 即是影響到公司的利潤了。

因為剩餘邊際」條數係未來利潤」的現值, 假設精算假設沒有大改時, 便可能抽出黎當作「營業利潤」, 名為剩餘邊際攤銷」, 又可以稱為利潤釋放。至於攤銷金額及計算方法都係不透明的, 根據平安年報中解釋, 攤銷模式在保單發單時刻鎖定, 但投資者可以觀察剩餘邊際」的增幅, 如下圖為2020年的中國平安「剩餘邊際」的餘額, 在6份中期數據中, 只增加到 968,212, 增幅為 0.8%。對比上幾年的表現是差很遠。投資者可以找每年的剩餘邊際餘額」的表現來觀察一下數字變化。

二當家睇到下圖時, 腦入面即刻出面一個問題, 點解剩餘邊際餘額 (利潤)仲大過內含價值 (保單現值)? 又或者, 為何新「新業務貢獻」會比「新業務價值」更大? 二當家暫時還未能理解這部份, 但內地有太多高人分析平保, 有興趣的可以再深度研究一下。 例如這篇 國泰君安_高階分析_從邊際到營運可能性的預測_保险基本面解密系列之六












內含價值回報率 = 內含價值預計回報 +  新業務價值創造 + 業務營運貢獻

ROEV 的計算 = (34978 + 31218 - 4892) / 824,574 

= 7.43% / 年度化 (7.43% x 2 ) = 14.9%

  • 內含價值預計回報 包含 期初調整淨資產, 期初有效業務及當年新業務價值的「預計回報」。  <-這個又稱為內生回報
    • 內含價值預計回報是調整後資產淨值的預計回報和扣償後有效業務價值的預計回報的總和。
      • //內險公司股價低於其內含價值,合理嗎?
      • 調整後資產淨值以該公司假設的投資回報率增長,亦即 5% 
      • 扣償後有效業務價值的預計回報則以該公司假設的折現率增長,即 10%至 11.5%。因此,此部分對內含價值的回報率貢獻不會超過其折現率。
  • 新業務價值創造 包括 新業務價值創造(27,387) + 分散效應 (3,831)
    • 分散效應 - 簡單來說就是保單越多, 風險越被分散 😵
  • 業務營運貢獻 包括 模型變動, 營運經驗差異及其他




不同保單類型的 margin, 二當家係勁人谷2到問過人, 點解 1299 既 NBV Margin 可以去到 8成或者 9 成, 勁人們叫我睇睇呢個 page, 如果係長期保障型保單, margin 真係可以非常之高。





之後跳到 PPT 既 page 26, 27
Page 26 見到首年保費高左, 但因為賣既產品 margin 唔夠高, 個 margin 由 36.7% 跌落 31.2%, 所以新業務價值減低。細字有解釋何謂「保障儲蓄混合型產品」, 但二當家完全唔識保險, 所以都係算把。
Page 27 解釋人力減少, 保費/人力增加, 呢個位係可以比較一下其他公司


之後 Page 35~42 就係講市場狀況及改革手段, 二當家只 Quote 一張重要的slide。 



為什麼估值時, 要把「新業務價值」乘一個有效倍數?


二當家終於找到一個比較科學的解法, 慨念上有點像 PE ratio, 假設每年的新業務價值以5%的速度增長, 而將未來 10 年的新業務價值再以 11% 的折現率計出現值, 得出的結果是 7.5。這個 7.5倍就是一個參考值, 可以用來估算未來新業務價值的現值。增速可以是負數, 例如 Growth Rate 是-5%, 其他假設一樣, 現值就是 4.7。

睇到呢到, 二當家已經覺得頭昏腦脹, 最後亦都係明少少皮毛。研究平安既投資者, 都必定有看過姚波(集團聯席首席執行官及首席財務官) 寫既平安分析, 尤其係第三篇。非常建議大家睇晒 3篇, 都係 PPT format, 算係易睇。

======================================================================

內含價值評估的5個步驟

  1. 保單分類
  2. 建立精算假設 (死亡率、疾病發生率、事故發生率等等) (投資回報, 貼現率等等)
  3. 計算未來利潤現金流 (當年保費收入 + 投資收入 - 給付 - 退保 - 費用 - 準備金增加 - 稅金 = 淨利潤)
    內含價值 = 淨利潤 - 最低償付能力額度的增加
  4. 敏感性分析
  5. 淨資產調整


EV = VIFB 有效業務價值 + ANAV 調整後淨資產

= PVFP 現有業務未來利潤現值 + (NAV 淨資產 — SM 償付能力額度)

= PVFP + FS 自由盈餘


  • EV = 內含價值
  • VIFB = 有效業務價值 (Value of In-force Business) - 有效保單業務價值為從有效保單業務在未來產生的預計稅後法定溢利 的現值扣除用作支持有效保單業務的所需資本成本。
  • PVFP = 現有業務未來利潤現值 (Present value of future profit) [有效業務未來法定税後利潤用一定貼現率貼現後的現值]
  • ANAV = 調整後淨資產 (Adjusted Net Asset Value)
  • NAV = 淨資產 (Net Asset Value)
  • SM = 償付能力額度 (Solvency Margin)
  • FS = 自由盈餘 (Free Surplus)


Reference

姚波_平安價值深度解析(3) 👍👍👍👍

深度~詳解保險公司估值(上):從淨利潤到剩餘邊際攤銷

詳解保險公司估值(下):我對四大險企的估值,太保最低估

市場先生自語: 內含價值是一個模糊的精確 (mrmarketofhk.blogspot.com)

內含價值法 - MBA智库百科 (mbalib.com)

常用詞彙 - 友邦保險控股有限公司 (aia.com)

內險公司股價低於其內含價值,合理嗎?

壽險公司的經營原理和投資注意點 - 每日頭條 (kknews.cc)

中國平安 2021年業績發佈會資料


Saturday, August 28, 2021

投資心態: 遍地黃金

 


二當家說說現時自己的心態, 新聞日日講緊中慨股被割韭菜, 加息預期, 美資抽回資金。二當家之前也有樣學樣的學人玩期權, 點知第一次就出事, 手上已經接左 700 @ 520/540. 帳面上已經輸緊一成多。 未計 9988 @ 230, 帳面上輸緊3成。

先講期權, 第一次就出事其實係好事黎, 好過玩大左才出事, 自己都係 full cover SP, 輸既只係 face value, 但呢次既經驗帶來既收益係遠大於帳面值。做 SP, 好多時都係問自己, 想只收期權金, 定係樂於接貨。今次接到貨, 但市價仲低過自己接貨價2, 3 成, 心理上點處理。

自己做 SP 時, 無計過 700 值幾錢, 唔知心中既「標的」係邊, 被價格所影響。到接貨後, 市價低過接貨價, 又因為買唔到平貨已自己唔開心。這樣有幾個問題, 覺得自己可以係「最低點買入」, 「被價格影響情緒」, 「心中沒有估值, 唔知平定貴」。

這個為什麼二當家近來努力既原因, 投資反思 - 信仰就是選擇, 有些人可以用消息黎搵錢, 買增長股, 有人可以炒上炒落, 有人可以用衍生工具, 甚至係用私有化去做「無風險」既套牢。 It's all work, but just not for me. 😔我沒有說他們不好, 只是不適合自己。

每個人都應該找到適合自己的投資方法, 不要「看這山, 望那山」, 最後一事無成。今日中慨股被下殺, 二當家反觀股票既基本面, 老土D 講, 就係「價值投資」, 理解其股票價值所在。

要說近十年表現最好的股票, 騰訊, 阿里巴巴, 平保等一定在名單中, 未來十年它們能否再為股東創造價值, 才是股東最要著重的事。有好多 KOL 都話心灰意冷, 轉戰美股, 二當家唔否認美股有最強既企業或把地區風險分散, 但他日中慨股又升到飛天, 會否又後悔沒轉戰中慨股?

回歸基本, 不管美股/港股, 買入前, 亦應該先思考其商業模式及其價值, 例如 FB, 二當家也覺得不太感興趣。Apple 跟 Tesla 沒有中國市場, 增長亦必然減慢。在今日二當家眼中, 香港股票市場遍地黃金😍, 市場跌當然是有原因, 不然那有買入優質股票的機會, 看看 1299 跟 2318 的股價對比, 有什麼原因 2318 在6個月內跌 30%, 1299 的主要收入增長還不是來自內地?

回看二當家幾年內的文章, 經歷過 Trump Trump 當選, 對華政策改變, 北韓試射導彈, Trade War, 香港社運等等。有令二當家賺到錢嗎? 我的答案是沒有😭, 如果你能賺到錢, 恭喜你, 你可能已經找到自己合適的投資方法。


下圖為 過去 6個月 平保跟1299 的比較圖。




Tuesday, August 24, 2021

幫 2318 中國平安 估值

 股壇老兵鍾記 長勝之道: 網友用SOTP為平安保險做估值 (bennychungwai.blogspot.com)

2021022300745_c.pdf (hkexnews.hk)  2318 二零二零年年報 




中國平安業務龐大, 要了解既平安既業務為魔王級既 task, 所以先模仿鍾記其中一個 POST 幫中國平安估值。

無限制流通A股10,832,664,498
H股7,447,576,912
發行股數18,280,241,410

Exchange Rate RMB/HKD = 1.2




壽險及健康險業務

內含價值/新業務價值都可以係年報中拎到, 至於俾幾多倍率「新業務價值」就係要思考既問題。 2017年鍾記既 POST 到同學用左 10倍。但平保 2020 年既「新業務價值」不升反跌, 拿對手 1299 既2020業績來看, 大家 2020年既「新業務價值」都跌到同 2016年一樣, 1299 既 2021 上半年既「新業務價值」就增長22%至18.14億美元, 約番回2018年平。假設平保都可以達到同樣水平, 二當家保守D, 只用5倍去做估值。比同學個數小足一倍。

財產保險業務

鍾 Sir 話呢部份最好用P/B 去估值, 但係二當家又搵唔到個淨資產值, 所以最後都係用 PE 估值。鐘SIR 學生用市盈率8 倍,  2328 中國財險既市盈率今日係5.68倍, 咁我用 6倍去估值。


資產管理業務

業務分2個 sector, 信託真係麻麻地, 而證券則發展得不錯, 信託我放 4倍市盈率, 證券我放8倍市盈率 (光大證券 6178 市盈率為 10)。

銀行業務

係上海交易所搵平安既 book value, 再用四大銀行去比。四大國有銀行平均 PB 都係 0.3 ~ 0.51. 老實講, 現價係歷史低位咁滯, 唔係一個公平既 rate, 但二當家照將 PB 0.4 倍去幫平安銀行估值。


科技業務

最後係科技板塊, 科技既野我識條鐵咩, 蒙住兩眼用4倍 PE 計。

本公司通過陸金所控股、金融壹賬通、平安好醫生、汽車之家、平安醫保科技等子公司、聯營及合營公司經營科技業務。公司在金融科技、數字醫療領域持續探索創新商業模式,致力於實現反哺金融主業、賦能行業升級、服務實體經濟的目標。2020年,科技業務總收入(1)903.75億元,同比增長10.1%。截至2020年12月31日,四家上市科技公司總市值達684億美元(2)。


鍾 Sir 話, 根據經驗法則, 控股公司要打個 9 折, 81.3 * 0.9 = 73.17, 再用 15% margin of safety

73.17 * 0.85 = 62.2 

現價 63, 是否進入射程範圍?


後記

鍾記今年都幫友邦做估值, 非常值得一看, 回來再看看上文二當家用既估值數據。

股壇老兵鍾記 長勝之道: 友邦保險估值稍為偏高(十一) (bennychungwai.blogspot.com)


Monday, August 23, 2021

股票研究 - 2588 中銀航空租賃 (三)

 睇佢數簿;做佢老闆: 2588中銀飛機租賃盈警, 股價跌6%. 買得?賣得? (lookitsmathbook.blogspot.com)

謝謝「睇佢數簿」兄的分享, 估值既野, 有時真係藝術黎

二當家自已都係學習過程中, 希望唔假手於人下可以找到投資機會

2021 1H 數據用半年數據乘2


先說估值方法, 由於飛機本身有年期限制, 而且租約平均都係 8年, 所以要用 DCF 跟 DDM 都不太適合, 二當家所以也用相對估值法去判斷現價 (我是參考「睇佢數簿」的)

上圖中, 二當家把過去5年的公司收入, 盈利, PPE, 股價相對高低位 (目測大法)等, 再作不同的 ratio compare, 包括 Market Cap / EBIT, Market Cap / PPE, Market Cap/Revenue. 

先說說我的想法, Market Cap / EBIT 應該是跟 PE 同一個慨念, Market Cap / PPE 是因為租賃最主要的資產就是飛機, 假設收益率一樣, 資產增加下收入理應增加。Market Cap/Revenue 原理上是跟 PPE 一樣, 但 Revenue 才是公司的收入, 假設 2588 增加了飛機, 但租不出去, 或放租既價錢下降, 都會在Revenue內反映。

結果其實很有趣, 如果用 EBIT 去計, 現價並不便宜 (現價$56, 估價約落在 $50), 但如果用 PPE 或 Revenue 去比較, 現價則相對便宜(估價約落在 $65~70)。這個也是「睇佢數簿」一直說的 Earning 操控太易, 要理解背後減值的原因才是重點。

由2020的低點$29, 升至今年新高 $81, 再回到$56, 是因為中慨股, 加息, 後疫情時代, 還是因為業績變差?  再拿 2588的中期年報去看, 數據有明顯變差嗎? 投資者應該自行判斷。

截至2021年6月30日止六個月的 中期業績公告 2021081900641_c.pdf (hkexnews.hk)

截至2021年6月30日,我們的經營摘要包括:

  • • 自有、代管及已訂購的飛機共計536架1
  • • 自有機隊共有377架飛機,經賬面淨值加權後的平均機齡為3.7年平均剩餘租期為8.1年
  • 訂單簿中122架1飛機😨,計劃交付日期一直到2024年12月31日
  • • 2021年上半年共交付34架飛機,其中6架由航空公司客戶於交付時購買
  • • 2021年上半年共簽署26份租賃承諾,訂單簿中所有計劃於2023年前交付的飛機均已確定航空公司客戶😍 (即73%~89/122已有人承租)
  • • 自有及代管機隊共服務於38個國家和地區的87家航空公司
  • • 共售出9架自有飛機及3架代管飛機
  • • 截至2021年6月30日,自有飛機利用率為99.6%,有6架雙走道飛機(現已全部簽署新租約)及2架單走道飛機脫租
  • • 2021年上半年航空公司客戶的現金收款率為95.9%,2020年上半年則為88.8%😟
  • • 截至2021年6月30日,代管機隊共有37架飛機,有2架單走道飛機脫租

  • 飛機減值
  • 因部分飛機的評估價值低於其賬面淨值,2021年上半年有28架飛機共減值0.84億美元,而2020年上半年為5架飛機減值0.12億美元。😡
  • 2021年上半年,經營租賃飛機的租賃租金收益率1為9.6%,而2020年上半年為10.4%。(371架/ 年化經營租賃租金收入除以飛機平均賬面淨值(包括持作待售飛機)。) - 是因為減值提升了收益率嗎?😂
  • 2021年上半年,根據國際財務報告準則第16號(租賃)分類為融資租賃的飛機租賃租金收益率2為6.2%,與2020年上半年的6.2%持平。




股票研究 - 2588 中銀航空租賃 (二)

 

要幫2588估值, 是要理解其搵錢方式, 如果正如前文所講 , 如果飛機租賃都係收租者玩法, 而折舊方法及公允值會改變左每年 Earning 既數字, PE 其實只能當作參考。

理論上, 如果出租率100%, 飛機越多, 收入越多。所以第一個要關注既係出租率, 由於租務年期一般都係5年以上, 假設航空公司唔執笠, 租金係應該收到番黎。但 COVID後既世界有D 不同, 各國政府都對航空業有不同補助方案, 而航空業既公司暫時都係去員工埋手, 例如減少員工。理論上無公司想走數, 因為一走數, 公司就好難就番身。又或者有部份公司係國營既, 有政府做支撐 , 交租未必有問題。

但長貧難顧, COVID 後既世界會點, 係呢一刻都無人知。 雖然 2588 仲買緊飛機, 但只要有收租者斷租, 對 2588 黎講就係災難, 此處會影響2部份, 實際收入 (能否找尋另一個租客), 另一個影響係會影響飛機估值, 並反映在 P&L 內。所以如果問二當家 2588 體質好唔好, 我覺得係好既, 融資能力強大, 但如果問航空業前境, 二當家會覺得有其他更好既選擇。

二當家嘗試將4間租賃公司作一個比較 (1606 不是純飛機租賃, 不是一個合適的比對)

  • 出租率
  • 收入 / 飛機數目 = 平均飛機收入
  • 新加入既飛機 = 未來收入增長
  • ROA = 因為飛機為主要資產, 資產回報率可以看到同行中的表現
  • 借貸比率 (Debt/Asset) 
  • OCF - Interest Payment (cash generate 跟 利息支出作較) 
  • 客戶的 cash flow (不一定是真正的客戶, 可以以國泰, 中國東方/南方等航空公司的經營狀況)





先此聲明, 上面的數據都係一手輸入, 如有打錯, 睇錯, 理解錯, 請指正。

先看負債/資產比. 1606 跟 1848 都達 9成, 即係做緊 9 成按揭。2588 同 AerCap 就只係做緊 8成。如果單睇 Revenue / Asset (二當家無用 Profit), AerCap 比起其他3間公司高好多, 可能性有幾個, AerCap 可以收得更貴 (飛機類型, 服務等), AerCap 開出的條件更好 (例如租約短D, 但貴D, 又或者 Payment Term 長D), 但係財務報表上難以去比較。如果以 cash flow 的角度黎睇, 2588 則體質更好, 以 Revenue 轉去 OCF 的角度, 2588 的轉換率達致 82%, 遠高於其它3間公司。用OFC/利息開支, 2588 的表現也遠高於其他 3 間。

如果用房東角度, 兩個一樣既單位都做緊按揭, 每月利息開支5000, 一個收緊 10000 租, 一個收緊 9500 租, 交緊9500果個租客個個月都準時交租, 10000 果個就可能有數期3個月, 邊個好D? 呢個其實係周轉問題, 理論上梗係越貴越好, 但如果有周轉需要, 就梗係想月月收到租。

Interest payment / Debt 係融資成本, 1606 看來是融資成本最低既一間。 當然, 二當家都唔建議單單睇數字, 因為宜家有永續債/CB等等, 要考慮既野真係好多。如果單睇融資成本, 可以睇埋新發既票據同債券, 但係票據同債券都仲分緊N 咁多種, 什麼一級次級有抵押無抵押, 有興趣人士可以再細心研究。以下為年內新發既債 , 就咁睇 1606 既融資成本真係最低。

2588
1848


1606



Aercap


航空公司
睇完租賃公司體質, 我地再睇下航空公司, 以國泰跟中國東方航空為例。
先睇下國泰 293 年內既現金流, 二當家需然無深入研究航空業, 但國泰體質應該算係非常好既一間公司, 如果唔計融資部份, 2021年6個月 1425M - 2012M = -587M, 一年差不多無左12億。


再睇睇 670 中國東方航空, OCF 由 28,972 --> 1,211。其他都唔駛睇。😩    



估值部份就暫時未諗到, 但如果買 2588, 除左平同貴之外, 仲要考慮既係5~6年後我們的生活可以回到原狀嗎? 暫時睇到既係雖然好多地方都開始打疫苗, 但係要有國與國之間既交流都仲係遙遙無期。宜家係大環起係錢多息平, 但 what if FED 加息, what if 加息, 對息口敏感既租賃業一定會受到一定打擊。最終息口既成本可否轉移俾航空公司? 再轉移俾消費者?

再者, 航空公司可能為左現金流所以賣飛機俾租賃公司, 再轉租, 即係吊住鹽水先。呢個行業既命運取決於後疫情時代, 如果為左收息, 增值, 又是否有更吸引的公司, 這些問題都係作為投資者要想清楚的。


Friday, August 20, 2021

股票研究 - 2588 中銀航空租賃

 

2588

20210819 2021 Interim Results CN with IFS.pdf

1848

2021033101395_c.pdf (hkexnews.hk)


思考行業模式

二當家以前都買過 1848, 後來放晒了。

二當家理解既飛機租賃業務, 其實即係做收租仔。點解好似越黎越多公司加入做收租仔行列?其中一個原因係錢太平又太多既關係。大多既收租仔都有財力洪厚既背景, 錢反正都要借出去, 做按揭都賺唔到幾多, 不如搞D 重資產業務。

COVID-19 前, 平價航空大行其道, 試想一下, 一間航空公司要買幾多飛機至夠, 如果唔夠資本, 好難生存落去, 因為航線好易被搶走。但如果資本投入減低, 靠租飛機黎跑航線, 只要 cash flow 玩得好, 生存下去應該唔難(指疫情前)。

咁邊個傻仔會走去玩重資本, 當然係銀行, 因為錢太多, 又太平, 不如借平錢買重資產玩現金流遊戲。即係香港人既做按揭借平錢去放租, 只要回報率高過借貸率, 就可以簡單賺差額。香港人收租, 租約一年一年咁簽, 租賃公司梗係唔會咁傻仔, 一簽就簽 > 5年。

要賺差額, 最最最緊要係 2個數字, 一係融資成本, 一係回報率。借貸成本越低越好, 回報率當然越高越好。

Microsoft Word - 國際會計準則IAS 17.doc (twse.com.tw)




租賃有兩種模式, 營業租賃即一般租樓。融資租賃二當家覺得更加似分期付款。二當家非會計人, 覺得大慨理解慨念便可, 非重點。

除左融資成本同回報率, 其他重點就係飛機質素, 但因為飛機來來去去都係果幾間, 二當家假設大家質素一樣。其餘既就係租約條款, 承租人既素質 (財務狀況, 還款能力等) 及風險分佈等。

呢個行業係一個難以進入既行業, 因為融資成本, 融資規模, 現金流等都要求都非常高。 


2588 年中的 PPT 已經列出很多重點

BOC Aviation 1H2021 financial results presentationFINAL EN.pdf

=====================================================================

下面為 1848 跟 2588 的比較


貸款

2588

截至 2021 年 6 月 30 日止期間, 浮息貸款的利率按最長為六個月的時間間隔予以重新釐定,而加權平均實際年利率為 1.1%(截至 2020 年 12 月 31 日止年度:年利率 1.7%)

1848

年內銀行借貸的平均實際利率為3.34%(2019年:4.64%)

市場就最公平, 根據公司既資產質素, 還款能力給予評級, 正如有D人係 private bank 免抵押都可以借到平錢, 但一般人點借都借唔到咁平。

中期票據

2588



2588 的美元票據利率最高是 4.375%, 1848 落在 4.9~5.9%。

1848




回報率

2588



1848

就咁睇 2588 既收益率較低, 但正如你放租間屋, 如果你放租俾一D 質素既低既客, 例如沒固定收入既客, 你都會收貴D, 因為你有額外風險。房東放租俾律師, 個價錢都可能平D, 因為好租客難求。 1848 目標係國內航線, 2588 既客係全球化。二當家覺得最理想, 梗係2588收益率提高, 但當睇埋下面2行, 二當家就覺得, 寧願2588 賺少D但安全D。

  • 1848 - 最大客戶佔左17%, 頭5大客戶佔 49.6%. 總數有 35個客戶
  • 2588 - 2020年,本集團前五大客戶在本集團租賃租金收入總額的佔比低於30%。客戶群覆蓋39個國家及地區的87家航空公司

租約
2588


1848



折舊





到最後二當家發現兩間公司的折舊模式並不一樣, 2588用的折舊模式更苛刻, 頭12年的折舊方式是跟1848一樣, 以 25年後直線折舊的方式, 剩餘值15%去折舊。但後 13年的折舊, 是以剩餘值0%的方式去折舊。同一架飛機計, 第13年後每年2588的折舊壓力會更大。但最終剩餘值會否變0? 

二當家仲搵埋 AerCap 既折舊方式去比較, AerCap 也是用 1848 的方式去折舊。

2588



1848


AerCap





Thursday, August 19, 2021

股票研究 - 1883 中信國際電訊 (二)

 


2021081900242_c.pdf (hkexnews.hk)

1883 出左中期業績, 唔寫落黎自己又睇完就算, 水過鴨背, 都係快快手手 mark notes


克服困難於今年六月完成第二期5G網絡建設工作,為即將 開放的5G市場搶得發展先機。暫時全部客戶都係4G, 未來5G可否加價?

澳門電訊順利完成非獨立組網(NSA)、獨立組網 (SA)和網絡切片部署,實現室外全覆蓋、室內覆蓋達到93%,成為首家實現5G 網絡貫通澳門的運營商,並與不同國家和地區的超過40家電信運營商達成5G漫遊 協議。截至六月底,澳門電訊在澳門移動市場的份額相比二零二零年末提升1.0個 百分點,至45.4%;於澳門4G市場則提升1.2個百分點,至47.0%,繼續保持行業領 先地位。穩定

截至今年六月底,澳門電訊寬頻用戶數 量較二零二零年末增加約0.2%,佔澳門互聯網市場份額約97.1%,持續保持行業主 導地位;住宅寬頻客戶光纖化率進一步提升至95.9%,比二零二零年末增加1.2個 百分點。穩定

集團中信電訊大廈數據中心第3期(B)工程於六月末順利完工,進入試 運行階段;新數據中心的推廣工作已提前啓動,市場反應良好。提前啟動, 會否提前有新收入?

集團附屬公司Acclivis Technologies and Solutions Pte. Ltd.於二零二一年上半年,設立菲律賓子公司開闢新市場;在馬來西 亞拓展新業務範圍,開始提供企業移動服務;憑藉科技能力成功中標新加坡社會 及家庭發展部IT系統服務項目,進一步加強與新加坡政府機構的合作;成功完成 新加坡其中最大一家醫療機構的智慧訪客管理解决方案概念驗證(Proof of Concept),使用人工智能進行視頻分析,提升管理能力、優化訪客體驗。好既係同「政府」合作, 希望未來陸續有來

五 月,集團為知名汽車製造企業提供的物聯網(車聯網)定制化平台和服務順利開 通,投入商用。  投入商用, 有冇多D資料?

Balance Sheet

無大改變, 無乜好講



收入




二當家只在意企業業務下降了 8%, 下面為公司解釋

企業業務 - 企業業務收入由二零二零年上半年的港幣十七億一千八百萬元減少7.9%至二零二一年首六個月的港幣十五億八千三百萬元。減少乃主要由於澳門及東南亞實施各類封鎖措施,導致相關國家╱地區的政府、度假村及其他企業項目進度延遲。然而,本集團於中國內地的企業業務服務繼續取得令人鼓舞的增長。希望只係延遲, 唔係爛尾



除內地增長後, 未來新加坡會有仲有增長?


股息


股東最開心梗係增加派息, 全年會否再增派 😋

假設全年派 0.215, 以現價計

0.215/2.6 = 仲有8厘息


Cash flow statement


OCF微減, 淨資本開支減少, Net cash 增加, 穩定, 無乜野挑


估值

DDM

2020年終派息:0.16

2021中期派息: 0.055

估算全年派息: 0.215

DDM = Dividend / (R - G)



DCF

FCF / Revenue = around 17% (historial data)

2021 1Half Revenue = 4795 (from 年報)

Estimated FCF = 815 /  full year 1630 

(也可用中期數字去計 1314 - 296 = 1018, 全年 FCF 為 2036, 二當家前一篇文用 1500 去計, 要幾保守自己決定)

淨借貸 = 4143 (from 年報)

小數權益 = 61(from 年報)

Total Adjustment = 4143 + 61 = 4204

發行股份 3,678,757,882 (3679M)