股票研究 - 1883 中信國際電訊

 

今次二當家既目標係 1883 (利申: 持股中)

1883 

二零二零年年報

資產負債表

先打開5年數據望望, 最搶眼既係「商譽」同「非即期負債」

商譽係由M&A而造成, 如果減值有機會影響收益表, 過去5年既「商譽」都差唔多, 應該無重大減值

「非即期負債」見到1883一直減緊債, 亦都可以係最低果部份「淨借貸」到睇到, 由2016年既64億減到43億

仔細D 咁睇, 1883手上持有15億現金, 流動負債內主要係應付賬(1457M), 數字與過往相約

而流動負債內無大既債務, 所以短期內應該是安全的, 

亦可參考年報內的總借貸的到期情況, 可以發現其中最大的一項是2025年到期的35億債券

另外資產入面還有12億的無形資產, 無形資產會每年攤銷, 而商譽就唔駛

商譽每年會做減值測試, 睇下有冇減值需要, 暫時都係無。

收入

1883 的收入分6個部份, 用上圖表示, 好明顯最大增幅既係「企業服務」同「國際電信服務」。

1. 移動通訊服務 (11%)
• 澳門電訊有限公司（「澳門電訊」）在澳門的整體移動市場佔有率達44.4% (2016 佔有率43.5%)
• 澳門電訊於二零二零年六月完成5G室外全覆蓋，成為澳門5G網絡建設發展的標誌性里程碑。(未來沒有重大升級需要?)
2. 互聯網業務 (13%)
• 澳門電訊的寬頻服務市佔率為97.1%，穩居首位；住宅光纖寬頻滲透率亦超過94.7%
  (1883 的 MOAT)
3. 國際電信業務 (28%)
• 為全球運營商客戶（包括移動運營商、固話運營商、虛擬運營商、互聯網運營商及OTT運營商）提供移動國際漫遊、國際話音、國際訊息、國際數據流量以及國際增值電信等服務
• 運營商業務是集團穩健的核心業務之一。集團與中國三大運營商保持緊密的戰略夥伴關係，連接全球超過600家運營商，是亞太最重要的國際電訊樞紐之一 (三大包括中國移動, 聯通, 中國電信, 算少少既 MOAT)
• 集團在車聯網服務市場取得新突破，順利簽約知名汽車製造企 (會否成為新增長動力?)
4. 企業業務 (36%)
• 二零二零年，集團在東南亞地區繼續按照「R-R-L」策略（即可持續、跨區域、大型項目）大力推動ICT業務發展。年內，東南亞子公司在新加坡、泰國和馬來西亞獲得多個私營或公共部門的大型數字化轉型項目 (會否成為新增長動力?)
• 澳門電訊於二零二零年七月推出網絡資訊安全防護中心，幫助客戶評估及提升網絡安全水準以滿足澳門網絡安全法的要求，並成功取得網絡資訊安全監控服務合約，開闢了新的業務增長點。二零二零年，澳門電訊獲得政府部門與私營機構多項大型項目合約，企業服務增長良好。(算少少既 MOAT)
5. 固網話音業務 (2%)
6. 銷售移動電話手機及設備收入 (11%) (唔穩定既業務)

再睇收入 by 地區, 4年一比, 就知邊地區做得好D, 2020 澳門其實係 big drop, 但其他地區條數頂住。

Cash Flow

快速咁睇, OCF 增加緊, 由18億增加到25億, 但融資活動顯示現金流出(2020約16億)。

仔細一睇, 可以睇到間公司係還緊債, 但仍保持一定既現金流量。每年派息約7億元, payout ratio 75%. 而 rolling 既借貸, 可以睇到浮息由 3.0% 降到 1.5%。算係好事。

MOAT

係老唐本書同勁人谷2 學到好多野, 就算公司體質再好, 其實最重要既係 MOAT, 咁點樣為好既 MOAT, 可以睇下觀看一下對手。

例如 315 (數碼通) 😆

6823  HKT

 

二當家只係大概睇下同行收入有冇增長, 睇下 D operation ratio, 有懷疑應該再睇 details D. 

勁既師兄可以分析整個行業, 甚至可以睇左整個系 (例如長和系)有冇資金需要, 有冇可能派特別息, 二當家應該有排都未到果個LEVEL。市場上對某一d 行業或背景會有不同的定價, 例如 941 係非常出名既藍燈籠。

估值

估值係分析股票黎講, 應該係放得最輕既一部份, 因為估值只係一個參考數據, 重點係公司既盈利能否持續, 派息能否持續, 分析有咩風險等。

之前已經有文章用 DDM 去計 1883 估值, 但二當家只能當參考, 今次用 DCF 黎做估值

過往幾年 1883 既 FCF 大約係10億至19億, 二當家又保守D, 用 15億黎開始計

Make assumption 係我弱項

• Growth Rate 係可以用過往既表現計出黎, 我極度保守咁用 1%, 2%, 同5%, 好唔合理, 我明
• Teminal Growth Rate - 永續表現, 我用 0%, 1%, 2% , 好唔合理, 我明 (GDP growth 都唔止)
• Discount Rate - HSI 係 8%, 進取D用10%, 15% 就非常進取, 但一隻收入穩定既股票我覺得用 10% 已經好合理

係咁唔合理既情況下, 除左 Discount 15% 計出黎既價值係現價 (2.6) 之下, 其他所有情況都係 2.6 之上。咁咩價之叫合理就自己去考慮下。

風險

上文一開始就講1883有筆最大既債券35億於2015年到期, 如果要 call 番有幾個情況

1. 還錢, 有否集資需要?
2. 以債cover債

1883 每年FCF 有15億, 要還錢其實還3年就得, 會否集資? 二當家覺得機會好細, 原因

1. 近5年公司都係減緊債

2. 公司近5年都增加緊派息, 用晒D 錢黎還, 唔派息股價會有超大波動

3. 市場咁多錢, 而中信呢個牌子, 借錢唔係問題

勁人谷2 既師兄叫我去睇隻 BOND, coupon 6.1% 既債搶到~3%左右, 再 reissue 一隻4.5% 既bond 應該完全無難度。咁點解唔call 隻債, 原來呢隻係 make whole call 既債, 「在提前贖回權下，發行人必須以參考利率加上息差作贖回價，或按尚未支付的利息及未來到期的本金之折現值作贖回價」, 明晒。