1382 互太短暫停牌

應互太紡織控股有限公司（「本公司」）要求，本公司股份已於香港聯合交易所有限 公司短暫停牌，自2017年6月30日（星期五）下午一時正起生效，以待發布屬本公 司內幕消息的公告。

暫時唔知咩事, 其實我最怕係越南間廠交唔到貨要賠一筆錢, 但係停牌前都仲升緊 3.44% 又唔似有大鑊野, 留待跟進。


用 42 億買 30% 股權, 計番大慨有係 10.3 一股, 最後收市價係 9 蚊, 有一成水位WO

股東名稱	持股量	總股本	日期
葉炳棪	405,394,000	28.03%	30/09/2016

假如我是一間公司 - 2017/06/23

Revenue: 400K (100% active income)

Expense: 300K

Net Profit Margin: 25% ~ 30%

二當家出黎打工已經十年, 非專業人士, 非政府工, 就算俾心機打工都好, 基本上只可以預測主動收入每年增加 3%。而駛費方面, 婚後出左黎住要所以駛費多左, 但計出黎之後發現個駛費比我心目中仲多左好多。 其中一個原因係雖然我有 KEEP 住睇每月駛幾多錢, 但二當家通常只會先強制儲起一個數目既錢, 剩底既錢就係日常駛費, 而強制儲起果個金額係過往幾年都冇乜調整, 所以當人工高左, 不知不覺間又駛多左。 再加上去多左旅行, 非經常性開支大增。

頭6個月既 PROFIT MARGIN 有40%, 但已經包括左花紅同雙糧, 下半年要收緊開支至得, 希望年尾仲KEEP 到 40 %。

ASSET:

CASH: 240K

STOCK: 400K

REIT: 120K

BOND: 30K

TOTAL ASSET: 790K

DEBT:

SHORT DEBT: 120K (稅貸)

EQUITY:

670K

Liquid Ratio = 6.58

Quick Ratio (cash only) = 2

咁多年黎都冇乜借錢, 係讀書果陣借左學費, 出黎做野頭果幾年已經還晒, 所以之前既 ROA 同 ROE 係一樣。今年借左稅貸黎投資 @ APR 2.2%, 其實剩係 405 越秀 REIT 已經COVER 左個息, 算係成功既一項投資。財產上黎講安全到不得了, 冇破產危險。但太安全都唔係一件好事, 暫時D錢主力都係放係個市到, 希望未來可以再分散多D。(要學下魔術師先)

主要二當家既問題都係收入太單一, 今年年尾會將收到既股息計入去 PASSIVE INCOME 到, 但預計都係得 20K 左右, 冰山一角, 希望下半年二當家會有計可以有其他收入。

發財立品

二當家原來都相當一段時間沒更新, 原因是進升後工作比較忙, 以前是密密做, 現在是密密開會後才密密做。開會的時間遠多於真正工作的時間, 以開會大部份時間都是浪費時間。如果我是老闆的話, 一定要硬性規定開會及發言時間。

股票方面沒有買賣, 恆指升到 26000, 有很多股票都已經升到一個較貴的價錢, 睇住700, 恆大, 長城等價值不菲的大型股票上升, 再加上一D 挾倉既行動, 雖然財經新聞沒講, 但估計都是一些國家性的維穩 / 打擊外資既活動。以前睇見呢D 新聞, 都會覺得點解沒自己份。宜家個諗法係呢D錢唔係自己賺到既, 長城單日算20%, 唔通呢隻股票既價值真係可以係一日內有咁大既改變? 呢隻股票係價值回歸定係價值高估, 如果連呢個參考點自己唔確認的話咁就算賺左都係好彩。打個比如, 你好彩中3T, 有可能是實力, 有可能係好運, 但當你中2, 3次3T 我會傾向相信係能力囉。

之前二當家加左人工出左花紅, 我問大當家有咩野想買, 想要, 可以買一份小禮物俾佢。點知我地兩個諗黎諗去都諗唔到, 最後大當家話, 你不如捐俾「無國界醫生」。到果刻至意識到我地原來已經有晒我地需要既野, 雖然唔係話有咩大錢, 又無車又無樓, 但總算生活無憂。以前D人就話要發財立品, 但係宜家呢個風氣真係唔算好盛行, 希望各位在發財之餘不要忘記立品。