Wednesday, October 27, 2021

敗走台灣 - 疫苗與金卡

 



近期工作忙碌, 應該到 11 月尾都唔會得閒住, 經常性整天都困在meeting room, 收工又參加左興趣班, 一星期內上三個唔同既興趣班, 每個興趣都要花時間練習同學習, 但係台灣學野真係好, 師資好同埋老師好有心教學, 唔係純為搵錢而教 (但樹大總有枯枝), 人生苦短, 有氣有力有能力果陣, 想再體驗多D不同既野。


近日二當家終於接種左疫苗 (第一支), 比起其他既國家台灣算係遲, 但遲到總好過無到。 係台灣, 有4種疫苗可選, AZ, Moderna, BNT, 及本土疫苗高端, 二當家接種既係 BNT。老實講, 高端一定唔會打, 唔係怕咩副作用, 而係認受性問題, 打疫苗或多或少都係為左未來唔駛隔離, 雖然未見到終點, 但高端至去到 FDA 或者 WHO 既認證應該仲有慢慢長路。


BNT 同 Moderna 都係RNA 技術, 而 AZ 用 Viral vector 病毒載體, 二當家唔係咩專家 (今時今日, 周街都係專家, 周圍D人都可以話俾你聽咩好咩唔好), 只知道RNA係新技術, 但外國都打左一段時間, 加上香港人都係打 BNT, 算係同香港人同一陣線。宜家台灣第一支覆蓋率約7成, 其實比二當家想像中已經快好多, 基本上只要一開放登記, 就要爭位打。第二支開打中, 覆蓋率約3成, 應該要到2022年年中覆蓋率至會增加。台灣人咁踴躍打, 或多或少都係5月份疫情轉壞, 之後到8月至叫做逐步開放, 都唔知有幾多小企業頂唔住, 之前行過東區, 吉鋪真係唔少, 經此一疫後, 台灣人都應該怕怕。

就業金卡核發 2021/09/30

一、增加外國特定專業人才認定之彈性:外國人才專法增訂由主管機關(國發會)會商相關中央目的事業主管機關認定之機制,以網羅全球之新型態產業及跨領域優秀人才。

二、爭取優秀外國大學畢業生來臺工作:放寬教育部公告世界頂尖大學[1]之畢業生在我國從事專門性或技術性工作無須具備2年工作經驗。

三、鬆綁外籍人士申請永居之規定:將外國特定專業人才申請永久居留之在臺連續居留期間由5年縮短為3年,且取得我國博士學位者,得再折抵1年。另外國專業人才申請永久居留,在臺連續居留期間維持5年,惟取得我國碩、博士學位者,則得分別折抵1、2年。

四、優化租稅優惠及社會保障措施:將外國特定專業人才租稅優惠適用年限由3年延長為5年;免除屬雇主或自營業主身分之外國特定專業及外國高級專業人才,其本人及依親親屬之健保納保6個月等待期。

最新金卡改左例, 當左對香港人黎講最羨慕既梗係「外國人」可以工作3年就得到永居, 金卡群組既香港人梗係起哄, 之後覺得有起望, 最後又失望。二當家都黎左台灣一段時間, 新聞都見過無數次用「擬放寬XXXX」為主題既新聞, 例如「擬放寬港人定居資格」, 但最後都係無疾而終。二當家算係悲觀主義者, 無期望, 無失望, 兩岸三地既政策太複雜, 二當家唔期望台灣為港人特別開例, 單單可以同「外國人」睇齊已經好好。

另外, 又聽聞就業金卡收緊左「經濟部」既申請, 亦即收緊左單從「月薪NT16萬以上」呢個方式申請既資格。此乃未證實之消息, 至於原因, 很大機會是因為現行政策下, under 在經濟部簽發既金卡係超過6成, 對香港人黎講, 呢個亦都係最簡單可以拎到金卡既方法。載番個頭盔先, 都只係「聽聞」, 二當家張金卡仲未到期, 要到 renew 果陣至可以證實呢個消息。




Tuesday, October 19, 2021

羊群效應 / 社交媒體

 



近日二當家工作上有點忙, 投資上沒有什麼更新, 勁人谷內加入了 Duncan , 群內更活躍, 本來有2.6K message 沒看, 過兩天已經是 3.5K message…

 

前陣子「魷魚遊戲」爆紅, 連風兄都有寫文去講, 二當家也難擋其氣勢, 快快咁睇晒成季, 老實講, 失望, 評分只能放B- /C+ 沒錯係大堆頭, 大制作, 拍攝, 演員, 等等都無大錯, 但最重要既劇本真係失望, 人物描寫極差, 劇情橋段, 只能算係中下之算。  

 

其實呢篇文我唔係想講魷魚遊戲, 而係想知既係點解呢套野會紅, 係人為? 定偶然? 同樣係香港, MIRROR/ ERROR 突然爆紅, 究竟係真係咁吸引, 定係有其他因素呢? 係傳統媒體+社交媒體既影響下, 唔知人本身, 還可以剩下幾多判別能力, 因為只要在網上做成輿論, 呢種羊群效應仲勁過雪球效應。造星,  本身要天時/地利/人和,   天時/地利以前係掌握唔到既,   宜家能否握呢?   

 

劇集好壞, 本身係非常個人的事, 每個人的品味不一樣, 雖然可以有客觀評論 (例如鏡頭運用, 剪接), 但最終還是取決於個人對藝術品的感覺, 但當大家都用 google comment, IMDB, social network等去打分評價的時候, 大家又有否勇氣係社交媒體去將不一樣的想法表達出來? 尤其在不同媒體炒作某些事的時候, 要公開表達不同意見就更難。

政治如是, 劇集如是, 投資也是如是。

  

Thursday, October 7, 2021

投資日誌 - 2021-09-30


 

【阿里巴巴股價】股神拍檔芒格單季增持阿里巴巴8成 曾指壓制馬雲是對的 - 香港經濟日報 - 即時新聞頻道 - 即市財經 - 股市 - D211006 (hket.com)

//阿里巴巴 (09988) 第三季累跌35.4%,為表現第4差的恒指成份股//

  • 放假放得太開心, 連個 blog 都唔記得 update, 大家放心, 我無輸到去 IFC
  • NAV +0.7%.......
  • 二當家終於可以站在巨人旁邊, 並往自己的臉上貼金, 同芒格都持有阿里, 仲跌到 PK 😆 
    (當然, 對芒格來講, 只係冰山一角)
  • 2318 每5蚊加一注, 加到60蚊左右,  一直插無水花, 點知10月份低位穿埋 $50 蚊
  • 恒大3333 連牌都停埋, 都咪話唔嚇人, 至於內房既新聞可以發酵幾耐, 真係 god knows, 宜家等被拆骨

Symbol

Description

Gain/Loss

% of Portfolio

TSM

TAIWAN SEMICONDUCTOR-SP ADR

-3%

8%

700

TENCENT HOLDINGS LTD

-7%

6%

9988

ALIBABA GROUP HOLDING LTD

-39%

6%

697

SHOUCHENG HOLDINGS LTD

-23%

4%

2318

PING AN INSURANCE GROUP CO-H

-9%

3%

1883

CITIC TELECOM INTERNATIONAL

4%

3%

MDT

MEDTRONIC PLC

8%

3%

P40U

STARHILL GLOBAL REIT

22%

3%

FFC

FLAHERTY & CRUMRINE PREFERRE

-4%

3%

PDI

PIMCO DYNAMIC INCOME FUND

2%

3%

Others

46%

Cash

11%