投資組合 2018/07/27 + 副題: 點解要估?

港股
as of 7/27 收市價

Stock	Name	Ratio	Buy Price	Market	Delta%	Remarks
0087	太古B	24%	12.28	14.06	14%	Price @ 2017-12-31
0255	龍記	16%	3.85	3.84	0%	Avg. Buy Price in 2017/2018
0005	HSBC	10%	77.45	74.85	-3%
2238	廣汽集團	10%	8.93	7.17	-20%	Avg. Buy Price in 2018
87001	匯賢	5%	3.23	3.25	1%	Price @ 2017-12-31
1113	長實集團	5%	64.63	60.00	-7%
0044	香港飛機工程	5%	68.71	69.20	1%
0194	廖創興企業	4%	13.46	12.40	-8%	Price @ 2017-12-31
0296	英皇娛樂酒店	3%	1.74	1.67	-4%
1132	橙天嘉禾	3%	0.85	0.49	-43%	Price @ 2017-12-31
3389	亨得利	1%	0.38	0.35	-9%
	Cash	13%

股票面值 (Face value) -2.7%
整個組合(連已收股息) +1.16%

買入:
2238 廣汽@ 7.00 - 見到廣汽跌到落7蚊, 又入多少少, 究竟我係唔係溝緊貨呢? 定係真係跌出價值來? 未來大陸開發市場對整個中國市場有幾大影響暫時無人估到, 但今日 TRUMP TRUMP 可以反口覆舌, 難度中國就唔可以? 根據6月份的銷售報告, 本年銷量累計同比增加為5.53%, 但增速一直在減慢。黎緊中國汽車會有一個浪, 希望財務穩健的廣汽挨得過。如果廣汽升到8蚊以上, 會先行把7蚊入果注減持。

另外將匯賢之前收到既人仔息換番做港紙 匯價@ 0.86, 如果中國要維持出口, 分分鐘用貨幣政策, 反正唔多錢, 換左做港紙先。之前計錯左匯賢個買入價, 重新計過。匯賢中期息派 14.14分 (上年同期 13.77分), 今年派息會否創新高?

//發改委昨在記者會上表示，至2022年之間將分批取消汽車業外資持股比上限。其中，專用車、新能源車外資持股比限制率先在2018年內取消，2020年則取消商用車外資持股比限制，2022年取消乘用車外資持股比限制，同時取消合資企業不超過兩家的限制。//

基本上宜家「佛系」中, 無野好做,

小小美股倉
賣出 SPOT
買入 DOG - inverse ETF

--------------------------------------------------------------------------------------------------

二當家閒時聽網台, 咩都會聽, 近來最鐘意都係港台的 <五夜講場>, 但係主持人既質素真係好參次。前排聽到個網台話認錯, 話原本估個市直衝40,000點, 宜家修正到22,000點, 樓市趺七成。我無意去了解點解會由40,000點轉呔去到22,000, 我個問題係, 竟然估點咁屎, 點解仲要估?

要預計自己未來幾個月既收入會好容易, 要預計一間公司未來幾年既收入已經好困難(公用股/ 收租股會較穩定), 要預計大市真係十分之困難。尤其宜家係政策市, 睇新聞見到最多既一定係 TRUMP TRUMP, 佢某程度黎講既係好成功, 因為完全成為左全世界既焦點, 但係佢既政策會帶來咩後果呢? 我就唔多睇好。 中國/美國有點共生的味道, 你要飛起中國, 加關稅, 最後受害的一定是消費者, 美企好, 會否加美國人既人工? 資本主義既社會下, 你懂的。新聞又賣美國第三季差不多要發行 3300億, 未見其利, 先見幾害。今日影響還未到來, 如果通脤夾埋油價上升, 到時加息, 減流動性增速, 個市好難會好, 而呢個都係我買入少量 DOG 既原因。

至於話個市會去到幾點幾點, 呢D 都係標題黨, 為吸引讀者而做, 唔識既睇到嚇一跳, 識少少既都笑到收唔到聲。

--------------------------------------------------------------------------------------------------

香港樓市再創佳績, 二當家唔係指樓價半年升左一成, 而係指樓面面積創下最少的紀錄。實用 91/61尺, 其實坐監可能仲舒服。邊個發展商咁威, 咪就係英皇囉! 

英皇跑馬地劏房61呎　 或細絕全港

【政策分析】劏盤無極限　港人「縮」命難違？

我心己死 - 傷港

繼續打一篇與投資無關係的文章

近日, 淫審處把村上春樹的《刺殺騎士團長》列為第2類不雅物品, 書展要先將該書下架, 要密封及貼有警告字句後才可繼續出售, 再一次柒出國際。

先講明, 我不是村上迷, 但還是看過<聽風的歌>, <挪威的森林>, <1Q84>等作品。對村上沒有情意結, 但身邊卻有卻有好多文青捧村上, 我自問水平唔夠, 睇唔明。

村上春樹是何許人? 以下我抄自WIKI的一段「村上春樹自2009年起獲諾貝爾文學獎提名，此後連續8年入圍，但一直未能贏得諾貝爾文學獎。」。簡單一句, 世界知名文學作家, 世界上佔一職位, 你亦可以想像到他是日本國寶級的人物, 然而淫審處把他一批, 成為18禁作家, 你估淫審處點解要咁做呢?

一直以來, 香港自命為國際大都市, 大家都感到自豪。要打擊香港很容易, 把你的國際地位拖落黎就得, 港交所好威咩? 紅色資本大舉上市,小米「同股不同權」搞掂上市後, 阿爺又話有D問題WO, 宜家又話要再審議。

將屯門公園文化帶到入西洋菜街, 一齊跳老舞, 嘈到仆街為止。西洋菜街的問題, 竟然拖了18年才殺街, 最後還有人說這是香港文化, so shame。 當他們把自己的歡樂建築到別人的痛苦身上, 當我看到兩旁的鋪要加裝隔音簾, 這個光怪陸離的香港與我認識的香港差別很大。

香港的國際性地位已經不斷被消耗。與香港的民主一樣, 所餘無幾。 好好享受一下剩餘一點的「自由」, 封殺VPN, FB, IG 等很快便會來到香港, 而香港人所自豪的「法治精神」等, 都睇怕挨唔到幾耐。黃子華「金盆𠺘口」, 是否代表住一個時代/言論自由的總結? Who Cares? 最緊要就係「馬照跑, 舞照跳, 錢照賭, 雞照叫」!

香港01 村上春樹《刺殺騎士團長》評不雅　書店貼警告　圖書館列18禁

人生的價值 (Ikigai)

對人生感到迷惘，不知道自己適合做什麼？用 Ikigai，4 步驟找回你的價值


二當家近日從網上看到一篇關於「人生的價值 (Ikigai)」的文章, 跟大家分享一下。

不知道有多少打工仔會滿足於現在的工作, 對二當家來說, 番工係賣時間, 現在的工作沒有很大的 fulfillment, 但空閒得黎幾好pay, 所以繼續做落去。反觀大當家, 轉左幾份工, 但係每份工都係超辛苦, 8~9收工係正常, 有時仲要10點~12點至收, 係就係好忙, 但忙成咁又係唔係代表有 fulfillment 呢?

日本有本書就介紹左如何了解自我, 及幫助你追尋人生的價值, 首先問你自己以下4個問題, 再填到上面的圖片裡:-

1.      你擅長的事？

2.      你喜歡做的事？

3.      世界需要你幫忙的事？

4.      別人會付錢請你做的事？

而重疊的地方就是對你來說, 就是對你最有意義的事(不明白的請看上面連結)。就二當家來說, 我現在的狀態是「舒適但感到空虛」。我想其中一個原因我的工作沒有「任務」或「被需要」的感覺, 在職場上我也試過爭取更多或更高的工作機會, 但可惜暫時還未有回應。

而在友人眼中, 二當家的工作是一份超筍工, 準時番工放工, 得閒又有得出TRIP。準時放工係香港真係好重要, 因為係香港加班文化根深柢固, 而一眾友人都係有小朋友, 個個都想番屋企見下D仔女, 或者要去外父外母到湊番D仔女。

而二當家另外又睇左條片叫「90後為何總是一事無成?」。首先, 我要嚴正聲名我不同意該標題, 我覺得這個問題是整個世界現今的問題, 而不只是單單係90後既問題。片中討論的是現今科技帶來如果的影響, 現今千禧世代的年青人面對的是什麼問題。講者 Simon Sinek 把問題歸納在4大類:-

1.     家庭既教育 – devalue reward and appreciation

2.     科技 – devalue relationship

3.     耐心 – devalue fulfillment

4.     環境 – imbalance of life and technology

科技帶來了方便, 但同時間令人忘記了「享受生活」。 SOCIAL MEDIA 令到人們開始經營自己(呃LIKE)已經唔係新鮮事, 之前有位KOL 被發現偷相放IG扮自己個人經歷(旅行, 食物等), , 把網上的自己塑造到別人眼中理想的自己。當每個人都展示生活美好的一面, 或在網上面尋求人們的認同, 他們的思想便會開始改變, 網上的LIKE比起身邊親人朋友的讚美更重要。人們寧願TEXT也不願交談。甚至食飯開會時也在玩電話。人與人的 connection 由臉對臉, 到語音, 到今日的冷冰冰的TEXT+EMOJI。

有時候有急事, 大當家也是只TEXT對方, 並等對方回應, 我便會問她, 「點解咁急都唔打個電話呢?」。

世界杯完結了!

<網上圖片>

歷時一個月的世界杯終於完結了, 今屆由法國捧盃, 雖然非二當家心儀隊伍, 但論實力/體力/踢法等, 法國捧盃又非常合理。

二當家非球迷, 都係4年至感受一下睇波既樂趣, 今屆既幾名球王 - MESSI, C.RON, NEMAR被看管得密不透風, 基本上一掂波就有至少兩至三位對方既防守球員招呼佢地, 唯一既表演機會就係罰球。反而超新星MABPPE 就以速度, 技巧等, 係世界盃呢個舞台到發光發熱, 基本上比佢過左就追都追唔到 (超級快), 而且今年MABPPE仲未滿20歲, 真係大把世界。唯一二當家唔鐘意既就係有兩場明明法國隊都贏緊波, 但係佢都要搞D小動作, 係對烏拉圭果場到禁區外插水拖時間, 係對比利事果場對方界外球帶走個波(拎黃牌)。不過呢D我諗對比起NEMAR ROLL 真係算小意思。

二當家覺得最好睇果場係比利時對日本, 一黎因為比利時有好多球星都係英超搵食, 二當家較熟悉, 二黎日本隊係來看亞洲, 大家都係睇足球小將同我們的足球場長大, 份內有親切感。當日本隊領先緊2:0果陣, 二當家非常緊張(因為二當家捧比利時), 但無可否認果兩球都係靚波。係下半場比利時追番平手果陣, 日本隊既兩位最強代表 – 本田圭佑同香川真司同時出場 (睇新聞話佢地不和), 成隊波即刻”生”番好多, 本田圭佑既罰球亦非常近榜, 但過不了今屆金手套既得主Courtois 既10 指關。到補時階段, 比利時一個反攻反勝3:2, 成班日本球員果種失落感, 真係睇到都心酸。

世界盃乃英雄塚, 個個只會講果屆既冠軍係邊隊, 又有邊個理亞軍/季軍。下屆2022, 唔知仲見到幾多個當世球王, 34歲既MESSI, 37歲C RON?

比利時對日本

投資組合 2018/07/01

Stock	Name	Ratio	Buy Price	Market	Delta%	Remarks
0087	太古B	24%	12.28	13.96	14%	Price @ 2017-12-31
0255	龍記	17%	3.85	3.99	4%	Avg. Buy Price in 2017/2018
0005	HSBC	10%	77.45	73.60	-5%
2238	廣汽集團	8%	9.58	7.67	-20%
87001	匯賢	5%	3.44	3.19	-7%	Price @ 2017-12-31
1113	長實集團	5%	64.63	62.30	-4%
0044	香港飛機工程	5%	68.71	68.30	-1%
0194	廖創興企業	4%	13.46	12.40	-8%	Price @ 2017-12-31
1132	橙天嘉禾	2%	0.85	0.48	-44%	Price @ 2017-12-31
0296	英皇娛樂酒店	3%	1.74	1.70	-2%
3389	亨得利	1%	0.38	0.36	-7%

現金比率 15%

連已收股息 +2.05%

寫這篇文章時已經係 7/3, 恆指大跌 800 點, 現金還有 15%, 有需要的話仲可以增加資金 (26000 下至考慮)。暫時以穩健為主, 與貿易戰有關的股票暫時唔掂 (廣汽已經損手)。成個 PORTFOLIO 靠太古B單天保至尊。




2018/6 操作

廣汽集團 - 接飛刀之選, 由上年年尾15蚊一路跌, 跌至今日見7蚊, 入手時見跌得差不多, 以價值去計係抵買既, 加上資產負責表不錯, 又沒有太多負責, 現金流也 OK, 買時 9.6左右, 點知唔夠一個月, 已經跌左 20%。係摸不著頭腦既情況下暫時按兵不動, 7蚊樓下再少量買入。


長實集團 - 誠哥將自己既資產轉向外國, 繼續收購有穩定現金流既公司, 加上誠哥自己親手加持, 小注買入。

香港飛機工程 - 太古全購. 少少D希望搵親飯錢。(316 今日新聞, 終於成左, 可惜已經無貨)

英皇娛樂酒店 - 拆讓股, 希望唔好俾楊生食左。

*匯賢因匯率浪動令購入價增加