投資組合 2018/02/28

Stock	Name	Ratio	Buy Price	Market	Delta%	REMARKS
0087	太古B	24%	12.28	13.58	11%
0006	電能	18%	66.80	66.55	0%	等3 月, 期待特別息
0316	東方海外	13%	74.29	73.10	-2%	等全購, TARGET 6~7% RETURN
0255	龍記	8%	3.66	3.67	0%
87001	匯賢	6%	3.25	3.22	-1%
0194	廖創興企業	5%	13.46	12.88	-4%
1132	橙天嘉禾	4%	0.85	0.68	-20%	收左特別息
1686	新意網	2%	5.94	5.12	-14%	高位接貨, 轉主版後無動作, 失敗!
0869	彩星玩具	2%	1.14	1.23	8%
3389	亨得利	1%	0.38	0.40	4%
	Cash	18%

二月份有幾個大動作

賣出:
把 REIT 賣出, 越房, 冠君, 朗庭, 減持匯賢
- 越房: 其實表現不錯, 由4.2 持有至今, 今年派息略略減少, 息率約在 6.4%。但因新收購的武漢越秀財富中心有未明確的地方 (出租率只有51%), 先行獲利
- 冠君: 定價太高, 無人出標, 加上大陸收水, 走
- 朗庭: 表現麻麻, 走
把亙太全清, 增加現金

買入:
新意網: 失敗, 高位接貨, 諗住轉主版後有好消息, 無功而回。
電能: 博特別息, 短線, 3 月出業績

現階段市面上無乜邊隻股係特別抵, 主力都係低線博 東方海外既全面收購同電能既特別息

YTD 回報連股息約 3.14%

新居屋家庭入息上限增至 $57,000

新一期居屋設在長沙灣, 啟德, 東涌, 身邊朋友即刻起哄仲熱衷過新年金多寶, 個個都問對方「你抽唔抽? / 一定狗衝啦 」可惜二當家計計數, 資產唔過, 不同入息加埋大當家果份就過左了。由於我地兩個都係做大公司, 根本上無辦法做到數, 可以話基本完全無希望!

睇番D 文件至知, 原來白表基本上一般都可以做到 9 成按, 就算500萬樓上既樓都可以。呢個係咩玩法呢??? 即刻話你合資格的話, 可以用少D 首期, 同埋分分鐘免壓測咁幫你上會....政府唔係話怕有信貸風險架咩?

有時人生真係好撚灰, 我有個 FD 係隱青, 無做野無收入上樓既機會仲大過我, 至少仍然可以申請綠表, 又可以加埋父母用白表申請核心家庭, 甚至排到長者條優先隊伍。你問我「向上流」既動力仲有幾多, 我呢一刻真係寧願「向下流」, 至少可以買個機會。

1. 如果買層 480萬既樓, 2成首期都講緊96萬, 加埋印花稅3% 14萬, 仲要計埋按保, 計埋佣金球幾野一定無走雞。
2. 用白表買新居屋, 480萬既樓 48萬, 加埋印花稅3% 14萬, 我拎住一球都仲有幾廿萬裝修, 我覺得合理好多囉。

政府黎緊會唔會放寬樓按? GOD KNOWS...........放都未必係好事, 分分鐘D 樓仲爆升。 望自己中六合彩好過。

黎緊一年, 二當家都想自己有多D 「正能量」, 可惜夾著係夾心階層, 今時今日真係兩頭唔到岸。

至於 $57000 既家庭入息上限同埋 $1.96M 既資產上限係點黎, 可以睇下上年既計算方式.........

冠君: 暫不會就放售朗豪坊辦公室大樓作推廣

連最後既賣點都無乜, 當其他 REIT 都有 6 厘果陣, 冠君仲值唔值 4 厘呢?

冠君最後既 DPU 係 0.2426, 跌穿5蚊指日可待...

初五啟市!

二當家祝各位身體健康, 笑口常開, 來年搵多D!

身體健康係最緊要, O係流感高峰期, 日日都聽到身邊D同事既小朋友病, 之後連D同事都病埋, 小則病幾日, 大則病幾個月都未好, 身邊既人咳聲不斷, 希望大家小病小福, 小病過後就身體健康。

身體之外就係要開心, 香港人唔開心, 好多怨氣, 由「政治, 工作, 買樓」等都充滿怨氣。有陣時見到一D落後既地方既人好開心, 會諗究竟點解會咁? 其實到最後都係因為「感恩」兩隻字。當你為滿足於身邊擁有既事, 例如自由,財富等, 個人自然開心, 呢樣野二當家自己都要學。雖然一定有人話好「犬儒主義」, 但社會上有陣時係需要「穩定」, 有好多人聽到「維穩」就怕怕, 但二當家覺我「維穩」沒有錯, 錯就錯在手法上的問題。當人人有屋住, 有份工, 社會自然比較「穩定」, 而社會「穩定」點都俾社會「動盪」好。

錢 - 個個都想搵多D, 其實搵幾多至夠?
要控制自己的慾望, 勿被「物慾」佔據自己。而香港人最高既消費一係係住宿開支, 要人工追上樓價近乎係無可能既事, 亦都唔好期望政府會幫助未上車既人....... 今時今日400萬樓下既盤好有限, 二當家都要好好考慮下係唔係 ALL IN 一層樓。

初二果陣二當家番左去觀瀾, 見到果到既的士有好多已經轉左做電動, 品牌當然係 BYD。消費用支付寶是常識吧! 但最令二當家出奇既係, 過馬路果陣竟然係車讓人, 中國真的不停在進步, 不單是硬實力, 連軟實力也在進步,  香港人再不加油的話看來只能做三線城市。

香港人加油!!!

2018的投資方向

看到R兄對2018年的展望, 說真的二當家看不透, 下面是我在R 兄地盤的留言, 美債會帶來什麼樣的風險呢, WHO KNOWS? 可以做的是把風險控制好, 今日襯美市因為新既基建方案大升, 而香港股市跟升既情況下, 開始賣出一些REIT, 及高息股, 現金很快就會OVER 50%...........

尋找生活之路 - 2018狗年展望

"R兄, 老實說, 我對市場的INSIGHT一慨不通, 如10年美債升穿3%, 對市場會帶來什麼影響?

近日多了 BLOGGER 賣出 REIT, 我所理解的原因應該是因為美債的YIELD升到3%, 所以市場上的高息產品 (如 REIT, 高息股等) 的吸引力下降, 有些 REIT 的回報率只有4~5%, 不如轉投美國國債, 風險相對小很多。而其他資金會否由股市/樓市轉入美國國債呢? 照道理SMART MONEY 應該會咁做, 畢竟美市已經升左多, 再升動力不大, 而當資金由股市/樓市抽走, 之後便會帶動一番動盪。不知我這樣的理解對不?
至於我的投資方向, 自已個倉以REIT, 高息股為主, 宜家開始賣貨增加現金, 但係黎緊一年及呢個加息周期應該點解點投資呢? 暫時自己都未有答案。 "

記錄一下跌1600 點時的心情

印象中二當家人未見過個市可以跌咁多, 平時1000點上落已經好誇張, 但其實跌完之後都仲係O係30000以上, 30000點以上係唔係 New Normal? Who knows?

自己個心情相對平靜, 因為大部份都係 REIT 等收息工具, 並唔係話 REIT 無跌, 只不過係覺我跌到盡會有個譜, 比如跌到回報率 10%以上, 某程度上如果唔影響該公司收入/派息既話我都可以無動於中。反觀如果手持高增長/高 PE 的股票, 回落黎既幅度一定會比 REIT 大, 到時仲可唔可以安心持有呢?

最近有 BLOGGER 開始賣 REIT 令我自己開始反省現金比例是否過低, 例如 405回報率已經接近 6%, 是否應該開始減持? 

而1270 交出一份好普通的成績表, 雖然係「預期」之內, 但如果「回報率」降低再加「加息」兩重夾擊下, 大方向都係股價會繼續向下調。

東方海外 316, 仲未有消息, 希望順順利利。

加入新意網, 轉板後第一份成績表, 希望好好睇睇。

賣出左部份 87001, 405 後, 現金比率去到8.4%, 如果316 搞得掂既話, 現金比率應該去到 20%。

投資組合 2017/01/31

Stock	Name	Ratio	as of 12/31	Market	Delta%	Remarks
0087	太古B	24%	12.28	13.56	10%
0405	越秀	15%	5.10	5.19	2%
0316	東方海外	13%	74.29*	73.85	-1%	buy @ 2018
2778	冠君	10%	5.69	5.68	0%
87001	匯賢	9%	3.15	3.24	3%
0255	龍記	8%	3.66	3.77	3%
1382	亙太	6%	8.12	8.12	0%
0194	廖創興企業	5%	13.46	13.46	0%
1132	橙天嘉禾	3%	0.85*	0.59	-31%	派特別息 0.253
0869	彩星玩具	2%	1.14	1.25	10%
1270	朗 廷 — Ｓ Ｓ	2%	3.57	3.57	0%
3389	亨得利	2%	0.38	0.43	12%	buy @ 2018
	Cash	2%

1月份 YTD 成績 +3.08%, 計埋橙天既特別息就 +4.5%

買入

3389 亨得利 : 前文已提及, 短線投機用

0316 東方海外: 其實想持有多D現金, 宜家將D資金轉去東方海外, 希望新年前完成收購就可以有大約6% 的收入並且把資金回籠 (收購價 78.67), 問題係 1. 呢單 DEAL 最後會唔會唔成 2. 幾時至可以完成, 根據之前D 新聞, 中遠預期 3~6個月內完成 (即上年12月), 宜家歐洲果邊批晒, 獨欠發委會及中國內部反壟斷審查 (乜中國有D咁既野, 真係得啖笑), 理論上就進入最後直路, 「不吃白不吃」, 買左至算

 (見偉哥文章 套利交易 - 東方海外 (00316) 的自願現金要約)

6837 海通證券: 短線感受市場氣氛, 已賣出

賣出

0088 大昌: 

1848 中飛租: 

8147 匯思太平洋: 終於同呢隻野講88

6837 海通證券: 同上

另外不在組合內的, 開始用新資金加入 ETD / BOND 平衡一下, 買入 HSEB, C.PRN