Sunday, April 30, 2017

投資組合 2017/04/30




- 賣出左1848 香港飛機租賃, 主要係近期表現不滯, 加上有現金需要。
1848 的購入成本在 9 蚊左右, 曾經跌至 8 蚊, 最後又升上10蚊樓上, 呢隻我買入果陣係諗住係16年度因賣飛機既得到既額外收入會刺激股價上 11蚊, 可惜最後都衝唔上。加上利息開支大增及加息因素等, 都係先行獲利離場。

- 開左 IB 但係未有計劃點做, 未來都係會揀D安心D既投資方法

- 盈富基金年頭至今已經升左 12%, 睇黎要加倍努力至追得番

- 公司人事有變動, 未知係危定係機, 唯一知既係忙左好多, 冇可能日日都望住個市升跌



Wednesday, April 26, 2017

強積金

強積金

二當家對對強積金既怨恨真係越黎越深, 話說二當家好耐之前已經做左轉移及合併, 而當中其中放係獅子銀行既強積金因為簽名問題轉唔到。

之後二當家又放低左呢樣野一段時間, 近日襯老闆唔係到一早去銀行搞搞佢 (銀行仲收得早過我, 平時點去)。去之前仲要打去CS 問定間銀行有冇強積金職員。

去到銀行 CHECK 晒D 資料後, 佢同我講話我有 3個 ACC 係佢地銀行, 一個ACTIVE, 另外2個係之前留落黎既, 問我點解唔做整合。乜呢個唔係應該由銀行去提醒客人架咩? 要我親身去到佢至叫我整合, 唔問就繼續收你三份錢。而且仲要係強積金職員至會幫你, 一般職員真係彩你都傻。

如果樣樣野政府都交左個波俾個市民, 又唔監督下D 收緊錢既基金管理公司, 好難令人覺得唔係利益輸送。二當家的外父外母剛到退休之年, 連拎番D強積金都唔識, 剩係知道有舊錢係銀行, 最後都係要屋企人幫佢搞埋。

強積金幫唔幫到退休生活真係唔敢講, 但係一般市民都應該係未見其利, 先見其害。點解香港唔搞社保基金而要交俾基金公司, 呢D野真係天至知...


Tuesday, April 18, 2017

人生無常

股市回落, 二當家暫時未有太多動作
IB 的 ACCOUNT 開通了, 但未有時間去熟悉操作

家事
- 其中一個家人把自住樓賣掉了, 原因是因為身體問題想去改變居住環境。但要短時間買回一個自住單位不容易, 加上是已退休人士, 暫時先租住一個單位, 邊租邊搵

- 另外一個家人發現身體有癌細胞, 要在短期內做手術, 仍未知道詳細情況及以後的療程。要審視一下所動用現金以備不時之需。


Thursday, April 6, 2017

1848 (中國飛機租賃) 2016 業績



二當家近來工作較忙, 雖然1848 出了年報但都冇時間慢慢睇, 好簡單咁講下睇法

- 每股攤簿盈利 HK$0.952. 比我預期中好, 當中經營租賃 (85.8%)同其他收入 (180%)為主要增長來源
- 但其他收入其實係一次性既盈利, 係將未來既收入變現, 今次賣左14架飛機既收入, 下年呢?
- 另一方面利息支出亦大幅增加 36%, 總支出增加 49%, 而總負債只係增加22.3%, 利息增長快過負債咁多?
- 利息支出 / 總負債約3.69%, 同2588比. 差不多高一倍, 雖然我都知1848強項唔係低成本融資, 但我期望係改善而唔係繼續拉開
- 如果只係睇融資租賃收入同經營租賃收入, 其實今年係蝕緊錢
- 負債比率略減 由86.7% 改善至83.6%, 但係估計都會KEEP 住係8成以上
- 派息都算係咁, 增加 140%, 但係未來個派息能力就睇下有冇飛機賣啦

大致上係咁, 支出大增令我有D憂心, 應該會減持一下, 而近日個股價應都軟軟地. 現價 HK$9.71