【薪酬調查】今年僅三分一僱員獲加薪、平均加薪幅度0.4% 邊一個行業加薪幅度最高？ - 香港經濟日報 - 即時新聞頻道 - 即市財經 - 股市 - D210525 (hket.com)
中環High Tea——從火星來的公務員 | 頭條日報 (stheadline.com)
在疫情及社運打擊下, 打工仔最在意梗係有冇人工加, 二當家身邊既朋友今年多數都係 0 ~ 2 %, 無得加既大有人在, 自己算係幸福既一群, 今年加薪 above average ~ 有 6%, 真係講聲多謝老闆 (真心的)。
見到花師姐 share 左一份 <2021年薪酬調查報告>, 香港人的薪水真係好高, 好多職位都有8皮以上。 二當家知道係香港天外有天, 人外有人, 唔好講D 千萬年薪既打工皇帝, 係 IBANK, 甚至係一般 retail bank 過百萬年薪都係非常普通。
作為打工仔, 非金融系, 非學霸, 投資唔叻, 又無父蔭既情況下, 所以野都係靠自己。被動收入固然吸引, 但在未成型下主動收入還是我的主要收入來源, 每年稅局既報表對二當家來說有一個指導性作用, 其實我既目標好簡單, 我未必要做 top 5% 既人, 但希望O係 TOP 15% 以上。
根據政府稅務局既年報, 可以得知最多人既收入既組群係月薪30,000左右, 佔總納稅人口既 17.7%, 大約有一半的納稅人在此收入或以下。如果想去到納稅人口首 25%, 月薪約要達到 45,000 以上。要成為首 15% 的納稅人, 月薪約要達62,000 以上。要成為 Top 5%, 就係我地成日所講既百萬年薪人仕。有趣既係其實達到百萬年薪既人並唔少, 有 5% 既納稅人係一百萬至一百五萬, 再上既就真係人上人。
Are you on the right track?
有左目標, 之後就係俾個 Target 自己, 比如說20歲出來做野, 45歲應該係事業高峰期, 係呢 25年入面要去到自己定係目標, 好簡單咁計, 20歲出黎做野得 HK$12000人工, 45歲果陣要拎到HK$65000, 平均每年加薪 7% [(12000 * (1 + 7%)^25) =65000 ], 仲未計通脹等因素。不過世事既野邊會咁易, 打工仔要加薪好多時都係要靠天時, 地利, 人和。自己可以把握既要素其實真係好少, 但絕非無機會。至少我身邊既朋友都算係略有所成。
香港人搵錢既方式多的事, 最不為人所推崇就打工, 「大把人」買樓, 投資, 做生意致富, 但如果你好似二當家一樣, 不能歸類在「大把人」既行列入面, 咁唯有係工作上盡量爭取機會向上爬。一個人既人生, 有差不多 1/3 時間在打工, 在工作上爭取向上流二當家覺得完全不可恥, 條條大路通羅馬, 其實大家既目標都係一樣, 希望有日可以換取自己人生。
