昨天大當家突然對我說, 為何各國都唔分D 疫苗俾印度, 想必大當家睇左/聽左某D 新聞報導。
二當家當然明白到大當家係被少少情緒主導, 其實要理解自己有冇 BIAS, 二當家覺最有效既方法係轉左D SUBJECT 同 OBJECT, 再睇下自己對成件事既觀感有冇改變。
假設今日係中國疫情嚴重, 香港政府決定把已購入的疫苗分給中國, 唔知大當家既感覺又會如何?
上面呢個方法只係一個快速的換位思考的方法, 不一定是 Apple to Apple, 但至少多一個角度去睇呢件事。
我明白到「無論高牆是多麼正確，雞蛋是多麼地錯誤，我永遠站在雞蛋這邊」, 但人民政府是要為該國的人民著想為首要, 這個我想也沒不妥。作為領導者, 對自己的人民負責任不是最基本的嗎? 權術D咁講, 如果個領導者自把自為把已購入D 疫苗分出去, 人民怪罪落黎領導者要負責。但如果是因為人民輿論, 領導者就可以把這個決定交給人民 (A膊)。最近的例子當然是脫歐公投, 由人民自己決定國家的去向, 當然, 無論結果如何, 人民也是要接受。
再者, 又唔知大當家知唔知點解疫情爆得咁勁, 莫迪之前開放宗教同選舉活動, 可能就係疫情爆發既導火線。如果真係濫泛同情, 鬧幾句就可以解決, 世界就唔會有咁多問題。唔講咁遠, 只係講「以巴」及「緬甸」 最近既發生既事, 就已經令人搖頭嘆息。
拜登最近又話可以放棄疫苗專利, 講就講得好聽, 但背後既影響會係點呢, 其實匯君兄同其他 KOL都有講過知識產權既重要性, 亦都係人類進步既動力, 唔係抄抄襲襲, 亦唔係話開放就可以全球一齊做疫苗, 不論是原材料既供應鏈, 又或者係品質監測, 都要相當程序既要求。唔好既疫苗對人類既傷害仲大過無疫苗, 不知你同意與否。
當然, 作為別人的老公, 見到大當家氣沖沖, 梗係唔好講什麼道理, 呢個時候「附和」便好了😝。