Monday, June 28, 2021

最近我在讀/毒什麼?

 


The Social Animal by Elliott Aronson 

<社會性動物>

二當家並非鐘意閱讀之人, 但宅在家的時間太長, 避免令自己太廢, 每日都花少量時間在閱讀上充實一下自己。最近仲睇緊係呢本<社會性動物>, 出版於1972年, 但係到今時今日對二當家既黎講內容一D都唔過時。

簡單介紹下呢本書, 內容係探討社會心理學, 咁社會心理學同一般心理學又有咩唔同呢, 二當家個人覺得一般心理學 focus 係一個人內心既變化, 而社會心理學就研究一群人既思想同行為模式。最簡單咁講, 點解投資成日講羊群效應? 點解廣告要搵明星? 見到呢D問題可能第一個反應就係"咁都要問?", 但係事實上越追根究底, 就會發覺人既思想模式係好有趣既。我們以為自己係理性既動物, 可以有效地處理很多資訊, 但事實上我們都高估了自己, 人是有很多盲點的, 單單接受既次序已經影響到我們既感覺。

如果你同二當家一樣, 鐘意探究事物既本質, 呢本書可能可以幫你解決到很多心裡面既問題。




The Tyranny of Merit: What’s Become of the Common Good?- Michael J. Sandel

<成功的反思:混亂世局中,我們必須重新學習的一堂課>

大名鼎鼎 Michael Sandel 既新書, 二當家還未看, 大約看了簡介。但已經成日二當家必讀既書, 點解? 第一個原因係 <正義> 呢本書太正, 上面個 youtube 就係錄低左佢授課時既過程 (哈佛大學)。另一個原因係大當家竟然睇得晒呢本書, 要知大當家一年完成既書一隻手數得晒, 可以成為我與大當家既共同話題, 實在太好了。要知道哲學呢樣野, 無用之用, 好似無實際用途咁, 但其實可以豐富我地既生命, 二當家雖然非哲學出身, 但知少少己經覺得人生不一樣。

呢本書英文書名直譯係 //功績的暴政:什麼變成了共同利益? //, 比較直接, 其實講既就係批評現代社會既精英制度, 亦解釋了點解社會會有「躺平族」及「姨姨我不想努力了」既情況出現。我地可以用經濟學去解釋, 例如 QE 加劇貧富懸殊, 但也可以從哲學既角度去探討呢個問題。BTW, 齋睇書名未必知本書講乜, 下面係網上點介紹本書 

//是什麼讓我們失去了一同思索重大公共問題的能力,甚至傾聽對方都有困難?

面對疫情危機,人們該如何才能同舟共濟?

當不同立場的人再也無法溝通,只能不斷撕裂;
當「成功者」與「失敗者」衡量價值的方式失去交集;
當人民愈來愈不相信政府,更無法信任觀點相異的人……
桑德爾認為,是我們看待「成功」的方式,讓社會陷入了前所未見的困境!

這是一個「贏家」與「輸家」截然劃分的年代,機會與命運,只會眷顧本就幸運的那群人,而「只要努力便能成功」成了天大的謊言。若你幸運擁有市場經濟重視的才能,便能往上爬;反之,只能跌落機會之梯。失敗者的憤怒與挫折感不斷醞釀,造成了民粹主義的崛起,人們在不同的立場之間撕裂對立,就連「贏家」也活得辛苦──這是當前世界所面臨的最大危機。//


講開大當家點解睇哲學書, 就要多得 RTHK 做既 <哲學有偈傾>, 幾個主持好有趣咁去介紹不同既哲學家, 另外班主持仲開左個「好青年荼毒室」既 channel, 為哲學普及化出一分力。👍


講完正經野, 講下打機, WTF 既情況下有更多時間打機, 我有一個超長的 To Play List 一直都 KO 唔晒, 講下宜家打過或爆左既 GAME. 

Monster Hunter World - Iceborne 👍👍👍👍

第一隻要講既 Monster Hunter, 雖然宜家個個都打緊 Rise, 但呢隻 game 我係由上年 PS Plus 免費送果陣入坑, 打完正傳再打埋 DLC, Total 遊戲時間快 200 hrs 但未清晒自由任務及未開始聚魔之地。不得不說 MHW 真係會令人上癮, 上次二當家玩 MHW 果陣應該係 PSP 版既 2G。呢隻GAME成為二當家隔離期間既最佳伴侶 (二當家是打單機的, 全 SOLO 過關)。

Final Fantasy VII Remake 👍👍👍

又係免費送既GAME, 作為重製版非常有心, 畫面又靚, 女主角 Tifa 已經成為 Cosplay 既重要人物 😍 。 二當家未打過原版 FF7, 係呢個版本到, 故事既呈現自己覺得一般, 最大問題係戰鬥模式, 打到最後我都係唔鐘意個戰鬥模式 (即時+回合制), 一放技就全慢鏡, 又要成日換人。但免費, no complain. 

It Takes Two 👍👍👍👍👍

同大當家一齊玩既Co-Op Game, 故事都係成人向, 講兩公婆想分開, 在小朋友既祈求下, 兩公婆變左做公仔, 一同冒險下再學識相處之道。呢隻GAME 對打開機既二當家黎講難度唔高, 但見到雞手鴨腳既大當家就好好笑, 畫面故事都非常不俗, 合作玩既方式亦非常多變, 值得大推既一隻 GAME。 

Uncharted 4 👍👍👍👍

經典冒險 Game 一隻, 第一次玩果陣都好驚艷, 作為一隻舊GAME 畫面係中上, 但人物既物作做得好順, 操作難度不高, 容錯度非常之高, 解迷難度亦偏低, 二當家當係一隻故事向既GAME 咁去玩, 算係非常唔錯。 但若果有強迫症, 要拎晒白金及搵晒所有寶物就應該會相當既痛苦。



Wednesday, June 16, 2021

近況 (八)

如果用 Product Life Cycle 黎形容打疫苗, 我們應該還在 Early Growth 吧


轉眼又到年中, 台灣在5月中開始受到疫情打擊, 二當家簡簡單單的聊聊自己的近況。 


投資

在疫情下, 少睇左股票, 心都靜左落黎, 唔會下下都想買賣股票。可以唔睇住個市, 某程度上代表二當家對自己所選既股票都有一定信心 (定係鴕鳥政策😂), 市場上雜音太多, 如果下下將所有信息收為己用, 再係短時間內做決策, 犯錯的機會非常大。始終自己唔係內行人, 不如看遠一點, 看深一點。 繼續維持部份現金, 等待下個機會來臨。


生活

公司在疫情下開始了 WFH, 但二當家有一半時間還要在辦公室工作, 老實說, 我自己是比較享受在辦公室, 在家中最大的問題還是 setup 的問題, laptop 太細, 放係枱到, 頭向下望, 頸又痛, 手放上枱到肩又痛, 如果長時間在家工作的話二當家一定會弄一個更好的 setup。 在家工作, 私人的時間的確多了很多, 多了很多的時間大部份用來追劇, 追到一個地步覺得自己好廢, 繼而又重新思考人生, 在後面再談這個題目。

近日又有個同學身體又出毛病, 已經唔係第一個 fd 身體有事, 而且有既都係大事, 真係生死之間果隻。知道無事之後, 大家在 group chat 內互相問侯一下, 轉眼間, 原來大家都已經快四張, 再唔係十幾廿歲果陣。 男人四十, 應該係黃金時間, 但一場大病, 可能令到好多野都改變晒, 生活習慣改變, 不能再亂飲亂食, 甚至不能完全恢復體能狀態。二當家又再一次感受到生命既脆弱。 

工作

工作上, 長遠黎講應該唔會留係台灣。在個人黎講, 二當家是非常享受在台灣生活, 但如果二當家繼續打工的話, 係無辦法拎到長期居留証, 所以我永遠在台灣的身份也是一名「有限期的工作簽証」。在工作黎講, 台灣算係一個小市場, 在大陸不斷邊緣化下, 事業的發展也受到很大的限制。再加上同大當家傾過後, 如果要搵番一個正常既 social life, 番香港可能係最好既方案(人棄我取)。

如果有機會 relocate 的話, 二當家自己是 Open 的, 但每次 relocate 都唔係一個人的事, 在疫情下, 更令到 relocate 既難度直線上升, 每次回鄉都要隔離2星期, 未來又未知是否要有「疫苗護照」才能出境? 如果是的話, 台灣本土的疫苗能作證明嗎? 有太多太多的不明朗因素要好好考慮一下。

創業

之前搵左一間本土公司做了一個 Prototype, 終於完成了........花了整整一年時間, 效果........其實都幾差。首先係 budget 問題, 所以今次搵左一個業餘團體去做, 功能上是可以接受, 但外觀上差太遠, 而且好快就脫期, 原本3~4個月既 project 用左超過半年至交到貨, 測試後再 back and forth 一段時間, 我都唔想再花時間係呢個供應商到, 暫時告一段落。

前陣子又睇到個 competitor 既 solution, 人地拎個完整既方案出黎, 雖然唔係完美, 但自己手上既 prototype 實在同人地差太遠, 天同地比, 暫時都係繼續留意下個客既動向, 睇下佢地想點先再決定下一步。


興趣

我今年的目標是學鋼琴, 但今天的我又打倒了昨日的我。二當家今年把目標, 放回一樣已經學了幾年的樂器。原因是覺得自己應該專攻一樣東西, 唔想每一樣野都係得半桶水, 想再係呢樣學器上再進一層, 深造落去。有呢個想法, 係因為有日二當家問自己有咩專長, 最後發覺自己乜都係半桶水。 


感悟

下面係幾點呢期人生既感悟...

利得者疑

二當家越黎越討厭傳媒及政治, 因為大家都唔係討論問題, 而係互拖後腿。其中一個最大問題係無限上槓陰謀論, 最簡單既方法就係用「利得者疑」去方法去猜度人心, 例如推出一個法案, 大家唔係考慮呢個法案對社會帶來D 咩係好處同壞處, 而係先從可以從中獲利者去推論背後陰謀, 只有我非獲利者, 或者我覺我某人不應該獲利, 便寧願拖垮整個法案也不妥協。傳媒也是用這個方法去報導新聞, 有否證據已經不重要, 傳媒只是提出單方面既「質疑」。 不過講到尾, 都係一個「信任」問題, 人而無信而不立........

被害者理論

除了利得者疑, 另一常用方法就是用當「永遠的被害者」。例如台灣疫情, 二百幾天 0 確診後爆發, 突然發覺疫苗唔夠, 部份傳媒就大大力插政府無超前部署。呢D 咁既 bull shit 就好似係公司到見到個老屎忽同你講 「一早話左你架啦」咁難聽, 呢D 無養份無內容, 對事情無幫助既新聞但往往最受讀者認同, 因為千錯萬錯, 都係錯左政府, 市民唔載口罩唔係錯, 有自費疫苗又無人打都唔係錯, 只要永遠代表被害者論歪理, 就能立自己於不敗之地, 因為無人鐘意承認自己做錯。

以有岸除無涯

「以有岸除無涯」係講對知識既追求, 但今時今日用來講娛樂也行得通, 以有限的時間追無限的娛樂。在 WFH 期內, 在家中打開 netflix, youtube 同 ps4, 真係有3世都唔完既娛樂。最近爆左兩隻 game, 總遊玩時間係百幾個鐘, 加埋自己追過既劇同電影, 花既時間就更多, 二當家有時會反問自己, 如果用呢類時間黎學習, 又或專心一意去做件事, 我既人生是否會有更大既改變, 而唔係拎到一隻虛擬的白金盃。呢個就係想專攻一樣樂器既原因, 希望在某個項目上更上一層樓, 雖然唔知今次可以堅持幾耐。

疫苗與歐國盃

最後想講講香港朋友打疫苗既情況, 部份朋友已經打左兩針, side effect當然有, 但so far大家都平安。在後疫情時間, 政商合壁, carrot & stick 乜都出齊要推打針, 因為要經濟回復正常好大程度取決於接種率。由數據來看, 接種後加大了抗病毒能力, 及大大減低死亡率。接種疫苗當然也有風險, 但由於好難去 correlate 死亡同接種疫苗是否有關聯關係, 相信只有科學家才可以證實。以死亡率去計, 接種疫苗後既死亡率遠低於染病後既死亡率。各人有各人既考慮, 有人唔介意宅在家, 唔出國, 唔參加多人派對, 咁的確無乜誘因去打疫苗。二當家自己最大concern 後打疫苗後可以縮短幾多隔離時間, 外國又接受邊D 疫苗。最近開始左歐國盃, 已經有現場觀眾, 仲唔駛載罩, 好似真係曙光. 

接種機率 100% x 接種後死亡率 VS 染病機率 X 染病後死亡率 2~3% 

Tuesday, June 1, 2021

投資日誌 2021/05/31

YTD +5.9%


  • 台灣疫情由5月中急轉差, 突然有好多工作上既野要安排
  • 每日兩點鐘就睇最新疫情, 最唔鐘意公佈果陣用「校正回歸」呢個 TERMS
  • BITCOIN 又大跌, 由60000跌到36000, 但二當家無參與, 食花生ONLY
  • 虛擬貨幣有好多好處, 但同二當家日常生活無乜直接關係
  • 二當家親身聽過虛擬貨幣最大既用處, 就係電腦被人勒索果陣, 要用虛擬貨幣黎交贖金
  • 友人公司中招, 佢以為我做 IT, 問我有乜計, 我話美國輸油公司被黑客攻擊, FBI都幫佢唔到, 何況我?
  • 5月份, 少做少錯,  手上仲有20% CASH, 感覺上安全
  • HSI PE17, Div Rate 2.43
  • Dow Jones PE 29
  • HIBOR 1Month 0.08
  • 中原指數 184.5

Trade

  • 買入 697 @1.84, 彈出又彈入, 心態不對, 今次一心長坐
  • 買入 9988 @207, 又加貨
  • 賣出 MCHI @78.7, 其實MCHI即係買晒 ATMJX
  • 賣出 ARKF @47.3, 木頭姐呢期被人遺棄, 睇定D 先

Symbol

Description

Gain/Loss

% of Portfolio

TSM

TAIWAN SEMICONDUCTOR-SP ADR

3.31%

9.26%

9988

ALIBABA GROUP HOLDING LTD

-8.46%

7.87%

697

SHOUCHENG HOLDINGS LTD

-15.82%

4.51%

535

GEMDALE PROPERTIES AND INVES

-2.60%

3.40%

MDT

MEDTRONIC PLC

8.19%

3.13%

1883

CITIC TELECOM INTERNATIONAL

0.62%

3.05%

PDI

PIMCO DYNAMIC INCOME FUND

8.94%

3.03%

FFC

FLAHERTY & CRUMRINE PREFERRE

-4.20%

2.95%

P40U

STARHILL GLOBAL REIT

10.02%

2.76%

3033

CSOP HANG SENG TECH INDE-HKD

-3.48%

2.45%

Top 10

42.41%

Cash

18.00%