敗走台灣 - 大當家問「我可以唔撈嗎?」

 

網上圖片

以下開啟「樹洞」模式😷

前言: 如果有追開二當家個BLOG, 可能知道其實幾年前拎台灣 offer 果陣, package 其實一般般, 再加上大當家來台後二當家無強迫佢打工, 家庭收入其實係減少, 盈餘都係少左。 大當家呢三年都係做自己野, 近來開左間網店, 但規模甚少, 收入...梗加唔好講。但二當家覺得應該試下, 賺過經驗, 做老闆唔係一件咁過癮既事。 

話說「有機會」拎到香港 offer, 我同大當家都 FF 一下, 諗下番香港會點。話無顧慮就假既, 二當家自己好怕香港既壓迫生活環境, 工作壓力, 同自然產生既社交壓力。但正如前文說, 係台灣拎唔到 PR, 番香港收入增加, 仲可以陪下屋企人, 總括黎講都係一件好事黎。係交談中, 大家講到大當家番香港後既生活, 選擇有幾個

1. 做番打工仔
2. 做番打工仔 + 兼任網店
3. 全職搞生意 (網店)
4. FTW (full time wife)

二當家梗係 prefer 第1第2選項, 而感覺上大當家想選擇3。先講講二當家想法, 如果番香港, 最終都要解決房屋問題 (現實), 大當家身上其實有按揭 (看「前人種樹」系列), 最近家人又話要換樓, 即係我要預舊錢還俾銀行, 大當家宜家係無薪水, 亦即無可能再做到按揭。成舊資產即刻縮一半。

如果要係香港買樓, 基本消費係球半~兩球, 就算供得起, 首期都係一大舊錢。 二當家既如意算盤係用一年時間儲錢, 追番3年既光陰, 如果要咁做, 大當家份收入就好緊要。二當家跟大當家仲係香港果陣, 其實一直奉行財政獨立, 租金等洗費就按收入比例調整, 家用就各自各俾屋企。 來到台灣後, 二當家就要俾份家用大當家, 租金全付, 家用繼續各自搞掂。如果番到香港, 耍用呢個模式, 即二當家份收入, 要包埋香港既租金及大當家既家用, 講真, 搵幾多都唔夠😩。

大當家想繼續搞下生意, 但我心知呢單生意唔係搵到錢既生意。係台灣做生意, 好多人係真心想推廣某樣產品, 搵錢係其次, 交朋友為先, 成本低, 有額外收入可以抵銷成本, 燒錢都唔會燒入肉。係香港做生意, 生存到已經係奇蹟, 搵到錢係後話, 一個唔覺意可以傾家蕩產。二當家身邊都有女中豪傑, 好 tough, 邊打工邊生仔邊讀書邊搞生意, 最後盤生意上左軌道, 最後可以辭左份工。但大當家應該唔係呢個 TYPE。 

二當家好喜歡宅在家, 番到香港, 二當家都想生活品質提升, 希望可以用錢換品質, 亦即空間大D, 地點好D, 裝潢靚D,  食得好D, 等等。公一份婆一份係最理想既方式, 要養埋大當家就即係其他方面要遷就一下。況且我亦都唔想大當家完全依靠二當家, 假設我被裁員, 到時大家真係你眼望我眼。Again, 「貧賤夫妻百事哀」, 如果大當家份生意可以養得起自己, 我真係唔介意, 但二當家又唔係大細劉, 自問未有能力係香港可以養得起一個人。

回到圖最上方, 「靠自己才會幸福, 指望別人會很苦」, 那被別人指望呢? 

呢篇係「樹洞」篇, 意在放下一些自己的想法! No judgment, please! 🙊

敗走台灣 - 疫苗與金卡

 

近期工作忙碌, 應該到 11 月尾都唔會得閒住, 經常性整天都困在meeting room, 收工又參加左興趣班, 一星期內上三個唔同既興趣班, 每個興趣都要花時間練習同學習, 但係台灣學野真係好, 師資好同埋老師好有心教學, 唔係純為搵錢而教 (但樹大總有枯枝), 人生苦短, 有氣有力有能力果陣, 想再體驗多D不同既野。


近日二當家終於接種左疫苗 (第一支), 比起其他既國家台灣算係遲, 但遲到總好過無到。 係台灣, 有4種疫苗可選, AZ, Moderna, BNT, 及本土疫苗高端, 二當家接種既係 BNT。老實講, 高端一定唔會打, 唔係怕咩副作用, 而係認受性問題, 打疫苗或多或少都係為左未來唔駛隔離, 雖然未見到終點, 但高端至去到 FDA 或者 WHO 既認證應該仲有慢慢長路。


BNT 同 Moderna 都係RNA 技術, 而 AZ 用 Viral vector 病毒載體, 二當家唔係咩專家 (今時今日, 周街都係專家, 周圍D人都可以話俾你聽咩好咩唔好), 只知道RNA係新技術, 但外國都打左一段時間, 加上香港人都係打 BNT, 算係同香港人同一陣線。宜家台灣第一支覆蓋率約7成, 其實比二當家想像中已經快好多, 基本上只要一開放登記, 就要爭位打。第二支開打中, 覆蓋率約3成, 應該要到2022年年中覆蓋率至會增加。台灣人咁踴躍打, 或多或少都係5月份疫情轉壞, 之後到8月至叫做逐步開放, 都唔知有幾多小企業頂唔住, 之前行過東區, 吉鋪真係唔少, 經此一疫後, 台灣人都應該怕怕。

行政院核定新修正之「外國專業人才延攬及僱用法」自即日正式施行！ (ndc.gov.tw)

就業金卡核發 2021/09/30

一、增加外國特定專業人才認定之彈性：外國人才專法增訂由主管機關(國發會)會商相關中央目的事業主管機關認定之機制，以網羅全球之新型態產業及跨領域優秀人才。

二、爭取優秀外國大學畢業生來臺工作：放寬教育部公告世界頂尖大學[1]之畢業生在我國從事專門性或技術性工作無須具備2年工作經驗。

三、鬆綁外籍人士申請永居之規定：將外國特定專業人才申請永久居留之在臺連續居留期間由5年縮短為3年，且取得我國博士學位者，得再折抵1年。另外國專業人才申請永久居留，在臺連續居留期間維持5年，惟取得我國碩、博士學位者，則得分別折抵1、2年。

四、優化租稅優惠及社會保障措施：將外國特定專業人才租稅優惠適用年限由3年延長為5年；免除屬雇主或自營業主身分之外國特定專業及外國高級專業人才，其本人及依親親屬之健保納保6個月等待期。

最新金卡改左例, 當左對香港人黎講最羨慕既梗係「外國人」可以工作3年就得到永居, 金卡群組既香港人梗係起哄, 之後覺得有起望, 最後又失望。二當家都黎左台灣一段時間, 新聞都見過無數次用「擬放寬XXXX」為主題既新聞, 例如「擬放寬港人定居資格」, 但最後都係無疾而終。二當家算係悲觀主義者, 無期望, 無失望, 兩岸三地既政策太複雜, 二當家唔期望台灣為港人特別開例, 單單可以同「外國人」睇齊已經好好。

另外, 又聽聞就業金卡收緊左「經濟部」既申請, 亦即收緊左單從「月薪NT16萬以上」呢個方式申請既資格。此乃未證實之消息, 至於原因, 很大機會是因為現行政策下, under 在經濟部簽發既金卡係超過6成, 對香港人黎講, 呢個亦都係最簡單可以拎到金卡既方法。載番個頭盔先, 都只係「聽聞」, 二當家張金卡仲未到期, 要到 renew 果陣至可以證實呢個消息。

敗走台灣 - Next move?

太耐無講過二當家既自己野, 襯有空發噏瘋。

二當家去台灣快兩年半有多, 當中喜多過悲, 活得自在左, 眼看香港被一步一步咁破壞, 生為香港人點都會於心不忍。去台灣後, 亦不斷同大當家有傾將來既問題, 二當家對將來係開放既, 始終係自己既 Career / Experience。如果無疫情, 相信番香港唔會係我考慮之列。

as of Sep 6

Covid World Vaccination Tracker - The New York Times (nytimes.com)

但係疫情下, 所以野又改變左, 首先同家人見面既機會真係少左好多。明明係一個半鐘頭既機程, 但宜家變左做 14 + 7 既隔離, 回台分分鐘又隔多 14日, 暫時都仲未見到香港有開放既跡象。現時西方世界同亞洲有截然不同既處理方式, 西方以提高疫苗接種率後開放, 而亞洲國家暫時未見有跟隨, 其中一個原因是接種率問題, 亞洲暫時接種率最高既係新加坡81%/79% (首支/兩支), 作為香港主要假想敵, 新加坡以高效率獲得疫苗, 而本身都係強權政府, 所以打唔打疫苗都唔到你揀。而中國接種率都跟隨其後, 有77%/64%之高, 而其他亞洲各國則面對不同問題, 例如台灣, 疫苗不足既問題嚴重, 雖然已經陸陸續續有疫苗到台, 但接種率還是略慢 44%/4%。

未來會係點? 無人講得埋, 但新加坡已經由「清零」轉去「與病毒共存」, 呢個政策會否影響其它亞洲各國既政策? 二當家覺得未必會, 至少中國唔會咁快跟, 況且, 病毒會否再度變種都係未知知數。半鎖國狀態下, 正好配合「兩循環」, 由「工業大國」變身做「消費大國」, 但近來又吹呢個「全過程民主 」同「共同富裕」, 政策既野快到跟唔切, 怪不得外資都話唔玩。但肥肉在前, 不食白不食, 二當家深信老外們唔會就咁罷休, 只係等時機...有好多人覺得西方一定好, 中國一定唔好, 二當家自認牆頭草, 世界如果係非黑即白就好, 可惜既係兩邊都有好有唔好, 烏托邦只在腦中存在。

說回二當家, 合約期將完, 同大當家傾過, 又同老闆摸摸低, 放放風, 未來都高機率番香港, 點解個個都走仲番香港? 其一, 二當家無小朋友, 唔怕洗腦, 二. 家人朋友都係香港, 如果未來兩三年都仲要咁隔離法, 有D咩事就後悔一世 (「愚」家思想😔) 三. 多人離開, 內部高階職位多左空缺, 以前西人霸晒D Key position, 宜家要搵人填, 搵生不如搵熟, 就算 offer 唔得, 係香港再搵過第二份工都易D。 四. 台灣無永居權 五. 最重要個點, 大當家想番香港😄。Happy Wife, Happe Life! 同投資一樣, 最緊要係知道自己做緊乜就得。 

Foreign businesses threaten to quit Hong Kong over strict quarantine rules | Financial Times (ft.com)

Relocation of top luxury brands’ regional headquarters to China likely to weigh further on Hong Kong office rents | South China Morning Post (scmp.com)

VF Corp to relocate business operations out of Hong Kong - Inside Retail

回香港風險唔係無, 其中一樣就係外資撤港, 其實由社運開始一直都有風聲吹緊撤港, 但爛船都有三分釘, 香港差極都有佢好既地方。就算撤, 都多數係將個 Regional Office 搬離香港, 留低個 Local Office 係到。但撤去邊......一係中國, 一係新加坡, 如果以 business size 黎睇, 中國既 business 係好多外資公司都差不多佔 > 50%, 一個係新加坡既 Regional Office 係唔係可以支援到國內既生意呢? 況且國情既野, 新加報人又對中國有幾熟呢? 呢D咁高階既問題都係留番俾班董事決定。 

未來係點, 暫時未知, 但有時間 FF 下都係小確幸既一種, 期待下次再 update 大家。

又到5月報稅月, 台灣香港稅務不同

 

二當家並非稅務專家, 收入也非常單一, 今次用打工仔既角度去睇下個人所得稅在香港同台灣既分別。

Assumption: 

兩公婆, 只有一人工作, 無小朋友

四大長老健在, >70歲 x 2 , >65歲 x1, >55歲 x1

收入 HK$ 700,000 / NT 2,800,000

台灣 - 綜合所得稅試算

香港 - 計算薪俸稅

台灣

先說說免稅額, 台灣的免稅額是分 70歲以上或70歲以下, 包括「本人、配偶及受扶養直系尊親屬」, 如果兩公婆加埋四大長老, 總人數係6個, 呢個例子只有2位係70歲以上, 其餘4位係70歲以下。

標準扣稅額就同香港既個人免稅額一樣, 根據個人或已婚去判斷, NT$120,000 一位。

薪資所得特別扣除額, 是根據有收入者去扣, 薪水如果低於NT$200,000, 只可扣所得金額。呢個例子因為只有一位工作, 所以只可以扣一人份既扣除額。

基本生活費金額 係比較特別既一項, 係根據「納稅者、配偶及申報受扶養親屬人數」計算的基本生活所需費用總額, 香港無呢項計算項目。直接D 講, 就係政府幫你計埋每人的最低生活消費, 如果免稅額 + 標準扣稅額 低於呢個數, 餘額可以用黎扣稅用。

2020年的基本生活費金額每人係 NT$182,000, 係呢個例子黎講, 6 人份的生活費金額 = NT$1,092,000。由於免稅額 + 標準扣稅額 (NT$856,000) 低於呢個生活費金額, 所以差額可以用黎當作額外既扣除額 (NT$236,000)。

扣除所有「免稅額, 扣除額及生活費差額」, 剩下來的就是應課稅金額便根據稅率去計算實際要付的稅款, 台灣的稅率由 5% ~ 40%。就這個例子, 在左扣右扣下, 稅率為20%, 真正要付的稅款大約是 NT$167,000 / HK$ 41,750。

香港

香港既稅率就簡單好多, 免稅額有分個人 及 供養父母, 如果供養父母同住又有額外免稅額。 二當家以前租屋就會報父母同住, 但聽過有朋友被稅局問點解結左婚仲同父母同住。係呢個例子, 有3位長老>60歲, 1位>55歲, 全部非同住, 免稅額加埋係 HK$175,000。

扣除所有的免稅額後便是應課稅額, 香港的稅是由 2% ~ 17%。就以上例子, 200,000萬以後由收 17%的稅率, 再加上HK$200,000內的稅款 HK$16,000, 真正要付的稅款大約是  HK$ 26,370。

就這個例子看來, 在台灣工作的稅款看來比起香港高很多, 但在香港, 很多時父母的免稅額也要跟兄弟姊妹分, 唔知有幾個人真係可以拎晒四大長老的免稅額。但二當家在台灣就一於申請晒四大長老的免稅額, 上年為了搞免稅額, 仲要去律師樓做公證。不過香港近呢幾年都有做寬減稅款 (上限約HK$10000~30000), 以實際稅款黎講香港平過台灣唔少。今篇只在於分享兩邊的免稅額等的不同計算方法。

我隔離了 28 天 (三)

 

一轉眼已經3月, 其實番香港已經係上年既事, 要快快趣趣完埋篇文先

香港出關的 14 天

其實早在回港前, 已經跟不同的朋友相約碰面, 由於政府規定晚上六時後不能有堂食, 要找朋友聚聚必須要在家中進行。很多朋友已經家中有大有細, 就算個 FD 肯, 佢地既另一半都未必肯, 所以大當家同二當家都心裡有數, 見得幾多就幾多。

出關後我們兩個第一件事就要去換車牌, 二當家是希望去台北辦做車牌認證換台灣車牌, 大當家則相反, 希望用台灣車牌換香港車牌。 我們兩個一早便去了中環的辦事處, 可惜在疫情下, 香港既政府部門沒開門, 而台北辦則完全爆滿, 必定要網上先行預約才可以提供服務, 而直至今日, 台北辦未來兩個月的預約也是完全 full booking, 無奈之下, 只好兩條友走去搵地方食飯。

說說我久久未回來香港的感覺

1. 香港真的很富庶
2. 購物天堂之名真的名不虛傳, 各大品牌歐美日韓台中都可以係香港搵到
3. 服務態度有改善, 但離「好」還差一大段距離
4. 香港的「效率」, 可能真係世界第一, 尤其在流程編制及解決問題既能力
5. 沒有陸客, 加上聖誕假期及很多公司 WFH, 中環商業區的人流非常少
6. 近住宅的商場人流量還是非常多, 尤其晚上沒辦法外出食飯, 大家都想在下午的時候往外走走
7. 失業問題好像沒我想像中的嚴重 (至少身邊朋友都沒失業問題)
8. 個個都變成大廚, 大家都識煮番幾味
9. 每個飯局中, 移民都是必然談到的問題
10. 食左好多港式食物, 茶走, 蛋牛治, 沙嗲牛麵, 最開心係食到腸粉魚蛋

很感恩, 回港後跟很多家人朋友碰面, 雖然成年無見, 但大家始終都會有好多共同回憶, 一開口便停不了。要回到台灣, 總會有點依依不捨, 無奈這個便是生活。

回台後的 14 天

在熱熱鬧鬧的14天過去後, 回台便是另外的14天隔離。

台灣的檢疫措施其實沒有香港的嚴謹, 回台後只是告訴我們要自行居家14天 (台灣的14天是由下機後的一天計算, 而香港則是由下機當日開始計算), 隨後也沒有手帶, 但因為隔離期間不能坐公交, 所以回台前一早已經訂好了車子接送。其實回台後的14天是最難挨的, 因為家中只有兩個人, 睇得太多電視會覺得自己好頹, 兩條友亦都無新既話題。家中除左離台前已經準備好既急凍食物, 解決我們日常生活所需的有 Uber Eat 同 Food Panda, 但因為我倆對外食無乜興趣, 所以更梗要既係「熊媽媽買菜網」, 因為可以買到新鮮或凍鮮既菜同肉, 最快可以落單後2小時內送到, 仲要係送上門果隻。

這裡分享個小故事, 雖然香港同台灣都有管理員, 咁管理員都有好多種唔同質數, 例如香港部份單棟物業, 基本上管理員既存在係無乜作用, 而好一點既管理處 (屋苑式) 可能提供酒店式既服務, 其實台灣都差不多一樣係咁, 但係會再多一份人情味。話說二當家係蝦皮到訂左野, 蝦皮既野好少直送上門, 多數係送到附近既便利店再付費收貨, 便利店會限制在數天內必須取貨, 不然就會退貨。二當家唔記得左自己隔離緊又落左單, 又費時隔離期間偷走出去, 最後硬住頭皮打落去管理處到問可否幫我收左件貨先, 個管理員真係好好, 幫我係便利店拎貨, 代付, 仲送埋件貨上黎, 而且佢只係放係門口, 叫二當家完左隔離先俾番錢, 真係好人到嘩一聲。

我隔離了 28 天 (二)

 

香港隔離 14 天

在酒店睡了一晚, 第二天早上的時候便整理一下行李, 等電話通知。約11時左右, 便收到電話通知可以離開, 而酒店外亦已經有的士等著隔離人仕回家。如前文所說, 幸運的是二當家從台灣回港還是可以「居家隔離」, 若從其他地方回來便要居住隔離酒店, 對二當家來說在酒店隔離真的是超級痛苦, 因為沒辦法食到住家飯。

久久未回香港, 第一個感覺便覺得香港很像一個未來城市。在的士內, 外面很多高架橋, 很多地方也有工程在進行。在台灣, 高樓大廈不多, 而且很多東西都是舊舊的, 我常常跟大當家說, 台灣很像 30年前的香港。今次回香港, 我是住在朋友家中,  大家已經相識多年, 同住也不會有太多問題。這14天我還是要 work from home, 所以對二當家來說, 時間真的過得很快。

二當家的隔離生活便是早上開電腦, 邊工作邊食早餐, 三個多小時後便到 lunch hour, 打開電視跟太太看<全民造星>,  不亦樂乎。看完後才食午飯, 才回到電腦前。去到 4~5 點 如果清晒D 野, 就開始打下機, 睇下 youtube, 基本上二當家係果段時候係完全唔睇市...

食果方面, 主要都係靠自已煮同朋友接濟, 雖然都有用 UBER EAT 同 DELIVEROO, 但自己對外食真係無乜興趣, 而且仲覺得勁唔環保, 香港既垃圾分類又無台灣分得咁細, 每次食完都有一堆餐具同罪疚感。晚上的時間最易過, 看看電視, 同朋友吹下水, 喝個酒便到深夜。隔離期間我們都沒有叫人上們探訪, 始終疫情期間, 大家小心一點。

轉眼間便到第12日要交第二次樣本去化驗所, 如果要用貨運公司送樣本的話至少要早一天預約, 二當家就是因為大安旨意咁諗住即日預約都可以, 點知最後間間都話唔得, 最後要麻煩朋友去交 SAMPLE。如果無問題, 14日後就可以剪手帶出關.........

我隔離了 28 天 (一)

台灣往香港

在上年年中時, 二當家已經計劃要回港一趟見見親人朋友, 因為在社運及疫情下, 已經超過一年沒有回港。疫情的管控措施天天不同, 二當家希望在可以接受的範圍內盡快與家人碰面。幸好公司亦理解到二當家作為海外派遣人員的需求, 幫忙作一些特別的安排, 不然如何拿一個半月的假期。

在暫別台灣之前, 首先要幫家裡儲糧, 買進了一堆的急凍食物, 乾糧, 還有甜食 (避免抑鬱)。一早打車去台灣的桃園機場, 原本每天十多班往來香港/台灣的航班, 最後只剩係每天一班。桃園機場內的人流比我想像中的多了一點點, 剛好碰到了一班去東南亞的航班辦理登機手續, 那條隊伍長達50~60人, 聽說是因為很多外僱安排回自己的家鄉。

登機時也是一般的流程, 沒有太多特殊要求, 上機前已經把入境香港的健康申報表填好。飛機上約得 1 成的乘客, 看到幾個比較著緊的乘客穿上全套防護衣上機, 二當家心想「不用吧, too much」。二當家自己其實不太緊張, 因為台灣跟香港已經算是疫情控制得比較好的地方。況且, 最高危的應該是那些空中服務員吧, 她們也只是載上口罩而已。機程中大部人都沒有飲食, 去洗手間的也沒幾個人, 算是二當家坐過最安靜的一次飛機旅程。 

下機後, 終於見到了久違了的香港國際機場, 整整一個客運大樓的店舖都是沒有在營業的, 下機的乘客跟著指示及單向流程, 詳細的流程已經記得不太清楚, 大約是先檢查健康申報, 登記個人資料, 配載手帶, 解釋防疫禁制令, 領取檢疫用品, 及自行提取樣本。有趣的是那時候還只是要求乘客深喉討口水, 在提取樣本的區域不斷聽到「卡....吐...」的聲音, 有如大合奏一般 (後來已經改作強制鼻及口腔內採樣)。

遁交樣本後就是一段等待的時間, 有水及餅乾提供, 解釋一下政府會提供一晚酒店, 並在明天中午12時前告知結果, 防疫酒店是位於青衣的華逸酒店。大約半小時後, 我們便被安排坐機場內的巴士, 向一號客運大樓進發, 巴士差不多被濟滿才出發, 而且車內的不單只是我們航班的人, 還有其他國家回來的人, 車箱擠迫, 危險性便大大增加, 算是整個流程安排上的敗筆。

去到華逸酒店, 每個人快速的登記後便可拿著飯盒上房, 職員再三提醒是禁止離開房間直至另行通知。老實說, 二當家對房間是完全沒有期望, 只是房間比起想像的還小, 洗手間要開門才夠位穿褲子,  配上非常殘舊的傢俱, 還有一台大牛龜雪花電視放在窗台上, 可幸的窗戶看到日落, 算是一點小確幸。

敗走台灣 - 專業移民? 就業金卡? (下集)

「外國專業人才延攬及僱用法」施行滿2週年， 正式啟用新版就業金卡

https://www.ndc.gov.tw/News_Content.aspx?n=114AAE178CD95D4C&sms=DF717169EA26F1A3&s=24C5E2428BD7D59A

原本沒有打算寫下集, 但看到有留言問, 所以簡單的講一下二當家最後的結果吧。 

首先, 原本打算用「勞動部」的身份申請 HF160, 最終既結果係, 唔得既。該項只係用來申請 HF171, 並沒有永居權利。 對二當家來說, 原本已經擁有 HF147 的居留証, 換HF171 的證也沒有任何好處, 最後當然如自己所計劃一樣, 轉去「就業金卡 / HF198」呢個方向。  

如前文所說, 「就業金卡」最好既地方係有3年既居留權, 就算二當家係換証, 二當家既居留權亦都係重新計算, 所以二當家暫時個身份可以留到 2023 年。另一個好處當然係可以隨便轉工。簡單來說, 原本二當家的居留權利是依附公司幫我辦的工作簽証, 但「就業金卡」就是個人身份, 在限期內所以在台隨意工作及居身留。就算我番香港打工, 係限時內都可隨時居留在台灣。  

由於二當家張証係公司幫我辦, 詳情我都唔知, 簡單來說要附合「外國特定專業人才」資格, 而該資格細分為為八大專業領堿。入面有不同 criteria, 最易達到的條件應該是月薪達新臺幣十六萬元 (4萬港紙, 相對容易), 其他條件有興趣可以在網上看看資料。「就業金卡」也提供稅務優惠, 但對二當家來說這個不太重要, 所以略過。  

當二當家拿到金卡, 才發覺新的金卡已經改了玫瑰金, 老實說二當家是無感, 只是換個身份, 反正費用是公司付。奇怪的是我太太仍然是拿 HF148 的身份, 公司及政府也沒要求我太太換証, 正在問 HR 我的太太是否要轉 HF199 嗎, 不然很奇怪吧? 

香港近來的局勢加劇, 相信考慮離開台灣的人越來越多, 但二當家必須說, 台灣的移民政策只會是一直往上拉高門檻,  因為以香港人的資產規模, 如果帶來台灣的話必然引起很多民生問題。 暫時最簡單的拿台灣 passport 仍然是投資移民, 160萬港紙, 但審批申請的速度已經減慢。另一邊廂英國又話開放俾香港人, 聰明的香港人很多都更偏愛英國吧, 因為台灣是中美必然的第二戰場, 欲知後事如何，且待美國大選後分解。 

八大專業領堿

一、科技領域(科技部)。 

二、經濟領域(經濟部)。 

三、教育領域(教育部)。 

四、文化、藝術領域(文化部)。 

五、體育領域(教育部)。 

六、金融領域(金融監督管理委員會)。 

七、法律領域(法務部)。 

八、建築設計領域(內政部)。

 https://www.immigration.gov.tw/5382/5385/7244/7250/7296/%E5%B1%85%E7%95%99/148063/ 

十八、（身分代碼HF171） 經中央勞工主管機關或目的事業主管機關許可在臺灣地區從事就業服務法第四十六條第一項第一款至第七款或第十一款工作者，或依取得華僑身分香港澳門居民聘僱 及管理辦法許可工作者。 

三十七、（身分代碼HF198）依外國專業人才延攬及僱用法第二十條準用同法第八條規定申請就業金卡者。(網路申請)。 

三十八、（身分代碼HF199）依外國專業人才延攬及僱用法第二十條準用同法第八條規定申請就業金卡者，申請人之配偶、未成年子女及滿二十歲以上，因身心障礙無法自理生活之子女申請。

敗走台灣 - 專業移民? 就業金卡? (上集)

在國安法風波後, 好多身邊既朋友都問我移民台灣既野, 但其實二當家只係拎住工作簽證並無移民, 好多問題都答唔到。 同埋二當家覺得好多人只係一時衝動咁去問, 並非真心有意移民, 所以有時我都費時答。

之前二當家都有講到, 自己開始有移民(定居)呢個念頭, 但台灣呢邊係3月份果陣拉高左移民政策, 老實講, 以香港人既財力, 有心走既人再高既移民政策都無用, 香港人賣左一層樓, 600萬台幣/150萬港紙真係隨時到手。就算經營再差蝕左2/3, 用一球野走佬都化算。不過二當家並非提倡移民台灣, 台灣本土都有自己既問題, 就如 6/6 罷韓, 如果一切都咁美好就唔會有呢類不滿既出現。再者, 大國一統既夢一直都無停過, 之前已經用經濟實力去令航空公司跪低。又再再者, 台灣其實有好多上一輩既人係覺得中台一家親, 為左逃離大國操控而去台灣並非一個好的選擇。老土咁講, 你唔鐘意呢個國家, 咁你去果度生活只會苦了自己。


說回二當家, 二當家並非家財萬貫, 要用投資移民既方法就要做好多資金既調動, 老實講二當家既興趣不大, 因為又要聘請當地人, 又要有地址, 唔符合二當家既膽小既性格, 所以一直同大當家傾左好耐, 一直無定案。

但機會係留俾有準備既人, 正當二當家唔知點算之際, 公司又發左一個email 黎令我有新既方向。

入正題前, 先旨聲名, 二當家並非移民顧問, 只是用我自身經歷去分享我的經驗。

====================================================================

事緣係公司 fwd 左個 email 黎, 內容大慨是說一些外國同事可以申請「就業金卡」。

二當家上年來台灣都係公司幫手搞, 本身對自己是用什麼身份入境等一慨無有慨念, 只係跟住公司既指引做, 交文件, 等結果。

來到台灣後, 至慢慢理解台灣既法制及申請手續等, 首先二當家是用 HF147 這個身份來台的, 在台灣的居留証是有個編號, 代表住在台灣逗留的原因, 比如說是依親, 投資移民, 專業移民, 就業金卡等。在台灣, 居留, 工作及經商等是由不同部門負責, 你可以在台逗留不代表可以打工, 可以打工不等於可以做生意。所以一般人來台居留, 是要跑不同部門去申請資格, 例如勞動部批准至可以打工, 移民署批准至可居留。

 以下為這篇文章討論到的身份代碼

• 香港澳門居民申請在臺灣地區居留送件須知https://www.immigration.gov.tw/5382/5385/7244/7250/7296/%E5%B1%85%E7%95%99/148063/

• 四十三、（身分代碼HF147）依外國專業人才延攬及僱用法第二十條準用同法第七條規定來臺工作，經中央勞動主管機關或目的事業主管機關審查通過者。

• 九、（身分代碼HF160） 具有專業技術能力，並已取得香港或澳門政府之執業證書或在學術、科學、文化、新聞、金融、保險、證券、期貨、運輸、郵政、電信、氣象或觀光專業領域有特殊 成就者。 (專業移民)

• 三十七、（身分代碼HF198）依外國專業人才延攬及僱用法第二十條準用同法第八條規定申請就業金卡者。(網路申請)。

而「就業金卡」都係一個身份, 這個身份是給「外國專業人才」。我要先說明, 台灣既法例雖然係用中文寫, 但要理解佢既背後含意並不是這樣簡單的事。例如「外國人」, 二當家覺得自己係外國人, 但在移民署內既外國人並不包含港澳人士。但在勞動部指既外國人可能又包括港澳人士, 每次都要細閱才可分辨。

而「就業金卡」對外國人(非港澳)人來說, 是一種四合一的身份 (結合勞動部核發之工作許可、外交部核發之居留簽證及內政部移民署核發之外僑居留證與重入國許可), 提供一個方便。而港澳人士則擁有「工作許可」及「居留」的權利。 而「居留」與「定居」(入籍)是不同的慨念, 詳細不在此文討論。 

"何謂就業金卡?
A1：就業金卡係個人化就業准證制度，核發給經中央目的事業主管機關審認具備外國特定專業人才資格者，結合勞動部核發之工作許可及內政部移民署核發之臺灣地區居留入出境證兩種功能之證件。"

外國專業人才延攬及僱用法 - 就業金卡 Q&Ahttps://foreigntalentact.ndc.gov.tw/cp.aspx?n=57ABC704441FFEFC&s=599D7ED90EBC39C1

申請「就業金卡」既最大既好處, 就係並不需要受聘也可以留在境內。以二當家來說, 我的居留証是跟我公司的聘請合約連在一起, 得到勞動部批准在台工作。假若公司要裁員, 二當家要在一定時間內離開境內 (好似不足一個月), 其實對二當家並沒保障。再者, 二當家要轉工都非常麻煩, 假設台灣有其他公司聘請二當家, 聘請二當家果間公司要再重新向勞動部申請, 所以也有可能影響到公司或二當家轉工既決定。

而「就業金卡」係一個個人身份, 跟工作合約並沒有連上任何關係, 即公司跟我解約, 我仍可合法地留在境內。而且金卡本身附帶有其他好處 (e.g. 稅務上), 有興趣的可自行爬文。但「就業金卡」最大既問題係只擁有居留身份, 但並沒有定居既權利, 而居留身份是要以每一至三年重新審核既方式去重新申請, 當政策改變時, 有可能不被批核。所以對二當家而言, 「就業金卡」並不能達到「移民」這個目的。

而另一個十令人混亂既 Term 就係 「專業」。「專業移民」指既究竟係「專業能力」定「專業人才」, 單看上面, 專業人才已經可以分成三種不同既專業人才, 隻隻中文字都識, 但就係唔明有乜分別。而你在移民署內見到既解釋, 可能又同勞動部既解釋唔同, 如果真係要理解, 我十分建議先閱讀下而既兩條法例。

法例外國專業人才延攬及僱用法
https://law.moj.gov.tw/LawClass/LawAll.aspx?pcode=A0030295
香港澳門居民進入臺灣地區及居留定居許可辦法
https://law.moj.gov.tw/LawClass/LawAll.aspx?pcode=Q0020008

二當家是以HF147入境, 是以「外國專業人才延攬及僱用法」進入台灣境內, 而 HF147 跟 HF198 (就業金卡) 看起來要求十分相近, 所以令二當家有一個很大的問號, 二當家算否「專業人才」? 可否申請專業移民 HF160?

在坊間, 十之八九都係同你請要有專業資格 (CFA, CPA, 等等), 或者有CERT, 有特殊供獻, 拎過國際獎項等。但二當家通通都無。但二當家又可以以專業人才既身份進入境內, 在這方面一直都想不通, 直至陸委會看到 HF160 的「專業人士居留審核資格」附件, 突然看到一線曙光。

大陸委員會 - 香港辦事處 丁、香港、澳門永久居民申請在臺居留https://www.teco-hk.org/cp.aspx?n=23B1A3A6BA521F00&s=F60360B41EF2C6D2

具有專業技術能力，並已取得香港或澳門政府之執業證書，或在學術、科學、文化、新聞、金融、保險、證券、期貨、運輸、郵政、電信、氣象或觀 光專業領域有特殊成就者(HF160)
＊應備文件請瀏覽香港澳門專業人士申請在臺灣地區居留資格審核表

在交代之前, 我先說一下不同証件要申請的不同程序, 以下為我一般理解。

一般申請: 移民署 (申請) -> 去各審理部門交文件 (如HF147勞動部, HF162投審會) ->拿到批文後再回移民署作最後審批

就業金卡: 網上申請 (移民署) -> 勞動部跟其他主審機關會審 (經濟部/科技部等) -> 移民署 (最後審批)

HF160 (專業移民): 移民署 (申請) -> 專業審查 (經濟部/科技部等) ->移民署 (最後審批)


二當家另一個疑問是, 勞動部在「專業移民」 HF160的審查裡扮現什麼角色?

二當家指的一線曙光便是在「香港澳門專業人士申請在臺灣地區居留資格審核表」的PDF內的最後一項, 而這一項的審理部門竟然是「勞動部」。要知道, 不管在移民署或其他機構, 「專業移民」的審核資格基本上係完全無提過「勞動部」, 點解呢? 

大都會移民 - http://www.immigrant.com.tw/index.php/immigrant/news?lang=zh_tw&pc=&bid=38&id=790

而二當家的想法是這樣的, 如果我能拿到「HF147」, 即勞動部承認我是專業人才, 如果在申請「HF160」時審理的也是勞動部, 可以拿到的HF160的機會便很高了。

內政部 - 移民署香港澳門專業人士申請在臺灣地區居留 - 資格審核表https://www.immigration.gov.tw/media/50205/%E9%A6%99%E6%B8%AF%E6%BE%B3%E9%96%80%E5%B0%88%E6%A5%AD%E4%BA%BA%E5%A3%AB%E7%94%B3%E8%AB%8B%E5%9C%A8%E8%87%BA%E7%81%A3%E5%9C%B0%E5%8D%80%E5%B1%85%E7%95%99%E8%B3%87%E6%A0%BC%E5%AF%A9%E6%A0%B8%E8%A1%A8.pdf 

香港澳門專業人士申請在臺灣地區居留資格審核表 - 最後一項

依公司法設立 之公司、經認 許之外國公司 或經備案之外 國公司代表人 辦事處聘僱之 主管或專門性 及技術性人 員。
專門性及技術性人員係指擔任下 列條件工作之一者：
(一)依專門職業及技術人員考試 法規定取得證書或執業資格 者。
(二)取得國內外大學相關系所之 碩士以上學位者，或取得相關 系所學士學位而有二年以上 相關工作經驗者。
(三)服務跨國企業滿一年以上經指派來我國任職者。 
(四)經專業訓練， 或自力學習， 有五年以上相關經驗，而有創 見及特殊表現者。  

單看上面的那個 PDF, 也覺得太過簡化, 原因是該文件是在移民署內的文件。要查是否合乎這個資格, 二當家找了很多網頁也找不多, 移民公司很多也不知道有這個條例, 最後, 終於俾我係勞動部「專門性或技術性工作(審查作業手冊)」中找到相關條文, 以下為審議原則。

審核原則
1.第 1 款指取得中華民國考選部各項考試資格者。
2.第 2 款各國學制之認定，依各國教育行政組織與學制或教育部外國大學校院參考名冊。
3.所稱 2 年以上工作經驗需為其畢業後之相關工作經驗始予採計，渠在學期間之實習或工讀不予計入（勞動部 93 年 4 月19 日勞職規字第0930201811 號令釋）。
4.第 3 款有關跨國企業之定義，跨國企業指在 2 個以上國家建立子公司或分公司，由母公司或本公司進行有效之控制及統籌決策，以從事跨越國界生產經營行為，其母公司或本公司在國外，且在臺灣地區設11序號 資格條件 相關法規 審核原則有子公司或分公司，並符合下列各款要件之一之經濟實體（勞動部 101 年 4 月 9 日勞職管字 1010504602號函釋）：(1)申請前一年於全世界資產達二十億美元以上。(2)經經濟部工業局核發企業營運總部營運範圍證明函。(3)國內員工數目達一百人以上，且其中五十人以上具專科以上學校學歷。(4)國內年營業收入淨額達新臺幣十億元以上。(5)區域年營業收入淨額達新臺幣十五億元以上。
5.第 4 款審認原則如下(1) 外 國 人 經 專 業 訓練，或自力學習，而有創見及特殊表現者，指領有與工作12序號 資格條件 相關法規 審核原則相關之專業證書、專業受訓證明、著作、論文、專利及發明或國際技能競賽得獎資料等。故雇主申請時應檢附外國人前開文件證明之一，以及符合相關專長之 5 年工作經驗證明(該工作經驗應與其申請之工作相關)。(2)外國人過去相關工作經驗達 10 年以上，且受聘僱薪資達新臺幣 8 萬元以上者，若未能檢附訓練、特殊表現等證明文件時，得以原(現)任職企業出具之工作表現推薦文件替代，另該推薦文件應載明之事項包含外國人之職稱、工作內容、工作期間及特殊貢獻表現。 a.經審符合規定核予工作許可者，將13序號 資格條件 相關法規 審核原則於其提出展延聘僱案件時，核對實際給付薪資與原約定薪資有無不一致之處，雇主未能具體合理說明者，必要時將請中央目的事業主管機關提供審查意見。 b.於 104 年 11 月前以推薦函及 5 年以上相關工作經驗符合本款資格者，後續再提出申請時，不受 10 年以上相關工作經驗及聘僱薪資 8萬元以上之限制。(3)以上資料經認定仍有疑義者，將請縣市政府前往訪查。

簡單而言, 公司要夠大!!!

就咁睇, 如果二當家做緊間公司有可能合乎以上資格 (反正我不知道)。 如果二當家申請到 HF160, 再坐一年移民監之後就可以用「專業移民」既方法去申請定居, 相比之下, 投資移民要俾600萬台幣經營三年化算得多。再者, 如果轉唔到 HF160, 轉去「就業金卡」至少都可以有個在台居留權, 雖然無定居既權利, 至少也沒有被迫回港既急切性。

暫時二當家交左俾 HR 去跟有關政府部門去申請, 未咁快會有結果。

如文章一開頭所說, 有好多人都係喜歡拋出問題, 例如有問朋友問我, 話自己有好多 networking 既 cert, 合唔合乎資格申請, 我鬼知咩, 我收你一兩萬就話幫你查下姐, 你求奇拋個問題出題, 你期待二當家可以俾到一個咩答案俾你?

後記:

在考慮移民既過程中, 二當家都同不同既朋友, 移民公司, 或 FB Group 到參考資料。以下係小小心得.

台灣政府做野絕對無香港咁有效率, 最好上網理解左程序先, 如果你跑去政府機構到問, 好多政府既「義工」會玩到你傻, 「義工」係一班好熱心, 好多時間既人士 (多為退休人士), 係政府機構或醫院幫助民眾解決一般既問題, 出發點係好既。但當你既問題超越左佢既能力, 好有可能會帶你去兜個大圈。

單單看以上文章, 已經知道台灣各部門並沒有合作得非常之好, 除了「就業金卡」係比較方便外 (統一網上申請及交文件), 所有跨部門既申請絕對可能玩到你傻, 你推我讓, 就連公司的 HR (台灣人)也說政府內部有點亂,希望未來可以改善。

有錢無時間, 俾錢人搞係好方法, 但移民公司並非萬能。例如二當家既 CASE, 在網絡上面應該沒有人談論過, 所以唔好諗住俾左錢就可以解決晒所有問題, 在台灣, 人際關係緊要過錢。

敗走台灣 - 預繳稅與現金流

在疫情影響下, 很多企業的 Cash Flow 也有問題。二當家其實過去台灣後也遇到 Cash Flow 的問題, 分享一下。

在台灣, 作為外僑打工, 政府係會先會先收稅 18% (非居住者 <183天), 183天後(居住者) 作一般處理, 可以選擇「預扣薪水所處於既稅階」或「最底稅階5%」。 而呢183天係每個課稅年度重新計算, 即 2020 年 1 月1 日起再開始計算 183天。

係香港, 習慣左先出糧後交稅, 加上香港稅率低, 加埋4大長老既免稅額都交得唔多, 二當家習慣左每個月都係正現金流。但來到台灣就唔同晒, 首先係大當家無野做, 二當家既家庭洗費多左, 正如之前所說, 來台灣後既家庭開支係少左, 但係家庭收入亦大大地減少 (2人工作變1人工作)。二當家係香港果陣既儲蓄率大慨係 30 ~ 40%。來台灣後估計儲蓄率得番15%左右, 但呢15% 係指稅前收入, 來台灣前無諗過係要先預扣稅, 所以在預扣稅後既收入, 加上開支增加下, 每年有幾個月竟然要負現金流。

上面表格為我既收入狀況, 假設我既每月收入係 100, 在2019 年課稅年度二當家平均已經預扣左15%稅款, 而2020年直到現在 (5月)每月預扣18%, 到2020底平均預扣 11.5%。在台灣, 報稅一般在5~6月, 經過計算後, 二當家係2019年度要交既稅係 5% (因為2019年一月至四月為香港收入, 另外申請全取四大長老的供養金免稅額), 即亦可以收番 10% 預扣稅, 但估計在6~7月才可取回。如上圖所示, 假設收入開支不變, 每年的首6個月二當家要預計負現金流每月3%的流出, 尾6個月才可以有每月10%的正現金流。

而2020年的預估稅率是20%, 2020年年底的平均預扣率是11.5%, 亦即二當家要在2021年的年中前準備 12mths X 100 X (20%-11.5%) = 102 去繳稅。

驟眼咁睇, 好似賺埋都唔夠交稅, 因為2020年度正現金流只有122, 但其中要預留102去交稅。但實際上二當家是簡化了很多收入及開支, 比如雙糧, BONUS (如果有), 一些非經常既開支, 如番香港既機票錢, 做手術既錢, 而日常支出也可控制, 包括之前講同房東傾減租, 食平食貴也可控制。

預視自己既現金流可審視到自己沒有資金短缺既問題。二當家既習慣係存有6個月以上既總開支作為儲備, 有D 朋友保守D既可能去到 8 ~ 12個月儲備。 但無論個底有幾厚都好, 宜家疫情下最大既問題係失業後搵再搵番份工係非常之難, 亦即分分鐘失業時間可長至>12個月。同樣, 有部份企業都未能有確實重啟的時間表, 削減開支為首要任務, 增加存活時間, 負現金流不可怕, 但見不到曙光才可怕。

敗走台灣: 咁就一年...

時間真係過得好快...........咁又一年。

由有relocation呢個念頭, 到有呢個機會, 成功爭取, 整個 move 二當家都有寫下自己既諗法給自己回顧。感謝自己作出呢個決定, 好運地避開了香港社運及肺炎的影響。

除了自己, 感謝大當家的犧牲, 不論係事業上或其他。二當家番工都話仲可以見下人, 有自己既同事。大家當日日係屋企對住 4 幅牆, 我知唔易過。呢一年我地都無交到朋友, 真係番工放工都見住對方, 去邊都一齊, 第一年 settle down 後, 第二年就要繼續搵目標俾自己。二當家個小 project 已開始進行, 大當家亦係另外既方向到她的挑戰。

原本想每季回港一次, 結果, 一年內只回港一次, 而且好好彩咁仲可以投埋票。疫情下, 到到都 lock down, 唔 lock down 都要隔離14天, 一來一回 28日, 好希望疫情快D 過去, 6月份可以回港見見家人。

來到台灣, 好的地方有太多, 不好的地方也有。疫情下台灣打了漂亮的一仗, 希望未來有更好的未來。至於香港的未來, 由港澳辦換班子, 到香港政府換班子, 大家都應該明發生既咩事。中央已有定案, 亦已經強大到唔需要香港, 最多留你一個港交所吸受外資, 其他的一切都不重要。我暫時睇唔到香港既前景, 亦因為咁, 開始考慮申請投資移民到台灣。

敗走台灣 - 續租 + 近況 (六)

生活: 現居的地方已經差不多住了一年, 景氣唔好, 準備要 COST DOWN。 跟大當家在591 上看了不同的租盤。 在台北, 租盤真的不算多, 能符合我們的要求就更少。不要以為台灣的房子一定很大, 其實近年台北新建的房子也越來越少, 建坪 10~20坪為主 (約360尺~720尺建築面積, 實用面積約為70%) 。我們原本的目標為 35000台幣以下 (9000千港紙), 20坪以上, 另外要包電器, 要電梯大樓及希望係新裝。係左揀右揀之下, 選擇真係唔多, 同埋租盤都好搶手, 一放盤幾日就已經無左。

上網搵一搵台北租金資料, 大慨1300~1500台幣一坪(建評) (約400蚊, 36尺, 尺價HK$11). 當然, 呢個價無得同香港比, 但以我同大當家既想法, 我地 benchmark 既對像係本地人, 慳得一蚊得一蚊。

係一輪觀察及計數後, 想多一事不如少一事, 原因有三, 一. 搬屋都有成本考慮, 二. 有可能要再添置傢俱電器, 三. 如果搬屋要再簽過張死約, 萬一真係被辭, 隨時要著草番香港。考慮完以上幾點, 就膽粗粗咁向房東傾價錢。

##2020/05/04, 原來台灣既租約係要每年 review, 黎緊二當家都要再簽番一年, 唔怪得咁多房東唔肯等。

房東本身都係生意佬, 我地吉起條尾就想知我地做咩啦, 一開口就問我地如果下年唔加租, OK 唔OK。而另一邊廂我地梗係想減多少, 但 so far 房東都對我地非常唔錯, 大部份電器都係新置, 上年壞左冷氣都即刻同我地換晒, 我都無謂大刀闊斧, 係咁易傾左個價減 7%。房東都好快應承, 呢段時間大家心知未來經濟會差, 只係唔知會去到幾差, 同心抗疫不單單係載個口罩, 同理心呢個時間都非常重要。 最後我個 DEAL 係低過一千台幣一坪, 包管理費同第四台😘。


在台北市租屋，到底有多少困難？一張表看：整層住家、套房、雅房平均租金坪數
你租得起哪裡？「大台北房租地圖」看完準備搬家



工作: 因為疫情改善左, 只係 WFH 左一段好短既時間, 宜家又 resume normal。如果你問我, 我覺得 0 確疹 14 日至叫做第一階段勝利。但台灣呢邊0 確疹左2~3日已經有人覺得要開檳 , 點知昨天突然在敦睦艦隊上有21單確疹, 再一次提醒台灣人疫情係仲未完結, 不能有絲毫鬆懈。

至於 Job Security, 壓力一定會有, 就算唔係炒我, 但要我炒人都唔想。宜家望中國既經濟可以快D回復, 歐美應該仲有排。我地公司都係靠中國食飯, 如果中國唔掂, 未來我公司應該會非常地咁慘。

人生大事: 之前講左做第二次 IVF, 其實做一次 IVF 好快, 係女性一個 period 內就完成。而結果...係無野發生既😞。今次比起上一次易左接受, 一黎已經有第一次既經驗, 二黎就算得左, 頭4個月我深信每日都會擔驚受怕。自己一早已經做好左期望管理, 既然已經有答案, 人生終要 move on, 向下個目標進發。

而另外一個人生大事係考慮移民, 我同大當家都黎左台灣近一年, 開始熟悉呢邊生活, 所以近來二當家又再次同大當家傾呢個問題。我記得自己前文講過, 係呢邊做5年野可以拎到「永久居留」, 原來呢個只係俾「外國人」申請, 並不包括香港人。亦即不論我係呢到做幾耐野, 都唔會有係台灣定居既權利。而點解自己之前唔考慮移民宜家又再考慮, 其一我過黎果陣香港未有社會事件, 二黎自己對台灣亦都唔熟悉, 再加上三月份台灣又再修例, 移民又難左。 二當家移民並唔係希望搵到個避難所, 而係真係覺得呢個地方係適合自己, 才考慮移民。今次疫情後, 我身邊都好多移左民既朋友都話要回流香港, 不輪英美澳。當中最大既原因係接受唔到外國唔載口罩果套, 當我同大當家傾果陣, 我話俾佢聽「完美既地方根本唔存在, 我地只係尋找一個在接受範圍內可生活既地方」。

挑戰/創業: 因為以上既人生大事, 加強左要創業既意願。好多香港人黎移民, 都係搞下搖搖杯, 當俾少少錢去買個 passport, 但係此實乃非我所願。既然無後顧之休, 不如諗大D, 宜家心內有兩單野。

一單係之前一直講緊既, 以 project 型式做一個 product, development stage 3~4 個月, 諗住搵一班畢業生一齊搞個小項目, 但不符合移民條件。大當家已經 approve 左去馬。
另一單係用黎搞移民, 想幫一D台灣本土企業出口佢地D貨去外國, 但係我乜都唔識, 要由零開始。

有經驗既大神們, 如果有意見既可以指條唔黎行下。


投資: 繼續佛系, 個市 V 型反彈, 見到幾隻大股都升破高位, 有機會就繼續換馬。

敗走台灣 - 我可否買香港樓, 買台灣樓?

此文為個人分享, 內容皆為個人經歷及所知, 如要最真顧既資料, 請自行向相關部門查詢!

買香港樓

在港府新樓按政策出台後, 二當家就搵「星星」問下如果海內收入做樓按既問題, 唔買都要知下!

首先, 星星問既第一個問題係出糧既係新台幣定港紙, 因為出台幣就要提供台灣政府既稅單, 出港紙既就要提供香港既稅單做參考。 如果無稅單, 基本上係做唔到按保。二家當係由 2019 年5月過去台灣做野, 係香港已經「完」左稅, 所以要係香港買樓, 要提供O係台灣既稅單做收入証明。

而台灣既課稅年度係由 1/1 ~ 12/31, 而我係課稅年度中間過台灣, 所以暫時未有稅單, 如果係無稅單既情況下O係香港買樓, 只可以做到6成按揭 (無按保)。假設下年, 二當家已經有稅單,  並且能夠提供在香港有「緊密連繫」, 理論上係做到8成, 但要諗定解釋點解要買樓, 而且屋企人要無物業係身, 相信審核過程會非常嚴謹。至於能否做到9成, 根據按保公司既資料, 要做到9成首先要係香港無持有任何物業, 另外所有申請人須為固定受薪人士, 就咁睇二當家好似都可以申請到 9 成。 不過星星話可以試, 但多數都係8成, 二當家未試過, 最好請專業人士解答一下。

//#按揭保險計劃下，如申請人於海外工作及其收入佔申請個案中所有申請人總收入 50%以上，除非該申請人(下稱『海外收入申請人』)能夠証明與香港有緊密連繫，否則其申請將不被接納。有關與香港有緊密連繫之定義為：
1. 『海外收入申請人』提交獲香港按證保險有限公司接受之有效證明
文件，顯示其受聘於本地僱主； 或
2. 『海外收入申請人』書面聲明有直系親屬(只限於父母、配偶及子女)
現於本港定居。//

//九成按揭
*只適用於（i）所有抵押人於申請時並未持有任 何香港住宅物業 及 （ii）所有申請人須為固定 受薪人士// 

星之谷 - 非本地收入或大陸人按揭指南（成數、壓測、入息證明文件）
80%按揭成數的住宅物業按揭貸款（物業價格1,000 萬港元或以下） ( 2019-10更新)

買台灣樓

有日經過林口, 見到有個檔口專做非本地人士買樓既咨詢, 八掛既我又多口去問下, 不過老實講, 回答既人一D 都唔專業!!!

首先, 如果黎台灣買樓加做按揭, 一般係要求有「長期居留証」, 現在二當家持有既係三年期既工作居留証, 而要申請長期居留, 以暫時既條例黎睇係需要在台5年才可以申請。

除左居留証, 其他既要求為在台工作一年以上 (在職中或有薪轉), 有本國人擔保 (夫婦為佳), 一般情況下可以借到 5 ~ 6 成。

如果要借更多, 就要提供更多既資料, 例如有使用信用卡及有定時繳納, 中文聽說能力可以, 如果合以上資格, 有機會做到 7~8成既按揭。

如果唔做按揭, 其實就簡單好多, 只需要香港身份證, 護照同居留証。要注意的是買樓並不可以當作投資移民。上網有睇過大貓銀行, 如果係PREMIER 客戶, 在台灣是可以不用長期居留證就可以申請按揭, 詳情我無問過, 除非大當家真係想買啦 😝。

HSBC TW 按揭 FAQ

所以在海外工作, 有機會兩邊不是人。

敗走台灣 - 台灣大不同 (下)

繼續談談台灣的大不同。


紅綠燈 - 二當家初到台灣時, 最不習慣是這裡的紅綠燈。香港人是出了名的急性子 (心急), 在香港等 20多秒的紅綠燈, 如無車經過時很多人也會橫過馬路, 但在台灣, 有很多紅綠燈是要等 40 秒以上。我見過要等最耐既係 90 多秒, 而且很少會在紅燈時橫過馬路。舉個例子, 公司附近有一條五米長的班馬線, 下班時候等 90多秒, 如果沒車經過, 我想在大部份香港人應該也會無視紅燈直接過馬路, 但在台灣大部份人是會等到燈號轉了才過馬路, 這點我真的佩服他們的耐心。

在台灣, 守規矩也不是必然, 在高雄台南等地方, 聽過很多很恐怖的交通意外也是因為駕駛者不守規矩而引致的。

香港是出了名步伐快的地方。來到台灣後, 在很多方面也要作一個心態調整, 放慢自己的步伐, 要一直提醒自己勿以為快是必然的, 應該學習一下如何慢活。


吃到飽 / 自助餐 - 我想應該有不少人知道在台灣, 自助餐的意思是「自助」拿菜, 再按「重量」去計算價錢, 而不是香港人的 BUFFET - 限時任食的意思。在台灣, 想「限時任食」要留意他們會叫作「吃到飽」, 這個才是香港人最喜歡的 buffet。「吃到飽」這個字, 不單單可以用作食物上, 例如手機無限上網, 他們也會稱為「吃到飽」。所以如果來台灣, 記得這兩個 terms 的分別。


銀行 - 台灣有很多不同的銀行, 隨便也能說出10多間。但最出奇的地方, 是台灣的銀行時間很短。一般銀行的營業時間是星期一至五 09:00 ~ 15:30, 星期六更不用營業, 雖然在不同地區及分店可能會有點不同, 但大部份也是三點半, 亦即食完個 TEA 就工?

非也, 聽我的台灣朋友說, 銀行關門後要結帳 (正常程序), 一般要到 6~7 點至會收工, 但香港不是一樣嗎?  為何香港可以 17:00 點至關門? 我想其中一個原因是香港人的效率是非常之咁高所以開到咁夜, 另一個原因是香港人收工既時間比起台灣人更晚。另外, 在香港 24小時買賣外匯是常識吧!? 但有一次我在台灣的 HSBC 在網上買賣外匯, 才發現網上外匯也是只可在 09:00 ~ 15:30 內做交易, 所以要匯錢, 真的要先準備好, 不然很容易就會錯過。 😰


醫療系統 - 台灣每個人都有張健保卡, 健保卡簡單而言就係政府包你睇醫生。所以一般民眾睇醫生其實都真係非常之咁平, 但太過便宜又會引發另一個問題, 就係濫睇。台灣睇專科醫生跟香港有點不一樣, 香港一般要經普通科醫生轉介, 而台灣是你覺得自己有咩問題就係睇果科,  所以會有睇錯科既問題。二當家有幸同兩個醫生朋友談個台灣的醫療系統, 他們一般認為有轉介制度是好的, 就像醫院分流一樣, 減少睇錯科及濫用的情況。而二當家就覺得轉介有好多時候都係可有可無, 因為有相當數量既醫生係 HEA 做, 例如「望聞問切」, 主力就係係問診, 即係問你「有咩唔舒服呀? 有冇頭暈 / 頭痛 / 鼻水, 等等等等等? 」最後如果要轉介專科要主動提出, 因為一般醫生未必會主動給你建議, 尤其係你用緊公司醫療卡去睇醫生果陣。


不時不食 - 在香港時, 買甚麼食物也很容易。 有錢, 你可以買美國的牛油果, 日本的士多啤利, 馬拉的貓山王, 等等等等。 在台灣, 由於本土有農業, 進口的食物市場其實不大 (尤其是新鮮的食品) 。有次與大當家在街市逛, 想買幾個蕃茄做個蕃茄炒蛋, 在香港街市應該在每一間菜檔也可以買到, 但在台灣可不是這麼容易。我與大當家在街市走了兩趟, 竟然一顆蕃茄也看不見。心裡一直在想, 為什麼一顆蕃茄也找不到, 回到辦公室後問問同事, 才知道南部早前大雨, 把蕃茄都浸死了。

不時不食, 在水果方面尤其容易發現, 例如早前在八月時, 隨便也找到香甜美味的芒果, 但10月份就已經很難找到。在近期我也在水果店買了一個西瓜, 但味道真的差很遠。不時不食, 雖然有點不方便, 但有時候也是一種樂趣。

台灣 - 四季水果
https://ezgo.coa.gov.tw/Fruit/TW/Season_Fruits_All

簡易季結 & 敗走台灣 - 生活洗費

原本有想過做季結, 但成個倉近乎全部見紅, 實在沒什麼好回顧 (可以參考上月結), 不如鴕鳥一下, 眼不見為乾淨。全倉槓桿緊 1.8 (資金來源可以睇番<前人種樹>系列), 無係IB到做槓桿, 新資金同提早索取既 MPF 於7月到步, 目的係希望增加現金流, 由於資金無斬倉風險, 加上有大當家後備資金 BACK UP, 暫時應該非常安全。

如果我的目標回報率為6%
槓桿後(7~12月) (6%-2.375%)/2 = 1.81%
全年希望達到 7.8%

到9月份為止, 收到的股息/利息為本金 3.24% , 原因有二. 第一個原因係因為部份資金(例如MPF) 7月才收到, 以上簡化既計算並沒有調整 Time Weight 的部份 (懶)。

另一個原因是港股既中期息通常較少, 而末期息又要等到下年至收到, 所以到最後應該都係收唔足7.8%。另外香港環境問題, 下年末期息大有可能減派, 甚至取消派息等, 要做好心理準備。

敗走台灣 - 台灣大不同 (上)

市淡加心淡, 無野好寫, 寫下台灣大不同。

• 餐廳 - 係香港, 茶記雖然好多已經係半自助式, 例如餐具, 餐巾, 醬料等都已經放係到等你自用, 但坐底果陣總會有個待應拎杯水或茶係你「木台」面 (近幾年多左餐廳以環保之名連水都唔俾, 要就自己斟)。
  而係台灣既「小店」就更加自助, 入到餐廳到, 自動波係櫃面拎個餐牌睇, 再寫要落單既數量, 通常店既一個小角落會有晒餐具, 餐巾, 小菜, 器皿, 醬料等等 , 全部自便。付錢既先後則間間不同, 有些係先付後食, 有些係先食後付。
  
• 天氣 - 台灣真的好....很熱 ...但暫時沒想像中的潮濕 (六月份已經36度)。要比的話, 台灣比起香港還熱, 我覺得原因有兩個, 呢到地大建築物矮太陽又猛, 晒既時間及被晒到既表面面積較高, 所以整體溫度也較熱 (有點像機場會較熱的道理一樣)。
  另外一個原因是這邊的空調沒香港的多及強, 係香港好多時候都用不同既商場, 橋等連接不同的地方, 如中環 IFC 一帶, 將軍澳的商場連商場等, 未解凍就已經要入另一個商場。而台灣這類型的連接較少, 亦即走到戶外既機會較多, 所以熱既感覺會更加強烈。

• 垃圾分類 - 在香港的時候, 二當家做的垃圾分類最多只會分膠樽, 鋁罐, 紙 (多為打印用A4紙), 記得紙類回收價格下降後, 對紙類回收品的要求就更高, 紙皮要無膠紙, A4紙要無釘等等, 部份地區更有廢紙無人收既問題。而在台灣既垃圾分類做得更徹底, 例如玻璃瓶, 廚餘, 某些地方更會把塑膠類細分, 如保特瓶(即膠樽)及其他膠類。每當晚上特定時刻, 街上就會傳來音樂, 然後會見到一班人係到等環保局既垃圾車/回收車黎, 將自己垃圾分類, 呢個情景真係O係台灣至會見到。
  
• 國民交通工具 - 機車/摩托/電單車 - 在台灣, 騎電單車的人真的超級多, 而且電單車不單單會出現在馬路, 還會出現在行人路, 甚至逆線行走。騎電單車的人車上會乘載著不同的東西, 少至台式飲料, 大至貨品, 小孩, 寵物, 爬梯等等等等, 在街上也不難看到。二當家覺得台灣人對電單車是到了「入血」的程度, 從小已經在爸爸的電單車上風馳電掣, 到了70/80歲還在騎電單車的還大有人在。但太多的電單車也帶來不同的社會問題, 例如亂迫及莫視交通規則的問題, 試過數次在巴士落車果陣, 突然有電單車飛過 (就在行人路及巴士中間的空間), 如果落車時無睇清楚真係隨時被撞飛。
  
• 性格 - 如果香港人的特性是冷漠 (近年已經由冷漠轉為「兇」), 台灣的特性是什麼呢? 二當家會認為是「好客有禮」 (特別是台南)。當然, 並不是全部台灣人都是一樣的「好客有禮」, 但普遍上在台灣受到的待遇絕對會比起香港好。初來台灣的時侯, 不管是房東, 管理員, 餐廳待應還是上門幫你維修的技師, 感覺上也會是客客氣氣, 例如家中附近的一間小 cafe, 知道我跟太太是兩個人過台灣工作時, 老闆會說如果遇到任何問題, 也可以請他們幫忙。
  又例如如今在台灣, 當對方知道你是香港人, 他們有時會請你喝酒說聲「香港加油」, 你可以覺得肉麻骨痺, 甚至乎覺得莫名其妙, 但至少對方是一個好意,總被「西你面」好吧? 但此乃個人感覺, 有人頂唔順, 有人又好, 二當家還是頗受這套, 。
  
• 錢 - 講錢, 香港人對錢的敏感度應該是全世界第一吧。記得在早個幾月前, 要跟在台灣的同事做 salary review, 問下佢地對加薪有咩感覺。大部人既話無乜感覺 (至少口裡是這樣說), 甚至唔知自己今年加左幾多%人工, 對他們來說, 可能有得加已經好好。另外, 我有跟同事講過人生的意義果幅圖 (見人生的價值 ), HR 同我講話係台灣, 好少人將「人生的價值」及「錢」連在一起, 同樣的說話, 我都有係其他老外身上聽過, 究竟係佢地真係無需要錢? 定係「錢」對佢地黎講真係唔係咁重要呢?

• 巴士 - 講巴士, 香港真係好好好好多。第一, 香港巴士新好多, 第二, 台灣既巴士司機手車好CHOP, 下下都地板油加重 BRAKE, 第三, 上落車個 SYSTEM 真係好唔EFFICIENT, 尤其係7月1日後, 所有巴士上落都要 「DO」悠遊咭, 上又果個位, 落又係果個位, 巴士個空間又細, 成日會有人無位企企左係個感應器前面, 而且悠遊咭個感應真係無八達通咁好,
  

敗走台灣 - 我的第一份糧

(網上圖片)

等了又等, 終於出糧。

5月份開始已經過左黎台灣, 但由於要等體檢, 居留証等文件才可以在台灣開戶, 所以搞下搞下等左個幾月。在6月中戶口才開通, 6月底 (即今日) 終於收到第一份糧 @ TWD 😆。

一拎份糧單就發覺少左錢, 即刻望一望張單, e, 點解扣左 Income Tax 既。我明明記得台灣D同事講係5月份至要交/俾稅, 所以無理由扣左咁多架WO, 即刻打俾 HR 問究竟。

HR 既解釋係, 由於我係外國人, 在台工作 183 天之內都未被認定為「居住者」, 所以薪水都會先被扣掉 18% (withhold tax)。

而183天之後既工資, 可以根據「居住者」既規定來扣, 即

1. 按全月給付總額, 依薪資所得扣繳辦法查表扣繳；(即係根據你所屬既稅階)
2. 或按全月給付總額扣取5﹪ (即係點都扣你5%, 咁似 MPF 既)

而183天既計算, 係以每個課稅年度去計算 (每年1月1日~12月31日), 即係我即使2019年內達成183天既要求, 2020年的首183天還是要先扣 18% 😭。

問完出糧, 順便問埋父母既扣稅額啦, 因為我下年5月份至要開始報稅, 到時才有機會見到 tax advisor。 我問 HR 駛唔駛每月匯款去香港做証明, HR 既回答係基本上只要係該課稅年度 (每年1月1日~12月31日) 將一個份額打去香港既戶口(高於父母免除稅), 証實你有供養父母就OK (如果有父及母, 最好將筆錢分開打進不同戶口)。

好彩我問一問, 因為如果今年內 (12月底前) 無做到呢個動作就白白浪費了父母免稅額。詳細既步驟大慨係不管是台灣的戶口或是香港的戶口, 只要証明到我有打錢去父母香港既戶口就可以。而要求既金額係要高於免稅額, 70歲以上為 TWD132,000 / HKD~33000, 70歲以下 TWD88,000 / HK$~22000, 而且要證明父母還在生 (例如: 睇醫生既單, 機票等)。用同一份收入去計, 香港不論稅金, 免稅額都比台灣優惠, 不愧為稅務天堂。如果有興趣來台工作, 記得自己先計一計條數。


https://www.etax.nat.gov.tw/etwmain/front/ETW118W/CON/444/8445482004577549874?tagCode=

民國108年1月1日起外籍人士所得報帳注意事項
說明：

• 依據勞動部107年9月5日勞動條2字第1070131233號函、所得稅法第7條及各類所得扣繳率標準第3條第1項第2款規定辦理。
• 配合勞動部公告每月基本工資自108年1月1日起調升為23,100元，爰此，自該生效日起在中華民國境內居留合計未滿183天之外籍人士，各單位申報所得時，全月薪資給付總額超過34,650元（基本工資之1.5倍）者，應扣繳18％稅額；未超過34,650元者，則應扣繳6％稅額。
• 外籍人士得否以居住者身份扣繳所得稅，係以「一課稅年度」在中華民國境內居滿183天為判斷標準，即107年度與108年度須分別計算，請勿以107年度已滿183天，108年度即逕予填寫已滿183天。
• 各單位於申報108年度外籍人士所得時，請重新確認該外籍人士108年度(指108年1月1日至108年12月31日）在中華民國境內居留是否會滿183天，並依其身份適用之扣繳率標準扣繳稅額。（為確保境內居留滿183天，請依其護照出入境紀錄計算之）

MONEY101_輕鬆解析2019年所得稅級距與試算方式(持續更新中

108 年度（2019）所得稅應納稅額級距與累進差額試算
公式：應納稅額 = 綜合所得淨額 X 稅率 – 累進差額
綜合所得淨額	稅率	累進差額
TWD0 – TWD540,000	5%	TWD0
TWD540,001 – TWD1,210,000	12%	TWD37,800
TWD1,210,001 – TWD2,420,000	20%	TWD134,600
TWD2,420,001 – TWD4,530,000	30%	TWD376,600
TWD4,530,001 以上	40%	TWD829,600

單身族群：

免稅額：一般扣除額 88,000+ 標準扣除額：單身 120,000＋薪資所得特別扣除額 200,000= 408,000。平均月薪不到 35,000元應該是扣不到稅。

雙薪無小孩族群：

免稅額：一般扣除額 176,000 (88,000＊2)
+ 標準扣除額：有配偶者 240,000＋薪資所得特別扣除額 400,000(200,000*2) = 816,000。

雙薪扶養一位小孩或長輩族群：

免稅額：一般扣除額 264,000 (88,000＊3)
+ 標準扣除額：有配偶者 240,000＋ 薪資所得特別扣除額 400,000(200,000*2) = 904,000。

雙薪扶養一位 未滿 5 歲學前幼兒

免稅額：一般扣除額 264,000 (88,000＊3)
+ 標準扣除額 ：有配偶者 240,000＋ 薪資所得特別扣除額 400,000(200,000* 2)+ 幼兒學前特別扣除額 120,000= 1,024,000。

敗走台灣 - 台北搵樓記 (下)

前言: 二當家襯住復活節既假期同大當家去左台北搵樓住, 係短短三日既時間入面睇左 1X 間樓, 以上係我地睇過既地點

___________________________________________________________________

6. 小巨蛋附近 (大安區)

17坪1房 (樓中樓) 約600尺, 43000+2500NTD 管理費

講地點, 呢區其實我唔係好熟,   因為呢到唔算係重點商圈  (如忠孝復興 / 101附近 / 西門町), 以前黎台灣果陣都係只會經過而唔會停留。 呢間屋其實都係在大馬路旁, 附近都係小店及銀行,  如果係行去捷運站大慨要10分鐘, 不過坐公車應該會非常方便。

屋內都係分開上下兩層, 好彩樓底夠高, 上下兩層都可以企得直果人。間屋有兩邊窗, 但其中一邊被另一座大廈擋住, 而開揚果邊就有三間房 - 包括浴室, 廚房同書房(/客房), 大部份廳既光線都係由呢3間房到透入黎。

呢個浴室又係O係香港未見過既, 睇<安樂鍋>, 都知好多人都會係浴室到整個「日式風呂」既風格, 即係得2尺空間既溫泉😹。而呢個下陷式的風呂我見到既時候真係呆左, 因為高身落地玻璃加一個可以容納2~3人既浴池真係勁多香港人夢寐以求既野。雖然我覺得衛生上有D怪怪地既感覺 (因為馬桶就係一米外), 而且浸浴呢家野, 一個月都唔知用唔用到一次, 但此設計確實令人好 impressive。

廳, 電視機左手邊是浴室及廚房, 右手邊是書房/客房

相外既右手邊有條樓梯往上層

下陷式風呂+落地玻璃, 但就算唔浸淋浴都要行落去

廚房+小洋台

書房/客房, 兩邊落地玻璃

 上層睡房+衣帽間/雜物房

上床景觀, 左: 同客廳同一個景, 比另一座大廈擋住左

右: 與書房同景

上層夾硬整左個套廁, 但係比條「陣」擋住左

7 大直區

43坪3房2套, 尺, NTD45000+1000 管理費

呢間其實我出發之前已經睇中左, 雖然知道 OUT BUDGET, 但勁想去現場睇。間屋位於大直區, 露台對住河景。去到至知原來係國宅黎, 成1500尺, 3房, 所以開價一D都唔平, 個則四四方方, 非常好用, 最正都係河景, 河旁邊就係公園, 如果放工想去做下運動, 慢活一下其實非常之不錯。

至於生活機能, 其實主要還是聚集左美麗華百樂園 (劍南路站旁), 行路過去約10分鐘。所有野都十分好, 但係個屋苑就比較幽靜, 因為呢個國宅既設計有D 似一個無商場既第一城 (大型屋苑), 附近只有住宅, 靜到有D 似老人村....對我地兩個由香港過黎既人黎講, 真係有D難以接受。況且到時候我要番工, 剩係留低大當家看屋, 雖然佢地會出街, 但住大直下下都要過條河去番台北市區, 又真係唔算十分方便。

另外有朋友同我講, 文湖線其實係郊游線, 卡數同車身空間都會較少, 加上係O係架空路軌行走 (類似泰國 BTS), 所以唔會太快, 打風仲會停駛。仲有此線會經過松山機場, 假日都多日拎住行李坐此線, 所以我D朋友唔太建議我地住文湖線沿線。

國宅既環境大約係咁

無敵既景觀, 附近係松山機場, 見到飛機升降

四四方方既大廳

其中2間房都見到呢個景

超大廚房, 仲另外將洋台改埋為室內, 位置更好洗 (涼衫都唔駛收衫)

8 內湖區

15坪2房, 尺, NTD35000+2X00 管理費


友人同我講內湖係高級住宅區, 去之前我做過小小 RESEARCH, 的確由於內湖有科技園區, 所以越黎越多高收入人士會住果邊, 但係講緊既應該係指內湖4區/5區等, 果邊會較多新樓及大單位 (20坪以上)。

今次睇既係內湖捷運站旁既一棟全新樓, 而且仲賣緊, 只係有小部份單位入左伙。老實講, 睇相已經無乜興趣, 不過想黎呢區感受下係點。內湖捷運站旁其實仲係好 LOCAL, 唔好期望有大型商店, 百貨公司等。只有小店, 銀行, 街市, 平時應該唔會係呢區逗留。

間屋其實唔算細 (如果用香港既尺度), 但個價錢都唔係平 (因為係全新樓)。最大既問題係佢提供既傢俱唔多同太好用, 儲物空間又唔多, 而我地又超多野。

長條型既廳, 窗既右手邊係廁所黎(怪怪地), 去廁所一家會阻到睇電視既人
廳既另一邊(我影相個位後面)係開放式廚房 (無窗), 煮食野成屋都會有陣味
大門係右下角個格仔櫃旁, 我見到個格隔第一個問題係, D 鞋可以放係邊呢? (唔係放係個格仔櫃呀)

廁所正常

房都正常, 無 COMMENT

書房, 內府小洋台一個

後記

我地去台灣睇樓, 第一個感覺係, 個經紀係廢既, 乜都唔介紹, 只會答你問題。
佢地已經做外商既租賃業務, 至少都要介紹下呢區既野, 但係佢都好多時都好似啞左咁, 香港呢方面真係積極好多。而我地有大慨一半機率會係睇樓果陣見到業主, 業主通常都係好熱情 (因為知道有外商水魚), 會好主動咁介紹自己間屋, 又講下自己既 DESIGN。 就算業主係有錢人, 一切都係客客氣氣, 有問必答, 近乎有求必應。

例如我地睇中果個單位, 業主主動提出換電視, 換洗衣機, 做多2個入牆櫃, 而我地對乜D野有要求, 佢都話可以一次過做埋。我地完全無諗過咁易話為.........

另外, 租樓仲可以講價, 我同經紀講我地 OUT BUDGET, 叫佢傾下, 到最後成交價差左成10%, 當然佢有可能已經 MARK UP 左, 但睇多左幾間後, 我地至少大慨知道 MARKET PRICE 係邊, 邊D 係瘋狂 MARKET UP, 邊D 係合理價 (例如古亭又租38000, 大安又租38000, 一睇就知咩事)。

終於完左搵樓記。