2018年各行業人工Checklist 上班族有無underpaid？
作為打工仔既二當家, 最開心既時刻莫過於年尾雙糧及年頭出花紅呢兩個既日子。雖然唔係話好大份, 但係都叫做一個「小確幸」。
原來二當家畢業後都打左成10年工, 一出黎做野果陣, 同大部份畢業生一樣都係得一皮野一個月, 仲要還 GRANT LOAN / NON MEANS, 家用, 拍拖, 剩底既錢寥寥可數。雖然宜家人都唔係高, 但都叫儲到個錢。 由出黎做野開始, 二當家就用 EXCEL 記錄日常支出, 確保自己每個月既現金流都係正數, 途中經過不斷既改良去符合自己既需要, 例如股票, 外幣, 其他經常性支出等。
睇左自己十年既記錄, I am so proud of myself。一出黎做野果陣, 銀行只係有4位數字, 仲孭住十幾萬學生貸款, 今日終於有筆小財富。由於自己唔係專業領域畢業, 又入唔到銀行等較高人工行業, 非3大仲要英文差, 畢業後只係搵左間廠做個小文員。
係香港, 年均加人工得 3~5%, 差果陣 0% 都試過。出黎做野頭果年加人工最快既方法就係轉工, 正路轉一轉都有 15%, 但年年轉D人又覺得你 JUMPY, 所以打工仔唔可以成世都靠轉工加人工。而且去到一個位, 靠轉工再加人工就唔係咁易, 因為你既專業規限左你既機會, 再高人工既 POST 只會請真正有相關工作經驗既人。而且如果你唔好彩好似二當家咁入左夕陽行業 (廠 / 玩具. 等), 轉出去又覺我你無相關經驗, 做緊間公司年年 2~3% 咁加你, 走又走唔到, 最後唯有同公司長相廝守。
二當家畢業後係夕陽行業做左5年野, 都叫對果行有相當認識, 但見到前景真係麻麻, 就決定去外跳, 雖然都仲係夕陽行業既產業鏈入面, 但係就轉左去產業鏈既上游公司。而一段人轉工果陣通常都要去睇下人地公司既資料, 而二當家就會睇埋人地公司既 MARGIN 係幾多 (上市的話), 因為無 MARGIN 既公司只係會壓你價, 而且唔好期望個 OFFER 會比MARKET好。同埋 TITLE 好重要, TITLE 好重要, TITLE 好重要 (重要既野講三次), 二當家轉工其中一個原因就係想轉行, 所以拎一個咩 TITLE 會對你下一份工好重要。而且對好多公司黎講, TITLE 係無成本既, 所以有好多時如果有 OFFER 果陣你同佢講轉 TITLE, 好多時公司都唔會考慮, 但係如果你要求加人工, 一講到錢好多公司都無得傾, 舉個例子, 做 SCM --> exeutive, officer, analyst, specificatlist, admin 可能係同一個POSTITION黎, 但係對你下一份工既 job nature 可以有好大分別。
到做左7年野之後, 終於有機會轉行 (10年內轉唔到, 機會就少好多), 轉到一個比較搵錢既行業 (MARGIN 有兩位數字 😭), 呢幾年二當家用自己之前學到野去發揮出黎, 總算得到上司賞識。其實上司點至為知好係無一定準則, 所謂既好, 可以有好多方面, 有D 教你做人道理, 有D教你專業知識, 但唔同 TYPE 既上司係唔多TIMING出現會有不同效果。二當家將自己既經驗分享一下:-
- 二當家第一個上司既退休人士, 上晒岸, 所以佢唔介意分享人生經驗俾你聽, 當然有D野係過晒時, 但待人接物既技巧, 點樣去 SELL CONCEPT等我都係O係呢個老闆到學到, 至咁仍然有用。當然, 由於佢上晒岸, 你唔好期望佢會博, 所以佢會對 BUDGET 睇得緊, 人工就梗係..........
- 第二個老闆係個「佛系老闆」, 有番咁上下年紀, 一般人口中既好老闆, 就係對你好聲好氣, 你交到功課就唔會 PUSH 你, 你做錯野佢幫你改埋, 「佛系老闆」通常都好 STABLE, 係公司又有咁上下年資, 但同第一個老闆一樣, 佢係你事業/人工上幫你唔到D咩, 而我都無乜野係佢身上學到。
- 第三個老闆係「工作狂」, 對人既要求極高, 做錯左就狂XYZ 你, 但好就好在佢都公私分明, 唔會係外人面前 XYZ 你, 比如 PRESENT 時, 如果你做錯野而佢REVIEW 果陣發現唔到, 佢會覺得係自己既問題因為佢自己 REVIEW 過, 當然話你兩句總會有, 但係由於佢對自己同其他人既要求既高, 二當家都將自己工作上既要求提高不少。
- 第四個老闆係正值盛年, 工作未必話到好多野教到你, 但係佢自己上緊位, 所以我自己用我之前學到既野發揮出黎, 要佢就對外 HANDLE 好多 POLITICAL 既野, 二當家乜都要自己搞掂。 就好在佢上位時不忘關照下你, 因為上位後佢都要搵到班人幫到佢做野, 要有自已既黨羽。
二當家其實仲SERVE 個幾個老闆, 有好有唔好, 但係簡單咁講, 一般人口入面既好老闆其實在 CAREER 上未必幫到你, 老闆最好同股價一樣, 希望佢有上升既機會, 因為佢唔升, 你個位就只會停留係某個位到, 沒得再上, 當然佢升, 都唔代表個個都會感恩途報。但若果個老闆已經打算HEA 過世, 佢自己分分鐘佢都自身難保, 你仲期望佢幫到你D咩, 就算公司炒佢俾機會你頂佢個位, 都唔好諗住係好 OFFER 啦。
總括黎請, 老闆升, 自己至會仲有上位既空間, 不然只可以靠轉工或其它等方法令自己再上。而雖然好多老闆都係 MANAGER/DIRECTOR GRADE, 但係有D 老闆只係 OPERATIONAL 上既老闆, 唔係 FUNCTIONAL HEAD, 無得CONTROL DEPARTMENT BUDGET, 呢類型既老闆唔好期望佢係人工上 FLIGHT 到好多野俾你, 因為佢自己都係受害人, 除非佢或你真係好得寵。
而另一方, 轉工都係有 COST, 轉工後既 NETWORK, REPUTATION 會係一日內完全無晒, 而且轉工後既環境無人知, 呢D 都係考慮因素。大把人轉工後, 係新公司到頂唔順, 寧願辭工唔做都唔肯再挨落去, 之後果幾個月就沒收入咁INTERVIEW 同等 OFFER, 呢D hidden cost 無得計架, 唯有搵工前做多少少 RESEARCH, 科技咁發達, 連 GOOGLE SEARCH 都懶咁就幫你唔到。
搵份好工要「天時, 地理, 人和」,打工仔要裝備自己, 「天時地理」管唔到, 但係「人和」係有得鋪路。人脈好重要, 珍惜你初入行同期既同事, 尤其係做得野果D (最好一齊入職TIM)。 因為到做左幾年野, 有自己NETWORK 果陣, 有人 REFERRAL 你既 HIT RATE 會好好多。但同時間, 你係工作上既表現唔好以為第時沒人知。二當家親身經歷, 我自己有個朋友請緊人, 當時佢已經心內有一個CANDIDATE, 佢見到佢份CV知道佢曾經係二當家同事, 所以打黎問我一句, 就係果一句, 果位 CANDIDATE 就無左個 OFFER。
職場上沒永遠既朋友, 亦沒永遠既敵人, 有好多時做野唔好去到咁盡, 「凡事太盡，緣分勢必早盡」。
