收入不均 ‧ 心有不甘

先旨聲明, 呢篇野係發嗡風

二當家平時番到屋企開電視, D 節目完全唔O岩睇, 通常就係 YOUTUBE 到睇下有咩好睇。之前發現左 RTHK 有個節目叫「五夜講場」既清談節目, 當中既題目都好多元化, 而二當家鐘意睇哲學類既野, 所以都會追黎睇。

近來多左個 TOPIC, 講經濟, 而呢一集講既係「收入不均, 心有不甘」。簡單D 講, 就係收入不均, 貧富懸殊既問題。當中學者指出, 應該有尖對性地幫助有需要既人, 亦即「赤貧」線以下既人, 另外仲有談論最低工資, 公屋等既問題。

而眼見人有我無, 或者人地收入多過自己既「眼紅症」問題, 「眼紅症」可以係一個動力既來源, 但呢個動力可以分為正面既, 亦可以係反面既。而二當家暫時都係偏向反面既。

話說之前二當家同幾個朋友聚餐, 大家都係打工仔, 年資差不多, 不過行頭上好唔同, 雖然收入唔係差話太遠, 但

朋友A: 公屋仔出生, 銀行家, 轉數快肯博肯挨, 利用財務知識同膽量由無樓>買細單位>轉大單位 。 雖然月入未到6位, 但係咁多個人入面應該係最搵到。

朋友B: 兩公婆都係公務員, 月入 OK 但唔算多, 父母俾左個單位做愛巢。由於唔駛供樓, 所以錢銀都好鬆動下

朋友C: 打理緊屋企生意, 月入不明。 但另一半既屋企人都送左個單位俾佢地住, 所以估計財務壓力都唔大

朋友D: 朋友D 無業, 佢另一半打理屋企生意, 應該都搵到錢, 佢自己無財務壓力, 佢另一半就唔知啦。

二當家收入正常, 無樓無車, 有時會不期然去同同期既人去比較, 其實大當家一句說話都無俾過我聽, 但自己就係鐘意鑽牛角尖, 要不斷提醒自己要知足, 「比上不足, 比下有餘」。

如果真係要比, 世上叻既人, 有錢既人多的事。就 BLOGGER黎講, 成千萬買電能, 又或者每月收息幾皮野, 又或者打工打到六位數字既人比比皆是, 而二當家呢個小蕃薯連他們的1%也不是。寫此BLOG只係為自己既學習路程紀錄一下, 希望他朝也有成功既一日。

「眼紅症」係一個心理問題, 要解決呢個問題唔容易, 儘管有D野明知唔O岩, 但要改變自已既思想實在唔容易, 慶幸身邊還有大當家呢個清泉在身邊, 否則二當家的人生真是一片灰暗。