債劵 - HSEB / HSEA 強制贖回

二當家除左有個股票戶口, 係上年都開左個IB戶口黎投資美股/美債等。由於金額好細, 同埋好多時都係跟各個 BLOGGER 抄考 (包括天路兄, 70後兄, STARMAN, R兄, 魔術師兄, CHEERY妹等等等等等...), 所以都無對外公報。

二當家個倉持有既只有 HSEB, C.PRN, SPOT , 其實主要係俾自己學習IB用, 因為自己都係半文盲, 要花好多時間去學習IB既介面。而IB既TWS電腦版功能非常強大, 手機既功能就好雞肋 (例如無 BOND SCREENER), 可以一直邊睇邊學, 無乜大動作。

直到近來想的起心肝想去正正經經咁學債券, 所以係圖書館借左本「債券學習百科」黎睇, 尋晚O岩O岩先睇完公司債果篇野, 點知今日就見到70後兄既 POST 話 HSBC 會係6 月贖回HSEB/HSEA @ 25. 自己對 MARKET NEWS 既反應一直都係好慢, 到最後原來係港交所既英文版公告到至搵到。

「讀萬卷書不如行萬里路」, 睇一萬本投資書都唔夠"瀨"一次野咁入心入肺, 雖然今次只係輸少少(無槓), 但學到既野係一世既, 今次 HSBC 強制贖回對大家唔知有咩啟示呢?

Starman 投資世界 - 債券投資 (3) – 風險篇

http://starnman84.blogspot.hk/2015/07/3.html