關於小米 - 我想說的是 - 用戶體驗

小米即將上市, 二當家跟大家分享一下我的用戶體驗。先旨聲明, 二當家並非「果粉」, 也非「米粉」, 買東西主要睇性價比。 當然每個人都有唔同既要求, 我唔鐘意一樣野通常都有理由, 舉個例子, 例如我唔鐘意用IPHONE, 主要原因有二

一. 無 BREATH LED。 即係收 WHATSAPP 時無LED 既提示, 當然你可以選擇著 MON, 又或者用補光燈作提示, 但係有部份電話(ANDROID)可以做到收到個人短訊著綠燈, 收到群組短訊著白燈, 呢個功能對我黎講好重要

二. 我好唔鐘意 IPHONE CAMERA ROLL 既分類功能, ANDROID 多數用 FOLDER 黎分類, 當然有人話 CLOUD 幫到你, 呢個係個人習慣問題



至於小米, 如果你相信中國造的會爆炸, 以下可以不看。當初小米只是以低價手機作為主要, 當中以小米 / 紅米最為火熱, 其飢餓性銷售也頗為成功, 往往都搶到缺貨。無可否認, 小米是抄出頭來, 由銷售手法, 網頁設計, 甚至連實體店設計住住都有別人的影子。至於抄是否道德並不在本文探討的範圍內。

二當家目前/曾經擁有的小米產品有 紅米手機, 小米手帶, YEELIGHT 燈泡, 小米床頭燈, 小米盒子, 米家智能攝像機 - 全部為香港版

紅米手機 - 之前係國內網站「知乎」見到一個評論是「除了手機, 所以東西都可以買」。二當家是雖非完全同意的, 但也不遠乎。我沒用過小米的高階手機, 小米高階手機的價錢完全沒有競爭性, 同一價錢一定買其他品牌的話。至於紅米, 價錢太底所以質素已經沒有期望, 但求用超過一年, 不過好似一年都唔夠就KO左。至於自帶的LAUNCHER, 二當家沒有太大的感覺, 但一定不是用過最好的體驗。


小米手帶 - 買這條手帶的目的就是要測心跳, 其他功能我一律不用。可惜半年後已經測不到心跳了........

YEELIGHT 燈泡 - HK$129 的智能燈泡, 有調教光暗/顏色功能, 二當家看戲時, 常常將燈光變為「電影模式」, 十分抵用同好用。

小米床頭燈 - HK$319, 功能上跟 YEELIGHT 燈泡沒有太大差別, 多左外殼, 按鈕等。可以單用不用連上網 (燈泡只能用手機控制), 連上網後可以加一些情境控制, 我最常用就是早上上班時自動把燈開著。(***小米的智能系統有很多感應器/控制器等作為聯動, 例如感動到你下床就把燈開著, 窗戶被打開就自動開啟攝錄功能)

小米盒子 - 好好好好好用, 就二當家而言, 最常用的功能是把小米盒子作為network media player (KODI), 播放存儲在 NAS 內的電影, 歌曲。其次就是 YOUTUBE, TED, SPOTIFY, VIU TV 等APP。對於唔睇大陸電視既我係十分之夠用。二當家用小米之前用過 LAPTOP, HIMEDIA, CHROMECAST 等, 但絕大部份都不能完全滿足我的要求, 例如解碼的問題, WIFI 唔穩定, 無控制器等。而小米盒子的控制器連語音輸入都有, 雖然係有D 雞肋, 但總算解決了打字呢個麻煩的問題。

米家智能攝像機 - 買個CAM純粹為看門口, 價錢又合理, 亦都非常易用。至於功能上, 夜視, MOTION DETECT, 對話等都齊備, 720P對我黎講夠晒用。當然有錢既可以買 NETGEAR 既 ARLO。


其實二當家都係呢個月至發現小米宜家有咁多產品, 小米的 IOT 方案係我暫時所認知以來, 家用覆蓋率最大既一間, 至於點解飯煲同熱水壺都要智能, 二當家都答你唔到。至於小米的智能家居的實際用途及評價, 二當家建議大家可以睇下以下網頁。



延伸閱讀

如何评价小米的智能家居产品？ - 知乎
https://www.zhihu.com/question/47358550

取之有道 - 小米上市危機八伏
http://cpleung826.blogspot.hk/2018/05/blog-post_8.html