2026 半年總結

 

Symbol	Description	Gain/Loss	% of Portfolio
TLT	ISHARES 20+ YEAR TREASURY BD	1%	20%
DUOL	DUOLINGO	-1%	19%
SPY	SS SPDR S&P 500 ETF TRUST-US	9%	16%
IEI	ISHARES 3-7 YEAR TREASURY BO	-1%	8%
QQQ	INVESCO QQQ TRUST SERIES 1	21%	7%
2800	TRACKER FUND OF HONG KONG-B	-9%	6%
GLD	SPDR GOLD SHARES	-7%	4%
DBC	INVESCO DB COMMODITY INDEX T	18%	3%
DISH 7 3/4 07/01/26 XAY1	DISH 7 3/4 07/01/26	2%	2%
ETHA	ISHARES ETHEREUM TRUST ETF	-36%	2%
Top 10			86%
Others			3%
Cash			11%

又懶左半年無寫BLOG，係時候更新一下

AI, LLM, Openclaw

要講上半年對二當家黎講最大的改變, 一定係 AI agent 對我生活既影響。

係勁人谷, 有陣時大家既價值觀真係好唔同, 二當家係計死數d人。但係谷內有其他人對錢既 concept 好唔同, 佢地覺得有用就用, 唔係點睇價錢。有個谷友一直分享佢用 openclaw 既心得, 搞到二當家心思思, 所以二當家就係新年前後買左 mac mini 及 setup左 openclaw - AI agent. 

自此之後, 二當家就花左d 時間去理解不同的 llm, openclaw 的運作原理及其限制。Opus, Sonnet, GPT, Grok, Minimax, Deepseek, etc.......我個人覺得一個個人化既 AGENT 真係有唔少好處, 除左安全性, 最主要係佢理解你既現況, 例如我其中一個應用既地方係 COACH, 二當家打緊工既公司以往都有安排過 COACH 俾我, 但都係5~6個 SESSION, 單單係講個問題/人事架構, 可以都已經用左 1~2個 SESSION. 但宜家有 AI, 佢可以先理解左我個公司架構, 我遇到既問題, 再根據佢對我既認識幫我分析策略, 又或者好簡單咁聽我訴下苦, 單單呢方面已經慳唔少錢。 同埋AI AGENT 係 7X24, 你真係想幾時搵佢就幾時搵佢。 

但用 AI 唔係萬能, 試過無數次佢答左一D 垃圾出黎, 又或者係憑空作D 野出黎, 所以如果真係要用, 最理想既係已經有相關既知識, 又或者識反問問題, 如果全盤接受, 有陣時真係可以好危險。

投資

YTD+1.64% 

* Withdraw 左舊錢俾首期

最高果陣 +4%, 但呢幾日市場回落, 得番丁點兒既升幅。大方向無變, DCA + ETF, 但係我都要誠實咁面對自己,我係有 TIME THE MARKET, 例如之前加倉TLT 及以下兩隻 DUOL, ETHA。 

DUOL - 突然成為第二大倉, 買入價 @ 11X。呢隻係谷內有人提起, 用埋 ai 分析, 覺得係 undervalue。 講真, 呢個係 crazy blind bet, 個 report 話 under valuelation, 就算係 worst case scenario, 個價應該高過 11x。 upside 既機會大過 downside, 所以我至下注。

而 ETHA 就係更早前買入, 注碼不大, 純粹係對新技術 (雖然都唔新) 投下一票。

工作

工作壓力大, 大到我周圍同人呻。雖然有  AI 聽我呻, 但都唔夠, 有時要約米兄出黎傾多兩嘴至得。而其中最大既原因係 JOB SECURITY 既問題, 身邊有幾位同事都「被」提早退休, 對我黎講係一個 alarm, 令到自己既 panic mode 出現。

關於工作, 要講真係好多野講, 但D 負能量都係留番俾我既朋友。

肓兒

小當家快3歲, 佢個 n 班都就快完, 已經開始幫佢搵暑期既興趣班。 因為怕得佢同姐姐日日係屋企, 悶都悶到佢傻。 至少迫姐姐帶佢去外出, 學一樣新既野, 見下人。 n班個老師話小當家樣樣都好 (我估個個都係咁講), 但就係好痴大人, 痴父母, 痴老師, 反而少主動同小朋友玩, 希望興趣班可以幫到下佢。

9月就入 k 班, 又係另一個新挑戰。

健康

繼續進行 ABOUT HEALTH 既建議, 我並唔係GOOD STUDENT, 只係跟住個 core principle 做, 體重其實高位已經減左 15lbs, 但bmi 又好 (23 now), 內臟脂肪又好, 都仲係偏高。所以就想係6~8月份, 黎多次嚴謹執行, 希望係9月份果陣再做 body check 既時候有見到明顯改善。

買樓

講買樓講左好耐, 由年頭等盤等到年中, 睇中個屋苑有盤又唔O岩價, 最後左諗右諗, 轉番去睇市區盤, 係6月份終於決定去馬。 但係由年頭至年中,已經升左一大截, 同米兄傾開, 佢既思維真係好清晰, 「沒有完美的決定, 只有最好的決定」。二當家有陣時就係會卡左係 optimal 呢隻字到, 又想低位買入, 又想O岩自己, 又想容易賣出, 好多野想。但如果拎晒D criteria 出黎比, 有d 乜野係最緊要? 時間, 家人, 心情, 定係 social class或 別人既想法等重要。 最後我揀左個方便好番工, 方便我個囡番學, 方便我地所有人, 雖然唔係完美, 但可接受。個價係貴, 但我地又有要求, 太細唔得, 隻積唔好又唔得, 低層又唔得, 所以睇得上眼既其實真係唔多, 暫時叫左完成左個 TASK (搵樓), 接下來係按揭, 收樓, 裝修等。 既緊張又興奮, 終於有自己個屋企啦!

Others

New Fed - 新官上任, 搞下D 新花臣, 係鷹定鴿都未知, 但油價已經去番 70蚊左右。

Worldcup / GTA6 -千呼萬喚, 可惜與我無緣, 我既時間都俾晒小當家，送番首歌俾自已 （世界盃與我無關）

生活

其實生活就係綜合以上各點, 日常都係番工放工, 多左小當家後生活重心 SHIFT 左, 少左自己時間。 工作上仍然煩忙, 尤其係人事問題, 但我走既係非專業性路線, 所以一係就管人, 唔管人人工就好難去到呢個位。 因為工作壓力問題, 加入左一個 Therapy Group, 好得意既係個谷入面有 2個 AI AGENT, 第一次用呢個形式去接受輔導。

有空再分享我的AI 及買樓經驗

人生資產 - 快樂, 回憶, 選擇, 體驗

 

無聊講兩句廢話, 講投資, 係人都識講「資產」兩隻字, 雖然唔同人對「資產」有不一樣的看法, 例如車/樓, 有人當作車/樓係資產, 但亦有人說是負責。對賣車既公司黎講車就係資產, 但對一般消費者 for 自家用黎講其實係負債, 但假若用左 UBER 司機, 又可以係資產。

WIKI

資產（英語：Asset），在會計學上指一企業透過交易或非交易事項所獲得之經濟資源，能以貨幣衡量，並預期未來能提供效益者[1]。資產，就是能夠為個人或企業帶來收益的東西。在財務會計中，資產是企業擁有的任何資源，如機器、廠房、商譽、專利等有形資產與無形資產。一般來說，資產體現了一種所有權，貨幣可以兌換商品體現了選擇權。

美國日裔羅伯特·清崎對資產的定義是：當持有一項物品，這物品會自動使現金流向你的口袋，就是資產。

二當家覺得富爸爸講既更簡單易明, 就係睇下果件野能否產生現金流。

二當家想講既其實係人生既資產, 而人生既資產產生既就係快樂既泉源。記得二當家細個果陣, 都唔係乖仔, 記大過, 成績差, 被踢出校。兜兜轉轉又上左大學, 當中不乏開心唔開心既記憶, 後生果陣好少話要「儲存」開心既回憶, 想做就做, 不理後果。

當大過左, 開始要諗人生, 踏入社會, 講D 衰D成為社蓄既一部份。人生既負擔多左, 家用, 儲蓄, 結婚, 成立家庭, 二人世界。 開心既事又唔同左, 有一段時間好著重「儲存」回憶, 去到邊都想影相, 買左部 SLR (當年好興) , 去旅行去到邊影到邊。買想買既野, 酒, 相機, 樂器, 當時自己更著重「擁有」。

當踏入社會十年, 就想幫自己既人生做「選擇」。經過腦內不斷的模擬 (對, 二當家係非常穩健既人), 最終選擇了去台灣工作。有得「選擇」也是一種快樂, 正所謂 「有得揀, 你至係老闆」。當然商家會限制你既選擇, 例如同一集團有20~30品牌, 等你有得揀。但現實就係沒會有完全沒有框架既選擇, 珍惜每個有「選擇」的機會也是活在當下的一種。

當有小當家後, 二當家更著重「體驗」, 例如去旅行, 我更珍惜每刻同家人相處既時間, 腦內既回憶就係我快樂既泉源。二當家有時候會反問自己, 點解以前會著重「儲存」快樂既回憶, 宜家更著重「體驗」。二當家舉一個例子, 去睇演唱會, 其實我唔明點解D 人咁鐘意舉起部電話拍片, 影響自己影響人, 係令二當家覺得非常反感既一個行為。在場幾千人指片, 最後唔知有幾多人會回看。二當家覺得當「儲存」既成本變得便宜, 最終會失去其否部份既價值。我部電腦可以有 幾TB 既相, 但當我唔 RECALL, 電腦既相就無價值, 但回憶係可以隨時 RECALL, 直至二當家個腦不再靈光。

回想一下, 什麼才是你的資產? 在搵真銀之餘亦要令到自己人生富足。

 

Pay the Bill 2

 

二當家的理財日誌: Pay the Bill

二當家的理財日誌: 2024 回顧 - 天倫之年

話說二當家本身想寫個 Pay the Bill 2 既文章, 前幾日就見到有個睇開既 KOL 講消費降級, 又再加上之前月入18萬果篇網文, 咁不如將所有野溝埋一齊講。

Description	月入18萬	二當家 - Pay the Bill 1	二當家 - Pay the Bill 2	Remarks
住	40,000	19,000	27,000	around $40/sq ft, Target $20K ~ 35K
供養父母	15,000	10,000	10,000	可加可減?
外傭	7,000	-	7,000	Fixed
學費	5,000	-	7,000	劵校 VS 私校
補習及課外活動費用	5,000	-	3,000
保險	10,000	4,000	4,000	Fixed
飲食	15,000	2,000	5,000	每月買餸HK$2000~3000, 出街食, 酒
雜費	5,000	2,000	4,000	水電煤, 消耗品
車		5,000	5,000	停車場/牌費/維修
稅前開支	102,000	42,000	72,000
稅	20,000	10,000	10,000	Estimate
稅後開支	122,000	52,000	82,000

先講月入 18 萬果篇文章, 話當事人係咁易都月支出 12萬, 而二當家係上一篇 PAY THE BILL 既文章話基本支出係 4萬, 咁不如直接睇睇個分別。唔計稅, 月入18萬果位開支多二當家6萬, 住既開支差2萬, 讀書差 1萬, 傭人雜費差 1萬, 飲食差1萬多, 最後1萬係保險+供養父母。

數係死既, 而且D 數字好多都係作出黎, 咁樣「老屈」人月支出12萬好似有點兒那個。不過如果逐個 ITEM 講, 先講租金, 我覺得現時既平均尺租 around $35~$40 (新界九龍), 以600尺計, 大約係 HK$21000~25000。 600尺住4個人夠唔夠就見仁見智, 二當家當然想住大D, 700尺以上就已經接受2萬尾。

供養父母就隨心。外傭係香港近乎係必須品, HK$7000 係 FAIR (計埋滿約2年張機票, 姐姐雜費)。保險我就唔知點作者點計, 因為有儲蓄式既保險, 呢個差距可以話係非常之大, 以自願性醫保咁去計, 4個人每年4萬應該夠有突, 每月開支都係 3~4千。

老實講, 月入 18萬係咪 upper middle class 二當家唔敢講, 但自身經驗同我講, 月入18萬都可以窮, 保持到 + CASH FLOW 心理至會健康。二當家身邊已經有為數不少既人係4 月分被炒, 所以二當家任何時候都係要求自己有正現金流儲定個POOL 過寒冬。 係 PAY THE BILL 第一集, 二當家當時未有姐姐, 所以宜家有 PAY THE BILL 2, 主要係加左 姐姐駛費, 學費, 同埋加左部份開支。 例如讀九龍區私校, 唔通仲係大西北出發咩, 又要諗搬屋既問題, 租金又要再預鬆少少。至於有冇咩地方可以慳, 基本上就係住細D, 唔養車同小朋友讀書, 而呢個亦係我想回應上面KOL講既消費降級。

消費主義 <> 自由

上面位 KOL 講既野雖然好似好有道理, 但中心思想就係越有錢, 越多選擇, 唔好俾消費主義或其他無意識既社會規則影響你既消費模式, 珍惜每次既選擇 (我盡量SUMMARIZE, 請自己睇片)。但

現實中, 社會階級就係存在, 如果我只考慮到我呢個「個體」, 我諗我可以生活得好瀟灑, 著 UNIQUO, 食下茶記, 住係公屋 (if I could), 搵份無壓力既工。但當我呢個「個體」要同社會接軌, 呢個無型既社會壓力就會出現。唔通見工著 T-SHIRT, 追女仔去大排檔 ONLY, 因為有「其他個體」, 所以會有亙動。富豪可以慳, 例如李+X 載精工, 有陣時我覺得係形象工程, 正如巴老放罐可樂係面前, 唔係話佢地唔「慳」, 但佢地洗錢唔通又話俾我地聽咩。

社會階級其實就係富人制造既護城河, 想識有錢佬梗係去打 GOLF 而唔係打乒乓球, 銼D 都去私竇啦, 唔通去雀館咩。 有錢佬有有錢佬既護城河, 中產有中產既護城河, know yourself 幾時都係最緊要, 有向上既心唔係錯, 但唔好用錯方法, 載上名錶珠寶唔會令你變成有錢佬, you are who you are.

而有錢人其中一個最大既護城河就係教育, 高等學府年年都加, 就係要區分有能力同無能力讀。點解二當家揀讀私校唔揀券校, 同「千金難買鄰」或 PATREON既道理一樣, 就係要做區分 (screening), 未有小朋友之前, 二當家都覺得香港讀書好跨張, 有左小朋友之後, 都想盡一分力, 不強求, 但盡我所能。

二當家自問未能超然至三界之外, 本身仲係凡間打滾。要超然不如去落髮做和尚。資本主義社會, 有錢就是硬道理, 你有300億, 講咩都係道理, 你有3000億, 你講既野就係真理。

「戴4千萬名錶」來台引熱議！ 黃仁勳裝傻稱假新聞：那可能是假手錶

見聞 - 一樣米養百樣人

 

近日的士團體又再嘈白牌車， 二當家平日都係坐公共交通, 但如果有得揀, 不論台灣定香港, 我都會揀UBER 而唔揀的士/小黃。 主要原因大家都講到口臭, 態度問題, 揀客, 衛生問題等等, 一邊廂的士商會叫政府監管白牌車, 又唔見佢地叫政府監管下揀客問題, 過海唔過海已經玩死好多人, 而且個問題唔係「部份」司機, 而係「大部份」司機, 個人經驗, 不愉快比率高達75%。

而坐UBER, 有陣時都會同司機吹吹水, 香港同台灣唔一樣, 台灣好多都係車隊車, 但係香港好多都係自己車。香港既 UBER 司機真係乜人都人, 有D 係真係鐘意楂車, 有人係PART TIME, 有D係老闆, 二當家遇到個女司機話自己每人跑10 HRS, 接完老公番工到老公收工既時間就跑 UBER, 又遇到個車房老闆, 話等小朋友放學, 所以中間就接一兩單。 最近二當家坐UBER 時, 咁O岩遇著工程老闆, 佢話無工開所以楂下 UBER, 傾開計, 知道佢住附近屋苑, 雙租族, 佢話自己每月駛費成 20萬, 聽到二當家呆左, 供緊2層樓, 供緊2架車, 俾緊2個車位既租, 剩係以上都已經10皮, 仲有佢自己公司既日常開支, 家庭同小朋友既開支, 20萬真係差唔多。 二當家即刻諗起前幾日既一篇文章, 月入 18萬既窮中層, 今日就俾二當家遇到月支出 20 萬既老闆。 二當家問佢點解咁勇, 佢話好景果期內地企業來港真係送錢俾你駛, 根本唔睇價錢, 佢試過一單 JOB 執8 球野 😱。咁唔怪得啦, 不過今時唔同往日, 佢話有D 同行新年過後都無單接, 佢D 老闆都睇 COST 睇到好緊, 可以唔做既就唔做, 或者係內地搵師父做, 人工平 6 成, 點鬥。 

另外二當家有個台灣同事, 話近期買左樓, 參加左「青年安心成家購屋優惠貸款」, 一聽內容真係呆左。我個同事月入至6萬台幣, 聽聞過左寬限期剩係供樓都要5萬 (應該係用埋低自備, 即係發展商既呼吸 PLAN), 咁二當家問同事, 乜台灣無入息供款比例既要求咩, 點知...係真係無........二當家真係聽到痴晒線, 供款玩到 40年, 頭5年仲可以供息唔供本, 加埋發展商既助攻, 唔駛睇都知泡沫來臨。

關稅對工作的影響及生活點滴

工作

最近日日都被侵侵洗板, 各「聽床師」各有解讀, 有人話係侵侵係下緊盤世紀大棋, 有人話係無腦舉動。二當家無意去「估」背後原因, 世人都有立場及其想法, 但就今次黎講, 侵侵的確係改變緊世界個規則。

而對二當家黎講, 呢個改變係災難性。 首先就我做緊果間公司黎講, 生意已經唔係好, CUT COST 同 RESOURCE 已經係每年指定頂目之一, 係咁既情況低下, 公司突然要對新既關稅政策 REACT。基本上二當家要理解關稅既 DETAILS (大家都知無 DETAILS), 之後要 FORECAST IMPACT, 而且呢個係 SENSITIVE TOPIC, 因為影響太大, 又唔可以唔 ADDRESS。 做完個 FORECAST, 點知又話反制, 一切又要洗牌做過。要好似APPLE 咁包幾架大飛機由印度運去美國, 聽落容易, 實際上要做既 COLLBRATION 極多。 除非個 BENEFIT 係極大, 否則老闆一定係睇 COST AND BENEFIT 去MAKE DECISION, 當D 野每日都轉, 下面就做到仆街......即係小弟。

而且對公司既 BUSINESS IMPACT 太大, 個個都進入 PANIC MODE, 宜家人心惶惶, 如果真係落實, 公司少 10% 人都唔出奇。

睇樓

呢期二當家都有去睇下樓, 樓係有跌, 但對二當家黎講, 買樓都仲係一個極大負擔, 尤其已經進入中年, 又有小朋友, 大當家身體又唔穩定, 等等等等。

最理想梗係年年係股市到有斬獲, 年年 20% ASSET GROWTH, 但現實二當家已經放棄左呢個想法, 乖乖地努力工作, 但工作壓力又大, ME TIME 既時間又少, 成日都想轉個工作環境, 但今時今日既經濟環境, 真係多一事不如少一事。

二當家 TARGET 既屋苑都係老牌屋苑, 放盤極少, 要搵到個合心水既, 就要等。睇過兩三次, 其實已經有心水 (座數, 座向等), 但要等個100分既盤真係可遇而不可求, 暫時打算都仲要租多一年。

小當家N班

另一件生活小事係幫小當家搵N 班, 二當家未生之前, 覺得做怪物家長好變態, 但有左小當家之後, 理解一下背後玩法, 例如龍校, 有幼稚園關係既 PLAYGROUP, 小學計分, 大抽獎等等。恕二當家無法抽離世俗眼光, 在此遊戲規則低下只能跟住玩。 N 班應該報左 5~ 6 間, 屋企附近既有, 仲有幾間係九龍區。當然唔係間間有得 IN, 神校由小朋友既老豆老母邊間學校畢業已經作出 SCREENING, 仲要考慮埋小朋友係大B 定細B, 直接D 講就係要提升學校升名校既競爭能力。 小當家都拎左3 ~ 4 間既 OFFER, 最開心既係有間九龍區既小名校收左。 孟母三遷, 二當家睇黎都要揀個新既區。

健康萬象

最後一點就係匯君既健康萬象, 雖然呢個係有緣人既分享, 但有時聽到匯君果種氣餒都想幫佢打打氣。講真, 要完全做到匯君建議係好難, 二當家最多打 70分俾自己。 亦無時間好似其他師兄咁做個 EXCEL 去紀錄住。 每日食D乜, 行左幾多步, 二當家自己心中有數。 宜家進入第4周, 體重已經有改善, BMI 落番去 25以下。 BODY CHECK 做左, 雖然無三高, 但亦明白到自己身體狀況唔係特別好, 希望盡快得到改善。如果有睇二當家分享都知道, 大當家身體又唔係好, 二當家身邊又有另一個親戚有大獲野, 其實仲有好多例子。 細個果陣唔明咩係最好既投資就係健康同知識, 睇完匯君至有種「當頭棒喝」既感覺, 希望 THRU 呢個 PROGRAM 改善到自己既身體狀況, 回到自己20歲果陣既狀態。期待!!!