簡易季結 & 敗走台灣 - 生活洗費

原本有想過做季結, 但成個倉近乎全部見紅, 實在沒什麼好回顧 (可以參考上月結), 不如鴕鳥一下, 眼不見為乾淨。全倉槓桿緊 1.8 (資金來源可以睇番<前人種樹>系列), 無係IB到做槓桿, 新資金同提早索取既 MPF 於7月到步, 目的係希望增加現金流, 由於資金無斬倉風險, 加上有大當家後備資金 BACK UP, 暫時應該非常安全。

如果我的目標回報率為6%
槓桿後(7~12月) (6%-2.375%)/2 = 1.81%
全年希望達到 7.8%

到9月份為止, 收到的股息/利息為本金 3.24% , 原因有二. 第一個原因係因為部份資金(例如MPF) 7月才收到, 以上簡化既計算並沒有調整 Time Weight 的部份 (懶)。

另一個原因是港股既中期息通常較少, 而末期息又要等到下年至收到, 所以到最後應該都係收唔足7.8%。另外香港環境問題, 下年末期息大有可能減派, 甚至取消派息等, 要做好心理準備。






黎左台灣5個月, 講下呢邊既生活洗費, 首先大家可以參考下前文講我係台灣既 OFFER, 以及外國對比香港既生活指數

近況(二): 「豬」事不順, 台灣 offer

You would need around 5,384.31HK$ (21,276.08NT$) in Taipei to maintain the same standard of life that you can have with 10,000.00HK$ in Hong Kong (assuming you rent in both cities). This calculation uses our Cost of Living Plus Rent Index to compare cost of living. This assumes net earnings (after income tax). You can change the amount in this calculation.

Indices Difference
Consumer Prices in Taipei are 19.41% lower than in Hong Kong
Consumer Prices Including Rent in Taipei are 46.16% lower than in Hong Kong
Rent Prices in Taipei are 75.09% lower than in Hong Kong
Restaurant Prices in Taipei are 44.79% lower than in Hong Kong
Groceries Prices in Taipei are 4.89% lower than in Hong Kong
Local Purchasing Power in Taipei is 10.35% higher than in Hong Kong

City	Cost of Living Index
Taipei	65.8
Hong Kong	79.18
New York, NY	100
Prague	48.79
Sydney	78.67
London	80.16
Berlin	65.93
Beijing	44.59
Delhi	27.82

兩地物價比較

從收入來講, 原本係香港, 假設我既收入為 X, 兩個都出去打工既家庭收入為 1.5X

宜家黎台灣得番1個人既收入, 加 2成人工都係 1.2X, 收入少左呢個係不變既事實。

前文亦講過, 係台灣外國人頭6個月係人工打 8 折 (20% TAX), 所以以實收金額咁去睇, 其實我同係香港收到既金額一樣。而我地既洗費, 主要支出為以下

租金 - 我在台北市中心的租金為 TWD4X000 (實用面積400尺, 樓中樓, 房東賣緊2600萬 ,回報約2.2%), 一般台灣打工仔聽到呢個數字會覺得好L貴, 因為台灣平均家庭收入為 TWD96000 (未扣稅), 即拎左一半黎交租。大部份我既同事都係住新北, 平均租金 TWD20000~30000, 睇個人既要求。至於二當家住既位置, 係台北市中心, 係可以15MINS內步行到東區商圈, 所以算係非常之咁方便。以同樣既要求係香港租我估要2萬港紙以上, 所以上面話台灣住比起香港平 75%, 如果肯用心搵既應該係可以既。

以買樓計, 最貴既信義區可以破百萬一坪, 假設"公設比"為 70%, 每尺約為港幣9900 (實用面積) , 其他台北地區約為台幣 80萬一坪, 新北地區為 40~50萬一坪。

台幣 $1M ~ 港紙 25萬

一坪~36尺

HK$6944 一尺(建築面積) / 70% (公設比) = HK$9920 一尺 (實用面積)

食飯 - 二當家仲係香港果陣, 在九龍既工廠區番工, 平均每日要 HK$55 ~ 70蚊一餐, 如果飲茶, 食西餐, 好多時都要過百。係中環區番工既就梗加慘, 平既餐廳經常性爆滿人, 要行到好遠至可以搵到D 一百蚊樓下既餐廳。

在台北, 一個便當既價錢約 TWD$ 80 ~ 130, 小食 TWD$30, 平均一餐既消費為 TWD$150內 (HK$40), 早餐最平可以去到 TWD$20 ($5) 一份三文治, 晚餐就豐儉由人, 最貴既暫時我食過係微風內既打邊爐/日式料理/鐵板燒, 約 TWD$1600~2000 一位 (HK$400~500), 但呢個差不多係最貴既價錢了。

如果以平民餐黎計, 我覺得台北平香港平 20~30%。 但如果用中價/貴價餐廳黎比較, 真係可以平到成 50%以上。

交通 - 在台北市內坐巴士, 基本上只收 TWD$15 (HKD$4), 平過輕鐵。如果由台北去新北, 約為 TWD$30~40 ( HKD$ 7~10), 巴士月票約為 TWD$13XX (HK$325)。而坐的士, 台北市內約 TWD$100~200, 過 TWD$300 其實已經好貴, 香港的話幾年前我由尖沙咀坐到旺角, 好似$100 唔駛, 但要再遠D 的話過百應該走唔甩。以交通費黎講, 台北約可平過係香港一半左右 (以西鐵票, 屯門<>美孚 約為 HK$500 比較 台北巴士月票)。

日常洗費 - 剛剛完左夏天, 以夏天電費黎比較, 二當家在香港時每兩個月的電費為 HK$1200~HK$1500, 基本上番到屋企即開直到第二朝既早上。星期六日就開半日。同一個 practice 係台灣, 二當家最後收到張電費單, 2個月為TWD$1700 (HK$430), 唔好問我點解平咁多,  我都不能理解 (冷氣機匹數唔同, Inverter AC 又可能會無咁食電), 但應該平香港至少 40~50% 。

醫療 - 以 IVF黎計, 我係台灣駛左大約 TWD$12~13萬, 我估平香港都超過一半。 如果以普通睇醫生黎計, 有健保咭咁去睇醫生係近乎免費。香港睇急証要 $100 (象徵式收費), 普通科門診收 HK$300~500, 專科要 HK$900~1X00。

以台灣人收入計, 80後有學歷既後生仔年薪約為 TWD 60萬~80萬, 年薪破百萬既唔係無, 但為少數。香港人如果想黎打工既話, 最好先計一計數, 如果想黎退休, 台南台中可能為更好既選擇。

如果就咁睇以上既洗費, 係台灣既駛費真係可以平過係香港一半,  但由於二當家頭6個月人工打左8折, 加上二當家有一系列既 fixed expense 係無變到既, 包括屋企人既家用, 保險等。另外由於租金由以前同大當家均分, 宜家要自己俾晒, 及新增既大當家既家用等。真係可以剩落既錢同香港其實無乜分別。

但在錢以外, 生活質素的確係提高左。 首先係大當家在做 ivf 其間要經常去診所, 如果佢仲要打工既話好難可以做到。出外食飯, 除左港人常去既打邊爐店會限時之外, 大部份餐廳不會限時及催客。行在路上, 地方大左, 戾氣少左, 服務好左, 空氣清新左, 少左商場, 多左小店, 人文氣息重左, 呢類型既改變為個人喜好問題及比較難係數字上作出比較。

如果大家有咩想知的話, 可以留個言, 識答既一定答!