幫自己釐清 DCF, DDM 的兩個 EV

 

二當家一直都搞唔清一個慨念, 以為 DCF 同 DDM 呢個估值方法係計緊同一個 EV

所以有個疑問, 假設 Operation Cash Flow - Capital Expersure (Investing cash flow) = Free Cash Flow

Free Cash Flow 剩落黎既錢至用黎派息, 咁用 DDM 既方法去計一定會比去 DCF 少

到最後至發覺原來計既 EV 並非同一個 Value

DCF = Enterprise Value (公司價值)

DDM = Equity Value (股權價值)

Equity value (股權價值) = # of shares x share price

Enterprise value (公司價值) = Equity value (股權價值) + total debt – cash

簡單既方法去理解, 兩間完全一樣的公司, 每年收入, 開支, 派息都一樣, 公司價值理論上是應該一樣 (假設$100)

但公司A入面有面入面有 $50 Cash, 無負債

公司B入面有欠款 $50, 無現金

兩間公司都賣盤, 你會點揀? 大家都應該會揀公司A, 因為單位A 理論上值($100+$50). 而公司B只值 ($100 - $50), 這個就是股權價值

現實中公司大多都伴隨著債務, 即係你揀男朋友 (小明同小強), 兩個都有層樓 (值600萬), 收入同其他資產完全一樣, 小明層樓係 full pay 既, 小強做緊林鄭 Plan (9成), 你會點揀? 

又再者, 小強雖然做緊林鄭 Plan, 但有現金1000萬, 你又會點揀?

所以股權價值才是股東最關心的事

DCF 計算的公司價值, 是由營運來的資金, 減去「必要性資本開支」, 剩落既錢, 可以自由使用, 包括還債, 投資, 派息等。如果一間擁有穩定現金流同穩定資本開支既公司, 理論上係可以用自由現金流用折現的方法計公司價值

但此公司價值, 要加回現金及債務(仲有減去少數股東權益)至可以計到 股權價值

兩個估值方法, 邊個比較好? 二當家覺得 DCF 比較好👍

主要原因是股息好多時都係因不同因素左右, 例如大多數既公司未必有股息政策, 就算有, 都可以反口, 派息比率係按利潤去計算, 但利潤可以有好多不同因素左去右, 例如公允值, 折舊等。反觀要操控 Cash flow 比較難 (非不能也, 只是代價較高)。