Wednesday, August 31, 2022

回港新挑戰

 

放低左個 BLOG 都一段時間, 係過去個幾月其實二當家做左好多野。


第一樣就係搬家, 將台灣既家當運番香港, 離開台灣時要準備好清稅, 又要同條 TEAM 交低晒D野。當時回港仲係要求緊7日隔離, 番香港前仲要去左個短 TRIP, 放埋假至番香港。番到香港, 首先新職位有十九幾萬樣野等緊我, in between 仲要搵樓, 安排傢俬電器等, 公私兩忙, 基本上放工只係想休息。

新工作非常有挑戰性, 人工當然可觀, 但伴隨住既壓力亦非常大。雖然二當家有信心克服, 但都要 suffer 一段時間至可以穩定下來。要講香港宜家最大既問題, 二當家最大既感覺係人才流失, 首先大量外籍人士離開, 其次就係香港人, 一家大細咁走, 走得既都係有能力, 至於語言上係處理得到, 仲有一班係有專業人仕。 留低既, 未必係差, 但市場上少左人才係事實。如果港府再將打針由12歲下降至5歲, 到時又有另一班家長會離開。從公司既角度睇, 咁既情況緊係唔理想, 走完一個又一個, 請一個人快則1~2個月, 慢則 6個月以上, 同時間有咁多人走, 對 operation 其實既影響好大。最後係揀人方面唯有將就一下, 整體水平固然就會下滑。

消息指港府擬下調疫苗通行證涵蓋年齡 由現時12歲降至5歲|即時新聞|港澳|on.cc東網 


關於投資, 其實近呢個幾月望都無望過, 有人問我點解咁戇居, 窮爸爸富爸爸都有教要創造被動收入, 宜家二當家既精力用晒黎打工, 股票望都唔望。其實二當家有時都諗, 放好多時間精力去投資, 投資成績又是否非常驕人? 就算係二當家既朋友, 都有部份人唔想在工作上再努力, 希望用投資一朝致富。至於方法, 可能係用槓桿, 用衍生工具, 用新既金融產品。 二當家之前都有講「凱利公式」, 去買鋪大細, 都有接近50%既機率可以將投資金額翻倍, 如果我付出更多既時間可以令到呢接近50%既成功率增加, 我當然願意做, 但如果花再多既時間都未必一定能將成功率提升, 又或者要花既時間同回報並不成正比, 那我寧可找另一條路。但係咁唔代表二當家會放棄投資, 只係減少投入既時間。


至於打工, 基本上100% 得到回報, 除非公司走你數, 至於投出既時間同金錢回報是否合理, 在二當家現時既收入黎講我係滿意既, 而且呢條路至少比二當家所想走快左5~10年, 提高左收入, 未來既選擇亦會變多。再加上大當家回港後都會打工, 整個家庭收入比例增加, 從收入這個角度看的而且確回港係一個最好既選擇。



14 comments:

  1. 明智.......來緊十年, 投資唔一定可以賺到錢......

    ReplyDelete
  2. 其實賺10蚊與賺5蚊的人, 相同儲蓄率 (sad thing is 通常賺10蚊嗰個儲蓄率重高啲...), 賺5蚊嗰個點樣投資叻, 財富都好難追到賺10蚊那個,將多點時間投資在工作上是明智的

    ReplyDelete
    Replies
    1. so true, 二當家新既儲蓄率幾年前既一倍。
      至於投資回報呢....... / . \

      Delete
  3. 祝您同大當家回港生活美滿!

    ReplyDelete
  4. 高風險/摃桿投資, 除佐買樓之外, 身邊朋友大多數係贏贏埋埋一舖俾佢清袋

    --Dogdogchi

    ReplyDelete
    Replies
    1. 世上總有成功既例子, 而成功既例子總會被吹噓
      二當家覺得重點應該係「可持續」才算成功例子

      Delete
  5. 謝謝二當家分享
    適應新環境,加油

    ReplyDelete
  6. 打工100%回報, 我唔會咁睇, 始終有心理壓力
    每個理財方法 (包括打工) 都有會點代價
    即使打工既壓力, 有時都係槓桿健康, 除左份工所需expertise, 都睇承受力

    ReplyDelete
    Replies
    1. 其實投資都有心理壓力, 我自己就唔會 price in 落去。

      Delete