二當家其實學期權都有好幾年, 由皮老闆講開始聽, 坊間最多人推既係歐陽一心, 後來巴黎兄請左 CODY 兄又講左幾集, AC 兄亦有寫文分享, 但令二當家有行動既, 係傻貓同細胞師姐既分享。可能因為係同路人, 見到人地都勇敢去試, 加上手上有幾個錢, 就膽粗粗就去做左2 張 SP。
先謂自己對期權既認識, 其實讀大學果陣已經有學, 果時第一個諗法係, 邊個傻仔會咁ON9 做 SHORT SIDE, 賺有限而蝕無限。但聽過眾人分享之後, 至發覺 SHORT SIDE 是新手入門必經的階段。期權三式皮老闆已經講過無限次
有貨short call, 有錢short put, 唔好貪心 (要有 cover)
聽落好易, 但最難做到既就係「唔好貪心」, 因為違反人性。睇過好多不同既人既期權, 先唔好理複雜既期權策略, 最簡單既做 SC, 好多師兄亦建議新手先做 SC (假設全部都係 covered, 即係唔係賭白頭片), worst case 都係手上既股票升而你交出你手既貨, 就算睇錯市都係 Happy Mistake (賺少左)。
做 SP 就有兩種諗法, 第一種只係諗住收期權金, 唔諗住接貨, 第二種係真心唔介意接貨。二當家一開始係第二種諗法, 因為一直無 700 呢隻股, 所以想係低位接 700, 但今日既低位係明日既高位, 除非接得很安心, 否則唔好太老定, 因為低位可以更低。
第一張開既 SP 係 行駛價 @540, 點知中央收緊下, 話咁快就穿晒個行駛價。今日開第二張 @520, 收市價係 528 。暫時二當家都係學習中, 會睇定D 先, 但落場真係好唔同, 同之前剩係觀戰係完全兩樣野黎。
例如, 做完第一張期權後, 第一時間問自己點解唔做內銀, 因為接左貨又可以收息都幾爽 YY, 點知打開一睇, 期權D 回報低過700好多, 因為波幅低好多。如果唔貪心, 個個月收 0.7%, 一年都有 7 ~8%, 接左貨又可以當收息股咁坐。
暫時二當家既諗法就係咁, 新手上路, 邊學邊做, 各方高手歡迎指導一下。
歡迎加入期權新手行列
ReplyDelete一齊學吓嘢🤗
記得注意風險管理
謝謝師姐提點, 風險真係好緊要, 宜家只會做 covered, 同埋只會用20%既接貨能力。
Delete慢慢學習幾個月再review下。
基本上老闆所講既,只適用於本多終勝。
ReplyDelete老散兄, 老闆出山後我都無追啦, 未知你講既「本多終勝」係指咩。
Delete不過我估都係 SP到價的話, close左原本個SP, 再開更低價既SP and/or 加大SP個量。
無話必贏，但做short side 時間企在自己一邊，就算自己睇錯都仲有buffer 勝率當然會比較高呢。
ReplyDelete只係要記住自己係賣緊保險俾人，呢啲回報係基於冒額外的風險而得到的。700 呢啲位做SP 已經好難輸，最重要係做左後記得自己的初心係點，而唔會因為走勢同預期唔同，然後一個gap up/down 就俾人嚇走左去止蝕呢...
多謝 Yan 留言, Yan兄係其他blogger 到既留言我都有睇, 非常高質!
Delete呢段時間我都諗住好多, 例如每個月都做sp, 是否只釘死一個「標的物」, 當700 上到580, 下月我會否再做sp等等, 要參考多d大家既做法同想法, 暫時都係學習中。
歡迎加入期權體驗x2!
ReplyDelete同意Yan兄所說，其實700 跌到52x 這些位真是非常吸引!你在大跌市時才入，已有很大優勢。
做股票期權SP最壞情況係接貨，但開得太多張同太入價會慘蝕。但一口未到結算日，都仍然有很多變數。不過我自己都唔係惦，都係學習中。
加油呀！
謝謝師姐留言, 其實做第一張 540時以為好穩陣, 點知2日就穿左。另外果張520係自己貪心再做多張低D既, 反正我唔介意全接貨。
Delete尋日700又彈番上去, 內心真係好交戰, 心想接到貨就正。 呢個就係心魔, 暫時我都仲好努力咁克服緊佢。