只差一點點.... PMP

上個星期好充實, 首先係過 3 關

第一關係 8000萬 六合彩, 遙控家人買左張電腦飛, 結果, 當然係無料到.............

第二關係 PMP 考試, 其實我大大話話都做左過千條 MOCK, 成績大慨係 60~75% 左右, 上網睇人講最好係可以達到 85% 以上至去考。但我已經溫左一段時間, 所以諗住都有6成把握。真實考試同想像中好唔到, 問題好多時都係得三句既情境題, 例如「舊PM走左, 你宜家係新既PM , 個 PROJECT OVER BUDGET, 咁你應該做咩先」。呢類題目最煩既係你有10幾樣野可以做, 但係佢要求你係4個答案入面選出「最優先做既行動」, 而「優先」次序亦會因為情境唔同會有不同答案。由於問題好短同無乜資料, 所以好多時都要 make assumption, 如果 assumption 錯, 你既答案都會錯。 而二當家既考試結果.............只差一點點。😭

考完果下真係好失落 (因為即刻知 RESULT), 花左4個鐘, 換黎一句 FAIL, 最慘係唔知錯乜, 宜家諗住買個 Question Bank 再報多次考試, 襯仲係會員果陣報考平D, 成為盛惠 $275..........USD (非會員 USD$375)。

第三關係大當家既 IVF 既結果, 其實我地己經調整左個心態, 有無都好, 生活都係要咁過。

要知中唔中, 並非用驗孕棒, 而係做完 IVF 2星期後要做一個抽血檢查, 最主要係睇一個叫做 HCG既指數 (human chorionic gonadotropin 人絨毛膜促性腺激素), 如果中左, 身體會自然分泌HCG出黎, 第一次檢查果陣如果指數高過100 就代表「好有可能」中, 而呢個指數會隨住胚胎既形成而增加, 如果之後既檢查HCG 無升, 就代表「可能」胚胎停止成長。但呢樣野只係 reference, 要詳細知多d 既話都係問醫生啦 (上網有好多人初時 HCG 指數低過100, 但到最後 BB 都出到世無問題)。

至於結果............😇 初步睇黎係成功既, 兩個星期後要再番去 check......未來仲有好多關要過, cross the finger!!!

原本上星期過完三關已經好「支力」, 諗住係中秋假日休息下, 點知放假前突然間有個生意機會。 話說朋友間公司有單野要搵人幫手做, 佢問我有冇 source, 我同佢傾左兩句, 知道佢公司個 BUDGET 都好足夠下, 而大當家又有相熟既 vendor 可以幫到手, 正所謂「肥水不流別人田」, 如果直接張單 job 俾左個 vendor, 邊有得濕腳。

左諗右諗下, 不如直接開間公司做判頭啦, 就算呢單 job 接唔到, 未來如果大家當要接 freelance 有間公司都方便d。開公司搞生意其實諗左好耐, 但一直無諗頭, 咁o岩有個咁既機會, 就算係得「一水」, 二當家都好想做得成呢單野。二當家就憑住呢個傻勁即刻係 wkend 搵個香港朋友幫手搞, 其實一d 都唔複雜, 諗個名, 諗定個注冊資本, 搵個人做董事。

如果呢單野搞得成, 二當家今年真係 over over achieve !!!