二當家 8 月中申請港車北上, 9 月初批左, 終於係 10月份楂左上去一次珠海啦!
首先講下申請流程, 其實最難果部份係找「內地既駕照」, 因為要親身番內地去拎, 而要申請內地駕照, 你首先要有內地電話號碼, 最好有埋內地銀行方便轉錢去微信支付。
內地電話號碼我本身用D 小型香港電信商既內地通訊服務, 包括收發 SMS 同埋 1GB DATA, 但效果係......強差人意👎! 最後二當家係去到內地果邊, 申請左張聯通CARD, 每月既價錢其實貴十零蚊, 但無論效能, 速度, DATA 流量都好 10 萬倍。
至於微信支付, 首先要認證左你內地既錢包, 呢樣野比起 ALIPAY 好, ALIPAY 係分香港同內地版 2個 APP, WECHAT 就香港, 內地都係同一個 APP, 可以無縫 SWITCH。 再加上內地什麼小程式等都係微信生態圈內, 用微信支付係內地會更有優勢同方便👍。一開始二當家係將個 WECHAT PAY 連結左落信用咭到, 每次用微信支付, 都會 TRIGGER 一個海外信用咭既 transaction, 而二當家用既信用咭都要開番銀行個 APP去做認證, 麻煩非常👎。 最方便既方法都係用內地銀行戶口過錢落去微信支付到。
而因為二當家係無內地銀行戶口, 最後去左香港中銀開左個內地戶口, 睇番原來至知有分三類戶口, 而二當家開既就係最低限額既第三類戶口, 每日只係可以轉二千蚊人仔👎, 建議開第二類戶口, 限額會升至1萬蚊。因為我開果陣銀行職員完全無問我, 我係開完戶口至知, 所以都唔知點至可以開第二類戶口。
當有左內地號碼+內地銀行戶口+微信支付, 基本上就可以暢通無阻。申請內地駕照係先要係微信內預約, 而係交通局內交費係不接受香港支付寶。所以二當家係十分建議搞掂👉微信支付內地錢包至出發, 內地駕照係即日可取 (用香港駕照換), 二當家平日去, 9點出發, 1 點鐘已經番到屋企。
到拎左內地駕照後, 其它既野都係係港車北上既網站到搞, 包括抽籤, 申請, 預約等, 正式咁計兩個星期已經搞掂, 當中最貴既係內地保險, 大約二千幾, 全數第一次申請大慨 HK$4000~5000。之後每次橋費內回 人仔150 x 2。
第一次楂上去, 載住一家大細壓力相當大, 但經過一輪同化後, 得出既結論係因為內地太大, 大家都係睇導航, 反而對一D 突然 CUT 線既行為表示明白。至於消費, 如果用「華發商都」黎計, 都仲平過香港, 例如我食左一個清真鋪食左個無乜牛肉既牛肉麵, 要人仔22, 八合里打個邊爐4人餐人仔295 (美團買, 任坐無限時), DIDI, 由油店到華發, 坐20分鐘都係人地 25蚊, 消費黎講無得輸。至於山姆對我黎講唔大吸引力, 因為係台灣都有 COSTCO, 香港人屋企咁細, 仲買咁大件既野仲乜, 再者香港已經有代購。二當家最開心既係洗左架車 (成2個月無洗), 內外精洗 人仔 88, 同埋入左油, 98 都平香港差唔多一半, 每升人仔 9.X, 香港成19蚊L。
今次係第一之小試牛刀, 黎緊二當家應該會再去, 目標係長隆海洋王國, 溫泉, 及郊區等。
