近日 BLOGGER 中分成兩派, 一派係現金流派, 另一派係價值投資派。
原本兩個派別河水不氾井水, 點知呢幾日早月兄發文好似有意指某 BLOGGER 推介細價股令到「價值顯現」。
小弟有上巴黎兄跟市場兄的「施洛斯投資班」, 當中市場兄用 190 作例子去解說何謂價值低估及未來願景, 當聽日未來有機會價值回升時, 隻股已經由 3.8 升到差不多 5.9。 作為老散既我貪念又起, 小注跟入, 到後來早月兄指出每股權益被攤薄時, 又急急腳放左去, 最後打個平。
上星期終於睇番晒近呢幾年既事件, 早月兄指既供股, 係近5年沒有出現, 而股數增加係因為早前的紅利認股權被行駛, 而大股東所佔比例大增主要原因2015年年頭是以作價 0.25 收購了很多股份。
理解原因後再看市場先生的解釋, 為何權益會下跌, 感覺上基本面還好, 但我沒有再購入 0190。原因是我還未了解這只股票, 我不想再用老散的心態去跟買。當我上完市場先生的課, 便知道他是一個貨真價實的價值投資者, 隨口說一個號碼, 他大慨已經知道老闆是誰, 公司架構是怎樣, 有多少資產, 資產質素如何, 股東會中的答問等, 我自問沒辦法 / 沒時間可以做到這個程度, 而這個正正是為什麼他可以看到價值又自己不能。
況且今天止凡兄也說了, 市場先生的股票多達一百隻, 你有否這個資金, 能力去控制及打理這個組合, 作為老散, 都係做番自己能力上的事, 買一D信譽比較良好的企業作為投資的對象。
市場先生在課堂上亦談及信息的不對稱, 我們對公司的認知多數是由年報, 新聞, 及股評人既評論, 遠遠不及內部人士對公司的認知。就2018 瑞聲科技來說, 被沽空機構出左一份報告後單日跌10%, 連東昇兄都對愛股 瑞聲科技講拜拜, 可見投資者對公司既信心係幾咁薄弱。小投資者最重要都係補本至上。
same here...同一隻股有人大賺有一大蝕, 原因就係大家背後的持股理念不同, 呢個係複製不來的
ReplyDelete