股市亢奮, 我糊塗

已兩星期沒更新個BLOG, 二當家早前去左個短TRIP, 回港後又小病了差不多一星期。都未好番就因工作需要出差一星期。

個市仍然好炒得, 內房, 科技, 教育乜都炒, 佳兆業一天內可以升了20%, 唔知我仲以為係細價股。到今時今日我都唔知點解今次個升市可以咁勁, 身邊既散戶又唔覺特別亢奮, 唯一合理既解釋就真係內地資金來買貨。

自己既組合無受惠到, 相反美國玩具反斗城申請破產仲分分鐘影響到彩星玩具, 雖然持有唔多但見到人地賺錢時自己D 股仔就頭頭破著黑都咪話唔慘。其實我係唔係應該買盈富就算???