因工作關係, 二當家在一些不同的場合會跟一些不同地方的同事有機會交流一下。通常大部份打工者既心態都係「維威喂」, 但當中都見到有D 好 AMAZING 既人....
- 有個同事個肚明明已經老連咁大, 但因為一個一年一度既展覽, 佢為左要去個展覽(主動要求)竟然去請求醫生寫張證明俾佢上機, 在家庭角度我覺得好不負責任, 但我又好佩服佢呢種事業心
- 又有個同事, 為左一個 INTERVIEW, 竟然自己買左機票黎香港見工, 講真, 見完工無話包請, 但係當你有個 candidate 千里迢迢咁飛過黎見工, 個 interviewer 都咪話唔感動。
- 最近又識一個同事, 本身relocate 左係上海, 但因為個囡既學業, 佢地決家 SEND 番個囡去新加坡讀書, 而個老公就跟個囡番去新加坡, 自己因為工作關係就繼續留係上海, 以佢既資歷, 番去新加坡公司一定會幫佢安排, 但因為佢有一班客係上海同想見證上海既成長, 佢決定留低。而佢點樣同個囡維繫感情呢? 原來佢同老闆講左每個星期五都飛番去新加坡同個囡食飯, 留到星期一至番上海, 係咁來回一次都無左10幾個鐘..........
打工仔想成功, 某程度上取決於你既事業心有幾重 (又或者願意犧牲幾多)。當今時今日大家都講 WORK/LIFE BALANCE, 想像一下你能為你既家庭同事業付出多少?
另一角度睇，其實上位容易咗，只要你願意壓縮時間／犠牲家庭生活就可以了。
ReplyDelete俾我揀, 我永遠揀 家庭>工作。
Delete講真, 係香港如果唔駛買樓其實搵一兩萬都夠洗, 想買樓呢刻搵5,6萬都係O岩O岩夠。
不過想講下比起美國人/中國人, 香港人係比較著重同屋企人既關係(儒家思想?), 而美國人/中國人通常一畢業就去其他地方做野, 呢樣野某程度都限制左部份年輕人既發展(包括我)。
我都係，所以我唔係好想做嘢，哈哈哈。
Delete至於東方人同西方人對家庭的觀念，我又唔係咁睇喎。我反而覺得西方人好重視家庭，只不過佢地的家庭係講緊自己同下一代，唔係自己同上一代。
同時我都覺得西方人仍然非常value同上一代的關係，只係佢地嗰種唔需要日見夜見。相反香港人好多同父母一齊住，但係就一啲溝通都冇，同枱食飯各自玩電話，咁又算唔算著重同屋企人關係？
你說得非常對, 我太懶打字去解釋。
Delete中國人多受儒家學說影響, 以「孝」為先, 由尊重父母開始, 慢慢變成提倡照顧父母, 繼而衍生出例如「家用」等比較實際既「報答」方式, 如你所說, 亦即比較著重對上一代既關係。
而西方多重視同屋企人既關係 (父母與未成年子女), 例如佢地幾乎每星期都有 FAMILY DAY, 但18歲後就當係一個獨立個體咁去看待, 離家讀書/工作, 而我所認識既很多內地人都會出省打工, 很早期就獨立(但仍會給家用, 及春節回鄉)。
對比起中國/西方, 香港年輕人因為經濟能力不足以獨立, 好多時候都要等到結婚至會搬出黎住(有好多人結婚既PRE-CRITERIA就係有層樓), 而宜家既初婚年齡約30, 即約有一部人30歲前都要同父母居住。同父母既關係亦好容易因「朝見口, 晚見面」而轉差, 居住面積小我覺我係其中一個原因。
而俾「家用」, 亦慢慢由一個孝心而變成一種「負擔」。我自己覺得「同住」並不會令關係更加密切 (指子女成年後), 反而會產生更多磨擦, 尤其係兩代人既價值觀越黎越遠, 對立既情況亦越黎越明顯。
寫寫下突然間想起一套戲推介一下 - , 有興趣搵黎睇下。
向上爬就要付出代價 始終人係感情動物
ReplyDelete對, 人生就是不斷的取捨/決擇。
Delete太古 業績勁。恭喜 😍
ReplyDeleteC兄被我更貼市。
Delete我自己對太古業績是沒太大期望, 亦不會有太大的失望。我自己對太古的合理估值是 $18左右, 不過由於已經佔了組合25%, 除非有新錢, 否則應該不會再增持。
國泰嘅部份唔太擔心
ReplyDelete就等海洋個部分止血