二當家是一個很喜歡尋找答案的人, 近來個市大幅回調, 坊間有好多解說, 包括鮑威爾既言論市場唔收貨, 賣債唔好, 驚通脹來臨, 長債殖利率上升, overnight repurchase 既利息係負, Yield Curve Inverse, 股災先兆等等......但在讀了無數篇關於金融既文章後, 發覺...咦, 點解以前既解讀又唔同既...
其實風中追風兄之前已經講緊一次, 今日又見到 FB 到一個 PAGE 既分享, 我無謂再將人地既內容做二次創作, 讀者可以直接睇上文連結。而以往既解釋係債息升, 資金流入市場, 係利好股市既 Signal。
判斷
對於鐘意搵答案既二當家黎講, 其實呢2~3星期都覺得呢次係回調多於一齊既解釋, 簡單黎講就係升過頭又或者 realized profit (又或者叫割韭菜)。市場雖然係隨便搵個理由跌, 但跌勢之快及金額之大, 隨時可以係雪球式向下滾。
行動
以往二當家會死守, 但今次見到市場一個快速修正, 都要立即放棄部份手上持股, 特別是被針對緊既 ARK 系列。其實二當家見到 ARK 上年既成功, 已經引起好多行家眼紅, 有D行為例如分享ARK既每日成交紀錄梗加引起不同既回應。今次修正二當家「感覺」上有少少搞 ARK 系列 (純粹猜測), 寫個故事去令創新科技股既估價下調。其實二當家覺得最搞笑既係話息率會影響 DCF 個估價, 現實中我相信無乜散戶咁有心去用 DCF 去預估未來收益。但見市場有咁大既賣盤, 梗係走先, 繼而做成人踩人事件。
反思
其實好多時升同跌係無原因, 或者最大既原因就係 selling power > buying power。要夾硬搵個原因去合理化一件事, 又或者以為有條 lazy formula 可以睇套世情都係太傻太天真。「有智慧不如趁勢」, 可能在投資時更得心應手。
今次主要冧新科技，而DCF 在新科技公司身上太多變數(估間公司下年的收入仲難估過利率變化)，相信無人會將呢類估值當真。我始終覺得係「因為升得高，所以跌」。債息、發言等等都係跌完後搵個理由，拉長黎計而家債息仲係在歷史低位，話咁會整冧個市的話當年amazon 一早死左了。
ReplyDelete跌一個星期可以當回調溝貨，跌兩個星期就開始有啲擔心，跌第三個星期我先走左好多貨。就睇下會唔會做一個典型的老散啦...v_v
同意 Yan兄所講「因為升得高，所以跌」。又再一次學識市場原則, 高追係無問題, 但有事既時侯要有決斷離開。反而低位入既貨, 會更有坐貨耐性。Timing/買入價真係好重要。
ReplyDelete我都同意順勢而為
ReplyDelete不過今次市場修正太快，昨晚又急促回升，感覺很不真實
尤其看著ARKK這隻ETF一晚升10%、TSLA一晚升USD $100，嚇死貓了