打工仔記事 - 權力的游戲

以前二當家做低層打工仔, 成日覺得D 老闆咁廢都可以坐到果個位, excel 又唔識, access 又唔識, 剩係識係到指指點點。我相信香港既打工仔每個都經歷過呢個階段, 到二當家升左職, 做 team lead 果陣, 睇既野又開始唔同左, 當身處既職位唔同左後, 連睇既野又唔同左。


中高層要做D乜, 其實主要係解決人既問題, 好似好虛咁, 直接D咁講就係「玩政治」。有好多一聽到「政治」就覺得好負面, 但係有人既地方就有政治, 正如「外母同女婿, 奶奶同家嫂 」一樣, 係每位老公不可避免既問題。有人可以將呢D 問題處理得好好, 有D 人就闊佬懶理, 不同既人有不同既處理方法, 但最理想既情況就希望成個家庭正常運作, 唔好家嘈屋閉。


「外母同女婿, 奶奶同家嫂 」已經係最簡單係一個比喻, 現實在商業社會好多時會更複雜, 包括直屬上司, 虛線匯報上司, 下屬, Peers, business partners, etc. 十幾廿個 parties, 每個人都有唔同既 interest, 最重要既係 everyone has a boss 。要理解並且解決他們每一位既問題, 處事要圓滑, 就算要「起槓」, 都要睇時間, 地點, 人物。否則有 9 條命都唔夠死。


最近公司有一些變動, 二當家參加左當中一個會議, 有如身在鴻門宴當中, 每個人一個眼神, 一句說話, 都有其意在背後。二當家並唔 enjoy 呢個場合, 但都知道沒法避免, 份糧包左無得怨。而現實中, 好多人都不願意擔當更高既職務, 因為他們意識到, 上多一級, 除外壓力多了一種, 並且要勞心勞力去管理其他人, 下屬的問題, 便是你的問題。另一部份人很想上位, 但是他們卻又未意識到更高的職位帶來更多的責任, 他們或許只想到更高的薪酬, 更大的權力, 又或者得到別人的尊重。二當家對住呢種心理上未準備好既同事, 都係笑一笑, 因為當初自己都係咁傻咁天真。


有些人可能討厭這種公司文化所以另闢其他路, 事實上也不乏成功例子。但要知道當公司做大, 當人數超過廿十人, 公司架構便開始重要, 公司文化亦會漸漸形成, 所以這種公司文化並不會消失, 最終還是要面對它。正如大學到組team搞 project, 總會有 free rider, 一次半次既話, 你可以做晒所有野俾佢 present, present 完大家老死不相往來。 但如果成4年都要同呢個 free rider 一齊做project, 你就要開始諗方法迫佢 contribute, 又或者捨棄佢。


二當家覺得中層的職務

• Protect territory
• Bull shit handing
• Political sensitiveness
• develop potential