錢與煩惱

錢與煩惱

有好多人以為有錢就會無煩惱，二當家以前都係咁諗，但近日身邊嘅朋友發生嘅事又令二當家有另一番體會。

友人甲其實可列入中產行列，樓又供完，車又有，收入又不錯，工作都穩定。上年生左小朋友之後，開始計劃退休，想留多啲時間陪小朋友，開始另一階段的投資計劃。

投資固然煩，但係最煩嘅係友人甲係小怪獸家長，小朋友未夠一歲已經開始諗幫佢報讀Pre N 班。

可能二當家未有小朋友唔知世情，N 班我已覺得有啲過態，宜家仲要讀埋Pre N? 煩完Pre N, 又要考慮校區問題，由揀幼稚園開始已經要考慮埋第時讀邊間中學，其實會唔會有啲overplanned?

另一個例子係小第嘅老婆大人-大當家。話說我地兩個都係無乜購物慾嘅人，二當家試過話幫佢埋單任由佢買衫，點知最後佢都無功而回。今次大當家收到公司春茗期間派既某公司啲Cash coupon, 大當家因為怕浪費左張 cash coupon, 所以連續幾日都係果間公司到睇下有冇嘢啱心水。大當家本身慳底，加上有選擇困難症，左揀右揀幾日之下終於勉強買到。

在二當家眼中，這些煩惱其實完全可以避免，借用一句，「本來無一物，何處惹塵埃？」

新聞有時會介紹一啲全球最開心嘅地方，好多時都係一啲比較落後嘅地方當選，原因點解？二當家覺得係因為一.無比較 二. 樂天知命，而係香港要做到呢個境界就要個人有相當強嘅信念，因為香港太細, 大容易同身邊既人有比較, 再加上社交媒體發達, 大家都不停地放閃, 沒有足夠強的心態把持很容易就跌入呢個萬劫不復既漩渦。二家當自己最想做到既就係人生有選擇得黎, 又不會因得失而影響自己既心情, 知而難行, 努力中。

投資組合 2018/03/30

Stock	Name	Ratio	BuyPrice	Market	Delta%
0087	太古B	23%	12.28	13.44	9%
0255	龍記	17%	3.85	4.05	5%
0316	東方海外	12%	74.29	71.00	-4%
0005	HSBC	10%	77.45	74.00	-4%
87001	匯賢	5%	3.21	3.10	-3%
0194	廖創興企業	4%	13.46	12.68	-6%
1132	橙天嘉禾	3%	0.85	0.62	-27%
1686	新意網	2%	5.94	4.95	-17%
3389	亨得利	1%	0.38	0.38	-2%
	Cash	22%

檢討一下自己3月份的操作

買入0005 HSBC @ 77.45 - 股價又年初升至 85 蚊隨隨回落, 買入原意係想為閒置既資金泊落一D較為穩健既公司到, 但買入後又想如果大跌市時藍籌應該首當其衝, 有違當初留下閒置資金既原意(買平貨), 而東方海外及電能又鎖死左D資金, 最後決定留下5號仔, 貪其每季派息+穩健的派息記錄+升息受恵的期望

買入0255 龍記 @ 4.05 - 加倉後平均買入價為 3.85, 收入回升, 慷慨派息, 穩健既財務, DAVID WEBB 又有份持股, 唯一小瑕疵的存貨/原材料升左, 但亦都可能係未來有單要備貨, 如果係既話下年業績可能都唔差, 收住息睇表現

加入少量新資金 - 由於東方海外及電能鎖死左D資金, 電能又未到心目中既價, 失敗!!!

賣出0869彩星 @ 1.08 - 前文已有提及

賣出0006電能 @ 70.17 - 平均買入價66.7, 末期連特別息 8 蚊, 但係股價最高至 73蚊, 我自己仲一心個價應該會係 73蚊樓上, 最後等下等下都係無氣息, 最終除淨前賣出, 因為唔想「短炒變長渣」, 雖然回報得5%, 好過無, 真係要唱番首「天氣不似預期」。

年回報(連已收股息) +2.86% 

當大家談貿易戰時, 我更期待 SPOTIFY 的上市

不是二當家不想談貿易戰, 但作為老散, 貿易戰對我來說是太遠的事情。

而我成為 SPOTIFY 的使用者已經有一段時間, 由最初的 FREE ACCOUNT, 到 PREMIUM ACCOUNT 再轉為 FAMILY ACCOUNT, 對我來說 SPOTIFY 並不是一個很好的投資項目 (仲蝕緊錢), 但他提供了一個 SOLUTION 去解決二當家的一個煩惱, 所以我點都會支持下, 而我的故事是這樣的...........



在很久很久很久之前, 二當家還是對音樂充滿熱情, 尤其是外國的音樂 (美好的 BRIT POP年代) 。在那個年頭, 一個中學生要買外國樂隊的 CD 負擔其實是頗重的, 要百多元一隻。沒有很多零用的我只好聽電台 - 如黃志淙的節目去吸收外國的音樂。

到後期亙聯網比較流行, 網上開始流行直接在網上下載 ALBUM 或用軟件非法下載等 (e.g. soulseek), 外國的音樂算是比較好找了, 但心裡知道這是不合法的事, 只不過買碟真係太貴, 負擔唔起。 再後期少少已經係 BT 既年代, 將 P2P 極致化, 但仍沒有一個合法, 價錢又合理的渠道。

直至 SPOTIFY 的出現, 才有一個平台可以將大部份的國內外音樂共冶一爐, 價錢仲係「一個價錢聽到笑」, 而且更提供下載供線下音樂播放。雖然因為版權費問題, 還有很多問題要解決, 但至少作為此平台的一個受惠者, 點都要買一手支持下。

特別的是今次上市為「直接上市」, 簡單來說是沒有發行新股, 純粹把現有股票的持有者提供一個公開轉售的機會, 以市場價格為主導。網上已經有人做了 SPOTIFY 的 VALUATION, 有空的可看一下。

https://aswathdamodaran.blogspot.hk/2018/03/stream-on-ipo-valuation-of-spotify.html
http://aswathdamodaran.blogspot.ch/2018/03/spotify-loose-ends-pricing-user-value.html

Spotify 为何要选择「直接上市」？这种方式和 IPO 有哪些区别？

孫柏文 與 彩星玩具

一年前買入彩星玩具, 買入價 1.41, 其中一個原因是因為因為孫生既推介。 投資是個人事情, 不能怪任何人, 但想籍著這個例子, 再一次提醒自己, 不要單信財演, 因為他跟我們一樣是普通人。

孫生應該算是比較好的財演, 至少一直也有FOLLOW UP 自己的推介, 但他寫我太盡, 太標題黨, 什麼「瘋狂買入」, 「不問價追」等, 雖然最後都會 DELCARE 這不是投資建議, 但個人黎講我還是不太認同他的做法。

而玩具界壞消息不斷, 尤其是 TOYS R US 美國那邊已經確定要執, 就算有人出手救, 都可以話係吊鹽水。前陣子去了 HMV, 誠品, 三聯等, 都感覺到舊經濟經營十分困難, 如不轉營賣一些其他東西, 單靠CD, DVD, BR, 書等根本難以生存。

回看彩星玩具的業績, 收入減少兩成三, 主要因為最大市場美國收入大幅減少, 溢利減少五成, 股息 0.06 VS 上年 0.1, 剩下的亮點是每股帳面資產淨值約9毫子, 也不算是大折讓。在加息周期下, 彩星作為收息股又不算出色, 唯一寄望的就是VELTRON 可以帶領彩星玩具起死回生, 可惜年報還未出, 很多詳細的資料也沒有。

個人黎講會選擇同彩星分手, 為左5%息的話我買匯豐好過, 為增長的話我也看不到未來有什麼增長空間, 今次算是買個教訓。


【名家搶先睇】瘋狂撈彩星玩具（孫柏文） 2017-02-17
金手指：死不轉軚睇好彩星 2017-05-23
【名家搶先睇】彩星玩具的盈警（孫柏文）2017-05-23
[蘋果日報][孫柏文] 金手指：彩星玩具有前景 2017-08-29
玩具反斗城關閉所有在美商店 2018-03-15

三月份的業績期

三月份太多業績, 各大 BLOGGER 已非常快速地出晒POST 分析, 我簡單講一下對自己持股既想法


太古B - 正面, 基本上我也不會再太細看, 航空業務我還是看好的, 不過越來越多競爭者既情況下, 我也不期望能回到國泰的黃金時代, 唔蝕大錢已經好好。海洋業務基本上沒起息。整個太古還是單天保至尊靠太古地產。
股價還是一大折讓, 自己對太古的估值還是 18元左右。

電能 - 短炒特別息, 特別息派6蚊!

東方海外 - 短炒, 無消息 :(

龍記 - 非常正面, 亮麗的業績加上良好的派息紀錄, 今年又派特別息與股民同樂, 加上 DAVID WEBB 的5% 持股, 令人十分放心。

匯賢 - 普通, 沒什麼好說, 就是貪8% 息。

廖創興企業 - 正面, 亮麗的業績但係唔加派息。

彩星玩具 - 負面, 美國的 toy's r us 都執笠, 不過呢間公司財務上健康, 希望頂得住。

Amazing People...

因工作關係, 二當家在一些不同的場合會跟一些不同地方的同事有機會交流一下。通常大部份打工者既心態都係「維威喂」, 但當中都見到有D 好 AMAZING 既人....

1. 有個同事個肚明明已經老連咁大, 但因為一個一年一度既展覽, 佢為左要去個展覽(主動要求)竟然去請求醫生寫張證明俾佢上機, 在家庭角度我覺得好不負責任, 但我又好佩服佢呢種事業心
   
2. 又有個同事, 為左一個 INTERVIEW, 竟然自己買左機票黎香港見工, 講真, 見完工無話包請, 但係當你有個 candidate 千里迢迢咁飛過黎見工, 個 interviewer 都咪話唔感動。
   
3. 最近又識一個同事, 本身relocate 左係上海, 但因為個囡既學業, 佢地決家 SEND 番個囡去新加坡讀書, 而個老公就跟個囡番去新加坡, 自己因為工作關係就繼續留係上海, 以佢既資歷, 番去新加坡公司一定會幫佢安排, 但因為佢有一班客係上海同想見證上海既成長, 佢決定留低。而佢點樣同個囡維繫感情呢? 原來佢同老闆講左每個星期五都飛番去新加坡同個囡食飯, 留到星期一至番上海, 係咁來回一次都無左10幾個鐘..........

打工仔想成功, 某程度上取決於你既事業心有幾重 (又或者願意犧牲幾多)。當今時今日大家都講 WORK/LIFE BALANCE, 想像一下你能為你既家庭同事業付出多少?

投資組合 2018/02/28

Stock	Name	Ratio	Buy Price	Market	Delta%	REMARKS
0087	太古B	24%	12.28	13.58	11%
0006	電能	18%	66.80	66.55	0%	等3 月, 期待特別息
0316	東方海外	13%	74.29	73.10	-2%	等全購, TARGET 6~7% RETURN
0255	龍記	8%	3.66	3.67	0%
87001	匯賢	6%	3.25	3.22	-1%
0194	廖創興企業	5%	13.46	12.88	-4%
1132	橙天嘉禾	4%	0.85	0.68	-20%	收左特別息
1686	新意網	2%	5.94	5.12	-14%	高位接貨, 轉主版後無動作, 失敗!
0869	彩星玩具	2%	1.14	1.23	8%
3389	亨得利	1%	0.38	0.40	4%
	Cash	18%

二月份有幾個大動作

賣出:
把 REIT 賣出, 越房, 冠君, 朗庭, 減持匯賢
- 越房: 其實表現不錯, 由4.2 持有至今, 今年派息略略減少, 息率約在 6.4%。但因新收購的武漢越秀財富中心有未明確的地方 (出租率只有51%), 先行獲利
- 冠君: 定價太高, 無人出標, 加上大陸收水, 走
- 朗庭: 表現麻麻, 走
把亙太全清, 增加現金

買入:
新意網: 失敗, 高位接貨, 諗住轉主版後有好消息, 無功而回。
電能: 博特別息, 短線, 3 月出業績

現階段市面上無乜邊隻股係特別抵, 主力都係低線博 東方海外既全面收購同電能既特別息

YTD 回報連股息約 3.14%

新居屋家庭入息上限增至 $57,000

新一期居屋設在長沙灣, 啟德, 東涌, 身邊朋友即刻起哄仲熱衷過新年金多寶, 個個都問對方「你抽唔抽? / 一定狗衝啦 」可惜二當家計計數, 資產唔過, 不同入息加埋大當家果份就過左了。由於我地兩個都係做大公司, 根本上無辦法做到數, 可以話基本完全無希望!

睇番D 文件至知, 原來白表基本上一般都可以做到 9 成按, 就算500萬樓上既樓都可以。呢個係咩玩法呢??? 即刻話你合資格的話, 可以用少D 首期, 同埋分分鐘免壓測咁幫你上會....政府唔係話怕有信貸風險架咩?

有時人生真係好撚灰, 我有個 FD 係隱青, 無做野無收入上樓既機會仲大過我, 至少仍然可以申請綠表, 又可以加埋父母用白表申請核心家庭, 甚至排到長者條優先隊伍。你問我「向上流」既動力仲有幾多, 我呢一刻真係寧願「向下流」, 至少可以買個機會。

1. 如果買層 480萬既樓, 2成首期都講緊96萬, 加埋印花稅3% 14萬, 仲要計埋按保, 計埋佣金球幾野一定無走雞。
2. 用白表買新居屋, 480萬既樓 48萬, 加埋印花稅3% 14萬, 我拎住一球都仲有幾廿萬裝修, 我覺得合理好多囉。

政府黎緊會唔會放寬樓按? GOD KNOWS...........放都未必係好事, 分分鐘D 樓仲爆升。 望自己中六合彩好過。

黎緊一年, 二當家都想自己有多D 「正能量」, 可惜夾著係夾心階層, 今時今日真係兩頭唔到岸。

至於 $57000 既家庭入息上限同埋 $1.96M 既資產上限係點黎, 可以睇下上年既計算方式.........

冠君: 暫不會就放售朗豪坊辦公室大樓作推廣

連最後既賣點都無乜, 當其他 REIT 都有 6 厘果陣, 冠君仲值唔值 4 厘呢?

冠君最後既 DPU 係 0.2426, 跌穿5蚊指日可待...