又到交稅的時侯...

又到年尾, 二當家係家中的財務大臣, 負責分配免稅額等既工作, 由於無資產, 無生意, 得單一項薪俸稅所以計起上黎好易。平時報稅之前都已經計好左個預計交幾多稅, 點知今年一收份表, E....要交多倍幾稅既。細看之下就發現父母免稅到少左一半, 隨即引來無限遐想 「莫非稅局知道我地唔係同父母同住」......


之後二當家即刻打俾各家庭成員問報稅及評稅結果是否更之前討論的一樣, 如果大家無報錯的話就要打俾稅局去查問。最後發現原來是大當家報稅漏填左同住呢一項, 呢件睇落係好似係好小既事, 但我都深信有一部份既人連睇都唔睇就照交稅, 人無可避免地要有基本的財務知識及對數字的敏感, 假若什麼都不理的話蝕抵的一定是自己。




又話說係某個好近地鐘站既公屋, 有一次撞到一個親戚, 該名親戚年少時好唔鐘意讀書貪玩鐘意出去蒲, 大左出黎考個車牌交下貨咁, 唔知幾時開始佢抽公屋仲上埋樓, 公屋既租金幾平就大家都知, 我同另一家人(收入叫較高)望門輕嘆:「我地呢D 唔上唔落, 稅就有得你交, 屋就無我你抽, 見到人地安居樂業, 而自己就挨貴租」, 盡顯葡萄之心.....難怪宜家既人一到18歲就排公屋。

二當家並非不同意政府應該把財富才分配及幫助有需要人士, 只是今時今日既癲價樓實在非一般人能負擔。