清明十日假

投資無乜好講, 吹下水先


早前請三放十, 係清明期間放左10日假, 因為大當家無假既關係, 今次二當家留港消費。二當家自己都想抖下, 3月中開始有兩個TRIP, 累得要死, 雖然自己已經唔係飛得多, 但可能真係除左年齡既增長想飛少D。

留港期間玩番隻 GTA V, 已經係打第三次, 呢隻GAME 不愧係神作, 真係玩既都唔厭, 主線打到咁上下又周圍做下無聊野, 行下上山, 跳下傘, 楂車遊下車河。對唔多打機既大當家黎講梗係覺得我好無聊, 一隻 GAME 玩幾次, 但對我黎講, 打機就係逃避現實既好方法, 有D 野現實中得唔到, 咪打機滿足下自己囉, 最緊要唔好沉迷。另外之前買果幾隻 GAME 都未開波, 成日貪平買左先, 之後成年都未開始到隻 GAME, 呢樣野真係要戒。(買左 NIER, SKYRIM, LAST OF US, UNCHARTED 4)

另外, 係放假期間煲番 OSCAR 既電影, 睇左 THREE BILLBOARDS, PHANTOM THREAD, CALL ME BY YOUR NAME, LADY BIRD, 下套係拎獎既 THE SHAPE OF WATER, 至於 DUNKIRK, THE POST, DARKEST HOUR 唔係我自己杯茶, 所以慢慢排下隊先。自己暫時最愛 THREE BILLBOARDS, 因為戲入面既 MESSAGE 好適合今日既香港, 我自己對香港人既評價係 TOO SENSITIVE, TOO STRESSFUL, TOO PROTECTIVE, 每個人都好容易就 EXPRESS 自己既負面情緒, 而好不幸地二當家慢慢都變成佢地既一份子。要改變成個社會氣氛好難, 而我唯有迫自己多D 笑容, 講多幾句「唔該, 多謝」等, 希望大家既日子好過D。

尋日香港又有金像獎, 我承認我係有少少睇輕香港電影, 因為有時D 提名名單係幾離譜, 例如歐鎧淳可以提名最佳新演員我真係覺得有少少夾硬 (咁佢又係新人, 又真係有份出現既戲入面既...)。同埋之前拎獎既電影都係偏向文藝片多D, 尤其某好幾位導演既戲, 一係就好悶, 一係就太SELL 明星, 始終少左陣「戲」味。今年香港電影我只係睇左 <29+1>, <空手道>  同 <春嬌救志明>, 想睇既有<大樂師> 同 <黃金花>。