前文: 多得政府既「大腸癌篩查計劃」, 繼我老豆後, 我外父被診斷為患上初期大腸癌。佢今日被 轉介做另一個測試 (PET-CT), 要下星期至收到報告。
報告已經出左, 一開始醫院話係初期, 但做完 PET-CT 之後, 發現外父個肝都有一細點既反應, 醫生有輕輕講過即係癌症第四期。其實二當家都唔知點期數係點分, 番屋企上網查下, 原來只要癌細胞抗散到另一個器官就已經叫左第四期 (見下圖)。
大當家呢幾日都陪外父睇醫生, 根據大當家朋友意見, 建議見多過一個私家醫生, 聽多D 唔同既意見再下判決, 好似外父呢個案例, 兩個唔同既私家醫生已經有唔同既建議
醫生1: 唔建議同時做肝同大腸既手術, 因為價錢係會多過兩倍, 原因係兩個唔同範疇, 要有不同既醫生在場, 再加上手術房既要求會再大D , 最後出黎個價錢應該會超過30萬。醫生建議先做大腸微創 (15~16萬), 再轉介去政府睇肝。
醫生2: 建議一次過做晒兩邊既手術, 無後顧之休
其實無話邊個O岩邊個唔O岩, 大家既看法有所不同
其實二當家係想叫外父睇埋政府醫生先, 十幾萬話多唔多, 話少唔少, 外父又無收入, 慳得就慳。不過外父係一個超心急既人, 基本上今日見醫生, 聽日佢已經話要手術。加上我所有資料都係聽大當家轉述, 無聽到醫生既解釋。究竟有幾急切呢? 係唔係一星期都唔等得呢?
當然, 二當家不便多言, 始終呢個係別人的爸既問題, 可以做既, 就係心靈同行動上支持大當家。
小弟不是專家，路過9up幾句。醫生1的建議比較好。
ReplyDelete西醫都係分開兩個器官去醫，兩邊要一齊做咪將簡單事複雜化。
謝謝外星人兄，暫時先做左大腸，等化驗出左再做打算。所以有事真係要聽多幾個醫生意見。
Delete二當家，以我既認知，第四期即係末期癌症，因為已經發生轉移嘞！當務之急係問下醫生做手術後病人會唔會生不如死，因為擴散左，難聽d講已經叫做無得根治⋯⋯反正要同癌細胞共存，如果手術後病人乜野都食唔到，會更加消磨病人既生存意志，要認真考慮係咪做，尤其是擴散入肝⋯以前見一個例子係做完治療後兩年bye bye，所以如果搞到病人太辛苦就無謂。
ReplyDeleteJune師姐，醫生說暫時肉眼睇似第一期，可能係兩個源頭。詳細結果要化驗後再可確定，可以的話都唔想做化療。
Delete係第一期就太好嘞，有得醫。祝早日康復。
Delete我有親戚在港check到有事, 返咗去荷蘭醫, 醫生叫佢先醫大腸後醫肝, 但大腸沒醫好就過身啦 !
ReplyDelete人生自古誰無死。絕症臨頭，應好好回首人生，在剩低嘅日子活得有尊嚴，完成未完事。但好多人總是被醫得半死不活，在各種名目治療上不斷失敗，不斷失望，耗費一生積蓄之餘，重創心靈。除了生理問題，其實心理安慰和治療更重要，可以減少絕症引起嘅抑鬱，助病人走得安心。
ReplyDelete二當家，以上狗up說話說多了，請多見諒。
謝謝Class兄，醫唔醫係自已決定，我自已都偏向舒舒服服走過一生。
Delete