悠長嘅假期 - SNOWBOARDING

網上圖片, 非本人, 我都想滑到咁叻

二當家喺新年前開始放咗個悠長嘅假期， 歷時差不多三星期, 而今次假期嘅重點係一年一度嘅滑雪, 二當家已經係連續四年玩滑雪snowboard呢樣活動 😎

滑雪同潛水, 呢兩樣活動被畀二當家師為最「燒錢」嘅兩樣活動。因為呢兩樣活動好多時候都要去海外玩, 而且裝備都唔平, 雖然係可以租人哋嘅裝備, 但就算租都唔平, 以今次租滑雪板為例, 租一套滑雪板 (鞋+BLINDING+板) 約二百蚊一日 (睇地方), 如果要租其它野如滑雪衫, 頭盔等仲要另計, 所有如果全租的話都唔算非常便宜。而且點解要玩滑雪板而唔玩 SKI, 就係為左個「型」字 😝, 所以外觀上既野二當家係非常建議自行購入, 包括頭盔同 GOGGLE (護目鏡). 

由於香港冇落雪, 所以要玩一係玩大陸, 一係近近地去日本韓國, 而二當家過住呢四年嘅滑雪經驗裏面, 基本上我同班朋友都係只會揀日本嘅滑雪場, 因為無論機票, 酒店, 食物, 人嘅態度, 等等都一定唔會失望。

玩滑雪板, 要玩就要襯後生, 因為真係極容易受傷。每年我地都會見到人係打晒石膏咁走, 所以不論係初學定高手, 二當家都建議購買足夠嘅保護裝置。最基本嘅裝備係一條有保護墊嘅褲, 護膝, 護手腕以及頭盔。 

snowboard係一樣難 學易精嘅運動， 因為好講求膽量同平衡力 一開始學兩個基本動作 hill side,  toe side ，再來就係 falling leaf,  C turn, J turn 大 S turn,  細S turn, 但其實所有動作都係由最初兩組基本動作組合而成，學成左呢D 基本動作後就係練膽量, 要係40幾度既斜面到衝落黎, 仲要避開一個又一個既凹凹凸凸既小冰山 (俗稱饅頭) 真係小D心血同反應慢D 都唔掂。

係呢個假期入面, 二當家完全放下晒所以同投資有關既野, 包括無追 BLOG, 無睇投資 GROUP 既 WHATSAPP, 所以宜家要慢慢進番晒D 進度, 粗略估計以老闆 GROUP 一日500條 MSG 咁計, 兩個星期成 7000條 WHATSAPP 未睇呀................追番晒之後就會繼續出文。