Thursday, April 8, 2021

談「優勢」



信報 英眼狙擊 輸得起才落注 以耐性博回報
Bill Hwang Had $20 Billion, Then Lost It All in Two Days

最近黃國英又被訪問,  雖然黃國英係串串貢, 但二當家覺得佢講野都老實, 至少感覺到佢係由心出發。今次個訪問到, 二當家又係個訪問到學到野。

黃國英將 Bill Hwang 同漫畫/動畫/電視劇 <狂賭之淵> 拉埋一齊黎講, 談到「優勢」呢件事。就 Bill Hwang 黎講, 他絕對有資金上優勢, 根本唔駛槓到咁盡 , 令到自己無得翻身。同樣, 有D 人係有時間優勢, 即係可以坐股票或者挨價。知道自己既優勢再配合上對認既行動才是投資既上策。

有資金優勢既, 可以控制注碼拉長戰線。作為老散, 優勢當然係轉身快, 無跑業續既負擔。但係老散既劣勢亦非常多, 例如資訊既不對稱, 未必個個都係全職睇市, 資金限制, 心理質素等。所有老散(即二當家)係市場上輸多贏少。 當然, 有不少散戶係可以贏到市場, 例如幾位 Blogger 本身都係從事會計及分析等行業, 算得上半個行內人, 又或者醉心股票, 可以日睇夜睇股票及新聞, 再加上自身既投資經驗, 轉變成對市場上既感覺 (即盤感)。

黃國英亦講有D人就係鐘意賭運, 賭運唔係問題, 但係要知道自己做緊乜, 要控制注碼及風險。唔好以為有人可以一世好運。他自己都笑說, 好多人成日問佢 Bill Hwang 爆煲後會點, 佢都話自己又唔係先知, 點會知咁多, 今日既金融市場複雜到一個點, 相信無任何一個人可以準備預測到每個事件後, 會發生D 咩既後果, 如果有人可以準確預測, 佢都唔會講俾你聽。

黃國英將投資比喻為籃球賽, 籃球賽每次都係大比數, 可以係險贏, 亦可以係大勝, 但要完封對手就無乜可能。


二當家只係一般既老散, 有份正職, 收入尚可, 亦知道自己興趣並非投資, 所以要找尋一個合適自己既投資方法, 先要搞清楚自己既優勢, 劣勢, 才可搵出致勝之道。


3 comments:

  1. 二當家已經比大多數散戶叻
    你唔會自以為可以打敗大盤
    這種敬畏市場的心態,可以幫你做好風險管理,不會被割韮菜

    ReplyDelete
    Replies
    1. 傻貓姐, 我回顧自己過去5年的投資成績, 大幅輸俾恆指/2800, 何叻之有?
      呢一刻突然諗起「大道至簡」既道理, 可能簡簡單單買指數ETF仲好。

      Delete
    2. 我都有呢種覺悟
      你睇吓過去一年的VTI股價走勢
      原來簡單,就好

      Delete