Wednesday, January 19, 2022

搵錢為左乜? FIRE?




錢呢個問題好似真係講極都講唔完, 尋日同大當家又有枕邊輕談

話說大當家搵左份 Part-time, 一星期番一兩日, 二當家覺得有番少少 social life 都好梗要, 只要唔駛OT, 唔駛太辛苦就OK。因為大當家搞緊單小生意, 佢突然間覺得打工好簡單, 因為無壓力咁賣時間賺錢。

二當家又麻甩佬上身向佢說教, 人搵錢不乎幾個方法賣勞力/時間賺錢, 賣專業賺錢又或靠別人幫我賺錢。二當家可能窮過, 好早就同自己講唔可以窮, 所以亦經常性掛住口邊「貧賤夫妻百事哀」。雖然今時今日香港唔會餓得死人, 但二當家搵錢既目的一直都係想提升生活品質。大當家話, 「你無聽過好多夫妻可以共患難, 唔可以並富貴?」。二當家覺得共患難係好實際既一件事, 而共富貴係一件自我修養既問題, 又或者咁講, 二當家相信我有L排都未到可以稱作「富貴」既地步, 但同一時間我亦唔想去到貧窮線以下, 中間偏上便可。

大當家又問, 「咁你覺得宜家差幾多?」其實如果唔計樓, 二當家覺得收入已經達到我自己心中所想, 我又唔駛開 Bentley, 最多買下D 好少少既傢俬電器, 都係一次性開支。但係資產上就差好遠, 例如樓 – 就唔到自己決定, 全世界都資產升值都癲, 但二當家又唔係係地方住, 只係無擁有權。


FIRE, 我暫時都未諗過, 如果月洗4萬, 用4%法則(annual spendingx25)即要1200萬至達標。連大師都在努力中, 何況二當家。咁搵錢除了提升生活外, 另一個二當家想做既就係成就他人, 當然我並唔係偉人, 比如大當家做緊既小生意, 係有能力底下未俾佢繼續做, 又或者助養個小朋友。 回饋社會呢個慨念其實好緊要, 好可惜整個世界越黎越少人提倡呢個想法, 其實「回饋社會」至係最 organic 既共富方法, 但要達成卻很難, 唯有由小做起, 希望可以感染其他人。

4 comments:

  1. “好可惜整個世界越黎越少人提倡呢個想法, 其實「回饋社會」至係最 organic 既共富方法”
    感謝分享,好同意👍

    ReplyDelete
    Replies
    1. 謝謝留言, 大家都出一分力, 世界便好多一分。

      Delete
  2. ’另一個二當家想做既就係成就他人‘
    說得好,也說到本熊心坎裏👍🏼

    ReplyDelete
    Replies
    1. 本熊兄寫多D文已經幫到好多其他人 XP

      Delete