2022 - 執倉

 

上星期 TSM 終於識升, HIT 到 USD140, 二當家放左 1/3, 升到150會再放多1/3 (平均成本 @113), TSM 係二當家持有得最安心既股票, 一來有飛鳥兄每日 update news, 二黎身在台灣既二當家知道 TSM 同台灣國運及蘋果已經不可分割, 有好多人台灣人都持有或因台積電而發達。講到咁好, 但都要減D, 一黎係 2020 年已經學到一樣野, 周街平貨但滿手股, 二黎TSM並非發夢股, 無期望可以直升到 USD200, Keep 番D core holding 就算。

 

另外二當家清左部份 SG REIT, 2588, 1576, TSA, 加番部份港股, 包括 823, 659, 1883, 700, 9988, 今次執倉令到持股更集中, 主要原因並唔係覺得 REIT 等等唔好, 而係無時間(懶)去睇晒咁多股, 目標係15隻股的話, 每隻around 6~7% of portfolio, SG REIT 希望只留下 P40U (or not), 2588 就平手走, 1576 本身得小量同諗住短hold, TSA 本身得好少, 自己唔係 expert並無研究, 不排除未來會買番。

 

外圍環境, FED 「終於」知道通脹來臨, CPI YOY 7%, 話將會加息+減債, 講真, 大家都已經睇死老美唔會有決心大刀QT, 錢多到咁, 香港分分鐘都唔會跟隨加息, 所以加息會令到樓價跌, I doubt… (1 month HIBOR 0.14714)。但加息會令到「市場先生」更加波動, 至少表象係咁, 到時又有不同籍口 revalue 增長股。講到尾, 最重要都係股市本質, 若然本質係好, 又駛乜怕WO, 希望在明天。

疫情兩周年的反思

Covid: Half of Europe to be infected with Omicron within weeks - WHO - BBC News

Novak Djokovic admits breaking isolation while Covid positive - BBC News

疫情去又來, Omicron 的超強傳染性令到感染人數持續上升, WHO 說未來幾星期, 過半數的歐洲人會受到感染,  病毒也陸續到亞太區。 新年快到, 回台灣過年的人數陸續增加, 海外回來的確診人數也持續增加。久守必失, 最終也會有本地感染例子, 要有Omicron的抗體, 要打 booster, 但每次變種都要打新的 booster 嗎? 還是與病毒共存, 自然增生抗體。

網上KOL很多, 各說各話, Authority 的權威性還不及一個 KOL, WHO 說不應該覺得 Omicron 是 Mild, 因為太多未知因素。但感染過的人說是一般流行性感冒, 你又信誰?

在過去兩年內, 有很多意識型態上都受到衝擊, 例如西方以前代表文明, 但疫情下部份西方人對防疫既慨念與亞洲大為不同令人咋舌。還有個人衛生 VS 公共衛生, 自由 = 有權力決定打疫苗?, 極權 VS 民主 的抗疫之路, 封城 VS 與病毒共存, 太多太多的資訊, 太多太多的衝擊。

二當家身在台灣, 看到香港朋友對防疫及疫情的態度有時真的不解, 完全明白過去幾年的衝擊, 對政府的不信任, 但其實在台灣其實也要Scan QR (安心出行)/簽紙, 二當家亦相信不久後台灣也會限堂食, 甚至封城 again......  這一場漫長的仗, 甚麼時候可以打完.......

2021 - 自我回顧 (下)

 

如果2020年的空白的一年, 2021 應該係珍惜的一年。

年初回台後再度隔離, 無幾耐台灣疫情又封城左幾個月, 年尾又再爆 Omicron。因為有隔離,  lockdown, 疫情, 所以更珍惜自由自在的時間。 雖然二當家也喜歡宅在家, 但沒堂食真的少了很多樂趣。

投資方面, 算係大起大跌既一年,  年中做左2~3次option, 就遇到中慨股事件, 接左一手9988再開, 又接, 即時舉手投降唔玩 option 住。希望無朋友仔因為option 輸身家, 因為如果用無限loop loop loop 大法, 到今時今日都幾大鑊。對二當家而言, 轉捩點係 <二當家的理財日誌: 投資反思 - 信仰就是選擇 (vicemaster2nd.blogspot.com)> 呢篇文章, 無人可以全嬴, 選擇自己的信仰, 勁人谷內 Share 既一張圖, It's about time in the market, not timing. Keep 住 Remind 自己。

網上好多 KOL 都會分享持股, 或者Track 住D 自己既股票, 當升 6% 果陣就會 Share 張圖出黎要 Cap 圖留念, 但跌時就無左影, 到有人問, 就話自己已經賣左, 但無責任 share 個 transaction, 亦無叫人跟隊, 遇著呢類 KOL, 以前二當家都會跟車太貼, 到最後怪得誰, 只可怪自己。

Income Statement

主動收入 growth: +10% (加人工)

今年因為有 Bonus 到期, 所以 overall 至 Hit 到10%。上年公司凍薪, 今年則加薪 6%。老實講, 公司算對我不錯, Bonus 計, 未來3年都有 bonus 到期, 每年都收到 15~20% 既年薪, 高峰係 2024年, 會收到 40%。當然, 要每年收入都 double digit growth 係無可能, 但如果我有 next move, Career 上可以算是到頂峰, 之後就係要學做個老屎忽。

總支出: +5%

一般洗費: +17%
信用咭: -38%
家用: +6% 
租金: +9% (2020年R 左減租一年, 2021年業主調回原本租金)
其他: +91% (非經常性洗費, 包括上堂, 國內旅行等)

家用同租金加埋已經佔左六成支出, 如果扣除上年減租果部份, 今年無重大支出增加。

個人資產總收入

Asset +5%

NAV+17% (主要增長動力為"主動收入增加">"支出增加", 投資則持平)

Debt / Asset:  1.65

<前人種樹>系列 2022 年就到期, 如果家人要換樓就要資金周轉。

Profit Margin (net profit / total income): 32% (上年 29%)
每搵100蚊, 可以儲到32蚊, 入息還是高於支出。
自己 Set 既 Target 係 35%, 其實今年要達成唔難, 但年底自己又學野, 買野又鬆左手😜。 

Profit Growth (YTY) +20%
睇番record, 原來自己儲錢既能力比5年前已經增加左一倍, 收入增加左1.7倍。要好好把握男人既黃金時間, 當第一事業達標及有穩定收入及資產後, 再開創自己既第二事業。

 

投資組合

 組合方面, ~50% 係股票, 其他定息資產

	% of Portfolio	Performance
Stock	49%	-10%
SG REIT	12%	15%
Preferred Stock	10%	1%
Cash	10%	0%
CEF	7%	-3%
BOND	6%	22%
ETF	5%	-24%
REIT	1%	0%

表現最好為債券, MNK既破產申請, AMC 債券既 rebound 令到債劵表現良好。另外3只 GEO, ENVA, DISH 都係 par value 附近。

最差為 ETF, 因為 3033 同 MCHI (-33% each)。

Top 10 Holdings

	% of Portfolio	Performance	*Div%
TSM	9%	6%	1.3%
700	6%	-5%
9988	6%	-45%
697	4%	-28%	6.2%
2318	4%	-2%	1.9%
P40U	3%	28%	6.0%
1883	3%	3%	8.2%
FFC	3%	-7%	7.0%
PDI	3%	-1%	10.2%
659	3%	-2%	4.1%
Others	47%
Cash	9.50%

*Div% 是實際年內收到的利息 / Open Holdings

Top 10 有大量中慨股, 當中沒有收到 9988 / 700 並沒股息 (700年中購買, 年底公佈分派京東)。

YTD 的表現為 0.8%, 主要為股息+3.2%/利息+0.4%/已實現盈虧 +2%, 抵銷了「未實現盈虧」的損失 -4.7%。 

Beginning of the year	100%
Dividend	3.2%
Interest	0.4%
Realized	2.0%
Unrealized	-4.7%
End of the year	100.8%

回想自己的 EDGE, 自己最大的優勢為主要收入增長, 未來希望加快累積資產, 邊儲邊學, 雖然2022年可能會有資金壓力, 但見步行步。 知道自己有機會番香港, 望下香港樓價, 嘩, 宜家8球至買到兩房, 如果阿林太真係玩埋「漸進式按揭」, 香港樓價真係可以再下一成。用人工追樓價很蠢, 但二當家自問無能力係股票市場中覺得可以賺到首期。 樓價問題, 已經唔係年輕人既問題, 甚至已經去到中佬既問題 (因為年輕人都變做中佬)。

2021 - 自我回顧 (上)

首先恭喜風兄出新書, 祝一紙風行!!!

疫情

疫情咁快又一年, 上年回港居家隔離14日, 但今年再番香港的話要酒店隔離21天 (已經唔知14定21), 二當家實在頂唔到酒店隔14/21日, 再加上有公事, 所以今年無打算再番香港。疫情真係好折磨人, 相信大家已經慣左出街載口罩,  但無得飛呢下我想好多香港人都快被困瘋。年尾又整隻 Omicon,  所有野又好似從新黎過咁, 部份地方又開始旅行禁令, 打加強針, 沒完沒了, 雖然一開始就知道今次呢隻病毒既厲害之處, 但沒想到呢場科技對病毒既戰爭可以打咁耐。

經濟

「通賬來了」 -  應該係近呢幾個月最熱會既話題, 供應鏈失衡, 人工又貴, 反全球化又開始, 資金又多, X咁多個原因, 昨晚 FED 又出左聲, 減買債加息 (聽住先), 我覺得其中一個中國同老美最唔同既地方, 老美將股市表現同政治表現劃上等號, 而中國既羽白大大就打死晒中慨股, 不論內房, 高科技股, 教育等等都無人幸免, 再加上老美既制裁清單, 尋日D生物科技, 藥物股都死埋。

香港 - 货币供应量M2 | 1969-2021 数据 | 2022-2023 预测 (tradingeconomics.com)

但睇 HKMA 既M2, 到十月為止都好正路, 無大增, 亦無大跌, 咁宜家開緊邊瓣, 真係估唔到。另一方面, 內房債正式違約, 外債死先, 定內債死先, 其他中企要再集資又會點, 無數個問號。當然, 成熟既投資者可以從認購率, YTM 等大慨知道資金既想法, 但二當家覺得, 天下無樂土, 美市 overpriced, 港股就政治因素, Hold cash 就等被通脹蠶食, 誰是韭菜? 定還是我們都是韭菜?

政治

Joe Biden 上台果陣, 個個都話佢係 China Joe, 係親中派, 但兩國關係又好似無咁好。 那邊廂要抵制中國冬奧, 但法國/意大利又唔跟隊, 五眼有五眼玩, 歐洲又出另一套套路。德國 Merkel 終於落台, 未來德國既政治路向又會否改變呢?

工作

在台灣的工作邁向第三年, 一切都順利。在5月~8月, 台灣的疫情突然爆發, 由於當時的疫苗接種率低, 殺到各行各業一個措手不及。公司隨即啟動緊急方案應對, 由於已經有了2020各國疫情的經驗, 公司內部尚算順利, 而二當家都係呢段時間第一次 WFH。二當家對在家工作的態度係半正面半負面, 正面當然係無野做果陣所以做下自己野, 打下機, 睇下電視。負面就係每日都差唔多, 同大當家朝見口晚見面, 困係屋企到悶到發癲。 到8月中大家都 back to normal, 突然又喜愛番上班😄。

年底時收到老闆個 call, 話可能有個位, 對我黎講係 good move, 二當家自認「豬頭骨」命, 別人唔要既野我就係執, 台灣呢個 position 係咁, next move 都可能係咁。但一切都未定落黎, 如果成真, career 真係行快3~7年, 正式去到唔駛再向上博既地步 (因為我對權力不戀棧), 雖然宜家係咁講, 但二當家其實都真係一個好怕悶既野, 到時個心態又可能再變。

 

小生意

二當家個小Project已經被打靶, 因為個客已經搵到個 solution 而且仲平一大截, 二當家就算做都係執雞碎咁多, 無謂玩落去。但二當家無放棄 2nd career 既想法,但呢一刻真係無 idea, 唯有先 focus 做打工仔。

反而大當家好積極做佢單小網店, 可能佢都悶得太耐。 一做生意, 仲有係 one man band, 果種辛苦二當家當然明, 所以家裡既事二當家都幫得就幫。生意額就.....唔好提, 始終 startup 最難挨就係初出道果陣, 大當家既然佢有團火, 二當家都會支持佢。如果番香港會點? 到時再算啦。

健康/人生大事

身體上無大問題, 行得走得, 人生就快走到四張, 事業上已經差不多達到自己目標, 現在尋找緊下個目標。 如果用擁有自住樓+穩定現金流當作財自既標準, 咁 FIRE 對我黎講仲差十萬八年里, 在未來十年二當家能否達標呢? 

興趣

上年說要學鋼琴, 但最後放棄了。但我重新去學習一種曾經玩過既學器, 尋回玩音樂的樂趣。

先說說為什麼放棄, 其實二當家係個乜都想學既野, 但係「周身刀冇張利」, 不如深造番自己本身有玩開既樂器。除左音樂, 今年仲做左好多新既嘗試, 學左潛水, 又學品酒, 算係非常充實既一年。

樓&錢

這方面有點隨遇而安, 但應該不會買台灣樓, 原因好簡單, 台北買唔起, 新北亦唔平, 再遠D 唔熟。又再者, 拎唔到台灣身份證, 未來有機會番香港, 各種因素都令我無買樓既意慾。

至於香港樓, 真係番香港至算, 無香港收入, 想買都做唔到 mortgage。至於錢, 增長緩慢, 港股食左屎,  手上既阿里累跌4成, 仲未計小量內房。另外之前都有提到, 香港既家人想換樓, 要預備定還番份按揭, 暫時都仲可以拖幾個月, 但如果真係要變現, D 股就要賤價而沽。 

雜談 - 妒忌心與自卑感

廢文

二當家近期情緒又有D 起伏, 原因係乜, 我自己都唔知, 可能係 Home sick, 可能係未來有機會轉變既 uncertainty 刺激到自己, 亦可能係自己既妒忌心發作, 自己同自己既內心交戰。

 

細細個阿媽就教「人比人, 比死人」。但要做到呢樣野, 講時容易做事難, 尤其 social media 將人同人既距離拉近。二當家以前係大西北人, 好多同學都係公屋仔, 居屋仔, 住私苑果D已經叫有錢人。細個果陣, 未被世界同化, 唔會覺得品牌係咩, 去到某個位, 個個都著 nike 波鞋, Boy London 手錶, 至知原來物質會拉遠人既距離。

 

二當家屋企唔係有錢, 中三四已經出黎做 part time, 麥記, 百佳, 馬會, 跟車, 補習 通通到做過, 時薪由 HK$20 > HK$45 > HK$100。 好記得自己做麥記果陣, 時薪都唔夠食個餐, 果下係我第一次意識到自己真係好X 窮既事實。

 

到大個少少, 有次要頂人地更去到銅鑼灣幫人補習, 見到個個D 「小朋友」都已經名牌上身, 人地打 hockey, rugby, 我仲停留梗係街邊猜枱(乒乓球)果個時間。去到大學就梗加唔緊講, 二當家邊讀邊打工邊搵生活費, 屋企都幫唔到咁多, 身邊既朋友有D 真係可以好有錢, 亦有D係一般般既, 但講到窮, 應該都係以我為首。

 

Social Class 呢樣野好奇妙, 大家都窮果陣係無野, 一大班人只有一兩個有錢而其他人窮都無野, 但當個個有錢得你窮, 呢下就好慘。唔知大家有冇睇「寄生上流」, 果種心境真係O係底下階層打滾過既人至會明。例如, 有D人話我屋企都唔係好有錢, 但可能中學就已經過左外國讀書。而去「外國讀書」呢個 option 從來都無出現過係我本字典到。

 

到出黎做野, 發現個個都係家山有福, 屋企有層樓留左俾佢地結婚, 又或者幫手出左首期。二當家當然知道社會上仲有好多底下階層, 但二當家一直往上爬, 去到另一個 social class, 就會發覺, 原來自己係幾咁井底。又或者大家可以睇下Netflix 一套叫 Bling Empire, 果種有錢同洗錢既方法大家都覺得係荒謬, 聞所未聞。而二當家每上一個 social class 其實就會有類似既衝擊。

 

好多人都講 FIRE, 目的都係為左每個月唔駛做有幾皮野生活費, 但當你FIRE果陣, 又發現有班人由畢業到宜家都唔駛點奮鬥, 又或者可能有無限資金追夢。呢種自卑感其實係成長過程中老是常出現, 果種 dissatisfaction 就係來自於自卑, 呢種自卑感可以轉化做動力 (亦即二當家點解想向上爬), 又可以成為壓力。

要靠搵幾多去證明自己既價值係好蠢既方法, 但呢種妒忌心其實又係與生俱來既情感, 就好似兩個小朋友但得到一個玩具, 天生大部份小朋友就唔識分享, 見到人有我無就會發老四, 大部人都係後天修正自己既思想及行為。但就算係成年人, 其實現實中呢種妒忌心還是每天都存在, 例如如果你知你同事搵得多過你, 你都可能會唔滿意, 大家做一樣既工作, 點解佢可以搵多我成倍。

 點樣 Manage 呢種心態亦係人生既課題, 二當家明顯修為未到, 但人就係咁, 不同既情緒一直圍繞著自己, 只能繼續修為。