Ben Sir 睇樓團 + 出 Trip

大當家近日竟然沉迷睇 BEN SIR 睇樓團, 大台既節目真係有慣式收視。

話說二當家都有睇 BEN SIR 學堂, 覺得教中文/廣通話好「盞鬼」。但對介紹海外樓盤就真係不敢恭維。首先如果剩係比較面積同尺價, 全世界差不多任何一個地方都平過香港, 問題係買黎自住既話, 首先要知道生活文化上的差異, 而個節目好似無乜著墨係呢點到。

而如果買黎投資的話, 要考慮的野就相對少, 例如回報率, 地點, 風險等。用咁風趣幽默既方法去介紹海外樓盤的而且確好易吸引到一般市民大眾, 但當中既隱藏既風險又有幾多人知。

BEN SIR由中文KOL 轉型為投資KOL, 投資係咪好成功我唔敢講, 但至少吸引到唔少人追看, 事業如日方中, 繼續吸金。

今時今日, 樓同股票已經係每個香港人生活既一部份, 當J5台都改名做財經台, 打開電視來來去去都係講旅遊/食/樓/投資, 我為一個咁單一既價值觀既社會而感到悲哀。記得之前睇電視見到一個日本鍛劍師父窮一生就係想做一把好既劍, 而個主持問佢覺得鍛劍最重要既係D咩果陣, 個匠人答佢「Dignity」。係香港.. Dignity 值幾多個錢?

上星期又出 TRIP, 二當家畢業時很渴望那些可以出TRIP的人, 覺得公司出錢俾你周圍飛包食包住好爽YY。但年紀越大就越對出TRIP既興趣減少, 因為出TRIP通常都係WEEKDAY, 就算STAY BEHIND 都係得一兩日, 你想去遠少少都唔得。再加上二當家對購物既慾望好低, 反而想周圍睇下山睇下水, 而呢D效區都唔會近得去邊, 唔駛旨意放工會去到。

而最令二當家反感既一定係浪費時間, 去一轉上海咁計, 由出門口開始計好彩既6個鐘內到達目的地, 唔好彩 DELAY 既2X 個鐘都未去到目的地。當人在海外, 好多時就對香港發生既事遲鈍左, 包括個股市。所以對我而言穩陣係最重要, 日日10幾%上落既股仔真係玩唔起。