中秋佳節前的大奇蹟日
首先二當家恭祝各位, 中秋節快樂, 人月兩團圓。
上星期五港匯急升, 升勢係急到離奇, 市場上有好多不同的猜測, 有人話 CARRY TRADE 停止, 有人話係淡倉平倉, 有人話係預期加息, 有人話係外資買港股, 有人話銀行預備 FPS, 有人話係 FAT FINGER。 我諗除非真係業內人仕, 否則一般投資者難以理解真係既原因。 雖然如此, 二當家對呢類咁大幅度既升跌都好有戒心, 而且今次係匯市, 影響比股市更深, 尤其係公假前, 最怕有大鱷黎搵食。
黎緊又議息, 新聞話美國9成都會加息, 而香港好有機會第一次加息, 不過就算加到 2 厘, 感覺上大家都不痛不癢, 上網睇D 人講都係話供多幾千蚊, 又唔係供唔起。二當家就怕有部份人習慣左零息年代, 如二當家自己, 出黎做野開始就已經係零息, 未試過加息/高息時還款既痛苦。加息既速度有幾快? 宜家大家都係諗緊每次25點子, 一年4次, 但意外既野好難講, 尤其係美國換左 TRUMP TRUMP, 貿易戰會否令到通脹加快? 通脹加快會否又令到加息加快? 學曹仁超話齋「木宰羊」, 唯一肯定既係利息已轉勢, 過去十年行得通既野, 明日仲行唔行得通呢?
特帝支持度回升，證明選民認可他9月中做的一些事。小弟亂估選民認可的是特帝在中期選舉前將貿易戰戰火控制在可以接受的10%關稅範圍，即是通脹在本年度不會惡化。特帝放風又來特金會，似乎中美貿易戰應該不會在中期選舉前升級。所以，港匯與股市的反應未必只是純粹挾淡倉，而是反影特帝修正中美貿易戰方向。
ReplyDeletehttps://realclearpolitics.com/epolls/other/president_trump_job_approval-6179.html
謝謝三人行兄的留言。二當家對政治/經濟都無深厚認識, 都係鳩估。
Delete如果TRUMP TRUMP 諗住打場貿易戰就可以扭轉貿易逆差就真係非常天真, 我深信佢底子裡仲有好多原因, 但由佢當選, 組內閣再不斷更換班底, 感覺上佢都係「一言堂」, AMERICA FIRST, 有幾多成係真呢? 我覺得似係 TRUMP TRUMP FIRST 多D。
「通脹在本年度不會惡化」同意, 但當來臨時我想TRUMP TRUMP 都無能力控制, 我成日覺得佢係出賣緊美國人利益,宜家俾住粒糖你先, 其他野慢慢至算。